110

Rojnameyek ji aliyê ragihandina navendî ya PDK-Sê ve tê weşandin

Kurdistan-Hejmar (110)

Çirya pêşîn / 1 - 10 - 2017

www.pdk-s.com

Hilbijartinên taxan yên rêveberiya PYDê ne rewa ne Ehmed Omer-Qamişlo

Encûmena Niştimaniya Kurdî li Sûriyê ENKS hilbijartinên taxan (komînan) ku di 22ê Îlona îsal de ji aliyê rêveberiya Partiya Yekîtiya Demoqratîk PYDê ve birêve çûn, boykot kir û bang li gelê Kurd kir ku beşdar nebin ji ber

ku li gor ew dibêje ne rewa ne. Sekretariya Giştî ya ENKSê di daxuyaniyekê de ragihand: “Di heman demê de ku rijdbûna PYD li ser encamdana helbijartinên takalî bi xwe dibe dijberiyek eşkere ji hez û vîna gelê me yê Kurd li

Kurdistana Sûriyê re û herwiha hewleke xuya ye ji aliyê PYDê ve ji binpêkirina binemayên mirovatiyê. ENKS daye xuyakirin: “Hevdem ku gelek �işar û gef têne xwarin yên berovajî ji piransîp û diruşmên mafê mirov li ser gelê me yê Kurd bi rêka

neçarkirina gel li ser dengdanê û bikaranîna sercem amrazên gefxwarin û hereşeyan ji bo neçarkirina xelkê ji bo biçin li ser sindoqên dengdanê.” Parêzer Xelîl Ibrahîm got biryara Partiya Yekîtiya Demoqratîk PYDê derbarê lidarxistina

hilbijartinên komînan ji aliyekî xwe ve ne rewa ye ji ber ku PYD bi tena serê xwe van biryaran dide û nabe xelkê bi zorê bibe ser sendoqên dengdanê.

Herwiha Mecîd Nûrî ji rojnameya Kurdistan re got Partiya PYDê xelkê bi zorê dibir

ser sendoqan û gefa qutkirina pariyê nanê wan li wan dixwar lewma xelk neçar bûn dengê xwe bidin, dema navê komînan tê bihîstin yekîtiya Sofyêtê û welatên sosyalîst bi bîra mirov tê xelk gihştne ser heyvê hîn em behsa komînan dike. www.pdk-s.com

2

Çirya pêşîn / 1 - 10 - 2017

Kurdistan-Hejmar (110)

www.pdk-s.com

Kurdistan derbasî qonaxeke nû dibe Kurdistan- Bidûvçûn Serokê Herêma Kurdistanê Mesûd Barzanî piştî birêveçûna referanduma serxwebûnê di yekemîn peyama xwe de ragihand, ku Kurdistan derbasî qonaxeke din dibe, ev deqa wê ye:Çi rojek ji vê rojê xweştir û mezintir û pîroztir e ku mirov serkevtina îradeya gelê xwe bo diyarkirina mafê çarenivîsa xwe bi azadî rabigihîne. Em minetbarê Xwedayê mezin in, ku ewqas derfet da me ku bi çavê xwe vê roja pîroz bibînin. Serkirdeyên me, bi hezaran xortên qehreman bi hesreta wê bûn ku vê rojê bibînin, lê belê di ber wê de şehîd bûn. Li vir em silavan dişînin bo giyanê wan û em soza wefadariyê ji wan re dubare dikin. Cemawerê serbilindê Kurdistanê we bi berxwedaniya xwe nehîşt ku îradeya we bişkê û niha jî piştî dengê we yê Belê ku belê bû ji bo serxwebûnê û nexêr bû bo enfal û kîmyabaran û komkujiyeke din, qonaxeke din a hatiye pêş, ku guhertineke mezin e bo niha û paşeroja me û ev yek serkevtina hemû gelê Kurdistanê ye.Ewa ku gelê Kurdistanê di 2509- de biryar li ser da, tawan nîne û li dijî ti belgenameyeke navdewletî nîne. Destûra Iraqê jî rê dide me ku bi zelalî dibêje: Pabendbûna bi vê destûrê yekgirtina dilxwazî ya Iraqê diparêze, gelek jî zelel e ku hikûmeta Bexdayê pabendî wê nebû. Piştî 2003ê li ser bingeha yekgirtina dilxwazî û hevbeşiyê em çûne Bexdayê û ev yek di destûra sala 2005ê de hat pesendkirin. Lê belê mixabin pabendî destûrê nebûn, wate madem ku hevbeşî nehat qebûlkirin û destûr were binpêkirin, mafê me ye ku em biryara xwe bidin û gelê Kurdistanê di 25ê0917-2-ê de biryara xwe da û Kurdistan çû nava qonaxeke nû ya ciyawaz ji qonaxên pêştir. Bila ti kes gazindeyê li me neke, me hemû tiştek kir bo parastina pêkvejiyan û yekparçeyiya Iraqê, lê belê ku Bexdayê pêkvejiyan qebûl nekir û gelê Kurdistanê neçar kir,

