Rojnameyek ji aliyê ragihandina navendî ya PDK-Sê ve tê weşandin
Kurdistan-Hejmar(103)
Hizêran / 15 - 6 - 2017
Ciwanên Kurd dê bibin qurbaniyên bajarê Reqayê
www.pdk-s.com
Soz Mihemed-Qamişlo
Operasyona navenda bajarê Reqayê ji aliyê Hêzên Sûriya Demokrat HSDê ve destpê kir, ku têde hejmareke mezin ya şervanên Kurd yên ku bi darê zorê ji aliyê Partiya Yekîtiya Demoqratîk PYDê ve ji bo leşkeriya neçar hatibûn birin di nava refên wan de ne. Wek tê zanîn ku bajarê Reqayê ne bajarekî Kurdî ye mîna bajarê Munbicê ku derdora 600 ciwanên Kurd lê bûne qurbanî, niha pirs ew e gelo ev desthilata heyî ji bo çi mebestê ciwanên Kurd dixe nava şerê bê veger de û
berjewendiya wê jê çi ye. Îmad Cuma ku xelkê bajarê Dêrikê ye wiha derbarê vê mijarê de dibêje"Her ku dem diçe hejmara ciwanên Kurd li Rojavayê Kurdistanê kêm dibin, sedemên vê yekê ji her kesekî re diyar in, di serî de leşkeriya neçar ya ku Partiya Yekîtiya Demoqratîk PYDê aniye holê, ku ji ber vê yekê ciwanên me direvin û yên din jî şehîd dikevin, mixabin partiya navborî xwe li ser xwîna şehîdan ava dike û wê xwînê ji berjewendiyên partîtî re
bikar tîne, wek çawa niha ku li bajarê Reqayê pêk tê ku bi hezaran ciwanên me beşdariyê di şerekî de dikin ku ne şerekî Kurdî ye û li derveyî deverên me ne. Divê ev mijar bi hûrgilî li ser were rawestandin da ku hejmara qurbaniyan di nava ciwanên Kurd e zêde nebin". Çalakvanekî mafên mirovan derbarê vê mijarê de wiha got"Bi ti şêweyî nabe ciwan bi zorê ji bo leşkeriya neçar bêne birin ji ber ku ev yek li dijî piransîpên mafên mirovan e û nabe bê cîbicîkirin, Partiya
Yekîtiya Demoqratîk PYDê herwiha Partiya Karkerên Kurdistanê PKKê ji wan re ne xem e ku ciwanên Kurd bêne kuştin ji ber ku ew li ser xwîna van ciwanan dijîn û xwe ji xelkê re dikin destik û xortên xwe didin bi kuştin, di dema niha de Emerîka û Hevpeymaniya Navdewletî Hêzên Sûriya Demokrat ji bo berjewendiyên xwe yên taybet bikar tînin ji ber ku Emerîka ti pereyên zêde li ser wan xerc nake, di dema şerê 2003an yê Îraqê de Emerîka xelkê biyanî di şer de bikar dianî
û pereyeke zêde li ser wan xerc dikir, lê niha PYDê heye û ciwanên Kurd bikar tîne û bê ti destkeftên siyasî yan pereyên zêde, careke din dûbare dikin Emerîka dê PYDê li Rojavayê Kurdistanê piştî bidawîhatina rêxistina DAIŞê piştguh bike ji ber ku daxwaza ti destkeftan nake û tenê di berjewendiya xelkê de kar dike û ciwanên me dide bi kuştin." Cemal Ehmed wiha li ser vê pirsa giring dibêje"Niha li Rojavayê Kurdistanê tenê kal û pîr û jin û keç têne dîtin ji ber ku PYDê ciwan
li deverên Kurdî nehiştine ji ber ku wan tevlî şerên bê sebeb dike, û li wir şehîd dikevin, Til Hemîs, Munbic ji bîra ti Kurdekî naçe, her kes dizane ku partiya navborî çiqas ciwan li wir dane şehîdkirin, niha dê li bajarê Reqayê heman sînaryo were dûbarekirin, û ti kes nîne PYDê û serkirdeyên wê ceza bike lewma hemû kiryarên xerab ji revandin, kuştin, leşkeriya neçar derkirina xelkê girtin dike bêyî ti kes wê agahdar bike û piraniya kiryarên wê biryarên rejîma Esed in." www.pdk-s.com
2
Hizêran / 15 - 6 - 2017
Kurdistan-Hejmar(103)
www.pdk-s.com
