Gazeta e Partnerëve Shqipëri "Për një shoqëri më të zhvilluar"

GAZETE TREMUJORE

EDICIONI NR. 66

MARS 2018

PER NJE SHOQERI ME TE ZHVILLUAR Në këtë edicion: - EMBRACE: Modele Sipërmarrjeje që ndërtojnë marrëdhënie dhe ekonomi krijuese faqe 1 - Shpallet fituesi i grantit në kuadër të Thirrjes së parë për aplikime të projektit CAUSE - Shoqëri civile financiarisht e qëndrueshme = Shoqëri civile aktive - Takim mes aktorëve në fushën e sipërmarrjes sociale dhe filantropisë

faqe 2 faqe 3-4

- Monitorimi i aktivitetit filantropik në Shqipëri

faqe 5

- Akademia e OJF-ve 2017-2018

faqe 6

- Mjedis mundësues - OSHC të qëndrueshme - Takimi i CONCORD HUB3, 13-15 mars, Bruksel

faqe 7

- Partneritet OJF – Qeverisje vendore: Së bashku për pjesëmarrje më efektive

faqe 8

- OJF më të Fuqishme për Transparencë në Shëndetësi - Fuqizimi i gjeneratës së ardhshme të studiuesve në fushën e sipërmarrjes sociale

faqe 9

- Të reja nga projekti LEVIZ Albania

faqe 10

- Përfundon programi “Edukimi i punëkërkuesve të rinj në sektorin bankar” për grupin e dytë të të rinjve faqe 11 - Për një treg pune në dobi të rinisë shqiptare RisiAlbania

faqe 12

- The Albanian Crowd, platforma online e OJF-ve shqiptare

faqe 13

EMBRACE - Modele sipërmarrjeje që ndërtojnë marrëdhënie dhe ekonomi krijuese Partnerët Shqipëri punon për inkurajimin e zhvillimit të sipërmarrjeve sociale në Shqipëri, si një forcë lëvizëse në zhvillimin socio-ekonomik të vendit. Gjatë muajit shkurt, PSH prezantoi projektin inovator “EMBRACE – Modele Sipërmarrjeje që ndërtojnë Marrëdhënie dhe Ekonomi Krijuese” i cili vjen në vijimësi të nismës më të fundit të asistencës për OJF-të, për të zhvilluar modele të reja biznesi që gjenerojnë të ardhura duke kontribuar në qëndrueshmërinë e tyre financiare dhe për rrjedhojë përgjigjen më të ndaj nevojave të përfituesve të tyre.

Së bashku me promovimin e një dialogu konstruktiv dhe advokimin për një mjedis financiar dhe ligjor mundësues për SE-të, PSH filloi zbatimin e programit të trajnimit dhe asistencës së OJF-ve për të inicuar dhe/ose përforcuar iniciativat e biznesit social, duke përfshirë rritjen e ndërgjegjësimit mbi sipërmarrjen sociale dhe ndarjen e modeleve më të mira dhe historive të suksesit.

Ndërtimi i marrëdhënieve dhe partneritetit me sektorin e biznesit dhe mbështetja e iniciativave konkrete të OJF-ve që lidhen me sipërmarrjen sociale, në kuadër të adresimit të sfidave sociale dhe nxitjes së zhvillimit gjithëpërfshirës do të jetë një tjetër komponent i rëndësishëm i këtij programi.

Projekti “EMBRACE – Modele Sipërmarrjeje që ndërtojnë Marrëdhënie dhe Ekonomi Krijuese” zbatohet nga Partnerët Shqipëri për Ndryshim dhe Zhvillim në partneritet me organizatën Project Ahead (Itali), dhe financohet nga Bashkimi Evropian nëpërmjet Delegacionit të Bashkimit Evropian në Shqipëri.

1

C.A.U.S.E. – Përdorimi i Pronave të Konfiskuara për Sipërmarrje Sociale

Shpallet fituesi i grantit në kuadër të Thirrjes së parë për aplikime, thirrja e dytë në vlerësim Në janar 2018, Partnerët Shqipëri shpalli projektin “KeBuono!”

Pastiçeri Sociale: Ligjshmëria, përfshirja dhe ndërgjegjësimi janë përbërësit për një shoqëri më të mirë”, fitues të Thirrjes së Parë për Projekt Propozime nën skemën e nën-grantimit të projektit CAUSE – Përdorimi i Pronave të Konfiskuara për Sipërmarrje Sociale.

