Vështrimmbi#Filantropinë BULETIN 3MUJOR, Nr.2, Dhjetor2017
Përmbajtja: -Shpallen Fituesit e Çmimit të Filantropisë 2017 faqe1 -Fakte mbi Aktivitetin Filantropik në Shqipëri Tetor—Dhjetor 2017 faqe 2—3 - “Buddy Walk Tirana”, Down Syndrome Albania - “International Holiday Bazaar” në mbështetje të foshnjeve të braktisura —OSAAB -“1 Ditë vullnetarizmi në Zoo Park“, Green Line Albania faqe 4—5 - “TI JE NJË LULEDIELLI”, në ndihmë të fëmijëve të prekur nga sëmundjet e gjakut faqe 6 - Giving Circle– Iniciativa më e re e Partnerëve Shqipëri dhe Crowdfunding i pare live në Shqipëri! faqe 7 -Studimi i ECNL mbi Kuadrin Rregullator për Ngritjen e Fondeve në Evropë faqe 8
SHPALLEN FITUESIT E ÇMIMIT TË FILANTROPISË 2017 Prej vitit 2011 Partnerët Shqipëri organizon ceremoninë gala “Çmimet e Filantropisë“, për të njohur përpjekjet dhe shprehur mirënjohje për individët, familjet dhe kompanitë që kontribuojnë në përmirësimin e jetës në komunitetet e tyre. Në ceremoninë e vitit 2017 morën pjesë një numër i madh personalitetesh nga qeveria shqiptare, deputetë, trupi diplomatik i akredituar në Shqipëri, institucione ndërkombëtare dhe agjenci donatore, përfaqësues të sektorit të biznesit, atij jofitimprurës dhe medias.
Partnerët Shqipëri, si pjesë e misionit të saj në mbështetje të sektorit jo-fitimprurës në Shqipëri dhe forcimit të bashkëpunimit ndërsektorial, po punon për zhvillimin e filantropisë në vend. Për të tretin vit radhazi Partnerët Shqipëri po kryen monitorimin e aktivitetit filantropik në Shqipëri nëpërmjet hulumtimit të medias, përfshi edhe ato sociale, si dhe burimeve të informacionit nga institucionet publike dhe jo-publike. Hulumtimi kryhet mbi baza ditore dhe gjetjet paraqesin çështjet e mbështetura, natyrën dhe vlerën e dhurimeve, mbulimin gjeografik si dhe natyrën e dhuruesve. Ato vijnë në formën e informacionit të përmbledhur mujor që synon të ndihmojë në kuptimin dhe evidentimin e këtij aktiviteti.
Fituesit e Çmimeve të Filantropisë 2017 janë si më poshtë: Çmimi për Kontribut në Nivel Kombëtar iu akordua Kompanisë TELEKOM Albania, për kontributin e dhënë në mbështetje të zhvillimit social, kujdesit shëndetësor dhe mjedisor në vend, e në veçanti për pajisjen me libra artistikë të librarive publike në qytetin e Tiranës, pajisjen me aparatura mjekësore në spitalin Shefqet Ndroqi e Shërbimin e Neurologjisë në Qendrën Spitalore Universitare “Nënë Tereza”, si dhe për kontributin e veçantë në fushën kërkimore për luftën kundër dementias nëpërmjet realitetit virtual. Çmimi për Kontribut në Nivel Lokal iu akordua Kompanisë HAKO sh.p.k, për mbështetjen në fushën e edukimit, shërbimeve terapeutike dhe zhvillimit të fëmijëve e të rinjve me nevoja të veçanta në qytetin e Tiranës. Çmimi për Kontributin si Individ iu akordua Albana Osmani, për kontributin e veçantë në rikonstruksionin e Shërbimit të Onkohematologjisë Pediatrike në Qendrën Spitalore Universitare “Nënë Tereza” dhe rritjen e solidaritetit dhe sensibilizimit qytetar në ndihmë të fëmijëve të prekur nga sëmundjet e gjakut, përmes fushatës “Ti je një luledielli”.
Mbledhja e të dhënave mbështetet nga Catalyst Balkans.
Çmimi special – Pionieri i Filantropisë iu akordua Kristaq Zografi (pas vdekjes), për veprimtarinë e tij të shquar në fushën e arsimit dhe kulturës, ku veçohet ndërtimi i gjimnazit të parë në fshatin Qestorat të Gjirokastrës, akordimi i bursave për të rinjtë dhe ndërtimi i disa veprave publike brenda dhe jashtë vendit.
Ky buletin prezanton të dhëna infografike mbi monitorimin e këtij aktiviteti, si dhe raste e mbështetjes dhe dhurimit, në Shqipëri dhe rajon.