Serxwebûna Kurdistanê hêvî û xewna her Kurdekî ye -Amraz Mele Hemze- Almanya Roja 7ê vê mehê û di civînekê de ligel aliyên siyasî yên Herêma Kurdistanê, serok Mesûd Barzanî serokê Herêma Kurdistanê roja 25ê Îlona sala 2017an wek roja referandoma serxwebûna Herêma Kurdistanê ragihand. Tevî ku vê biryara dîrokî dilê Kurdên her çar parçeyên Kurdistanê şa û xweş kir, lê di heman demê de çend aliyên Siyasî nerazîbûna xwe li ser vê biryara Kurdistanî dan nîşandan, wek Tevgera Goran û Komel a Îslamî ku civîna Serok Barzanî bi aliyên Siyasî re baykot kirin. Ji ber vê yekê jî Rojnameya Kurdistan nerînên çend siyasetmedar, çalakvanên ciwan û Pêşmerge li ser vê biryara tîne holê. Dr. Na�i' Beyro, Endamê Mekteba Siyasî ya Partiya Demokrata KurdistanSûriya PDK-Sê li ser serxwebûna Kurdistanê û biryara partiyên Başûrê Kurdistanê ji Rojnameya Kurdistan re wiha got:"Biryara referandomê mafê rewa yê gelê Kurd e li Başûrê Kurdistanê ew jî li gorî hêmû reşnivîsên Netewên Yekbûyî û rêxistinên mafên mirovan û bê guman em piştgirtiya xwe ji mîna van biryarên dîrokî re didin nîşandan. Tevî ku helwestên dewletan di mîna van qonaxan de giring in, lê heya ku ew helwest gelek caran ne li gorî hêviyan bin ji ber ku ew dewlet yekem tişt berjewendiyên xwe berbiçav dibin, lê tiştê her ku hêviyên serkeftina vê biryarê zêde dike, ew e ku hemû pêkhateyên din yên Herêma Kurdistan ji Turkmen, Kildan, Aşûr, Siryan û Ermeniyan bi
Biryara referandomê mafê rewa yê gelê Kurd e
Kurdan re yek helwest in di vê meseleyê de". Serkirdeyê Partî axaftina xwe ji Rojnameya Kurdistan re wiha berdewam kir":Hêzên ku dijatiya projeya Netewî Kurdistanî dikin wê bi hemû hêza xwe wê li dijî referandomê rawestin, lê bê guman em dibînin ku wê biserkeve û dê rola wan şandeyên ku wê serdana paytexta Îraqê û dewletên herêmî û navdewletî giring be û bi taybet ku şanda ku biçe paytexta Îraqê, dema ku Herêma Kurdistanê û Hikûmeta Navendî bighên biryarek hevbeş di derbarê referandomê de, wê ew rêkeftin bandorek erênî li ser projeya serxwebûnê hebe ".Serhat Mêrdinî Sekretêrê Tevgera Ciwanên Kurdistanê (Bakûrê Kurdistanê) wî jî wiha li ser biryara referandomê ji Rojnameya Kurdistan re got:"Piştî diyarbûna roja referandoma serxwebûna Kurdistanê di warê piştgirî û dijîtiyê de gelek peyam hatin weşandin. Her aliyek li gorî berjewendiyên xwe mijarê dinirxînî. Ji bo em karibin gavên sexlem biavêjin helbet pêwîst e em nêrîn û planên aliyan bizanibin, dema em metirsiyan bizanibin, emê karibin tedbîran jî bigirin. Lê mijara herî girîng ew e ku em xwedî planeke çawa ne? .Mêrdinî berdewam kir û got :Niha Dewletên
dagîrker bi taybetî bi rêya destikên xwe, amade ne ku mudaxeleyê Kurdistanê bikin û destkeftiyên heyî jî têk bibin, roja referandomê û roja ragihandina serxwebûnê her ku nêzîk bibe wê hewldanên wan jî zêdetir bibin, loma divê em bizanibin ku piştî referandomê wê karê me neqede û ewê rojên xweş dest pê nekin, wê demê rojên zehmetir wê li pêşiya me bin û divê em jî li gorî wê amadekariyên xwe bikin. Em her amade ne ku ji bo astengên li pêşiya dewletbûna Kurdistanê ji holê rabin çi bikeve ser milên me bikin, nabe ked û xebata sedsalan û ew qas xwîna ku hatiye rijandin bibin qurbaniya polîtîkayên şaş û hestiyarî, di dîtina van rojan de rola herî mezin Pêşmergeyên qehreman lîstin. Em di serî de Pêşmergeyên qehreman spasdarê hemû kes û aliyan e ku di amadekirina vê rojê de