Nëpërmjet një kontrate huapërdorje midis organizatave zbatuese ENGIM Albania dhe Qendra Sociale Murialdo, dhe Agjencisë së Administrimit të Pasurive të Sekuestruara dhe të Konfiskuara, projekti do të krijojë një model të qëndrueshëm të sipërmarrjes sociale në një pronë të konfiskuar nga krimi i organizuar, për një periudhë të paktën pesë vjeçare.

Gjatë firmosjes së marrëveshjes së projektit mes Partnerëve Shqipëri, ENGIM, Qendrës Sociale Murialdo, dhe Agjencisë së Administrimit të Pasurive të Sekuestruara dhe të Konfiskuara, janar 2018

Projekti CAUSE mbështetet nga Bashkimi Evropian, nëpërmjet Delegacionit të Bashkimit Evropian në Shqipëri.

Shoqëri civile financiarisht e qëndrueshme = Shoqëri civile aktive Në vijim të thirrjes së dytë për aplikime për organizatat e shoqërisë civile të interesuara për të marrë pjesë në programin Shoqëri civile financiarisht e qëndrueshme = Shoqëri civile aktive, Partnerët Shqipëri startoi në janar programin e trajnimeve dhe asistencës për grupin e dytë të OJF-ve të përzgjedhura.

Zhvillimi i një modeli biznesi, njohja e tregut dhe vlerës së shtuar ishin modulet e prezantuara gjatë periudhës janar – shkurt 2018.

Partnerët Shqipëri po vijon asistencën teknike dhe mentorimin për identifikimin e produkteve dhe shërbimeve që OJF-të mund të ofrojnë, duke krijuar kështu burime alternative të ardhurash për për një impakt më të madh në komunitetet ku veprojnë.

Kjo iniciativë zbatohet nga Partnerët Shqipëri në kuadër të Programit “Roli mbikqyrës (Watchdog) dhe advokues i shoqërisë civile”, mbështetur nga Zyra e Marrëdhënieve me Publikun e Ambasadës së Shteteve të Bashkuara në Tiranë.

2

PER NJE SHOQERI ME TE ZHVILLUAR

Në të njëjtën periudhë PSh shpalli edhe Thirrjen e dytë për Projekt Propozime në kuadër të CAUSE, e cila qëndroi e hapur për mbi pesë javë. PSh organizoi një seri sesionesh informuese për organizatat e interesuara, për t’i ndihmuar në paraqitjen e projekteve cilësore dhe konkurruese. Fituesit e Thirrjes së dytë do të shpallen në muajin prill.

Takim mes aktorëve në fushën e sipërmarrjes sociale në Shqipëri Në vijim të punës së saj për promovimin dhe mbështetjen e zhvillimit të sipërmarrjes sociale në Shqipëri, Partnerët Shqipëri organizoi në 22 shkurt një takim informal të sipërmarrësve socialë të mbështetur përmes konkursit të Ideve të Gjelbërta ndër vite, dhe aktorëve të tjerë që punojnë për zhvillimin e sipërmarrjes sociale në Shqipëri.

Sipërmarrjet e mbështetura nga PSh, bënë një prezantim të shkurtër duke u ndalur veç arritjeve në zhvillimin e produkteve konkurruese dhe rritjen e mundësive të punësimit, edhe në vështirësitë e sfidat e ndeshurave gjatë rrugëtimit të tyre.

PER NJE SHOQERI ME TE ZHVILLUAR

Ky event informal shërbeu edhe për prezantimin e disa prej iniciativave të reja të PSh në këtë fushë. Takimi u zhvillua në ambjentet e Telekom Store. Kompania Telekom është një nga mbështetësit e Konkursit të Ideve të Gjelbërta të PSh që në fillimet e kësaj iniciative.

3

Takim ndërkombëtar ekspertësh mbi kuadrin rregullator për ngritjen e fondeve Janar 2018, Bruksel Në vijim të punës së PSH për të mbështetur zhvillimin e aktivitetit filantropik, Juliana Hoxha, Drejtore e PSH mori pjesë në takimin e grupit të ekspertëve nga 15 vende Regulating fundraising: Which way forward? organizuar nga Qendra Evropiane për Ligjin Jo fitimprurës (ECNL), në Janar 2018 në Bruksel.

Klikoni këtu për të shkarkuar studimin e ECNL mbi legjislacionin për ngritjen e fondeve.

Takim i partnerëve të “Filantropia në Mbështetje të Ideve të Gjelbërta”, Shkurt 2018 Zyra e Partnerëve Shqipëri mirëpriti në shkurt takimin dy ditor të organizatave partnere të Filantropia në Mbështetje të Ideve të Gjelbërta nga Ballkani.