Çertifikatë Mirënjohjeje iu akordua Gjergji Renja, për kontributin e vazhdueshëm në ndihmë të familjeve në nevojë në fshatrat e Beratit, e veçanërisht në mbështetjen e edukimit dhe integrimit të të rinjve në këto zona.
___ 1
___ 2
Fakte mbi Aktivitetin Filantropik
F&R—Fëmijë dhe të rinjtë Dhurime Sezonale – Dhurime që kryen gjatë sezonit të festave Mix—Dhurime të cilat kombinohen nga më shumë se një kategori / qytet. OJF—Organizata Jofitimprurëse Publik i Gjerë—Një grup i vogël apo i madh njerëzish G&F— Gra dhe Fëmijë Ndihmë Ekonomike—Dhurimet që janë kryer për zbutjen e varfërisë për individë apo familje që
jetojnë me vështirësi ekonomike apo gjatë fatkeqësive natyrore. NVM—Ndërmarrje të Vogla dhe të Mesme Zonë Specifike—Zonë Gjeografike Specifike
___ 3
Buddy Walk TIRANA Fondacioni Down Syndrome Albania organizoi më 1 tetor 2017 eventin Buddy Walk Albania, një marshim ndërgjegjësimi që mbështet individët me sindromën Down për të pasur një jetë të pavarur dhe gjithëpërfshirëse në komunitetin ku jetojnë. Buddy Walks organizohen që nga viti 1995 në shumë vende rreth botës gjatë muajit tetor, muajin e ndërgjegjësimit të Sindromës Down.
Marshimi u mbyll me koncertin e organizuar me kontributin vullnetar të këngëtarëve: Orgesa Zaimi, Kamela Islamaj, Landi Hysi, Lorenc Hasrama, Kristina Riri dhe Sign Off Tirana.
Burimi: Kohajone.com|facebook.com
1 Ditë Vullnetarizmi në ZOO
PARK
Më 5 dhjetor 2017, me rastin e Ditës Botërore të Vullnetarizmit, Green Line Albania organizoi: "1 Ditë Vullnetarizmi në Zoo Park", ku të rinjtë kaluan kohë, u kujdesën, ushqyen dhe pastruan kafshët në kopshtin zoologjik të Tiranës.
Vullnetarët u trajnuan nga stafi i Kopshtit Zoologjik mbi punët e përditshme dhe kujdesin ndaj kafshëve. Ata gjithashtu kontribuan në pastrimin e territorit brenda dhe jashtë kopshtit Zoologjik.
Burimi: Shqiptarja.com|Sot.com.al|Noa.al|Gazetatema.net|Gazeta-shqip.com|Top-channel.tv|Kohajone.com|Gazetadita.al|Mapo.al
___ 4
International HOLIDAY
Bazaar
Më 10 dhjetor 2017 OSAAB organizoi Panairin e 17-të Ndërkombëtar “Pazari Ndërkomëtar i Pushimeve”. Një event i përvitshëm në mbështetje të foshnjeve të braktisura, në prag të Krishtlindjeve. Ky panair mundësoi që një pjesë e të ardhurave dhe 100% e fondeve të ngritura të shkojnë për të siguruar mbështetje për foshnjat e braktisura të Djepit të Ëngjëjve në maternitetin “Mbreteresha Geraldine” Spitali Universitar në Tiranë. Organizata për Mbështetjen e Foshnjave të Braktisura në Shqipëri (OSAAB) është një OJF e krijuar në vitin 1996, me misionin për t'u kujdesur për foshnjat e braktisura në Shqipëri, si dhe për të edukuar ofruesit e kujdesit shëndetësor dhe nënat shtatzëna mbi shëndetin e nënës dhe të porsalindurit.
Që nga fillimi i programit në vitin 1996, më shumë se 700 fëmijë të braktisur kanë marrë kujdesin dhe mbështetjen nga organizata OSAAB në çerdhen Djepi i Ëngjëjve, gjatë kohës që ata qëndrojnë në spitalin e lindjes.