Referandom encama xwîna şehîdan e
keda wan heye. Dîsa em bejna xwe bi rêzdarî li ber hemû şehîdên Kurdistanê ditewînin". Her di vê derbarê de, Bilind Mela Endamê O�îsa Sekretariya ya Yekîtiya Xwendevan û Ciwanên Demokratî Kurdistanî - Rojava ji Rojnameya Kurdistan re got: Referandom alavek ji alavên demokrasiyetê ye, nexasim referandoma gelêrî, çimkî nêrîn û raya xelkê tê birêzkirin ku bikarin bi rengekî demokrasî deng û nêrîna xwe li ser dozeke giring bidin, lewra referandoma gelêrî dibe yek ji bingehên sîstema demokrasiyê. Berî ez behsa referandoma Herêma Kurdistanê ya ji bo serxwebûnê bikim çend mînakên sax li ser vê babetê hene mîna referandom hatî lidarxistin, sala 1999an de li Herêma Teymor a Rojava, referandoma Başûrê Sûdanê sala 2011an û referandoma Herêma Qerim Sala 2014an". Mele wiha axaftina xwe berdewam kir: "Mafê me Kurdan em bibin dewlet, Kurd ji serdema Ehmedê Xanî, Melayê Cizîrî, Şêx Obêdullahê Nehrî, Simkoyê Şikakî, Şêx Ebdulselamê Barzanî, Qazî Mihemed, Mehmûdê He�îd, Şêx Ehmedê Barzanî û nemir Mela Mustefayê Barzanî Xebat û qurbanî dan, da
ku miletê Kurd bighê armanca xwe ya netewî û niha serokê netwa Kurd, serok Mesûd Barzanî kar û xebatê dike da ku em bibin dewlet. Herêma Kurdistanê (Başûrê Kurdistanê) berê li referandoma gelêrî ye, ev prose tê lidarxistin di naziktirîn qonax de ku Pêşmergeyên qehreman bi serweriya cenabê serok Barzanî berevanî di ber xaka Kurdistanê dikin li dijî tundtirîn û mezintirîn rêxistineke terorî ya bi navê DAIŞê û destkeft û serkeftin pêk anîn bi dîdevana dewletên zulhêz .Biryara cenabê serok Barzanî û partiyên Kurdistanî li Başûrê Kurdistanê jibilî (Goran û Komel) li ser referandomê ji bo damezirandina dewleta Kurdî biryareke dîrokî û pîroz e di dîroka Kurdan de. Û em wek ciwanên Rojavayê Kurdistanê piştgiriya vê biryara pîroz dikin, da ku em bighên mafê çarenivîsa
Dê cîhan piştevaniya serxwebûnê bike
xwe bi serweriya serok Barzanî .Rojnameya Kurdistan xwest ku nerînek leşkerî jî bibe û di vê derbarê de Pêşmerge "Evdela Mela Hemza" li ser biryara referandomê wiha got":Xewna bav û kalên me û ked û xebata salan ya Pêşmergeyên Kurdistanê bi vê biryara dîrokî tê bicihkirin, bê guman hestên miletê Kurd li her çar Parçeyên Kurdistanê nayê was�kirin û bi taybet hestê Pêşmergeyên Kurdistanê ku îro dibînên xwîna rêhevalên wan (Şehîdên Pêşmergeyên Kurdistanê) vala neçû û ev biryar mezintirîn mizginîye ji bo giyanên wan yên pîroz e. Pêşmergeyê Rojava wiha berdewam kir: "Sipas Serok .Kurdan di dirêjiya dîrokê de gelek xwîn rejandine, lê cudahiya di navbera deman de ew e ku îro Kurd xwedî serkirdeyekî siyasî bi hikmet in .Îro bi aqilmendî û aiyasta cenabê serok Mesûd Barzanî û qahramaniya Pêşmergeyên Kurdistanê êdî Kurd mercên xwe li ser hêzên navdewletî ferz dikin, û Kurd bûn e hejmareke mezin û giring li Rojhelata Navîn û bêguman ev tişt hemû îro bandorên erênî li ser projeya serxwebûnê dikin.