Filantropia në Mbështetje të Ideve të Gjelbërta është një konkurs vjetor që mbështet zhvillimin e ideve të biznesit në Ballkan. Çdo vit, ky konkurs i organizuar nga Balkan Green Foundation, mirëpret idetë fituese të konkurseve kombëtare që zhvillohen në Shqipëri, Serbi, Maqedoni, Mal të Zi, Kosovë dhe së fundmi edhe në Bosnjë e Hercegovinë.

Nga e majta lart: Biljana Dakić-Đorđević – Fondacioni Trag Serbi, Karen Karnicki - Rockefeller Brothers Fund, Juliana Hoxha – Partnerët Shqipëri, Anica Maja Boljević - FACT Mali i Zi, Rinora Gojani - Balkan Green Foundation Nga e majta poshtë: Irina Janevska - ARNO Maqedoni, Dajana Berisha - FIQ Kosovë, Visar Azemi - Balkan Green Foundation

4

PER NJE SHOQERI ME TE ZHVILLUAR

Në takim u diskutua mbi çështje aktuale lidhur me rëndësinë e të drejtës që organizatat e shoqërisë civile kanë për të aksesuar burimet e financimit, si dhe u prezantua studimi i fundit i ECNL që fokusohet në krahasimin e kuadrit ligjor mbi ngritjen e fondeve në 16 vende evropiane.

Monitorimi i aktivitetit filantropik në Shqipëri Gjetjet për periudhën janar - mars 2018 Gjatë periudhës janar – mars 2018, monitorimi i përditshëm i aktivitetit filantropik rregjistroi 33 raste dhurimesh, me vlerë totale 2,500,000 Lekë. Grafet në vijim paraqesin disa të dhëna kryesore të përmbledhura për këtë periudhë, ndërkohë që mund të vazhdoni të shfletoni raportet tona mujore mbi aktivitetin filantropik, të disponueshme në website tonë.

PER NJE SHOQERI ME TE ZHVILLUAR

Përfituesit

Fushat e dhurimit

Shpërndarja gjeografike e përfituesve dhe dhuruesve

5

Akademia e OJF-ve 2017-2018

Akademia e OJFve Aftësi - Profesionalizëm - Zhvillim

Partnerët Shqipëri përfundoi me sukses programin Akademia e OJF-ve për grupin e pestë të pjesëmarrësve, përfaqësues të OJF-ve nga e gjithë Shqipëria. Prej vitit 2015, përmes këtij programi, mbi 75 drejtues organizatash kanë përfituar njohuri dhe zhvillim aftësish, mundësi bashkëpunimi, rrjetëzimi dhe partneriteti me organizata të ngjashme brenda dhe jashtë vendit. PA do të prezantojë në Prill edhe një raport që do të evidentojë impaktin konkret që Akademia ka patur në rritjen e cilësisë së punës së organizatave pjesëmarrëse.

PER NJE SHOQERI ME TE ZHVILLUAR

Gjatë muajve shtator - mars, PSH organizoi ciklin e 13 leksioneve për 15 pjesëmarrësit e këtij sezoni si dhe mundësoi zhvillimin e një vizite studimore në Sllovaki, nga 26 shkurt – 3 mars. Ndarja e eksperiencave dhe praktikave më të mira në një seri çështjesh që lidhen me zhvillimin dhe qëndrueshmërinë e sektorit, përfshirjen në procese politikëbërëse në nivel vendor e qendror si dhe diskutimi i mundësive për partneritet ishin çështjet në fokus gjatë takimeve me organizatat sllovake.

Trajnim intensiv në Advokasi dhe Lobim, janar 2018

Gjatë vizitës studimore në Sllovaki, mars 2018

Në konferencën përmbyllëse e cila do të mbahet në prill, pjesëmarrësit e Akademia e OJF-ve ndër vite, do të ndajnë me të ftuarit disa prej përfitimeve, arritjet në nivel personal dhe profesional si dhe planet për të ardhmen. Gjithashtu, gjatë këtij eventi do të organizohet edhe ceremonia e diplomimit të pjesëmarrësve të Akademisë së OJF-ve 2017-2018.

Akademia e OJF-ve u zbatua nga Partnerët Shqipëri në bashkëpunim me Partnerët për Ndryshim Demokratik Sllovaki (PDCS) në kuadër të projektit “Shtyllat e shoqërisë civile: Bashkëpunim më efektiv ndërmjet sektorit të shoqërisë civile dhe shtetit në Shqipëri”, financuar nga Slovak Aid – Asistenca Zyrtare për Zhvillim e Republikës së Sllovakisë.