biryarekê bide ku pêwîst bû gelek ji mêj ve hatiba dan. Li vir ez bi derfet dizanim, ku peyameke taybet arasteyî hikûmeta Iraqê û welatên cîran û civaka navdewletî bikim: Ez daxwaz li we dikim ku bi ciddî û li ser xwe nirxandinekê bo dîroka pêwendiyên xwe bikin, ku çi anîne serê me.

Zêdebarî vê jî em hatin Bexdayê, lê belê gelo we weke pêwîst giringî da mafên bingehînên gelê me? Gelo we rûyekê xweş û geş nîşanî me da ku dilê me xweş be û em bi hêvî bin? Belê, di destpêkê de em rêkevtin li ser destûr û hevbeşiyê. Rola Kurdistanê di damezrandina Iraqeke nû gelek zşkere ye, lê belê we hemû rêkevtin û peyaman têk birin.

Pwîstî bi hêrsbûnê û gefan nake û gazindeyê li xwe bikin. Hûn bûn ku

we bi kiryar û siyaseta xwe ji me re got, em we naxwazin û we bi dengê bylind got, hevpeymaniya Kurd û Şîe nema. Rêz li îradeya gelê Kurdistanê bigirin, aya rewa ye ku dengê bi milyonan mirovan bi nerewa were zanîn? Ev nêrîn dûr e ji lojîk û hişmendiyê. Her gelek xwe rewatiyê dide biryara xwe ne xelkê din. Me dîrokeke dirêj bi hev re heye û me gelek bilindî û sernişîvî dîtine û karesatên mezin hatine serê me. Berdewambûna li ser ezmûneke şikestxwarî baş nîne û serkevtî jî nabe û en em û ne jî hûn asûde nabin. Li cihê gef û cezakirinê werin em bi dostane bikevin gotûbêjeke ciddî û demek pêwîst jî bidin diyalogê, daku em bibin du cîranên baş ên hevdu.

Em di vê baweriyê de

ne ku diyalog di hemû rewşekê de tekane rê ye bo gihîştina bi paşerojeke baştir bo he her du aliyan. Ev referanduma ku hatiye encamdan, ne bo ferzkirina defaktoyê ye û ne jî bo diyarkirina sînor e, lê belê bo wê bû ku gelê Kurdistanê bi şêweyekeê demokratîk û aştiyane nêrîna xwe drbarê çarenivîsa xwe de bîne ziman. Careke din ez daxwaz li we dikim ku werin em bi gotûbêjê çareseriya pirsgirêkan bikin. Ez daxwaz li birêz Heyder Ebadî û hemû hêz û aliyên iraqî dikim, ewên ku baweriya wan bi gotûbêjê hene, deriyên gotûbêjê negirin, çimku tenê diyalog û gotûbêj çareser e. Eger na her cezayeke li ser gelê Kurdistanê were danîn, ji xwe ji enfal û kîmyabaran û komkujî û nanbirînê bi bandortir nabe. Bila em

îbretê li berê werbigirin, em di hemû rewşekê de tekezî li ser biratiya Kurd û Ereb û hemû pêkhateyan dikin û nakokiya siyasî li gel hikûmet bi ti şêweyekê nabe biratiya gelan têk bide. Derbarê welatên cîran de jî, em naxwazin bi ti şêweyekê ti girigitek were pêş. Baştir e ku ew alîkar bin û roleke erênî bo çareserkirina arîşeyan di navbera Hewlêr û Bexdayê de bibînin û guh bidin Herêmê. Ev rêya rast e ne ge�kirin. Ew 25 sal in ku em selimandiye, em faktorê gefê nînin lê belê em faktorê ewlehiyê û îstiqrarê ne. Em hertim rola Îranê û Tirkiyê bilind dinirxînin di dema koça mezin a gelê Kurdistanê de û herwiha di kîmyabaran û enfala Kurdistanê de. Ez tekez dikim ku tenê ji hev têgihîştin û gotûbêj rêya rast e bo çareserkirina

arîşeyan ne ge�kirin û zimanê zivir. Herwiha em tekezî li ser berdewamiya pêwendiyên dostane yên navbera xwe û wan dikin.