www.pdk-s.com
Hizêran / 15 - 6 - 2017
www.pdk-s.com
Kurdistan-Hejmar(103)
3
Serxwebûn pêwîstiyeke Kurdistanî û cîhanî ye
Raid MihemedHewlêr Jidestpêka şerê cîhanê yê dûyemîn, gelek netew û milet li navçeyê li çara serê xwe geryan û dewlet û welatê serbixwe avakirin, li ser astê Kurdî jî hewildan çêbûn ku dewleteke Kurdî serbixwe çê bibe û were damezirandin ji ber wiha gelek şoreş û serhildan rûdan mîna şoreşa Şêx Se'îd di sala 1925an û ya Seyid Riza û Ihsan Nûrî
Paşa ...h.d, lê ezmûna herî balkêş û navdar ew e ragihandina Komara Kurdistan li Mehabadê ku tenê 11 mehan mabû, ji wê demê ve ku miletê Kurd ji vê xewnê û armancê nehatine xwar û berdewam di dilê her Kurdekî navê Kurdistan dike gurm gurm, di sala 1970ê de hêviyên Kurdan mezin bûn dema şoreşa Başûrê Kurdistanê bi rêberiya Barzaniyê nemir bû ku mafê atonomî bidest xistin ev yek bû cihê kêfxweşiya hemî Kurdan li her çar parçeyan, li vir rewşa Rojhilat û Bakur û Rojavayê Kurdistanê ne xweş bû, û hin hêvî çêbûn dema ku Partiya Karekerên Kurdistanê li Bakurê Kurdistanê hate ragihandin ku silogana wê "Rizgarkirin
û Serxwebûna kurdistanê " bû, lê ev yek neçû serî û armancê vê partiyê hate guhertin, li sala 1991an berê Kurda dîsa kete Başûrê Kurdistanê bi taybetî ku rejîma Iraqî ji vir xwe kişand piştî ku rêxistina Neteweyên Yekbûyî biryara 688an derxist û rê pêşya Hikûmeta Iraqê girt û devereke dijî �irandina �irokan ava bû, bi vê yekê Kurd li Başûrê Kurdistanê rêveberiya xwe bi xwe kirin di riya bereya Kurdistanî ku ji çend partiyan pêk dihat, lê guhertina mezin ew bû dema rejîma Sedam Hisên hate rûxandin û Kurd li Başûrê Kurdistanê mafê Fedralîzmê bidest xistin, ji wê demê vê Kurd li Başûrê Kurdistanê xwe amade
dikin ji bo ragihandina Komara Kurdistan, û piştî terorîstên DAIŞç êrîşî çend deverên Kurdî kirin li Başûrê Kurdistanê bi taybetî ew deverên Kurdistanî ewê ku ji Kurdistanê berî niha hatibûn birîn û artêşa Iraqî ji wan deveran revîn û berê berevaniyê kete di stûyê hêzên Kurdî ku berevaniyek mezin kirin ji Xaniqînê heya Şengalê û ev dever ji DAIŞê paqij kirin, û ji ber pêkvejiyan bi bi Ereban re pir zehmet bûye û pêwîst e dewleteke Kurdî ya serbixwe were damezirandin ku Kurd karîbûn hemî kêm neteweyên herêmê biparêzin, ji alîkî dî ve li herêmê nexşên nû tên damezirandin û sînorê Saykis-Pîko tê guhertin û pêwîst e ji Erebistana Si'ûdî re ku laşek
beramberî Îrana Şîe hebe û ew jî Komara Kurdistanê ye, ji ber ku Îraq bi tevayî di destê hêzên Şîe de ye yên ku nêzîkî Îranê ne, ji ber vê yekê Erebistana Si'ûdî û Îmarat û Kiwêt û Urdin û çend dewletên din yên herêmê wê piştgirtiya dewleta Kurdistanê bikin jibilî ku Israîl bi fermî kêfxweşiya xwe tîne ziman û ev ya herî giring e. Ji bo gava yekem ji serxwebûna Başûrê Kurdistanê re refrandom pêwîst e ku partiyên Başûrê Kurdistanê li hev civiyan bi serpereştiya serokê Herêmê Mesûd Barzanî û biryar dan ku 25ê Îlûnê bê wê giştpirsî were kirin ku nasbikin nerîna milet û daxwaziya wan çi ye. Ev yek hişt dijminê Kurda