6

Mjedis mundësues - OSHC të qëndrueshme Në vijim të punës së saj për krijimin e një mjedisi mundësues për shoqërinë civile, Partnerët Shqipëri po zbaton një iniciativë e cila synon të kontribuojë në përmirësimin e kuadrit ligjor dhe trajtimit fiskal të OJFve. PSh po punon për përgatitjen e një raporti që do të ofrojë një pasqyrë të plotë të kuadrit ligjor dhe zbatimit të tij në praktikë, si dhe do të ofrojë rekomandime konkrete për trajtimin fiskal të OJFve. Gjatë periudhës janar – mars, PSh kreu një rishikim gjithëpërfshirës të kuadrit ligjor në Shqipëri në lidhje me trajtimin fiskal të organizatave jofitimprurëse, duke konsultuar një gamë të gjerë burimesh përfshirë: të dhëna dhe raporte të publikuara apo të marra nga institucione shtetërore, raporte të ndryshme të prodhuara nga shoqëria civile në Shqipëri apo organizatat ndërkombëtare si dhe burime ndërkombëtare për të krahasuar trajtimin fiskal në vend me praktikat më të mira rajonale dhe ndërkombëtare.

Partnerët organizoi disa konsultime rajonale me përfaqësuesit e organizatave jofitimprurëse në Tiranë, Vlorë dhe Kukës për të diskutuar eksperiencën dhe marrë opinionet e tyre mbi çështjet që lidhen me trajtimin fiskal të sektorit.

PER NJE SHOQERI ME TE ZHVILLUAR

Kjo iniciativë mbështetet nga IBON International nëpërmjet CSO Partnership for development Effectiveness (CPDE) në kuadër të programit “Avokim për Mjedisin Mundësues të OSHC-ve”.

Takimi i CONCORD HUB3, 13-15 mars, Bruksel Si pjesë e takimit të CONCORD HUB3, organizuar në Bruksel nga 13-15 mars, Klotilda Kosta, Drejtore e Programeve e PSh mori pjesë dhe kontribuoi në eventin e datës 13 mars i cili iu dedikua Promovimit të Hapësirës për Shoqërinë Civile. Ky event organizuar bashkërisht nga CONCORD Europe, BCSDN dhe Fondi Rumani / Forumi i OJQ-ve të Detit të Zi, ishte një përpjekje e organizatave evropiane të zhvillimit të shoqërisë civile për të ndërtuar një platformë diskutimi, shkëmbimi dhe zgjidhjesh të problemeve të përbashkëta rreth çështjeve të mjedisit mundësues për OSHC-të, zvogëlimit të hapësirës nga demokracia mendjengushtë, llogaridhënia e OSHC-ve, angazhimi i shoqërisë civile në politikën e BE-së, pjesëmarrja qytetare dhe angazhimi i komunitetit.

Ky event mblodhi së bashku mbi 100 pjesëmarrës, përfaqësues të organizatave nga BE dhe Ballkani Perëndimor, platforma dhe rrjete, si dhe përfaqësues të Komisionit Evropian dhe komunitetit të donatorëve.

Dita e dytë e takimit të HUB3 iu dedikua partneritetit të OSHC-ve për efektivitetin e zhvillimit (CPDE), për njohjen e pjesëmarrësve me punën e CPDE, mënyrën se si OShC-të evropiane mund të përfshihen dhe të kontribuojnë drejt një efektiviteti më të madh zhvillimi.

Partnerët Shqipëri është pika fokale e CPDE për Shqipërinë, për monitorimin e treguesit dy të kornizës GPEDC: Shoqëria civile vepron në një mjedis që maksimizon angazhimin dhe kontributin e saj në zhvillim.

7

Partneritet OJF – Qeverisje vendore: Së bashku për pjesëmarrje më efektive Në janar 2018, Partnerët Shqipëri filloi zbatimin e projektit Partneritet OJF – Qeverisje vendore: Së bashku për pjesëmarrje më efektive, në vijim të punës dhe iniciativave të mëparshme lidhur me nxitjen dhe përmirësimin e partneritetit dhe bashkëpunimit mes sektorit të shoqërisë civile dhe qeverisë. Përmes këtij projekti, PSh do të forcojë organizatat e shoqërisë civile dhe përfaqësuesit e qeverisë vendore në përdorimin e mekanizmave që të influencojnë hartimin e politikave dhe vendimmarrjen efektive vendore. Programi konsiston në një seri trajnimesh dhe asistencë individuale për drejtuesit e OJF-ve, si dhe shkëmbim eksperiencash me ekspertë ndërkombëtarë.

Gjatë periudhës janar-mars, Partnerët Shqipëri organizoi pesë programe trajnimi dy-ditore rajonale mbi Qeverisjen me Pjesëmarrje dhe Advokasinë dhe Lobimin, me pjesëmarrjen e 75 përfaqësuesve të OJF-ve.

