Gazeta e Partnerëve Shqipëri "Për një shoqëri më të zhvilluar"

GAZETE TREMUJORE

EDICIONI NR. 67

SHTATOR 2018

PER NJE SHOQERI ME TE ZHVILLUAR Në këtë edicion:

Thirrje për Aplikime: Programi i Shoqërisë Civile për Shqipërinë dhe Kosovën

- Hapet Programi i Shoqërisë Civile për Shqipërinë dhe Kosovën

faqe 1

- EMBRACE: Modele Sipërmarrjeje që ndërtojnë marrëdhënie dhe ekonomi krijuese faqe 1-3 - Inaugurohet KEBUONO, e para sipërmarrje sociale në një pronë të faqe 4 konfiskuar nga krimi i organizuar - Shoqëri civile financiarisht e qëndrueshme = Shoqëri civile aktive

faqe 5

- Njihuni me Fituesit e konkursit Ide të Gjelbërta 2018

faqe 6

- Trajtimi fiskal i OJF-ve, vlerësim i kuadrit ligjor dhe zbatimit të tij në praktikë - Matrica e Monitorimit mbi Mjedisin Mundësues për OSHC-të, Raporti për Shqipërinë 2017 - Monitorimi i të Drejtës për Tubime Paqësore, Raporti për Shqipërinë 2016- 2017 faqe 7 - Mbyllet me sukses Akademia e OJF-ve 2017-2018 - Zhvillohet në Tiranë mbledhja vjetore e Partners Network - Vizitë e përfaqësuesve të qeverisë dhe parlamentit të Kosovës

faqe 8

- Për një treg pune në dobi të rinisë shqiptare RisiAlbania

faqe 9

- Youth Bank Hub për Ballkanin Perëndimor dhe Turqinë

faqe 10

- Partnerët Shqipëri, pjesë e “Rrjetit Shqiptar për Edukimin Financiar” - Monitorimi i aktivitetit filantropik në Shqipëri - Pjesëmarrja publike dhe konsultimi në nivelin e vetëqeverisjes faqe 11 vendore në Shqipëri - Të reja nga projekti LEVIZ Albania

Partnerët Shqipëri fton organizatat jofitimprurëse në Shqipëri të aplikojnë për grante!

Programi i Shoqërisë Civile për Shqipërinë dhe Kosovën financohet nga Ministria e Punëve të Jashtme të Norvegjisë dhe menaxhohet nga Fondacioni Kosovar për Shoqëri Civile (KCSF) në partneritet me Partnerët Shqipëri për Ndryshim dhe Zhvillim (PSH).

Qëllimi i programit është të mbështesë pjesëmarrjen demokratike dhe zhvillimin e një shoqërie civile të fuqishme dhe aktive në Shqipëri dhe Kosovë, e cila shtyn përpara procesin e anëtarësimit në BE përmes kontributit në njërën nga pesë fushat tematike si më poshtë:

• • • • •

Mos diskriminimi dhe barazia gjinore Mediat e pavarura Minoritetet dhe grupet e margjinalizuara Mbrojtja e mjedisit Lufta kundër korrupsionit

Afati për dorëzimin e projekt-propozimeve është 5 Nëntor 2018 në ora 24:00.

Për të ofruar më shumë informacion mbi thirrjen dhe procedurat e aplikimit, Partnerët Shqipëri do të organizojë disa sesione informuese për organizatat e interesuara. Klikoni linkun më poshtë për t’u njohur me informacion mbi kriteret dhe procesin e aplikimit, dokumentacionin dhe kalendarin e sesioneve informuese.

faqe 12

- Partneritet OJF – Qeverisje vendore: Së bashku për pjesëmarrje më efektive - OJF më të Fuqishme për Transparencë në Shëndetësi faqe 13 - The Albanian Crowd, platforma online e OJF-ve shqiptare

a

Thirrja e plotë dhe dokumentacioni për aplikim

faqe 14

Të rejat e botimet më të fundit

Matrica e Monitorimit mbi Mjedisin Mundësues për Zhvillimin e Shoqërisë Civile

RAPORTI

PËR SHQIPËRINË 2017

Partnerët Shqipëri për Ndryshim dhe Zhvillim ka shpallur Thirrjen për Projekt Propozime, në kuadër të skemës së nën-granteve të projektit “EMBRACE – Modele Sipërmarrjeje që Ndërtojnë Marrëdhënie dhe Ekonomi Krijuese”. Ky projekt zbatohet nga Partnerët Shqipëri, në partneritet me organizatën italiane Project Ahead dhe financohet nga Bashkimi Evropian, nëpërmjet Delegacionit të Bashkimit Evropian në Shqipëri. vijon në faqen 2

1

Kush mund të aplikojë?

Të gjitha organizatat e shoqërisë civile që plotësojnë kriteret e vlefshmërisë të përcaktuara në Udhëzuesin për Aplikantët dhe që kanë për objekt të aktivitetit të tyre zhvillimin socio-ekonomik të komuniteteve lokale, mobilizimin e punës dhe ekspertizën e burimeve lokale, kohezionin social, lidhjen e njerëzve me komunitetin, integrimin dhe punësimin, veçanërisht të njerëzve me aftësi të kufizuar.

Fondi në dispozicion për këtë Thirrje për Projekt Propozime është 50,500 EURO Numri i Projekteve që do të financohen nga kjo Thirrje për Projekt Propozime: Nëpërmjet kësaj thirrjeje do të financohen deri në 10 (dhjetë) projekte, subjekt i kësaj Thirrje për Projekt-Propozime.

Kohëzgjatja e zbatimit të granteve: Periudha e zbatimit të projekteve të financuara nëpërmjet kësaj thirrje për aplikime është: minimumi 9 muaj dhe maksimumi 12 muaj.

Madhësia e Nën-Grantit: Buxheti total i projekt propozimeve për çdo grant të kërkuar nëpërmjet kësaj Thirrje për Projekt Propozime duhet të jetë: Minimumi EUR 3000 Maksimumi EUR 7000

•

Formën e Identifikimit Financiar të firmosur dhe vulosur nga aplikant dhe banka ku kryhen veprimet (Shtojca E e Udhëzuesit për Aplikantët) si dhe dokumentat mbështetës të përcaktuara në Udhëzuesin për Aplikantët.

Numri i projekt propozimeve të dorëzuara: Çdo organizatë (OJF) mund të dorëzojë vetëm një projekt propozim ose si Aplikant ose si bashkë-aplikant. Një aplikim nuk mund të ketë më shumë se një aplikant dhe një bashkëaplikant.

Projekt propozimet duhet të dorëzohen ose të postohen deri më 31 Tetor 2018, ora 17:00 në adresën e mëposhtme: Partnerët Shqipëri për Ndryshim dhe Zhvillim Rruga: Sulejman Delvina, NR 18, H.8, Ap.12, Njësia Bashkiake 5, Kodi Postar 1022, Tiranë, Shqipëri

Gjuha e Projekt propozimit: Projekt propozimet duhet të përgatiten dhe të dorëzohen në gjuhën Angleze, sipas formateve të publikuara të aplikimit.

Aplikimet duhet të vendosen në një zarf të mbyllur dhe të dërgohen me postë (rekomande, shërbim korrier privat) ose dorazi (dorëzuesit do t’i jepet një vërtetim i nënshkruar dhe me datën e pranimit).

Procedura e aplikimit: Organizatat e interesuara për të paraqitur një Projekt propozim për këtë thirrje duhet të plotësojnë dhe të dorëzojnë dokumentat e mëposhtme të cilat i gjeni në Paketën e Dokumentave të Aplikimit:

• • • •

Formën e Aplikimit për Grante (Shtojca A e Udhëzuesit për Aplikantët) Formën e Buxhetit për Projekt Propozimin (Shtojca B e Udhëzuesit për Aplikantët) Matricën e Kornizës Logjike (Shtojca C e Udhëzuesit për Aplikantët) Formën e Entitetit Ligjor të firmosur dhe vulosur (Shtojca D e Udhëzuesit për Aplikantët)

Informacion dhe mbështetje: Për më shumë informacion, lexoni Udhëzuesin për Aplikantë. Përgjigjet e pyetjeve të sjella nga organizatat do të publikohen brenda datës 19 tetor 2018 në faqen zyrtare të Partnerëve Shqipëri: www. partnersalbania.org.

Për t’u ardhur në ndihmë organizatave, Partnerët Shqipëri zhvilloi tre sesione informimi rajonale në Berat, Tiranë, Shkodër si dhe një sesion informimi online.

Organizatat e interesuara janë të lutura të vizitojnë vazhdimisht faqen zyrtare të Partnerëve Shqipëri për detaje, informacione dhe përditësime rreth Thirrjes për Projekt Propozime.