dengê xwe bilind bikin dijî vê gavê bi taybetî rêjîma Îran û Îraqê û Tirkiyê, lê ya balkêş ku tu daxuyanî yan deng ji rejîma Sûriyê nehat derbarê vê gavê li Başûrê Kurdistanê, dibe ku ev yek bibe dergehek ji bo çareserkirina aloziyên herêmê û dibe ku Sûriyê jî were dabeşkirin ji bo ev rûbarê xwînê biçike û rawest e, dewleteke Kurdî di vê demê de pir pêwîst e heger ne ji bo Kurdan ji bo zilhêzên cîhanê û ji bo aşîtiyê , ev derfeta zêrîn ku ji bo miletê me hatiye divê em bi dest xwe ve bînin û dibe ku nevbera Rojavayê Kurdistanê û Başûrê Kurdistanê de statoyek çê bibe, lê ev yek wê were diyarkirin piştî ku şerê Reqe û Mûsilê temam be û refrandom çê bibe .
60 sal ji xebata berdewam ji bo mafê gelê Kurd "Pêwîst e karê dezgehî bêhtir aktîv bibe" Kurdistan- Cemal OmerQamişlo Piştî 60 salî ji damezirandina Partiya Demokrata KurdistanSûriya, gelo nivîskar, kadir û endamên vê parityê çi dibêjin. Nivîskar Hozan Dêrşewî wiha dibêje "Piraniya rêxistin û dezgeh û partiyên siyasî yên Rojavayê Kurdistanê ji berhem û kulîlkên partiya yekem in a ku di sala 1957an de hatiye avakirin, ango Partiya Demokrata Kurdistan-Sûriya ku ew bi xwe jî dirêjahiya kar û xebateke Kurdistanî ye û bandora parçeyên din ên Kurdistanê li ser diyar e, îro jî piştî 60 salan hîn dimîne û li ber xwe dide. Lê di heman demê de ev yek nayê wateya ku serkeftineke bi temamî bi dest xwe ve aniye. Dem hatiye guhertin pêwîst e PDK-Sê jî xwe bighîne pêdivî û pêwîstiya qonax û demê, nexasim di warê rêxistinî û pilanên demkî û yên pêşerojê de. Divê PDK-Sê xwe bighîne asta lixwegirtin û xwedîderketin li siyasetmedar, çalakvan, jin û kesên akadimî. Bi demê re hêvî û pêwîstiya qonaxê jî mezintir dibin, ango hevkêşanek di navbera karê pêwîst û hêviyan de were
peydakirin". Herwiha kadirê PDK-Sê yê bi navê Rifet Hacî wiha got: Bêguman damezirandina yekemîn partî di beşekî sereke de ji Kurdistana dabeşkirî li ser welatên cîran, derbûneke bihêz bû, û biryareke wêrek bû di wê serdemê de, ku viyana rewşenbîr û behwermendên Kurd li ser destpêkirina xebatê di nava refekî rêxistinî de bû, herwiha bidawîhatina Komela Xweybûnê, bitevlîbûna piraniya endam û serkirdeyên wê di nav rêzên PDK-S de ku bihêz dest xebat kir, û bi hezaran endam jê hatin zindanîkirin, lê hêviya xelkê bi partiya wan neşikest, û Partî ma di serkêşiya milet de di wê çerxa zor û zehmet de. Lê pîvanên pêşxistina vê partiyê û hişikatiya berpirsên xwedan biryar di nûjenkirinê de li gora têkiliya xwendekar û çalakvanan şepêleke astengiyan durust kir, di nava nepeydabûna wê desteya pendewar, ku vê hevkêşê terazû bike, ya bû egerê destpêkirina serdama parçebûnan û hevrikiyeke sar di navbera milet û tevgera Kurdî de derbû, lê destên derve û serhişkiya hinek serkirdeyan bûne sedem ku ev rikaberî di astekî sar de bimîne. Partî bû