Em civaka navdewletî jî piştrast dikin, ku em ji niha ve bo gotûbêjeke ciddî li gel Bexdayê ji bo çareserkirina pirsgirêkên amade ne û em tekez jî dikin, ku me bijardeya aştiyê li gel hemû aliyekê hilbijartiye. Em tekez dikin ku em weke beşeke bi bandor dimînin di nava Hevpeymaniya Navdewletî ya bo şerê li dijî terorê de û derbarê awareyan de jî ku niha li Herêma Kurdistanê ne, aware xûş û birayên me û Kurdistan mala wan e û ji her demê zêdetir parastî dibin, heta wê dema ku vedigerin bo deverên xwe. Bo me gelek seyr e ku gelek bi şêweyekê demokratîk û aştiyane nêrîna xwe bîne ziman û were cezakirin.

Gelo bi cezakirinê padaşa qurbaniyên gelê Kurdistanê tê dayîn? Gelo ev yek rewa ye?

Derbarê sîmayên dewleta Kurdistanê û sîstema siyasî, ev dimîne bo biryara gel, lê belê ya ku em bi baş dizanin, sîstemeke parlamenî û federalî û demokratîk û şaristanî (medenî) ye. Ev derfeteke bi nirx dibe, ji bo ku li ser bingeha baweriyê û mifawergirtin ji ezmûnên bihorî, desthilatdariyekê dirist bikin ku mînak be di dadmendî û yeksanî û şefa�bûn û demokrasiyê de û cihê bawerî û razîbûna gelê me be. Mafên pêkhateyên netewî û olî tê werin liberçavgirtin û divê yeksaniya siyasî û medenî di navbera hemû hevwelatiyan de hebe. Belgenameya siyasî yak u Encumena Bilinda Referandumê pesend kir, dê bibe bingeha destûra me. Ez daxwaz li we dikim ku bi hemû pêkhateyên netewî û olî ve jî, îro ji her demê zêdetir yekgirtî bin û pêwîst e nakokî û rikeberiyan bidin aliyekê û em tev de rûpeleke nû vekin. Her çend renge hinek zehmetî bêne pêş, lê belê ez piştrastim ku asoyeke geş li pêş me ye. Ji hemûyê jî giringtir ev e.”

www.pdk-s.com

Çirya pêşîn / 1 - 10 - 2017

www.pdk-s.com

Kurdistan-Hejmar (110)

3

Ciwanên Kurdistanê.. Emê bi can û dilê xwe piştevaniya proseya serxwebûna Kurdistanê bikin Amraz Mele Hemze Elmaniya Miletê Kurd di rojên dîrokî de derbas dibe bi taybet piştî serkeftina proseya refrandomê û derbaskirina qonaxa herî mezin ya ber bi serxwebûna Başûrê Kurdistanê ve. Ciwanên Kurd jî rolek wan li seranserî parçeyên Kurdistanê û hejmarek ji Dewletên cîhanê hebûn ku hejmarek ber biçav ji çalakiyan bo piştgirtiya Başûrê Kurdistanê lidarxistin.

Herwiha piştî serkeftina proseya refrandomê jî şahiyên gund û bajarên Kurdî li her çar perçeyên Kurdistanê û hejmarek ji bajarên Ewropî xemlandin û miletê Kurd hestê xwe di derbarê serxwebûna Başûrê Kurdistanêde da nîşandan, di vê derbarê de Rojnameya "Kurdistan" xwest hest û hewlesta hejmarek ji ciwanên Kurd di riya rûpelên rojnameyê bide nîşandan. Çalakvanê ji Rojavayê Kurdistanê "Nûrî Elî" di vê derbarê de wiha ji Rojnameya Kurdistan re got: "Bêguman dema biryara lidarxistina giştpirsiyê li Başûrê Kurdistanê hat dan, kef û şahî ket dilê her Kurdekî de li seranserî cîhanê. Hestê ku mirov bibe xwedî dewlet û êdî ew xewna ku em her şev li ser radiketin bi cih were, bê guman ew hest nayê wesif kirin. Ez wek ciwanekî Kurd li Ewropa dijîm dema ku ji min di hat pirskirin, tu ji kûyî...?