Trajnimet u përqëndruan në mjetet dhe mekanizmat e pjesëmarrjes, diskutuan mbi iniciativa monitoruese dhe advokuese për rritjen e pjesëmarrjes së OSHC-ve, transparencën dhe llogaridhënien e qeverisjes vendore, si dhe partneritetin midis sektorëve.

PER NJE SHOQERI ME TE ZHVILLUAR

Ky program mbështetet nga Slovak Aid – Asistenca Zyrtare për Zhvillim e Republikës së Sllovakisë.

Ngritje kapacitetesh për OJF-të Partnerët Shqipëri po punon me nëntë organizata nga i gjithë vendi, përfituese të Programit të Granteve të Komisionit për Demokracinë të Ambasadës së Shteteve të Bashkuara në Tiranë. Programi është dizenjuar enkas për t’i shërbyer rritjes së efektivitetit dhe cilësisë së zbatimit të projekteve nga këto organizata.

Vlerësimi dhe monitorimi i projekteve dhe Manaxhimi Financiar ishin temat e para të një serie trajnimesh dhe asistence teknike që do të ofrohet për këto organizata përgjatë vitit 2018.

8

OJF më të Fuqishme për Transparencë në Shëndetësi

“OJF më të Fuqishme për Transparencë në Shëndetësi” zbatohet nga Partnerët Shqipëri dhe mbështetet nga projekti “Transparenca në Sistemin Shëndetësor”, me mbështetjen financiare të Popullit Amerikan nëpërmjet Agjencisë së Shteteve të Bashkuara për Zhvillim Ndërkombëtar USAID.

Fuqizimi i gjeneratës së ardhshme të studiuesve në fushën e sipërmarrjes sociale Klotilda Kosta, Drejtore e Programeve të PSh mori pjesë në aktivitetin e organizuar nga 28 shkurt - 1 mars, në Lisbonë, në kuadër të Projektit EMPOWER SE - Fuqizimi i gjeneratës së ardhshme të studiuesve në fushën e sipërmarrjes sociale.

Në workshopin me titull “Themelimi i sipërmarrjeve sociale”, Klotilda foli mbi sfidat e krijimit dhe zhvillimin e sipërmarrjeve sociale në Shqipëri.

Si një prej organizatave pjesëmarrëse në projekt, Klotilda përfaqësoi Partnerët Shqipëri edhe në takimin e Komitetit Drejtues të EMPOWER-SE, së bashku me ekspertë të tjerë nga 33 vende.

9

PER NJE SHOQERI ME TE ZHVILLUAR

Partnerët Shqipëri nis këtë vit me një nismë të re të titulluar OJF më të Fuqishme për Transparencë në Shëndetësi. Nëpërmjet kësaj nisme, PSH do të fuqizojë organizatat që punojnë në fushën e shëndetësisë për të rritur rolin dhe pjesëmarrjen e tyre aktive në rritjen e transparencës dhe uljen e praktikave korruptive në sistemin shëndetësor. Për më tepër, projekti do të fuqizojë OJF-të të rrisin rolin e tyre monitorues për të kontribuar në zbatimin efektiv të kuadrit ligjor dhe praktikave që nxisin më shumë transparencë dhe përgjegjshmëri në institucionet shëndetësore.

Në datën 21 shkurt, PSh organizoi tryezën e parë në kuadër të kësaj iniciative, e cila shërbeu për njohjen e rolit dhe krijimin e urave të bashkëpunimit mes 20 OJF-ve nga i gjithë vendi dhe institucioneve të pavarura mbikqyrëse si Avokati i Popullit, Kontrolli i Lartë i Shtetit, Inspektoriati i Lartë i Deklarimit dhe Kontrollit të Pasurive dhe Konfliktit të Interesave (ILDKPKI), Komisioneri për të Drejtën e Informimit dhe Mbrojtjen e të Dhënave Personale.

www.levizalbania.al

LevizAlbania është një projekt që synon të forcojë demokracinë vendore në Shqipëri përmes angazhimit të aktorëve të shoqërisë civile dhe individëve si kampionë të demokracisë për një qeverisje vendore cilësore. Ky projekt zbatohet nga një konsorcium i përbërë nga tre organizata: Fondacioni Shoqëria e Hapur për Shqipërinë, Partnerët Shqipëri dhe Co-plan, dhe mbështetet financiarisht nga Ambasada Zvicerane në Shqipëri.