bi dehan partî, lê hemû jî bi nerîna min lawaz in di bingeha xwe ya dezgehî de, ya ku ji mêj de bang pê tête kirin, û bûye sedemê rewşa awart e ya ku ew bi şûn bûyerê ve hiştine, di serdemeke naz û hestiyar de, him rewşa Sûriya bi tevahî û him ya Kurdî bi taybetî, ku biryara wan hatiye desteserkirin
.Nexasim gurbûna ragihandina dijber jê re ya dihêle bandora wê nerênî bimîne û rola wê qels bibe. PDK-S pêwistî bi derbûneke nûjenkirinê heye. Kadirekî din yê bi navê Dijwar Tew�îq wiha got: Ji destpêka avakirina Partiya Demokrata Kurdistan-Sûriya di sala
1957an li ser destên grûpeke ji siyasetmedar û rewşenbîrên Kurd bi serkirdayetiya Dr. Nûredîn Zaza û xebatkarên din. Partî berdewam e li ser karê xwe yê siyasî sivîl ji bo pêkanîna mafê gelê Kurd li Sûriyê, û damezirandina Partiya Demokrata KurdistanSûriya berhemeke ji berhemên rêbaza Kurdayetiyê rêbaza Barzanî ya xwediyê projeya netewî û hilgirê ala Kurdistanê û Partî piştgiriya destpêşxeriya serokê Kurdistanê Mesûd Barzanî dike ji bo refrendoma Herêma Kurdistanê, û Partî yek ji damezrênerên sereke bû ji avakirina Encûmena Niştîmanî Kurdî li Sûriyê ya ku hemû rêxistinên siyasî Kurdî ,rêxistinên xwendevan û ciwanan, dezgehên jinê û kesayetiyên rewşenbîr û serbixwe cihê xwe di nava encûmenê de digrin, Partî armanaca wê ev e yekrêziya tevgera Kurdî ye, herwiha kar û xebat bo pêkanîna mafê çarenivîsê yê gelê Kurd li Suriyê dike ew jî bi şêweyê fedralî ji Rojavayê Kurdistanê re û demokrasî ji Sûriyê re. Daxwaza me û peyama me ew e ku rê bidin hilgirên bawernameyên
bilind û her wiha jin û ciwan ku cihê wan di nava biryara siyasî de hebe. Fener Hemedo jî wiha got: Partiya Demokrata Kurdistan-Sûriya navekî xwedî dîrok e, û divê ev navê ku rejîmên li Sûriyê jê ditirsiyan û sed hesab jê re dikirin bi xurtî vegere asta xwe ya payebilind nexsim ku berê PDK-Sê li qonaxke nû ye, ev qonax dê yek ji çend senaryoyan be, dibe ku di çarçoveya dewleta Sûriyê de be an jî bigihe rengên serxwebûnê, ev reng jî belkî serxwebûneke ku Rojavayê Kurdistanê bi tena serê xwe be û belkî digel Başûrê Kurdistanê de be. Tiştin hatine xuya kirin û tiştin hene hîn zelal nebûne, lê helbet zehmet e ku PDK-S bigihîje bi rengê karê ku ew dike lewra ez dibînim ku xurtkirina karî pêwîst e da ku Partî bikaribe bi baştirîn rol rabe. Ev yada pîroz li giyanê Osman Sebrî û Nûredîn Zaza û Reşîd Hemo û serkirde û xebatkarên dilsoz ên ji dema danezirandinê ve heta roja îro.