Min demjimêrekê sax ji wî kesî re da diyar kirin ku ez ji miletekî me nave wî Kurd û welatê min hatiye parçekirin di navbera 4 welatan de, lê gelek ji wan diketin nav pirsan de û tê ne digihiştin çawa miletek wisa mezine, lê bê dewlet in. Lê îro û bi serbilindayî ez di kar im bi tenê bibêjim ez Kurd im û ji Kurdistanê me, ez ji welatê wî serokê ku doza miletê xwe daniye li ser milê xwe û li dijî hemû hewlên ku li dijî serxwebûnê radiwestin li aliyê dewletên derdorê

Kovan Mihemed

Dorsin Dorsin

Borî Baran

Nûrî Elî

ve". Berpirsê rêxistinî yê YXCDK-Rojava li Elmaniya berdewam kir û got: " Hestekî ewqas xweş e ku me roj dijmartin bi taybet di heftiyên berî 25 mehê de gelek çavdêran digotin wê giştpirsî bê lipaş xistin, me jî li Ewropa amadekariyên hejmarek ji çalakiyan dikir, em xweş bawar bûn serkirdatiya siyasî ya Başûrê Kurdistanê û bi tabeyt cenabê serok Barzanî ji vê biryara dîrokî nayê vegerandin.

Di derbarê çalakiyên bo piştgietiya serxwebûnê me wek Yekîtiya Xwendevan û Ciwanên Demokratî Kurdistanî Rojava û bi hevkarî bi PDK û PDK-Sê û hejmarek ji Partiyên Kurdistanî re me hejmarek çalakî li bajarên Ewropî mîna (Hamburg, Berlin, Hannover û Bremen) lidaxistin, herwiha emê berdewam

bin di çalakiyên xwe de bo piştgietiya serxwebûna Kurdistanê di Rojên bê de.

Di dawî de jî ez van rojên pîroz û pirsa serxwebûnê li tevahiya şehîdên Kurdistanê pîroz dikim, ev hemû berhema xwîna wan ya pîroz e û heviya min ew e ku roja serxwebûna Kurdistanê bi temamî nêzîk be".

Botî Baran jî wek ciwanekî Bakurê Kurdistanê hestê xwe di van rojên pîroz de wiha anî holê: " Ez wek Kurdekî bakurî min piştevaniya vê referandomê kir, ji ber ku çawa mafê her netewê heye ku serbixwe bijî û bibe xwedî dewlet, mafê me jî heye ku em bibin xwedî dewleteke serbixwe. Ez dikarim bêjim xeyala me ya Kurdan a bi hezar salan bi cih tê, em dibin xwedî dewleteke serbixwe, em ji hemû êş û kulan xilas

dibin. Ji başûriyan bêtir bi kelecan û coş bûm, wek min hêvî dikir bi rêjeyeke zêde belê derket û gerek ragihandina dewleta Kurdistanê jî neyê derengkirin, Diyar bû ku êdî di nav Rojhilata Navîn de divê dewleteke Kurdan jî hebê". Endamê Tevgera Ciwanên Kurdistanê wiha berdewam kir: "Ez dixwaz im ser helwesta Erdogan hin tiştan bêjim, bila Erdogan baş bizanibe yê di vê referandomê de deng dayîn hemû kur û kêçên Enfal/Kimyabaran/Halepçe ne, veca yê enfal di serê wan de derbas bûyî wê ji gef û gotinên vala yê ji Erdogan bitirsê...! Gotineke mê Kurda heye "Yê ne ji govendê xweş rekase", Erdogan jî ne ji govendê, bila baş bizanin ji ber bostek axa Kurdistanê 50 milyon Kurd hazir û amade ne canê xwe feda bikin, hewceyê zêde gotinan nîn e.