Fuqizimi i organizatave të shoqërisë civile për përfshirje dhe pjesëmarrje efektive në politikëbërjen dhe vendimmarrjen lokale

Nga trajnimet rajonale me temë “Qeverisje me Pjesëmarrje”, organizuar në Berat, Kukës dhe Tiranë, me pjesëmarrjen e rreth 50 përfaqësuesve të OSHC-ve dhe individëve nga këto rajone.

Partnerët Shqipëri organizoi tre sesione rrjetëzimi me grantmarrësit e LevizAlbania, për t’u ardhur në ndihmë përfituesve të granteve në zbatimin e suksesshëm të projekteve të tyre, nëpërmjet ndarjes dhe diskutimit të eksperiencave, ofrimit të modeleve të suksesshme, si dhe rekomandimeve të ofruara nga ekspertët e PSH.

Kampet e Demokracisë Vendore është iniciativa më e re e organizuar nga Partnerët Shqipëri në kuadër të projektit LevizAlbania, me qëllim aftësimin dhe aktivizimin e të rinjve dhe të rejave për të kontribuar në përmirësimin e demokracisë vendore në qytetet e tyre.

Kampet e para në të cilat morën pjesë 40 të rinj e të reja, u organizuan në rajonin e Korçës dhe Shkodrës. Gjatë këtij programi, pjesëmarrësit u njohën me parimet dhe teknikat e qeverisjes me pjesëmarrje, si dhe diskutuan mbi çështje prioritare rreth të cilave të ndërtojnë një plan konkret veprimi në nivel vendor, me të cilin mund të aplikojnë në thirrjet e LevizAlbania.

PER NJE SHOQERI ME TE ZHVILLUAR

Në mbështetje të LevizAlbania, për të adresuar nevojat e përfituesve dhe aplikantëve të interesuar, PSh po ofron një program të gjerë asistence, “online” dhe “onsite”, që mbështet rrjetëzimin në territore më të gjera se ato ku organizatat operojnë, si dhe ekspertizën e tyre për të advokuar në mënyrë të suksesshme në vendimmarrjen lokale.

Shoqata për Iniciativa Demokratike (ADI) nga Maqedonia iu bashkua aktivitetit në Kampin e Shkodrës nëpërmjet një lidhje online, duke ndarë me pjesëmarrësit eksperiencën e saj në monitorimin e procesit të decentralizimit në Maqedoni, dhe në veçanti u ndal në pjesëmarrjen e pakicave etnike në sferën politike dhe ekonomike.

Gjithashtu, të rinjtë dhe të rejat patën mundësi të njihen me eksperiencat e fituesve të thirrjeve të mëparshme për aplikime të LevizAlbania, si dhe të informohen mbi prioritetet e Thirrjes për aplikime Nr.5 (mbyllur).

10

Programi “Edukimi i punëkërkuesve të rinj në sektorin bankar”, 2017-2018 Partnerët Shqipëri në bashkëpunim me ekspertë të Alpha Bank Albania, Banka Kombëtare Tregtare, CREDINS Bank, Societe Generale Albania dhe Tirana Bank, zhvilluan gjatë periudhës dhjetor 2017 – shkurt 2018 programin “Edukimi i punëkërkuesve të rinj në sektorin bankar”për grupin e dytë prej 15 studentësh të shkencave ekonomike, duke synuar të kontribuojnë në përmirësimin e mundësive të punësimit tek të rinjtë shqiptarë të cilët janë duke hedhur hapat drejt karrierës profesionale në sektorin bankar.

Programi ofroi mundësi edukimi dhe zhvillimi nëpërmjet metodave më bashkëkohore të të mësuarit dhe ekspertizës shumëdimensionale të lektorëve të angazhuar, si dhe mundësi për shkëmbim interaktiv dhe ekspozim në sektorin bankar. Për më shumë rreth programit dhe disa rasteve të punësimit, vizitoni faqen tonë në internet.

Banka si institucion – strukturat, funksionet, produktet dhe sherbimet bankare ishte leksioni dytë i drejtuar nga Znj. Manjola Angoni, Drejtore e Departamentit të Burimeve Njerëzore në Alpha Bank Albania.

Përgatitja për intervistë pune dhe rekrutimi në sektorin bankar ishte leksioni i drejtuar nga znj. Znj.Lutjana Konomi, Drejtore e Departamentit të Marrëdhënieve me Publikun dhe Marketingut në Tirana Bank.

Sfidat e rekrutimit dhe karriera e punës në bankë ishte leksioni i tretë i drejtuar nga Znj. Edlira Zambaku Memushaj, Zv. Drejtore e Departamentit të Burimeve Njerëzore dhe Znj. Armela Hasa, Specialiste e Trajnimit në BKT.