Prezantim i modeleve të sipërmarrjeve Partneritet me Biznesin PSH organizoi në qershor eventin Prezantim i modeleve të sipërmarrjeve - Partneritet me Biznesin, në kuadër të nismave të saj në mbështetje të krijimit dhe fuqizimit të sipërmarrjeve sociale, si një forcë lëvizëse në zhvillimin socio-ekonomik të vendit.

Në vijim të advokimit për një mjedis financiar dhe ligjor mundësues për SE-të, rritjes së kapaciteteve dhe asistencës teknike për OJF-të për të ndërmarrë iniciativa të sipërmarrjes sociale, PSH organizoi këtë event për të lehtësuar ndërtimin dhe forcimin e partneritetit mes sektorit jo-fitimprurës dhe biznesit, në mbështetje të këtyre iniciativave.

Eventi u përshëndet nga Z. Stephen Stork, Shefi i Sektorit - Shteti i së Drejtës dhe Qeverisja e mirë në Delegacionin e Bashkimit Evropian në Shqipëri.

2

PER NJE SHOQERI ME TE ZHVILLUAR

Projekti EMBRACE – Modele Sipërmarrjeje që Ndërtojnë Marrëdhënie dhe Ekonomi Krijuese”, synon të kontribuojë në zhvillimin e ekonomisë sociale që nxit zhvillimin gjithëpërfshirës në vend. Objektivi Specifik i kësaj Thirrje për Projekt Propozime është: Mbështetja e ngritjes dhe zhvillimit të ideve të reja të sipërmarrjes sociale ose fuqizimi i ideve ekzistuese, të cilat kontribuojnë në rritjen e përfshirjes sociale, përmes integrimit dhe punësimit, dhe zhvillimit ekonomik të komuniteteve lokale.

Ndër dhjetra aplikime, PSH përzgjodhi tre idetë fituese të cilat do të sigurojnë mbështetje financiare gjatë eventit LIVE #Rrathë Dhurues i cili do të zhvillohet për herë të parë në Shqipëri, në dhjetor 2018.

Gjatë këtyre muajve, PSH do të ndihmojë tre OSHC-të e zgjedhura për të përgatitur një prezantim të suksesshëm të projektit të tyre gjatë eventit. Gjithashtu, projektet e përzgjedhura do të promovohen gjerësisht përmes të gjitha kanaleve të komunikimit,

për të tërhequr vëmendjen e mbështetësve potencialë dhe për të promovuar zbatimin dhe rezultatet e ndërhyrjeve.

Eventi “Rrathë Dhurues” do të bashkojë individë nga fusha të ndryshme, duke ofruar ekspertizën, kohën dhe burimet financiare për të mbështetur tre projektet, duke synuar një transformim pozitiv dhe të qëndrueshëm për individët dhe komunitetet specifike të synuara nga këto iniciativa. #RrathëDhurues është pjesë e projektit “EMBRACE – Modele Sipërmarrjeje që ndërtojnë Marrëdhënie dhe Ekonomi Krijuese” i financuar nga Bashkimi Evropian përmes Delegacionit të Bashkimit Evropian në Shqipëri, dhe mbështetet nga Balkan Trust for Democracy dhe Frederick Mulder Foundation.

“Një kopsht për fëmijët e fshatit Bllicë”

“Së bashku për njerëzit në nevojë”

Përmes kësaj iniciative, organizata Vizion OJF do t’u vijë në ndihmë rreth 40 fëmijëve që frekuentojnë arsimin parashkollor, brenda ambjenteve të shkollës së vetme 9-vjeçare të fshatit Bllicë. Pozicionuar në veri të qytetit të Peshkopisë, në një largësi rreth 15 km, ky fshat ka rreth 2,200 banorë, ku rreth 80% e familjeve jetojnë me ndihmë ekonomike.

Nëpërmjet kësaj iniciative, organizata Diakonia Agapes synon zgjerimin dhe përmirësimin e cilësisë së shërbimeve për shtresat në nevojë që frekuentojnë mensën sociale “Shërbimi i Dashurisë”. Rreth 70 persona të cilët do të përfitojnë vaktin ushqimor në ambjentet e mensës; rreth 70 persona të cilët do të marrin vaktin ushqimor në shtëpi për familjarët e tyre; rreth 80 persona që do të mbështeten me shërbime shëndetësore (matje tensioni, asistencë për pajisje me kartë shëndeti, dhe mbështetje psiko-sociale), dhe rreth 20 persona që do të kenë mundësinë e marrjes së shërbimit të lavanderisë, do të jenë përfituesit direkt nga kjo iniciativë.

Për të gjithë fëmijët e grupmoshës 3-6 vjeç, kopshti Bllicë i improvizuar pranë ambienteve të shkollës, është e vetmja mundësi për të ofruar arsim parashkollor për këta fëmijë.

Ambjentet e pashtruara me pllaka, pa soba ngrohje, pa tavolina e karrige të përshtatshme për trupin e fëmijëve, pa lodra dhe mjetet e nevojshme didaktike për zhvillimin e fëmijës, kërkon ndërhyrje të menjëhershme për t’i kthyer këto ambiente në kushtet optimale për edukimin dhe socializimin e fëmijëve.

Gjithashtu, organizata synon të konsolidojë një grup vullnetarësh që do të kontribuojnë në përmirësimin e shërbimeve që do të ofrohen për këtë kategori. Rritja e ndërgjegjësimit të komunitetit do të kontribuojë gjithashtu në rritjen e mbështetjes financiare dhe vazhdimësinë e mensës sociale.

Partnerët Shqipëri vijoi programin e ndërtimit të kapaciteteve të OSHC-ve përmes një serie trajnimesh dhe sesionesh mentorimi, për të vlerësuar dhe përmirësuar gatishmërinë e tyre organizative për t’u angazhuar në aktivitete sipërmarrëse dhe gjenerimi të ardhurash.

Programi i ndërtimit të kapaciteteve u fokusua tek Përcaktimi i strategjisë së marketingut dhe shitjes; Zhvillimi i planit të marketingut; Krijimi i objektivave; Prezantimi i Idesë; Menaxhimi i Klientëve; dhe Rishikimi

“Edukimi përmes sportit në grupet e margjinalizuara” Përmes kësaj iniciative, Shoqata për të Drejtat e Komunitetit Egjiptian do të zhvillojë dhe promovojë aktivitete sportive dhe edukuese përmes ekipit sportiv të përbërë nga 30 fëmijë të komunitetit Rom dhe Egjiptian (deri në moshën 13 vjeç), të cilët stërviten dhe luajnë për kampionatin e moshave.

Mungesa e pajisjeve sportive, mundësive financiare për t’u ushtruar pranë ambienteve të duhura stërvitore ka vënë në vështirësi jetëgjatësinë e ekipit. Ky ekip futbolli do të krijojë një shembull pozitiv në komunitet dhe do të nxisë ndjenjën e përfaqësimit për anëtarët e komuniteteve Rome dhe Egjiptiane, uljen e braktisjes së heshtur të shkollës, minimizimin e bullizmit dhe promovimin e rregullave ‘fairplay” në fushë dhe në jetë për fëmijët përfitues nga kjo nismë.

i nevojave organizative dhe përgatitja e një plani veprimi për të përmbushur modelin e biznesit.

Sesionet e mentorimit të ofruara nga ekspertët e PSH dhe Project Ahead ishin një pjesë integrale e programit të ngritjes së kapaciteteve, në linjë me temat e trajnimeve të ofruara, duke u ardhur në ndihmë organizatave për zhvillimin e iniciativave të tyre sipërmarrëse.

Projekti “EMBRACE – Modele Sipërmarrjeje që ndërtojnë Marrëdhënie dhe Ekonomi Krijuese” financohet nga Bashkimi Evropian nëpërmjet Delegacionit të Bashkimit Evropian në Shqipëri.

3

PER NJE SHOQERI ME TE ZHVILLUAR

Partnerët Shqipëri shpalli në qershor thirrjen për aplikime për eventin #RrathëDhurues”, në mbështetje të OJF-ve që kanë një ide inovatore apo një nismë konkrete për të sjellë ndryshim social në komunitet, por që u mungojnë mjetet financiare apo ekspertiza teknike.

Inaugurohet e para sipërmarrje sociale në një pronë të konfiskuar nga krimi i organizuar Partnerët Shqipëri organizoi në 7 korrik 2018, ceremoninë e hapjes së “KeBuono!“, një pasticeri sociale e krijuar nga organizatat e shoqërisë civile “Engim” dhe “Qendra Sociale Murialdo”, në një pronë të konfiskuar nga krimi i organizuar në Fier.

