Prosjektplan 2MK1 • MUSIKALEN 2017 - “ The Cream of Soul”
Prosjektplan 2MK1 • MUSIKALEN 2017
THE CREAM OF SOUL 3. januar - 9. mars 2016
* bilete frå 2016-musikalen, Goodbye Yellow Brick Road (foto: Malin Nordby Kvamme)
«Ambisjonane er å gi god og spanande informasjon til lokalsamfunnet, bidra til å gi publikum ei kjempeoppleving, og gi musikklinja eit minne for livet» Prosjektskildring Kvart år arrangerer musikklinja og medielinja ved Volda vidaregåande skule ei musikalframsyning. Prosjektet har høg prestisje med store forventningar, og gir eit stort utbyte både fagleg og sosialt.
Prosjektplan 2MK1 • MUSIKALEN 2017 - “ The Cream of Soul”
To siste åra har me slått på stortromma i samband med to ulike jubileum. I år vert det ei litt anna markering: Det er siste året MK deltek i prosjektet som yrkesretta utdanningsprogram. Me veit endå ikkje heilt kva konsekvensane vert når me til neste års musikal ikkje har like mykje timar og ressursar knytt til prosjektet. Så for motivasjonen si skuld: Tenk gjerne at dette er siste sjanse til å verkeleg vise kva MK er god for! Målet med kvar musikal er uansett å skape eit fyrverkeri av eit show der vi viser publikum korleis Volda vgs stadig hevar lista og utviklar musikalkonseptet. I år vert det dessutan framsyningar både i Ørsta og Fosnavåg. Medielinja sin jobb er å produsere ei rekkje medieprodukt gjennom ulike mediekanalar både før, under og etter musikalen.
Organisering og oppgåver De vert delt inn i fem grupper med definerte hovudoppgåver. Alle må likevel vere fleksible i si rolle og vere budde på å steppe inn for andre ved sjukdom/fråvær og eventuelle ekstraoppdrag, eller dersom ein ser behov for ei endring av ressursbruken (der ressurs = kvar enkelt elev).
Medieredaksjon Skal lage variert og spennande innhald om årets musikal, for publisering i både lokale og regionale papiraviser og på eiga nettside og tilknytta sosiale medium. Skal også setje saman og distribuere plakat og programhefte, lage DVD-omslag og DVD-platetrykk, og lage marknadsføringsmateriell for DVD-sal. Saker skal avtalast på faste redaksjonsmøte, og skal bestå av både tekst, foto og video. I tillegg er det aktuelt å lage musikal-TV, t.d. éin gong i veka dei 3-4 siste vekene av prosjektet.
Foto Skal følgje både musikk- og medielinja gjennom heile prosjektet, og fortelje historia om årets musikal gjennom stillbilete. Skal også gjennomføre fotoshoot, både til programhefte og til takkesekvens for framsyningane, og skal sjølvsagt ta bilete av framsyningane. Skal også kunne vere bidragsytar til medieredaksjonen, og skal delta på medieredaksjonen sine redaksjonsmøter.
Dokfilm Skal følgje både musikk- og medielinja gjennom heile prosjektet, og fortelje historia om årets musikal i form av levande bilete. Delar av filmmaterialet skal kunne nyttast også av medieredaksjonen, men videoreportasjer skal ikkje brukast i dokumentarfilmen. Gruppa skal også delta på medieredaksjonen sine redaksjonsmøter. Inneber grundig planlegging og
Prosjektplan 2MK1 • MUSIKALEN 2017 - “ The Cream of Soul”
deltaking på fleire øvingar utanfor skuletida. I tillegg skal dokumentarfilmen sjølvsagt redigerast og klippast ferdig etter vinterferien.
Design/digitale kulisser Utforming av logo og grafisk profil i løpet av dei første vekene. Deretter utforming og testing av digitale kulisser, og styring av desse under framsyningane. Inneber opplæring i programvare for projection mapping, praktisk arbeid (rigging), bruk av Photoshop, Illustrator, Premiere, After Effects, MadMapper (alternativt også Modul8, Cell DNA og HeavyM). Kan også vere aktuelt å nytte projection mapping til noko marknadsføring. I musikalveka trengs (truleg) berre to personar til å styre kulissene. Anten kan oppgåvene rullerast, eller så kan to personar gå over til medieredaksjonen (eller andre grupper).
Fleirkamera Skal filme alle framsyningane med fire kamera (eitt statisk), og livemikse det heile. Skal også lage ein musikkvideo som skal brukast i handlinga av musikalen. Inneber nøye planlegging (utsnittsoversikt og rørslekart), å følgje fellesøvingane i forkant av musikalveka og filming av alle framsyningar (inkl. generalprøve og skuleframsyningar) musikalveka. Framsyninga skal også finredigerast og klippast etter vinterferien.