www.pdk-s.com
Hizêran / 15 - 6 - 2017
Çand û Huner
Ferhenga Kurdî Ispanî jî derket Kurdistan-Lana Xelef Dr.Welîd Mîro ku niha li welatê Ispanyayê penaber e ferhengek Kurdî Ispanî derxist û niha li ver destê xwendevanan e, derbarê vê ferhengê de Mîro wiha ji rojnameya Kurdistan re got: "Divê em pirtûkxaneya Kurdî zengîn bikin". * Heger tu bikaribe destpê li ser jiyana xwe biaxivî, tu niha li ku derê dijî gelo? Ez Welîd Mîro me, ji Rojavayê Kurdistanê me, ji gundê Mozelanê devera Dêrika Hemko, tê naskirin bi Navçeya Deşta Hesinan. Ez ji Sala 2004 an ve bi malbata xwe re li welatê Ispanya dijîm. Min xwendina nojdariya diranan temem kiriye li zanîngeh Şamê di sala 1988an de. Ez wek penber hatim Ewrûpa bi hemû zarokên xwe ve, min dixwest ez herim Ferensa ji ber ku min çend salan li wir xwendiye ji 1978 heta 1981ê, lê şensê me li Ispanyayê ket. *Tu li ser ferhenga xwe çi
dibêjî? Ev ferheng min amade kiribû ji sala 2010an ve piştî 3 salan ji lêkolîn û xebatê ji ber ku ti jêder bi zimanê Ispanî û Kurdî min nedîtin lewma min gelek zehmetî kişand, lê mixabin min çap nekir piştî temambûnê ji ber ku ew dilgermî li cem min nebû ku ez çap bikin, ji sedema jimara Kurdan ya zor kêm li Ispanyayê. Di sala 2016an de dostekî hêja ew jî profêsorê Zimanê Kurdî ye Rêzdar Heval Sulêman Mîro, ku min qayîl kir û li ser giringiya vê ferhengê wek yekemîn ferhenge bi Zimanê Ispanî Kurdî. Ferheng li Berlînê hate çapkirin li çapxana Soran. Ferhenga min, bi nerîna min ne xerabe li gor nebûna jêderan bi Zimanê Kurdî û Ispanî , belê hinekî jêderên bi Zimanê Kurdî Ferensî alîkariya min kirin lê dîsa kêmasî hebûn. Ji sala 2007an de min xwe fêrî xwendin û rêziman û rastnivîsa Kurdî kir li mala xwe di wextê xwe yê vala de. Pişt re min dest bi Ferhengê kir.
www.pdk-s.com
4
*Çima Zimanê Ispanî? Ji ber ku ez li vê derê dijîm, dê ev pirtûk pirtûkxaneya Kurdî zengîn bike. *Ev ferheng niha li ku derê heye, xwendekar dikarin çapkirî li ku derê bibînin? Ferheng niha li Elmanyayê heye li çapxana Soran û xwedanê wê berpirs e di ber belavkirina wê de. *Projeyên te di paşerojê de çi ne gelo? Niha Ez ferhenga Ferensî Kurdî çê dikim ez niha li destpêkê me, di dirêjahiya du salan de wê bê amadekirin. *Tu dikarî li ser berhemên xwe biaxivî? Berhemên min di warê nivîsandinê de tenê ev ferheng e, piştî ya Ferensî ezê yeka Ispanî Kurdî , Kurdî Ispanî ber�irehtir çêkim. *Tu bi giştî ferhenga Kurdî çawa dibînî? Ferhenga Kurdî ne xerab e, belê hêj ne gihiştiye wê astê ku tê xwestin û bi piranî bê weşandin.