Projekti CAUSE, i pari i këtij lloji, mund të shihet si pjesë e një mozaiku më të madh, që është zbatimi i suksesshëm i Reformës në Drejtësi dhe luftës kundër krimit të organizuar në Shqipëri, mbështetur edhe nga partnerët ndërkombëtarë.

Duke qenë iniciativa e parë e këtij lloji në Shqipëri dhe vendet e Ballkanit Perëndimor, Ke Buono! do të transformojë gatimin dhe ëmbëlsirat në mundësi për të nxitur përfshirjen sociale për njerëzit në nevojë, duke u mundësuar atyre që të punësohen dhe rigjejnë dinjitetin dhe rolin brenda shoqërisë.

Sipërmarrja do të mbështesë dhe forcojë vetëbesimin duke u ofruar një punë dhe duke i ndihmuar të ndërtojnë marrëdhënie të reja njerëzore të rinjve të rrezikuar nga krimi, atyre që vuajnë shërbimin e provës si dhe grave viktima të dhunës, të divorcuara ose të martuara me burra të dënuar në burg.

Ceremonia e inaugurimit u hap me fjalën përshëndetëse nga Znj. Juliana Hoxha, Drejtore e Partnerëve Shqipëri. “Kur e nisëm këtë rrugëtim, dukej si një mision i pamundur për shumë njerëz. Por ne guxuam dhe ja ku jemi sot me “Ke Buono”, si shprehja më domethënëse dhe konkrete e suksesit “, tha Znj. Hoxha.

Ceremonia u përshëndet nga Znj. Romana Vlahutin, Ambasadore e Delegacionit të BE në Shqipëri. “Ne jemi krenarë të dëshmojmë si kjo

gjë tashmë është bërë realitet: nuk ka të bëjë me një pasticeri, por me sundimin e ligjit! E gjithë shoqëria shqiptare duhet të përfshihet për të luftuar krimin e organizuar”. Kjo punë e guximshme dërgon një mesazh të qartë se ajo që i është vjedhur shoqërisë mund dhe duhet t’i kthehet shoqërisë. BE mbështet fuqimisht përdorimin e aseteve të konfiskuara për të mirën sociale”, u shpreh Znj. Vlahutin.

Të pranishëm në ceremoni ishin Znj.Vasilika Hysi, Zëvendëskryetare e Kuvendit të Shqipërisë, Znj.Ogerta Manastirliu, Ministre e Shëndetësisë dhe Mbrojtjes Sociale, Znj. Etilda Gjonaj, Ministre e Drejtësisë, Z.Besfort Lamallari, Zëvendësministër i Punëve të Brendshme, Z.Elton Haxhi, Zëvendësministër i Financave dhe Ekonomisë, Z.Artur Kala, Drejtor i Agjencisë për Administrimin e Pasurive të Sekuestruara dhe të Konfiskuara, Znj.Enkeleda Peshkëpia, Nënkryetare e Bashkisë Fier, etj.

Në një panel diskutimi të organizuar gjatë ceremonisë, ata u shprehën mbi çështjet dhe sfidat e ripërdorimit të aseteve të konfiskuara nga krimi i organizuar për qëllime sociale, kuadrin ligjor dhe rregullator mbi menaxhimin

efektiv të këtyre pasurive nga organizatat e shoqërisë civile, zbatimin e Ligjit për Ndërmarrjet Sociale dhe ndikimin pozitiv që projekte të tilla kanë në luftën ndaj aktiviteteve të paligjshme.

Ata e përgëzuan projektin dhe shprehën vullnetin dhe angazhimin e tyre për të lehtësuar përhapjen e këtij modeli inovator përmes kuadrit ligjor dhe rregullator.

Pas diskutimit, Znj.Hoxha dhe Znj.Vlahutin zbuluan pllakatën e projektit, dhe ftuan pjesëmarrësit të vizitojnë ambjentet e rindërtuara të pastiçerisë, ndërkohë që shfaqeshin imazhet e transformimit të pronës nga organizatat përfituese përmes mbështetjes së projektit CAUSE. Në fund të ceremonisë, pjesëmarrësit shijuan ëmbëlsirat dhe produktet e pastiçerisë në një koktej të organizuar me këtë rast.

Partnerët Shqipëri po punon për të përhapur këtë model të suksesshëm në prona të tjera të konfiskuara nga krimi i organizuar, në qytete të tjera të Shqipërisë.

“Hartëzimi i Sipërmarrjeve Sociale dhe Ekosistemit të tyre në Europë” Partnerët Shqipëri është pjesë e një projekti kërkimor që European Research Institute on Cooperative and Social Enterprises (EURICSE) dhe rrjeti EMES Research Network po realizojnë, i cili konsiston në “Hartëzimin e Sipërmarrjeve Sociale dhe Eko-sistemit të tyre në Europë” mbështetur nga BE, si një përditësim i studimit të realizuar në 2014 dhe 2016. Partnerët Shqipëri është duke realizuar hartëzimin e sipërmarrjeve sociale në Shqipëri.

Në 5 Qershor, Erila Haska Manaxhere Projekti pranë Partnerëve Shqipëri mori pjesë në mbledhjen e koordinatorëve me kërkuesit shkencor nga shtetet e tjera, e cila u organizua nga EURICSE në bashkëpunim me rrjetin EMES.

4

PER NJE SHOQERI ME TE ZHVILLUAR

KeBuono! është ngritur në kuadër të projektit “C.A.U.S.E – Përdorimi i Pronave të Konfiskuara për Sipërmarrje Sociale”, zbatuar nga Partnerët Shqipëri në partneritet me Project Ahead dhe Comitato Don Peppe Diana dhe në bashkëpunim me Agjencinë për Administrimin e Pasurive të Sekuestruara dhe të Konfiskuara.

Projekti financohet nga Bashkimi Evropian.

Shoqëri civile financiarisht e qëndrueshme = Shoqëri civile aktive Në vijim të punës së saj në drejtim të fuqizimit të sektorit jo fitimprurës dhe krijimit të një mjedisi mundësues për zhvillimin e tij, Partnerët Shqipëri organizoi konferencën OSHC të afta për t’u adaptuar në kohë ndryshimesh - Modele të reja biznesi.

Qëllimi i këtij eventi ishte ndarja e eksperiencave kombëtare dhe ndërkombëtare në lidhje me zbatimin e modeleve të reja të biznesit për OSHC-të në funksion të gjenerimit të të ardhurave përmes ndërtimit të partneritetit me sektorin privat, për të siguruar një impakt më të madh në komunitetet ku veprojnë.

Vendosja e zhvillimeve globale në kontekstin shqiptar si pjesë e axhendave të mëdha politike dhe ekonomike të vendit ishte gjithashtu pjesë e diskutimeve të konferencës. Për të adresuar këtë çështje, një nga sesionet e konferencës iu kushtua ndërtimit të adaptueshmërisë organizative, me pjesëmarrjen e Znj. Julia Roig, Presidente e PartnersGlobal dhe Z. Alex Sardar, Drejtor i Inovacionit, CIVICUS Aleanca Botërore për Pjesëmarrje Qytetare.

Konferenca u përshëndet nga Znj.Senida Mesi, Zëvendëskryeministre e Shqipërisë dhe Sh.T. Z. Donald Lu, Ambasador i SHBA në Shqipëri.

Gjatë kësaj periudhe, PSH finalizoi serinë e trajnimeve, asistencës dhe takimeve OJF-Biznese për raundin e dytë të përfituesve të programit. OJF-të dizenjuan dhe zhvilluan shërbime dhe produkte që mund të gjenerojnë të ardhura për organizatat e tyre, si dhe ndërtuan ura bashkëpunimi e partneritet me biznese.

Si pjesë e programit, Partnerët Shqipëri kanë përgatitur një raport i cili është ndërtuar mbi një vlerësim paraprak që PSh ndërmori përpara fillimit dhe dizenjimit të programit. Ky raport jep një panoramë të përmbledhur të situatës në sektor përsa i perket ofrimit të shërbimeve me pagesë.

Raporti bën një vlerësim të nivelit të përgatitjes institucionale të organizatave të shoqërise civile për t’u përfshirë në dizenjimin dhe ofrimin e shërbimeve dhe produkteve me pagesë, si dhe ofron informacion mbi natyrën e tyre dhe segmentin e tregut që targetojnë.

PER NJE SHOQERI ME TE ZHVILLUAR

Të ftuar në konferencë ishin përfaqësues të qeverisë, organizatave kombëtare dhe ndërkombëtare, agjencive donatore, sektorit privat, medias si dhe aktorë të tjerë të rëndësishëm që kontribuojnë në krijimin e një mjedisi mundësues dhe mbështetës për sektorin jofitimprurës në vend.