Aftësitë e Nevojshme për të Ardhmen ishte leksioni I fundit I mbajtur nga Zj. Irida Vejsiu, Drejtore e Departamentit të Burimeve Njerëzore dhe Z. Skerdi Buhuri, Drejtor i Sektorit të Trajnimit dhe Zhvillimit, në Societe Generale Albania. Studentët u përshëndetën nga Z. Frederic Blanc, CEO i SGAL i cili ndër të tjera diskutoi me ta mbi rëndësinë e burimeve njerëzore si dhe rolin e teknologjisë në sistemin bankar.

Programi do të vijojë me grupe të tjera studentësh gjatë vitit akademik 2018.

11

PER NJE SHOQERI ME TE ZHVILLUAR

Nga ceremonia e lancimit të programit.

Pjesëmarrësit u përshëndetën nga Z.Ardian Angoni, Drejtor i Departamentit të Burimeve Njerëzore dhe Znj. Lutjana Konomi, Manaxhere e Departamentit të Marketingut në Tirana Bank. Leksioni i parë u fokusua në Sistemin Bankar në Shqipëri dhe trendet e zhvillimit të tij, drejtuar nga dhe Zj. Joarda Mema, Përgjegjëse e Sektorit të Zhvillimit të Segmenteve e Produkteve në Bankën Credins.

Për një treg pune në dobi të rinisë shqiptare RisiAlbania është një projekt zhvillimor që synon rritjen e shanseve për punësim të të rinjve.

Ai është një projekt i Agjensisë Zvicerane për Zhvillim dhe Bashkëpunim dhe zbatohet nga një konsorcium partnerësh të përbërë nga Helvetas Swiss Intercooperation dhe Partnerët Shqipëri për Ndryshim dhe Zhvillim. Disa nga aktivitetet e projektit për këtë periudhë janë:

Ndërhyrja mediatike e RisiAlbania - një model frymëzues për Kosovën “Një audiencë që nuk kemi synuar deri më tani, por besoj se pas kësaj vizite në Shqipëri e pasi pamë ndikimin e saj tek të rinjtë mund të adresojmë më mirë, është audienca radiofonike”- u shpreh Dren Selimi, menaxher i ndërhyrjes në projektin për Rritjen e Punësimit të të Rinjve - Projekti EYE në Kosovë pasi vizitoi studiot e CLUB FM RADIO dhe mësoi rreth programit të saj të suksesshëm “Ora e punës”. Gjatë vizitës së tij dy ditore në Shqipëri në19-20 shkurt 2018, ai u njoh me programet mediatike, partnerët dhe disa prej përfituesve që RisiAlbania ka mbështetur përmes shpërndarjes së informacionit mbi tregun e punës dhe udhëzimin e karrierës.

Zhvillimi i produkteve të reja turistike në jug të Shqipërisë Operatorë turistikë, përfaqësues të qeverisjes vendore, akademikë dhe ekspertë të turizmit u mblodhën më 15 mars 2018 për të diskutuar mbi zhvillimin dhe zbatimin e produkteve të reja turistike ose paketave që lidhen me ekoturizmin, turizmin e aventurës, kulturës, historisë dhe kulinarisë në Qarkun e Gjirokastrës dhe rajonin jugor të Shqipërisë. Risi shpalli një thirrje të re për propozime për të zhvilluar ide turizmi me vlerë të shtuar në këtë fushë duke synuar adresimin e çështjeve që lidhen me sezonalitetin dhe promovimin e krijimit të vendeve të punës.

Risi Albania feston 5 vjetorin Nënshkruhet marrëveshja për fazën e dytë të projektit RisiAlbania festoi në mars 5 vjetorin! Gjatë këtyre viteve, përmes bizneseve partnere, Risi arriti të krijojë 950 vende pune me kohë të plotë në sektorët e turizmit, agrobiznesit dhe TIK-ut, mundësoi shërbimet e ndërmjetësimit të punësimit për 5400 të rinj dhe përmes mbështetjes së ofruesve privatë të trajnimit mundësoi rritjen e njohurive dhe aftësive të 9700 të rinjve, 50% e tyre gra dhe vajza të reja – tregues që kanë demonstruar dinamikën dhe rezultatet që arrihen përmes një qasje sistemike.