Për më shumë informacion vizitoni: www.osaab.org
Burimi: facebook.com
___ 5
TI JE NJË LULEDIELLI është fushata sensibilizuese për grumbullimin e të ardhurave në ndihmë të fëmijëve të prekur nga sëmundjet e gjakut, të cilët janë shtruar dhe trajtohen pranë shërbimit të Onkohematologjisë Pediatrike pranë QSUT. Kjo fushatë nisi nën idenë, konceptimin dhe kurimin e Albana Osmani me dëshirën për të ndihmuar fëmijët dhe për t’ju përmirësuar kushtet në të cilat ata kurohen dhe trajtohen. Për t’ju lehtësuar sado pak dhimbjen dhe kohën e vështirë me të cilën vogëlushët përballen gjatë trajtimeve dhe kurave, fushata “TI JE NJË LULEDIELLI” e përmbushi qëllimin e saj përmes shitjes së produkteve. Produktet ishin bluza (T-shirts), të cilat kishin të stampuar një LULEDIELLI, simbol gjithëpërfshirës i forcës, shpresës dhe jetës. Të gjitha bluzat u shitën në një kohë rekord për 7 javë e 4 ditë, dhe Qendra Spitalore Nënë Tereza - Pavijoni i Onkohematologjisë dhe Reanimacionit u pajis me aparatura respiratore, poltrona kimio-terapie, pompa-kimioterapie, 20 krevate portative për akomodimin dhe rehatinë e nënave përgjatë natës ndërsa përkujdesjen për Fëmijët, 20 televizorë të rinj të cilët sot punojnë përmes USB në çdo dhomë, aparaturat që peshonin Fëmijët dhe Foshnjat u zëvendësuan me të reja dhe dhoma e Kimioterapisë e shndërrua në një mini-kinema. Dhe ky është vetëm fillimi…..rrugëtimi vazhdon….. Ndaj nëse dëshironi të bëheni pjesë e kësaj fushate mund të blini produktet përmes blerjes online në e-Shop: www.annawhitejames.com
TI JE NJË LULEDIELLI! Burimi: youareasunflower.org
___ 6
A keni ndonjë ide që mund të përmirësojë jetën e njerëzve në lagjen apo komunitetin tuaj apo keni ndonjë ide për të ndryshuar dhe / ose përmirësuar sistemin arsimor? Jeni ambientalist dhe keni një ide për ruajtjen, apo përmirësimin e mjedisit natyror? Shumë shpejt do të jetë momenti për të vënë idenë tuaj në praktikë! Partnerët Shqipëri si një nga bashkëpunëtorët e The Funding Network do të organizojë eventin e parë Crowdfunding live në Shqipëri. Ky event do t'u japë mundësinë njerëzve të bashkohen me një qëllim filantropik për të mbështetur çështje në interes të tyre dhe mundësinë për të bashkuar kohën dhe burimet e tyre për të financuar projekte bamirëse që nxisin ndryshimet shoqërore. Qëllimi është që të mundësohet një transformim pozitiv i qëndrueshëm për individët, komunitetet dhe / ose shoqërinë dhe mjedisin për një periudhë afatgjatë. Giving Circle është një formë e re e organizimit dhe përfshirjes së komuniteteve lokale, në mënyrë që të sigurohet zhvillimi i qëndrueshëm dhe një shpërndarje më e drejtë e përfitimeve. Qëndroni në pritje për eventin e ardhshëm "Giving Circle"!
___ 7
Kuadri Rregullator për Ngritjen e Fondeve në Evropë Raporti krahason kuadrin ligjor për ngritjen e fondeve në 16 vende të Evropës. Ky studim fokusohet në rregullimin e ngritjes së fondeve nga OSHC-të, e përcaktuar si kërkesë e kontributeve vullnetare filantropike nga individët, korporatat dhe organizatat që japin grante.
e
Gjithashtu shqyrton opsionet për rregullimin dhe vetë-rregullimin e statutit; bazohet në instrumentet ligjore ndërkombëtare, në ligjet dhe rregulloret e vendit, në artikuj dhe në studime dhe harton një spektër më të gjerë të çështjeve që ndikojnë në ngritjen e fondeve, nga kërkesat e raportimit deri tek gjobat për kufizime në donacionet ndërkufitare; dhe përmban studime të rasteve dhe ofron njohuri konkrete mbi rregullimin e ngritjes së fondeve në vende nga rajone të ndryshme dhe me sistem ligjor dhe kulturë filantropike të ndryshme . The report covers 16 countries from all regions of Europe; 21 international and regional documents; 65 laws and regulations; 101 secondary resources; 30 links and websites; 3 case studies. Raporti mbulon 16 vende nga të gjitha rajonet e Evropës; 21 dokumente ndërkombëtar dhe rajonal; 65 ligje dhe rregullore; 101 burime dytësore; 30 linqe dhe faqe interneti; 3 raste studimore. Linku i raportit: http://ecnl.org/publications/regulatory-framework-fundraising-europe/
Partnerët Shqipëri për Ndryshim dhe Zhvillim Rruga Sulejman Delvina, N.18, H.8, Ap. 12, Njësia Bashkiake 5, Kodi Postar 1022, Tiranë, Shqipëri, Kutia Postare 2418/1 Tel. Faks: 04 2254881 Email: partners@partnersalbania.org http://www.partnersalbania.org
___ 8