Helbestvan ''Ferhadê Içmo'' di dilê hezkerên xwe de sax e Kurdistan-Bidûvçûn Di temenê 57 saliyê de helbestvanê Kurd Ferhadê Içmo koça dawî li bajarê Qamişlo kir, di rêwresmên koça helbestvan Ferhadê Içmo de bi sedan ji hezkir û hevalên wî beşdar bûn û gotin ku Ferhadê Içmo dê bimîne yek ji sitûnên wêjeya Kurdî .Di xatira wî ya dawî de bi sedan heval û hezkirê helbestvanê Kurd beşdar bûn û dane nîşankirin ku helbestvan Ferhadê Içmo yek ji kesayetên ku bandoreke mezin li çand, û helbesta Kurdî kiriye, ne tenê li rojava lê belê li serandserî Kurdistanê, ew jî di riya helbestên wî re. Helbestvanên beşdar dane xuyakirin jî ku berhemên Ferhadê Içmo dê bimînin mîna navnîşanekê ji ciwan û helbesta Kurdî re di pêşerojê de .Di
dirêjahiya jiyana xwe de Ferhadê Içmo hînî mûzîkê jî bûye, loma bi dehên helbestên sitranî a�iran dine ku çendî hunermendên Kurd helbestên wî awaz kirine. Hin hunermendê beşdar rojên xwe bi helbestvan Ferhadê Içmo re bi bîr tînin û dibêjin ku yek ji helbestvanên kêm in yên bi awayekî pispor helbesta sitranî dihûnand, çi helbestên evînî û netewî bin, yan jî yên zaroka bin. Ferhadê Içmo di sala 1960î de li bajarê Qamişlo jidayik bûye, li dibistanên wê xwendina xwe temam kiriye, di sala 1984ê de bawernameya endezyartiyê ji zanîngeha Helebê wergirtiye. Di dirêjahiya jiyana xwe de 8 dîwanên wî yê helbestê çap kirine ku ji wan 2 dîwanên helbestên zarokan e. Di 19ê meha Hizêrana 2016ê de berî da Hewlêrê û piştî neştegeriyê
vegeriya Qamişlo lê roj bi roj rewşa tenduristiya wî xirab dibû ta 8ê vê
meha Hizêranê li bajarê Qamişlo koça dawî kir. ----------------------------------
çiyako çiyako …. ! bê…gundo… her dem li te mij û ewre …. tu ji pengên ..berfa sala .. por sipiye serî gewre …. çima îro …. . ji bo jar û perîşana..! bo beytikên , baskokirî li ber serma… zivistana tu bê çare tu bê zewre …. çima îro …. . tu dergehê . wan şikefta bi gulokên.. berfê digre …. ma ne şerme …. . di hembêza…te gernasî evînîka…. dilan … bimre …. bê … gundo … çiyako… * * * çiyako …. ! bê … dengo çend evîndar , te parastin ji kuştinê …. diz û keleş ,te vedşartin dema dighan ber girtinê …. tu bû hêvya , dost û yara roja karê revandinê …. çima îro …
tu bê denge …. tu nabîne hêsrê çavên , pîr û kala tu nabhîze nalenala , li mendala bi hezara di wan gelyê tenî wêran va gihane ber mirinê …. bê …. dengo …. çiyako …… * * * çiyako …. bê …. sozo …. xelk dilketin , heyva li bin zulfên siya …. hin dilketin , zîv û zêr û … keryên miya …. em bi tenê ji sed sala li hêvya te , mane rêwî li ser riya …. em bi tenê raketine , li ber ava wan kanîya …. em bi tenê , dil ketine mirna li ser , pozên çiya …. tenê carkê wek mêrxasa , berfê hilîn ji ser piya …. bê ….. sozo …. çiyako bê ….. dengo …. çiyako bê ….. gundo …. çiyako
www.pdk-s.com