A Quenlla é un grupo galego fundado no ano 1984. Á formación inicial, de só tres persoas, fóronse sumando distintos músicos, até acadar a decena no momento actual.
As letras da Quenlla baséanse en dúas fontes: a música tradicional e os escritores galegos. Sendo moi numerosas na súa discografía as adaptacións de diferentes poemas de Celso Emilio Ferreiro, Manuel María, etc. Así como a inclusión nos discos de textos recitados.
Outra característica do grupo é unha certa tendencia a facer discos temáticos, como xeito de incidir nunha determinada mensaxe.
Como por exemplo, o tema:
Namórate da vida, un canto contra os perigos da droga (este disco foi feito en colaboración coa Federación Galega de Asociacións de Axuda ó Drogodependente).