Gatishmëria OSHC-ve për Përfshirjen në Aktivitete që Gjenerojnë të Ardhura e

Studimi ofron një seri rastesh inspiruese nga Shqipëria dhe bota, përfshi edhe përfituesit e këtij programi, për procesin dhe sfidat e hasura në ndërmarrjen e një aktiviteti të tillë. Të gjitha këto mendohet që të nxisin dhe të ndihmojnë atë pjesë të sektorit të organizatave të shoqërisë civile para dhe gjatë procesit të dizenjimit të produkteve dhe shërbimeve me pagesë.

Nga takimet me kompanitë Telekom Albania dhe Grant Thornton Albania, ku OJF-të thelluan njohuritë mbi zhvillimin e strategjive/ mjeteve të marketingut, përgatitjen dhe negocimin e kontratave mbi shërbimet/produktet me pagesë; detyrimet e raportimit në shtet etj.

Kjo iniciativë zbatohet nga Partnerët Shqipëri në kuadër të Programit “Roli mbikqyrës (Watchdog) dhe advokues i shoqërisë civile”, mbështetur nga Zyra e Marrëdhënieve me Publikun e Ambasadës së Shteteve të Bashkuara në Tiranë.

5

Ide të Gjelbërta 2018 Çdo vit, që prej 2012, Partnerët Shqipëri fton në një konkurs të përvitshëm kombëtar, individë, sipërmarrës socialë, biznese të vogla dhe organizata jofitimprurëse për të prezantuar idetë e tyre inovative të biznesit, në sfidë me njëri-tjetrin, me synimin për të fituar një mbështetje financiare prej 800,000 ALL. Konkursi sivjet u organizua më 28 – 29 Qershor 2018 në Tiranë, ku u prezantuan 20 ide të përzgjedhura nga 35 aplikime, të cilat plotësonin kriteret e përcaktuara në thirrjen për aplikime si: krijimi i një sipërmarrjeje të vogël ekonomike në Shqipëri, duke shfrytëzuar burimet lokale e rigjallëruar traditat e prodhimit e tregjet e bazuara në komunitetet lokale, si dhe duke qenë njëkohësisht miqësore me mjedisin.

PER NJE SHOQERI ME TE ZHVILLUAR

Përpara konkursit, si çdo vit, Partnerët Shqipëri asistoi konkurrentët në Hartimin e Planit të Biznesit dhe Marketingut, përmes një programi dy-ditor ofruar nga ekspertë të Grand Thornton Albania.

Një juri e përbërë nga katër ekspertë, ndoqën me vëmendje prezantimet gjatë dy ditëve të konkurimit, dhe përzgjodhën tre idetë më të mira:

Aloe Vera (Saponaria) në Shqipëri - Albi Sulo (individ), i cili planifikon të

krijojë për herë të parë në vendin tonë një Aloe Vera Farm, në një zonë periferike të Tiranës, me ambicien për ta kthyer kultivimin e Aloe Vera në një sipërmarrje të suksesshme dhe fitimprurëse. Kjo nismë novatore lokale pritet të jetë një impuls nxitës për kultivimin më të gjerë të kësaj agrikulture të re bujqësore mjekësore në Shqipëri, duke shërbyer për përdorimin sa më të gjerë të tokës, rritjen e punësimit dhe mirëqenies.

Pana Suvenir nga Pezana Rexha (sipërmarrëse sociale) - një iniciativë që do

të krijojë dhe zhvillojë një linjë të re dhe unikale prodhimi me synimin për të përfaqësuar dhe identifikuar plotësisht Shqipërinë, suveniret “Made in Albania”, të prodhuara nëpërmjet riciklimit të paletave dhe mbetjeve drusore. Realizimi i kësaj ideje do të krijojë mundësi të reja punësimi dhe trajnimi, të personave nga shtresa në nevojë si dhe fëmijëve e të rinjve me aftësi ndryshe.

Shtigjet e Gjelbërta – Shoqata Vjosa Explorer do të krijojë në luginën e Vjosës (Përmet) katër shtigje të gjelbërta dhe një hartë dixhitale e cila do të përmbajë markimin me GPS, pikat e interesit dhe informacionin e nevojshëm të shtigjeve. Krijimi dhe promovimi i këtyre shtigjeve pritet të nxisë banorët e tetë fshatrave të përfshira në itineraret e tyre, që të përshtatin shtëpi pritëse për të ofruar akomodim e shërbime për vizitorët, si dhe të shtojnë prodhimin e produkteve tipike lokale që mbështeten në lëndën e parë të siguruar nga natyra.

Të tre ideve fituese iu dha mundësia për të marrë pjesë në konkursin rajonal të organizuar nga Balkan Green Foundation në Maqedoni në 18 - 20 korrik, 2018.

Idetë po mbështeten nga një fond i krijuar me kontributin e Rockefeller Brothers Fund, Balkan Trust for Democracy, Telekom Albania dhe Credins Bank. Përveç mbështetjes financiare, sipërmarrjet e reja do të mbështeten me asistencë dhe mentorim për çështje që kanë të bëjnë me ngritjen e këtyre sipërmarrjeve.

Konkursi i ardhshëm do të zhvillohet sërish rreth majit 2019, ndaj ftojmë sipërmarrje të vogla, organizata e individë me iniciativë, që të aplikojnë me ide interesante të cilat të kontribuojnë në zhvillimin e komuniteteve dhe ekonomive lokale.

6

Mjedis mundësues - OSHC të qëndrueshme Partnerët Shqipëri përgatiti dhe publikoi studimin Trajtimi Fiskal i OJF-ve- Vlerësim i kuadrit ligjor për organizatat jofitimprurëse në Shqipëri dhe zbatimit të tij në praktikë. Raporti trajton problematikat që kuadri aktual mbart, zbatimin e tij në praktikë si dhe rekomandime për adresimin e tyre. Gjetjet dhe rekomandimet tij pritet të shërbejnë si bazë e punës së PSH në bashkëpunim me sektorin për të adresuar si pjesë e përpjekjeve advokuese, ndryshime ligjore e praktike të nevojshme.

Një zhvillim pozitiv në këtë drejtim është vënia sërish në diskutim e një prej çështjeve më problematike siç është rimbursimi i TVSH-së për shpenzimet

e mbështetura nga donatorët që kanë një marrëveshje bashkëpunimi me qeverinë shqiptare, ku programet e BE-së zënë vendin kryesor.

Si pjesë e përpjekjeve të një grupi të përbashkët pune të ngritur midis Ministrisë së Financave dhe Ekonomisë, Delegacionit të BE-së dhe shoqërisë civile përfaqësuar nga Partnerët Shqipëri, pritet të dalë një procedurë e re për rimbursimin e TVSH-së që do të sjellë disa lehtësi dhe do të rrisë gamën e organizatave që do të përfitojnë, duke dhënë edhe më shumë garanci për zbatimin e saj.

PER NJE SHOQERI ME TE ZHVILLUAR

Më herët, Partnerët Shqipëri konsultuan gjetjet dhe rekomandimet paraprake të studimit në një takim me përfaqësues të OSHC-ve, institucioneve shtetërore dhe donatorë të cilët diskutuan mbi këto problematika dhe ofruan opinionet dhe eksperiencat e tyre, që konkretizuan më tej gjetjet e raportit të studimit. Të gjithë pjesëmarrësit e vlerësuan të domosdoshme ndërmarrjen e aksioneve konkrete për adresimin e problematikave lidhur me trajtimin fiskal të OJF-ve.

Iniciativa u mbështet nga IBON International nëpërmjet CSO Partnership for Development Effectiveness (CPDE), në kuadër të programit “Advokim për Mjedisin Mundësues të OSHC-ve”.

Matrica e Monitorimit mbi Mjedisin Mundësues për Zhvillimin e Shoqërisë Civile, Raporti për Shqipërinë 2017 FAKTE: a 7,383 ishte numri i OJF-ve të regjistruara në Gjykatë deri në fund të 2017; a 9,400 ishte numri mesatar i të punësuarve në sektor.

Matrica e Monitorimit mbi Mjedisin Mundësues për Zhvillimin e Shoqërisë Civile

RAPORTI

PËR SHQIPËRINË 2017

E megjithatë, mungesa e një regjistri të unifikuar elektronik me të dhëna për OJF-të (shpërndarjen gjeografike, formën e regjistrimit, numrin e punonjësve dhe vullnetarëve, burimet e financimit, të ardhurat, etj), e bën të vështirë matjen e impaktit dhe kontributit të tyre në zhvillimin social dhe ekonomik të vendit. Përsa i përket kuadrit ligjor dhe zbatimit të tij, ai vazhdon të mbartë një seri problematikash të cilat janë pjesë e Udhërrëfyesit për Hartimin e Politikës dhe Masave për një Mjedis Mundësues për Shoqërinë Civile 20132017, por që mbeten ende të pazgjidhura.