Timeplanen I eit slikt dynamisk prosjekt vil også den reelle timeplanen verte meir eller mindre dynamisk. Alle elevar pliktar difor å følgje med på Fronter og Facebook kvar dag, både ved skulestart og -slutt (minst). Somme må også bu seg på å arbeide ein del utanfor skuletida. Ein regel gjeld uansett for alle: De skal alltid møte til fastsett undervisningstime for fråværsføring, om ikkje anna er avtala på førehand! De må også respektere at andre fag (fellesfag og PTF) skal gå sin gang (med unntak av sjølve musikalveka). Vi har ikkje høve til å gi dykk fritak i andre fag. Er det heilt spesielle oppgåver de må utføre i andre timar, så må de sjølve gjere avtale med aktuell faglærar og ta konsekvensen av undervisning du eventuelt går glipp av. Dersom du kan gjere ein avtale med faglærar om å utføre tapt arbeid heime, så unngår du kanskje å svekkje vurderingsgrunnlaget i faget (men ein slik avtale kompenserer ikkje for fråværet).
Dokumentasjon* ●
●
Dagsplan Kvar gruppe skal skrive dagsplan kvar (aktuelle) dag (i felles milepåleplan). Ansvaret skal rullerast innanfor gruppa. Logg Kvar elev skal skrive logg kvar (aktuelle) dag (på felles tavle i loggrom på Facebook).
Prosjektplan 2MK1 • MUSIKALEN 2017 - “ The Cream of Soul”
●
Eigenvurdering Kvar elev skal skrive individuell eigenvurdering kvar veke (som PDF i innleveringsmappe på Fronter).
* Gjeld veke 2-6.
Vurdering Prosjektet varer i to veker etter vinterferien. I desse vekene skal framsyninga og dokumentarfilm/foto redigerast ferdig, medieredaksjonen skal halde fram med å produsere og poste innhald til nettsida og sosiale medium, og sal av DVD skal marknadsførast. På slutten av andre veka vert det munnlege presentasjonar, i tråd med slik vi organiserer eksamen/prøveeksamen. Dvs. at de trekk eitt eller fleire musikalprodukt og skal så ha ein fagleg samtale omkring desse produkta saman med to lærarar. Prosjektet vert vurdert med éin karakter i mediekommunikasjon/mediedesign, og éin karakter i medieproduksjon. Den munnlege presentasjonen og individuelle eigenvurderingar vil utgjere hovedtyngda i kommunikasjons- og designkarakteren. Prosess (prosjektgjennomføring, innsats, haldning og samarbeid) og logg vil utgjere hovudtyngda i produksjonskarakteren.
Generelle retningslinjer Det er svært mange deltakarar i dette prosjektet: 25 medieelevar fordelt på ulike grupper, lærarar med spreidde undervisningstimar, i tillegg til elevar og lærarar på musikklinja. For ikkje å snakke om tusenvis av publikummarar og mottakarar både fjernt og nært som skal sjå og lese og høyre om musikalen! I eit slikt prosjekt er difor innsats, haldning og samarbeid – og ikkje minst god kommunikasjon – svært viktig. For at det skal verte framdrift og flyt i prosjektet er det viktig at alle til ei kvar tid veit kva dei skal/bør vite og gjere. Ei grundig prosjektanalyse, kartlegging av kompetanse ein sit inne med og kompetanse ein må tileigne seg, oversiktlege planar, fornuftig arbeidsfordeling osv. er ein svært viktig føresetnad for ei god prosjektgjennomføring. Dagsplanar og loggar er også heilt essensielt, og difor eit naudsynt arbeidskrav. Samstundes er dei individuelle eigenvurderingane viktig for at erfaringane dykkar skal setje seg, samstundes som det utgjer ein viktig del av vurderingsgrunnlaget. Det er inga orsaking at eit gruppemedlem er borte, og at den/dei andre på gruppa difor ikkje kan gjere noko! Å samle viktige papir i ein gruppeperm og viktige filer på Google Disk er difor viktig. Alt fråvær skal dessutan klargjerast med lærar, helst i førekant.
Prosjektplan 2MK1 • MUSIKALEN 2017 - “ The Cream of Soul”
Alle har eit felles ansvar for å kome i mål med prosjektet, og må difor vere innstilt på å assistere/vere bidragsytarar på andre grupper enn dykkar eigne (låne, og låne vekk gruppemedlemmar). Opplever de «daudtid» pliktar de difor å seie frå til ein prosjektleiar og/eller faglærar. Orden og åtferd vil verte kontinuerleg observert av faglærarane. Dette gjeld også i kontakt med musikkelevar og -lærarar. Vi har tidlegare fått kritikk for at for mange «utanforståande» elevar vankar på musikklinja sine øvingar eller på anna vis forstyrrar deira prosjektgjennomføring. I slike høve vil merknadar vanke for elevar som forstyrrar eller oppheld seg på stadar der dei ikkje har noko å gjere. Alt utstyr skal til ei kvar tid vere ein status på! Alle pliktar å følgje retningslinjer/reglar for lån av utstyr. Ta omsyn til lån og reservering når de lagar/bearbeider tidsplanar.
Hugs, igjen:
«Nobody’s perfect, but a team can be!» Lukke til! Mvh Håvard, Åge-André og Ståle.