Më 23 mars 2018, Zëvendëskryeministrja e Shqipërisë Znj. Senida Mesi dhe Shefja e Bashkëpunimit me Evropën Lindore në Ministrinë e Punëve të Jashtme të Zvicrës, Znj. Ruth Huber nënshkruan marrëveshjen për fazën e II të projektit “RisiAlbania” të zbatuar nga HELVETAS Intercooperation dhe Partnerët Shqipëri. Znj. Mesi theksoi se projekti RisiAlbania ka në fokus punësimin e të rinjve në sektorë si inovacioni, bujqësia, zhvillimi rural dhe turizmi dhe i përgjigjet një prioriteti të qeverisë shqiptare që është punësimi. “Si rezultat ne besojmë se ky projekt do të ndihmojë qeverinë shqiptare të arrijë objektivin e saj”, u shpreh Znj. Mesi. Ndërsa në fjalën e saj, Ambasadorja Ruth Huber theksoi se suksesi i këtij projekti varet nga përpjekjet e përbashkëta të qeverisë zvicerane dhe asaj shqiptare, dhe ekspertizën teknike të partnerëve zbatues.

Për më shumë informacion mbi projektin vizitoni

www.risialbania.al 12

PER NJE SHOQERI ME TE ZHVILLUAR

Fuqizimi i ekonomisë lokale nëpërmjet kultivimit të bimëve mjekësore dhe aromatike Pas ndërhyrjes së suksesshme në Korçë me kompaninë Çibuku (një kompani private që shërben si konsolidues i Bimëve Mjekësore dhe Aromatike në rajon, e cila ka krijuar një pikë grumbullimi për BMA), Risi Albania mbështeti 15 gra në fshatin Shelcan në Elbasan për blerjen e rafteve të tharjes që i ndihmoi ato për të rritur cilësinë e produkteve dhe për të përmbushur kërkesat e tregut për standarde më të larta.

“Duke përmirësuar procesin e tharjes, ne mundëm të rrisim kufijtë e fitimit me 10-30% gjatë korrjeve të para”, - u shpreh Margarita, një ish-emigrante që vendosi të kthehej në Shqipëri dhe të zgjeronte biznesin e saj të kultivimit të bimëve mjekësore.

Rregjistrohuni dhe rifreskoni informacionin e organizatës suaj në

The Albanian Crowd www.thealbaniancrowd.org The Albanian Crowd është një platformë interaktive e sektorit të organizatave të shoqërisë civile dhe ndërmarrjeve sociale në Shqipëri. Platforma ofron informacion të zgjeruar mbi vendndodhjen, fushat e veprimtarisë, përfituesit, shërbimet që organizatat dhe ndërmarrjet sociale ofrojnë dhe projektet me të cilat ato punojnë.

PER NJE SHOQERI ME TE ZHVILLUAR

The Albanian Crowd ofron mundësi për anëtarët që të ndajnë të rejat më të fundit mbi projektet dhe aktivitetet, të identifikojnë partnerë potencialë dhe të tërheqin vullnetarë e mbështetës.

Gjithashtu, The Albanian Crowd u shërben edhe institucioneve e individëve nga sektori shtetëror, biznesi, media, organizatat ndërkombëtare e donatore të cilët mund të gjejnë në të informacion dinamik, partnerë dhe shërbimet e nevojitura.

Albanian Crowd numëron 150 organizata anëtare nga i gjithë vendi, që punojnë në fusha të ndryshme. Që prej lançimit ajo ka patur mbi 20,500 vizitorë, më shumë se 2 milion klikime nga rreth 150 vende në mbarë botën.

Mirëpresim informacione të reja tuajat për t’i pasqyruar në platformë. Ndërkohë i bëjmë thirrje organizatave të bëhen pjesë e The Albanian Crowd duke plotësuar formën e regjistrimit online në linkun e mëposhtëm. http://www.thealbaniancrowd.org/aplikimi/

Partnerët Shqipëri është një OJF shqiptare e pavarur, e themeluar në vitin 2001, që mbështet shoqërinë civile dhe lehtësimin e bashkëpunimit ndër-sektorial me qëllim forcimin e institucioneve demokratike dhe avancimin e zhvillimit ekonomik.

Partnerët Shqipëri është anëtare e Partners Network, një partneritet i 22 organizatave të pavarura në Evropë, Amerikën Veriore dhe Jugore, Afrikë e Lindjen e Mesme, të cilat punojnë për një ndryshim paqësor e demokratik.

Rruga Sulejman Delvina, N.18, H.8, Ap. 12, Njësia Bashkiake 5, 1022, Tirana, Albania, Kutia Postare (PO Box) 2418/1 Tel. Faks: 04 2254881 Email: partners@partnersalbania.org http://www.partnersalbania.org Na ndiqni në: Facebook, Linkedin, Youtube, Twitter Vizitoni The Albanian Crowd, platformën online të OJF-ve dhe sipërmarrjeve sociale në Shqipëri

13