Për më shumë lexoni Matrica e Monitorimit mbi Mjedisin Mundësues për Zhvillimin e Shoqërisë Civile, Raporti për Shqipërinë 2017, përgatitur nga Partnerët Shqipëri. Raportin në anglisht e gjeni duke klikuar këtë link.

Monitorimi i të drejtës për tubime paqësore, Raporti për Shqipërinë 2016-2017 Monitorimi i të drejtës për tubime paqësore, Raporti për Shqipërinë 2016-2017 tashmë edhe në shqip, paraqet një analizë të kuadrit ligjor që rregullon lirinë e tubimit në Shqipëri kundrejt standardeve ndërkombëtare në këtë fushë. Ky raport u publikua fillimisht në gjuhën angleze në Dhjetor 2017.

Një zhvillim pozitiv lidhur më këtë çështje është një paketë me rekomandime nga Avokati i Popullit drejtuar Policisë së Shtetit gjatë muajit Korrik 2018, për përmirësimin e administrimit të tubimeve paqësore dhe lehtësimin e procedurave për të organizuar tubime.

Këto rekomandime bazohen në gjetjet e rekomandimet e prodhuara nga PSh si pjesë e këtij raporti.

Në muajin Qershor, një ekip i Partnerëve Shqipëri mori pjesë në një trajnim mbi monitorimin e të drejtës për tubime paqësore. Trajnimi i zhvilluar në Belfast u organizua nga Qendra Evropiane për Ligjin Jofitimprurës (ECNL). Metodologjia e re e observimit nga afër të tubimeve do të adoptohet nga PSh për ta sjellë atë në raportin e monitorimit të radhës për vitin 2018.

Në shtator, Juliana Hoxha, Drejtore e Partnerët Shqipëri mori pjesë në eventin e OSBE/ODIHR “Human Dimension Implementation Meeting” në Varshavë. Si pjesë e eventit “Promoting human rights complaint assembly policing practices in the Western Balkan region”, Znj. Hoxha prezantoi raportin e monitorimit të së drejtës për tubime paqësore dhe situatës në vend sa i përket ushtrimit të kësaj lirie në Shqipëri.

7

Akademia e OJF-ve 2017-2018

Akademia e OJFve Aftësi - Profesionalizëm - Zhvillim

Përfundoi me sukses programi #AkademiaeOJFve për grupin e pestë të pjesëmarrësve, përfaqësues të organizatave nga e gjithë Shqipëria. Prej vitit 2015, përmes këtij programi, mbi 70 drejtues organizatash kanë përfituar njohuri dhe zhvillim aftësish, mundësi bashkëpunimi, rrjetëzimi dhe partneriteti me organizata të ngjashme brenda dhe jashtë vendit.

Në konferencën përmbyllëse, pjesëmarrësit e Akademisë së OJF-ve ndër vite ndanë me të ftuarit disa prej përfitimeve, arritjet në nivel personal dhe profesional si dhe planet për të ardhmen.

Gjithashtu, gjatë këtij eventi u zhvillua edhe ceremonia e diplomimit të pjesëmarrësve të Akademisë së OJF-ve 2017-2018.

PER NJE SHOQERI ME TE ZHVILLUAR

Gjeni në këtë link një raport vlerësimi që evidenton impaktin konkret që Akademia e OJF-ve ka patur në rritjen e cilësisë së punës dhe performancës së organizatave pjesëmarrëse.

Akademia e OJF-ve u zbatua nga Partnerët Shqipëri në bashkëpunim me Partnerët për Ndryshim Demokratik Sllovaki (PDCS) në kuadër të projektit “Shtyllat e shoqërisë civile: Bashkëpunim më efektiv ndërmjet sektorit të shoqërisë civile dhe shtetit në Shqipëri”, financuar nga Slovak Aid – Asistenca Zyrtare për Zhvillim e Republikës së Sllovakisë.

Mbledhja e rrjetit ndërkombëtar Partners Network Përfaqësues të Qendrave anëtare të Partners Network pjesë e të cilit është edhe Partnerët Shqipëri, u takuan në Tiranë në maj të këtij viti. Qendrat e Rrjetit takohen çdo vit në një nga vendet anëtare, për të ndarë me njeritjetrin rezultatet dhe eksperiencat, projekte të përbashkëta e plane bashkëpunimi për të ardhmen.

Këtë vit mbledhja u mirëprit nga Partnerët Shqipëri, dhe përfaqësuesit e Rrjetit patën mundësinë të merrnin pjesë në Konferencën OSHC të afta për t’u adaptuar në kohë ndryshimesh - Modele të reja biznesi, ku edhe ndanë eksperiencat e tyre në zbatimin e modeleve të biznesit në funksion të gjenerimit të të ardhurave përmes ndërtimit të partneritetit me sektorin privat.

Vizitë e përfaqësuesve të qeverisë dhe parlamentit të Kosovës Në qershor, një delegacion nga Kosova përbërë nga përfaqësues të Ministrisë së Punës dhe Mirëqenies Sociale dhe anëtarë të Parlamentit ndër të cilët Znj.Besa Baftiu, Kryetare e Komisionit për Shëndetësi, Punë dhe Mirëqenie Sociale, si dhe Znj.Flora Brovina, anëtare e këtij Komisioni si dhe Kryetare e Lidhjes së Shkrimtarëve të Kosovës, zhvilluan një takim në zyrën e Partnerëve Shqipëri.

Znj. Juliana Hoxha, drejtore e PSH i njohu përfaqësuesit e nderuar me zhvillimet më të fundit si dhe disa nga praktikat e sipërmarrjes sociale në Shqipëri, diskutim që i vjen në ndihmë procesit të shqyrtimit të projektligjit për ndërmarrjet sociale në Kosovë.

8

Për një treg pune në dobi të rinisë shqiptare

www.risialbania.al

RisiAlbania është një projekt zhvillimor që synon rritjen e shanseve për punësim të të rinjve. Ai është një projekt i Agjensisë Zvicerane për Zhvillim dhe Bashkëpunim dhe zbatohet nga një konsorcium partnerësh të përbërë nga Helvetas Swiss Intercooperation dhe Partnerët Shqipëri për Ndryshim dhe Zhvillim.

RISI Albania ka hyrë në fazën e dytë të projektit. Si pjesë e analizave paraprake dhe një studimi të situatës, një nga grupet vunerabël të identifikuar ishte “migrantët e brendshëm”, të vendosur kryesisht në zonat periferike të Tiranës si Kamza, Paskuqani, Kashari dhe Farka. Në kuadër të projektit, Partnerët Shqipëri po realizon një studim “Kuptimi i papunësisë midis Migrantëve të Brendshëm në Kamëz”, me qëllim gjetjen e “pikave hyrëse” që synojnë ndërhyrjen nga RisiAlbania për të reduktuar papunësinë e migrantëve të brendshëm të vendosur në këto zona.

Disa nga aktivitetet kryesore të projektit për këtë periudhë ishin:

21 festivale u zhvilluan në fshatra në mbarë Shqipërinë, nga maji deri në shtator 2018, si pjesë e nismës “100 fshatra” të nisur nga qeveria shqiptare. Këto festivale do të shndërrohen në traditë dhe një event i përhershëm në axhendën e iniciativës së 100 fshatrave, duke synuar të ndihmojnë bizneset lokale dhe operatorët turistikë për të promovuar dhe për të pozicionuar më mirë në treg produktet dhe shërbimet e tyre përgjatë viteve.

Kërkim mbi nivelet e shërbimet e këshillimit të karrierës në universitetet publike dhe private RisiAlbania ka ndërmarrë një kërkim të thelluar për të identifikuar gjendjen aktuale të shërbimeve të këshillimit të karrierës në universitetet publike dhe private në të gjithë vendin, me një vëmendje të veçantë në çështjet gjinore dhe përfshirjen sociale. Rezultatet e këtij kërkimi do të shërbejnë si bazë për identifikimin e mundësive për mbështetje nga Risi Albania për shërbime të ndryshme që ofrohen në nivele të ndryshme të këshillimit të karrierës në universitete.

Projekti po bashkëpunon gjithashtu me Fakultetin e Shkencave Sociale, duke synuar përmirësimin e programit të tyre të studimeve master mbi orientimin e karrierës, si i vetmi institucion arsimor i cili përgatit këshilltarët e karrierës.

Programe të reja mediatike mbi orientimin e karrierës Programi i ri radiofonik “Rruga drejt suksesit” transmetohet live nga maji i vitit 2018 në valët e radios kombëtare Club FM, çdo të martë dhe të enjte në orën 16:00. Ky edicion special sjell informacion të drejtpërdrejtë mbi orientimin drejt karrierës dhe tregut të punës në mënyrë tërheqëse përmes lenteve të humorit, ndërkohë që kompanitë mediatike të interesuara janë të ftuara për të hartuar, prodhuar dhe shpërndarë produkte tërheqëse, inovatore dhe të përshtatura enkas për të rinjtë, për t’i informuar ata në orientimin drejt karrierës.

Një mënyrë e re bashkëpunimi në sektorin e Bimëve Mjekësore dhe Aromatike (BMA) Risi po trajton praktikat pas korrjes në sektorin e BMA. Në mesin e vitit 2018 u krijua në Tepelenë grupi i parë me 12 aktorë (fermerë, koleksionistë, përpunues, përfaqësues të qeverisjes vendore dhe përfaqësues të industrisë ushqimore). 5.000 familje rurale në rajonin e Tepelenës janë të përfshirë në mbledhjen e BMA, ndërkohë që duke

punuar së bashku do të përmirësojnë cilësinë e produkteve, do të zgjerojnë tregjet dhe do të ofrojnë përfitime për familjet rurale. Ideja e përbashkët e paraqitur nga anëtarët e grupit është përmirësimi i pikave të grumbullimit, të pajisura me njësi moderne të tharjes.

Drejt krijimit dhe menaxhimit të Portalit Zyrtar të Turizmit për rajonin e Gjirokastrës RisiAlbania mblodhi së bashku operatorët turistikë, bizneset, përfaqësuesit e qeverisë vendore dhe akademikë nga rajoni i Gjirokastrës, të cilët ranë dakord të krijojnë dhe marrin pjesë në menaxhimin e një organi që do të jetë përgjegjës për Portalin Zyrtar të Turizmit për rajonin e Gjirokastrës. “Ky portal është mjeti i duhur që do të na sjellë së bashku për të punuar drejt qëllimit tonë të përbashkët - promovimin e Gjirokastrës si destinacion turistik”, - u shpreh Sadi Petrela, nga Fondacioni Gjirokastra. Portali do të menaxhohet nga aktorët lokalë dhe do të mbështetet nga RisiAlbania.

Edicioni special i revistës ALBINFO mbi turizmin alternativ në Shqipëri Projekti RisiAlbania ka nisur një bashkëpunim inovativ midis ALBINFO. CH, operatorëve turistikë dhe bizneseve në Shqipëri. Rezultati është revista e parë e dedikuar tërësisht ofertave të turizmit alternativ në Shqipëri. Botuar në gjermanisht, shqip dhe frëngjisht, tre seksionet e saj fokusohen rreth produkteve të turizmit të hiking, atij kulturor dhe turizmit të aventurës.

“Edicioni special i Albinfo.ch, i mbështetur nga SDC përmes projektit RisiAlbania, synon prezantimin e destinacioneve dhe ofertave të reja turistike në Shqipëri, duke synuar kryesisht diasporën”, - u shpreh Dr. Bashkim Iseni, drejtor i platformës Albinfo.ch.

Prezantimi i rezultateve të studimit “Vlerësimi i multiplikatorëve të punësimit në sektorët e ekonomisë shqiptare” RisiAlbania po ofron të dhëna të dobishme për projektet që synojnë krijimin e vendeve të qëndrueshme të punës, si dhe për vendimmarrësit në fushën e politikave që synojnë krijimin e progresit social dhe ekonomik, përmes studimit inovativ “Vlerësimi i multiplikatorëve të punësimit në sektorët e ekonomisë shqiptare”. Risi mblodhi së bashku përfaqësues të institucioneve qeveritare, komunitetit të donatorëve e akademikë, duke hapur diskutimin mbi mënyrat se si të rritet impakti direkt dhe indirekt në 35 sektorë të ndryshëm ekonomikë të analizuar.

Prezantimi i programeve të reja inovative të trajnimit RisiAlbania po mbështet ofruesit privatë të trajnimeve, për të diversifikuar ofertën e tyre përmes prezantimit të programeve inovative, të arritshme edhe për grupet e margjinalizuara sidomos në zonat e largëta, me një fokus të veçantë tek gratë e reja.

Ndërkohë, një partner i RisiAlbania në fushën e ofrimit të trajnimeve, zhvilloi katër kurse jo formale trajnimi në çështje të TIK, konceptuar në formë webinar. Një ofrues tjetër trajnimesh në Lezhë ka filluar hartimin e programeve të reja lidhur me hoteleri-turizmin, tema shumë të kërkuara nga bizneset e turizmit.

9

PER NJE SHOQERI ME TE ZHVILLUAR

“Festa e traditës” - Promovimi i mënyrave të reja për krijimin e vendeve të punës 21 festa lokale, 21 destinacione turistike për të zbuluar Shqipërinë këtë verë si pjesë e “Festa e traditës” - një nismë e përbashkët e Ministrisë së Bujqësisë dhe Zhvillimit Rural dhe Ministrisë së Turizmit dhe Mjedisit, mbështetur nga RisiAlbania.

“Youth Bank Hub” për Ballkanin Perëndimor e Turqinë

Projekti “Youth Bank Hub për Ballkanin Perëndimor dhe Turqinë” po zbatohet që prej fillimit të vitit 2016, nga pesë organizata partnere në Shqipëri, Serbi, Maqedoni, Mali i Zi dhe Turqi. Ai synon përmirësimin e pjesëmarrjes së të rinjve në proceset vendimmarrëse në Ballkanin Perëndimor dhe në Turqi, përmes ngritjes së kapaciteteve të organizatave rinore, iniciativave advokuese dhe aktiviteteve ndërgjegjësuese. Projekti financohet nga Bashkimi Evropian.

Në kuadër të monitorimit të vazhdueshëm të pjesëmarrjes politike, sociale dhe ekonomike të të rinjve në Shqipëri, PSh publikoi në qershor Raportin e Monitorimit për periudhën janar-qershor 2018, i cili ofron të dhëna statistikore të përditësuara mbi një set

Nga takimi i organizatave partnere të YBHWBT, prill 2018, Mali i Zi

treguesish të paracaktuar si dhe një krahasim të situatës përgjatë tre viteve të monitorimit.

Raporti u konsultua me grupet e interesit dhe aktorët kryesorë të angazhuar me çështjet rinore.

Në prill 2018, përfaqësuesit e PSh morën pjesë në takimin e partnerëve të projektit YBH4WBT zhvilluar në Mal të Zi, ku diskutuan mbi projektet e fituara nga organizatat rinore në secilin shtet si dhe procesin e monitorimit dhe vlerësimit të tyre. Më herët, përmes një procesi të hapur aplikimi Rrjeti përzgjodhi nga secili shtet, tre organizata lokale grantmarrëse dhe partnerë në zbatimin e modelit YBH. “Youth Act Centre “nga Tirana, “Epoka e Re” në Fier dhe Qendra Sociale në Ndihmë të Njerëzve në Nevojë në Fushë Arrëz, si

organizatat e përzgjedhuara grantmarrëse nga Shqipëria, së bashku me përfaqësues të PSh, u bënë pjesë e vizitës studimore të zhvilluar në muajin qershor në Serbi, organizuar nga Fondacioni “Ana i Vlade DIVAC”, partnerët tanë zbatues. Grupi i përfaqësuesve vizitoi dhe u takua me zyrtarë të Bashkisë Obrenovac, Ministrisë së Rinisë dhe Sporteve në Serbi, si dhe u njoh me iniciativa rinore në Arandjelovac.

Gjithashtu, ata morën pjesë në një tryezë të rrumbullakët për diskutimin e situatës së përfshirjes politike, sociale dhe ekonomike të të rinjve në Ballkan, me pjesëmarrjen e 20 organizatave nga Shqipëria, Mali i Zi, Maqedonia, Turqia dhe Serbia, si dhe përfaqësues të Bashkimit Evropian dhe RYCO në Serbi.

PER NJE SHOQERI ME TE ZHVILLUAR

Nga vizita studimore në Serbi, qershor 2018

Në vijim organizatat grantmarrëse të YBH4WBT, përfituan nga një program trajnimi i ofruar nga PSH, ndërtuar mbi nevojat e tyre specifike mbi tema si menaxhimi i projekteve dhe procedurat financiare, advokasia dhe komunikim strategjik, me qëllim rritjen e kapaciteteve dhe aftësive të organizatave në zhvillimin dhe ndërmarrjen e iniciativave advokuese për rritjen e përfshirjes sociale, politike dhe ekonomike të të rinjve në Shqipëri dhe rajon.

10

Partnerët Shqipëri, pjesë e “Rrjetit Shqiptar për Edukimin Financiar” (ANFE)

Znj. Juliana Hoxha, Drejtore e PSh gjatë ceremonisë së nënshkrimit të marrëveshjes së bashkëpunimit për krijimin e Rrjetit, qershor 2018

dhe Zhvillim dhe Shërbimit Kombëtar për Rininë, u krijua “Rrjeti Shqiptar për Edukimin Financiar” (ANFE).

Rrjeti do të kontribuojë në avancimin e edukimit financiar në Shqipëri, tek të gjitha grupmoshat, sipërmarrësit dhe ndërmarrjet e vogla e të mesme.

Nga takimi i parë i anëtarëve të Rrjetit, shtator 2018

PER NJE SHOQERI ME TE ZHVILLUAR

Përmes një Memorandumi Bashkëpunimi ndërmjet Shoqatës Shqiptare të Bankave, Shoqatës së Siguruesve të Shqipërisë, Shoqatës Shqiptare të Mikrofinancës, Shoqatës së Siguruesve të Jetës, Pensioneve dhe Fondeve të Investimeve, Shoqatës së Tregtimit të Titujve në Shqipëri, Bursës Shqiptare të Titujve ALSE, Junior Achievement Albania, Partnerët Shqipëri për Ndryshim

Monitorimi i aktivitetit filantropik në Shqipëri Gjatë periudhës qershor – shtator 2018, monitorimi i përditshëm i aktivitetit filantropik rregjistroi 55 raste dhurimesh, me vlerë totale 68,487,853 ALL. Përfituesit kryesorë ishin Fëmijët dhe të rinjtë ndërsa dhuruesit kryesorë Individët.

Si pjesë e punës së saj për të promovuar filantropinë, që prej vitit 2015 Partnerët Shqipëri kryen monitorimin e përditshëm të këtij aktiviteti, duke u fokusuar në çështjet e mbështetura, natyrën dhe vlerat e dhurimit, mbulimin gjeografik dhe natyrën e donatorëve dhe përfituesve. Përmbledhjet mujore dhe vjetore të monitorimit i gjeni në website tonë në këtë link.

Vështrim mbi #Filantropinë është një buletin 3mujor me lajme dhe fakte mbi aktivitetin filantropik në Shqipëri e më gjerë.

Shfletoni këtu edicionin më të fundit të këtij buletini.

Pjesëmarrja publike dhe konsultimi në nivelin e vetëqeverisjes vendore në shqipëri

Situata aktuale, sfidat, mundësitë dhe praktika të mira të mekanizmave të angazhimit qytetar dhe konsultimit Në kuadër të projektit “Konsolidimi i Reformës Administrative dhe Territoriale – STAR2”, Partnerët Shqipëri zhvilloi një vlerësim i cili synon të japë një panoramë të plotë të kuadrit ligjor, rregullator dhe praktikave pozitive të pjesëmarrjes dhe konsultimit publik, me qëllim identifikimin e problematikave, sfidave në këtë drejtim si dhe faktorëve të suksesit.

Megjithë zhvillimet pozitive në legjislacion vitet e fundit si dhe zhvillimin e disa praktikave të mira në lidhje me pjesëmarrjen dhe angazhimin qytetar në vendimmarrjen e strukturave të vetëqeverisjes vendore, pjesëmarrja qytetare në vendimmarrje dhe konsultimi me komunitetet lokale mbetet në nivele të ulta. Për më tepër, monitorimi i angazhimit efektiv dhe efikas të publikut dhe i vendimmarrjes me pjesëmarrje në nivel lokal në Shqipëri nuk ka një grup standard treguesish të matshëm që të çojnë në menaxhimin e performancës së këtij dimensioni thelbësor për demokracinë lokale.

Projekti STAR2 synon të sigurojë mbështetje të integruar për të gjitha 61 NJQV-të që angazhohen në aktivitete përgjatë tre komponentëve kryesorë me fokus të veçantë në: 1) Forcimin e kapaciteteve institucionale dhe administrative të NJQV-ve; 2) Përmirësimi i ofrimit të shërbimeve në nivel të NJQV-ve duke përfshirë riorganizimin e ofrimit të shërbimeve në nivel lokal; si dhe 3) Rritja e qeverisjes së mirë nëpërmjet vendimmarrjes me pjesëmarrje të orientuar nga qytetarët.

Si pjesë e vlerësimit, PSh identifikoi edhe një seri praktikash të mira të zbatimit të mekanizmave për pjesëmarrje dhe konsultim publik në disa bashki të vendit si: Tiranë, Vorë, Shkodër, Fushë-Arrëz, Elbasan, Rroskovec, Kuçovë, Korçë, Devoll, Selenicë.

Qëllimi final është që vlerësimi të shërbejë si bazë për hartimin e një udhëzuesi për pjesëmarrjen publike dhe konsultimin në nivel vendor si dhe ndërtimin e një sistemi

monitorimi që t’u vijë në ndihmë të gjitha njësive të vetqeverisjes vendore për një zbatim më të mirë të kuadrit ligjor si dhe për krijimin e praktikave standarde efektive që garantojnë përfshirjen e publikut në vendimmarrjen vendore.

Në vijim, Partnerët Shqipëri do të organizojë 28 trajnime dhe workshope me përfaqësues të njësive të vetqeverises vendore për fuqizimin e tyre në lidhje me këto çështje.

Projekti “Konsolidimi i Reformës Administrative dhe Territoriale – STAR2” zbatohet nga Qeveria Shqiptare në partneritet me Zyrën e Kombeve të Bashkuara për Zhvillim në Tiranë me mbështetjen dhe bashkëpunimin me Bashkimin Evropian, qeveritë e Suedisë, Italisë, Zvicrës dhe USAID.

11

www.levizalbania.al LevizAlbania është një projekt që synon të forcojë demokracinë vendore në Shqipëri përmes angazhimit të aktorëve të shoqërisë civile dhe individëve si kampionë të demokracisë për një qeverisje vendore cilësore. Ky projekt zbatohet nga një konsorcium i përbërë nga tre organizata: Fondacioni Shoqëria e Hapur për Shqipërinë, Partnerët Shqipëri dhe Co-plan, dhe mbështetet financiarisht nga Ambasada Zvicerane në Shqipëri.

Fuqizimi i organizatave të shoqërisë civile për përfshirje dhe pjesëmarrje efektive në politikëbërjen dhe vendimmarrjen lokale Në mbështetje të LevizAlbania, për të adresuar nevojat e përfituesve dhe aplikantëve të interesuar, PSh po ofron një program të gjerë asistence, “online” dhe “onsite”, që mbështet rrjetëzimin në territore më të gjera se ato ku organizatat operojnë, si dhe ekspertizën e tyre për të advokuar në mënyrë të suksesshme në vendimmarrjen lokale.

Për të orientuar dhe mbështetur grantmarrësit e LA, bazuar në nevojat dhe sfidat e hasura në zbatimin e projekteve të tyre, Partnerët Shqipëri ofruan sesione individuale mentorimi për 14 përfitues të thirrjes së katërt të LevizAlbania.

Nga trajnimi online në Planifikim Kooperues, 29 qershor 2018

Kampet e Demokracisë Vendore është iniciativa më e re e organizuar nga Partnerët Shqipëri në kuadër të projektit LevizAlbania, me qëllim aftësimin dhe aktivizimin e të rinjve dhe të rejave për të kontribuar në përmirësimin e demokracisë vendore në qytetet e tyre.

Në vijim të kampeve të organizuara më herët në Korçë dhe Shkodër, PSH organizoi në 8-10 maj kampin e rradhës në Vlorë. Kampi në të cilin morën pjesë 23 të rinj ishte një nga aktivitetet e organizuara në kuadër të Javës së Demokracisë Vendore 2018 të LëvizAlbania.

Gjatë kampit, pjesëmarrësit u prezantuan me disa eksperienca dhe praktika të suksesshme lokale dhe ndërkombëtare. Znj. Alketa Dhimitri nga Qendra Rinore e Vlorës, një nga grantmarrësit e LëvizAlbania ndau përvojën dhe punën e saj me të rinjtë. Znj. Katica Mihajloviq, Menaxhere Projekti e Shoqatës për Iniciativa Demokratike (ADI) nga Maqedonia, përmes lidhjes virtuale ndau përvojën e saj dhe iniciativat konkrete të zbatuara nga kjo organizatë, të cilat synojnë rritjen e pjesëmarrjes së komunitetit në proceset vendimmarrëse, përfshirjen në monitorimin e procesit të decentralizimit në Maqedoni, e veçanërisht pjesëmarrjen e pakicave etnike në sferën politike dhe ekonomike dhe krijimin e bashkëpunimit ndërmjet bashkive dhe komuniteteve.

#JavaDemokracisëVendore2018 Gjatë 7-11 majit LevizAlbania organizoi #JavaDemokracisëVendore2018, një seri debatesh, forumesh e aktivitete të tjera për të ballafaquar arritjet e projektit dhe sfidat me të cilat aktorët e shoqërisë civile dhe individët përballen gjatë zbatimit në terren të iniciativave konkrete të mbështetura nga LevizAlbania.

12

PER NJE SHOQERI ME TE ZHVILLUAR

Gjatë muajve maj - qershor 2018, Partnerët Shqipëri organizuan dy trajnime online në Advokasi dhe Lobim dhe Planifikim Kooperues, me pjesëmarrjen e 19 përfaqësuesve të OSHC-ve, individëve dhe përfituesve të skemës së granteve të LevizAlbania.

Partneritet OJF- Qeverisje vendore: Së bashku për një pjesëmarrje më efektive Prej janarit 2018, Partnerët Shqipëri po zbaton iniciativën Partneritet OJF – Qeverisje vendore: Së bashku për pjesëmarrje më efektive, përmes së cilës po punohet për fuqizimin e organizatave të shoqërisë civile dhe përfaqësuesve të qeverisjes vendore në përdorimin e mekanizmave që influencojnë hartimin e politikave dhe vendimmarrjen efektive vendore. Programi konsiston në një seri trajnimesh dhe asistencë individuale për drejtuesit e OJF-ve, si dhe shkëmbim eksperiencash me ekspertë ndërkombëtarë.

Në muajin qershor u organizua gjithashtu programi i parë i trajnimit mbi Qeverisjen me Pjesëmarrje, për 15 përfaqësues të pushtetit vendor nga bashkitë e Korçës, Devollit, Maliqit, Pogradecit, përfaqësues të Këshillit të Qarkut, dhe Prefekturës Korçë.

Gjatë kësaj periudhe, Partnerët Shqipëri organizoi tetë trajnime dy-ditore në Tiranë, Vlorë, Korçë, Elbasan dhe Kukës, me fokus në Advokasi dhe Lobim, Planifikim Kooperues, Politikëbërje me Pjesëmarrje dhe Qeverisje me Pjesëmarrje, nga të cilat përfituan 128 përfaqësues të shoqërisë civile.

Projekti “Partneritet OJF – Qeverisje vendore: Së bashku për pjesëmarrje më efektive” zbatohet nga Partnerët Shqipëri në bashkëpunim me Partnerët për Ndryshim Demokratik Sllovaki (PDCS) dhe mbështetet financiarisht nga Slovak Aid – Asistenca Zyrtare për Zhvillim e Republikës së Sllovakisë.

OJF më të Fuqishme për Transparencë në Shëndetësi PSH përgatiti dhe ofroi një program për ndërtimin e kapaciteteve të 20 organizatave në fushën e mbrojtjes së pacientëve, organizata që punojnë në fuqizimin e sistemit shëndetësor dhe organizata që kontribuojnë në rritjen e transparencës dhe luftës ndaj korrupsionit në sektorin e shëndetësisë, nga Tirana, Lushnja, Fieri, Kukësi, Shkodra, Saranda, Pogradeci, Berati, Elbasani, Durrësi, Peshkopia, Tropoja dhe Korça.

Programi i trajnimit u fokusua në çështje si Mobilizimi i Komunitetit, Roli i Shoqërisë Civile në Luftën kundër Korrupsionit, dhe Advokasia e Lobimi.

Nën lehtësimin e ekspertëve të PSH, pjesëmarrësit identifikuan çështje konkrete problematike në sistemin shëndetësor në Shqipëri, si mungesa e transparencës në lidhje me buxhetimin dhe shpenzimet e Qendrave Shëndetsore, zbatimi i dobët i standardeve në qendrat e Kujdesit Shëndetësor Parësor, dhe kryerjen e vleresimit bazuar në kritere dhe thjeshtëzimi I procedurave për aftësinë e kufizuar. Gjatë sesioneve të trajnimeve, ata punuan për përgatitjen e planeve për mobilizimin e komunitetit, identifikimin e strategjive antikorrupsion, dhe hartimin e planeve avokuese për të adresuar çështjet e identifikuara.

Projekti do të vazhdojë me asistencë dhe mentorim të organizatave pjesëmarrëse për finalizimin e planeve advokuese, për një rol dhe kontribut më të madh të OSHC-ve në rritjen e transparencës dhe luftën kundër korrupsionit në sektorin e shëndetësisë, në bashkëpunim të ngushtë me organet mbikëqyrëse, si Avokati i Popullit, KLSH dhe ILDKPKI. “OJF më të Fuqishme për Transparencë në Shëndetësi” zbatohet nga Partnerët Shqipëri dhe mbështetet nga projekti “Transparenca në Sistemin Shëndetësor”, me mbështetjen financiare të Popullit Amerikan nëpërmjet Agjencisë së Shteteve të Bashkuara për Zhvillim Ndërkombëtar USAID.

13

PER NJE SHOQERI ME TE ZHVILLUAR

Dy nga këto programe u drejtuan nga Znj.Karolina Mikova, Drejtore Ekzekutive e Partnerëve për Ndryshim Demokratik Sllovaki (PDCS) dhe znj. Zora Pauliniova, trainere dhe eksperte me eksperiencë mbi 20 vjeçare në këtë fushë.

Në përgjigje të nevojave për konsulencë të organizatave pjesëmarrëse në trajnime, ekspertët e PSh zhvilluan tre trajnime online dhe 11 seanca asistence individuale.

Rregjistrohuni dhe rifreskoni informacionin e organizatës suaj në

The Albanian Crowd www.thealbaniancrowd.org The Albanian Crowd është një platformë interaktive e sektorit të organizatave të shoqërisë civile dhe ndërmarrjeve sociale në Shqipëri. Platforma ofron informacion të zgjeruar mbi vendndodhjen, fushat e veprimtarisë, përfituesit, shërbimet që organizatat dhe ndërmarrjet sociale ofrojnë dhe projektet me të cilat ato punojnë.

PER NJE SHOQERI ME TE ZHVILLUAR

The Albanian Crowd ofron mundësi për anëtarët që të ndajnë të rejat më të fundit mbi projektet dhe aktivitetet, të identifikojnë partnerë potencialë dhe të tërheqin vullnetarë e mbështetës.

Gjithashtu, The Albanian Crowd u shërben edhe institucioneve e individëve nga sektori shtetëror, biznesi, media, organizatat ndërkombëtare e donatore të cilët mund të gjejnë në të informacion dinamik, partnerë dhe shërbimet e nevojitura.

Albanian Crowd numëron 150 organizata anëtare nga i gjithë vendi, që punojnë në fusha të ndryshme. Që prej lançimit ajo ka patur mbi 21,000 vizitorë, më shumë se 2.5 milion klikime nga rreth 150 vende në mbarë botën.

Mirëpresim informacione të reja tuajat për t’i pasqyruar në platformë. Ndërkohë i bëjmë thirrje organizatave të bëhen pjesë e The Albanian Crowd duke plotësuar formën e regjistrimit online në linkun e mëposhtëm.

-http://www.thealbaniancrowd.org/aplikimi/

Partnerët Shqipëri është një OJF shqiptare e pavarur, e themeluar në vitin 2001, që mbështet shoqërinë civile dhe lehtësimin e bashkëpunimit ndër-sektorial me qëllim forcimin e institucioneve demokratike dhe avancimin e zhvillimit ekonomik.

Partnerët Shqipëri është anëtare e Partners Network, një partneritet i 22 organizatave të pavarura në Evropë, Amerikën Veriore dhe Jugore, Afrikë e Lindjen e Mesme, të cilat punojnë për një ndryshim paqësor e demokratik.

Rruga Sulejman Delvina, N.18, H.8, Ap. 12, Njësia Bashkiake 5, 1022, Tirana, Albania, Kutia Postare (PO Box) 2418/1 Tel. Faks: 04 2254881 Email: partners@partnersalbania.org http://www.partnersalbania.org Na ndiqni në: Facebook, Linkedin, Youtube, Twitter Vizitoni The Albanian Crowd, platformën online të OJF-ve dhe sipërmarrjeve sociale në Shqipëri

14