Referandom fersendeke mezin bû, divê her kesê ku ji xwe re dibêje ez Kurd im piştgiriyê bide wê proseya şeref û namûsê, yê ku li dijî vê referandomê jî derket pîç e, qewad e, teres e". Çalakvanê siyasî yê Rojavayê Kurdistanê "Dorsin Dorsin" yê ku ev çend Sal in li Başûrê Kurdistanê dijî wî jî hest û helwesta xwe di vê derbarê de wiha got: "Rûdawa herî bi nav û deng van rojan li seranserî cîhanê ew e pirsa serxwebûna Başûrê Kurdistanê ye, bê guman ev gava pîroz di dîroka miletê me de berhemê Enfal, Helebçe û xwîna hezran ji şehîdên me ye, herwiha hikûmetên Îraqê her ji piştî şerê cîhanî yê duyem heya roja me ya îro tekez kirin ku her çende navên wan

û lêvegerên wan yê siyasî tên guhertin, lê mixabin yek raman û heman hewlestên di derbarê pirsa Kurd de ye. Lewma serxwebûn pêwîstiyeke dîrokî ye bo xilaskirina miletê Kurd ji bin metirsiya van siyastmedar û hikûmeta ku ne gelekî dûrî ramanê rêjîma Beis e". Endamê PDK-Sê berdewam kir û got: "Bi rastî hestê me bi van rojên dîrokî û pîroz nayê gotin bi taybet ku em li Başûr dijîn û em bi birayên xwe yên Başûrê Kurdistanê re roj bi roj dibuhrînin ber bi roja mezin roja serxwebûna Kurdistanê ve. Herwiha îro gotina cenabê serok Barzanî di derbarê piştgirtiya Kurdên Rojavayê Kurdistanê bo Başûr cihê serbilindayê ye û soz didin cenabê wî ku em her û her bimînin wefadarê doz û netewa xwe û herwiha her berdewam bin li ser riya dibistana xebata netewî (Partî). Di dawî de jî kadroyê PDK-Sê "Kovan Mihamed" wiha pesnê hestê xwe bi van rojên pîroz da: "Hestekî geş e ku peyvek nîne mafê vî hestî dide, xwena bav û kalan û ked û xebata Pêşmergeyan û ya serokê Pêşmergeyan ya bi salan îro ber bi çavên me ve tê bi cih kirin û ev hemû jî bi saya hikmet û aqilmendiya serokê me, cenabê serok Barzanî. Bila dijmin û cehşên dijmin xweş zanî bin di dawiya dawî de miletê Kurd xwedî li projeya xwe ya netewî, projeya dibistana Partî û Barzanî xwedî derketin û va ber bi serxwebûnê ve diçin. Di van rojên pîroz de xweziyek min heye, xwezî ez van rojan li ser xaka Rojavayê Kurdistanê ba ma bo min mizgîniya dewletbûnê bighana gora "Deham Mîro, Kemal Derwîş, Nezîr Mustefa û Nesredin Berhik" û herwiha gora bavê xwe yê ku bi hesreta vê roja pîroz de çû, lê helbet wê rojek bê ku ez ne bi tenê mizgîniya dewletbûnê bigihînim gornên wan yên pîroz belê mizgîniya rizgarkirina Rojavayê Kurdistanê jî". www.pdk-s.com

Çirya pêşîn / 1 - 10 - 2017

Çand û Huner

www.pdk-s.com

4

Koralek ji Rojavayê Kurdistanê di festîvala Hewlêrê de amade bû Raid Mihemed -Hewlêr Li Hewlêra paytext di 22ê meha derbasbûyî de ku berî roja refrandomê bi 3 rojan festîvaleke mezin hate lidarxistin li Stada Firanso Herîrî bi amadebûna Serokê Herêma Kurdistanê Mesûd Barzanî û çend berpirsên Hikûmeta Herêma Kurdistanê û bi hezaran kes Kurdên her çar parçeyên Kurdistanê û hejmarek ji hunermendên Kurd, herwiha koralek ji keç û ciwanên Rojavayê Kurdistanê ku li Başûrê Kurdistanê dimînin, stran û sirûdên niştîmanî xwndinin ji bo piştgirtiya refrandom û serxwebûna Kurdistanê , wiha jî çend hezar kes bê par man ji ber ku cih ji wan re nebû di nava yarîgehê de, ev koral ya ku beşê mezin ji Kurdên Rojavayê Kurdistanê pêk dihat ku 42 kes têde beşdar bûn, "Ciwan Hisên" ku di koralê de başdar bû ji Rojnameya Kurdistan re got :"Ez pir kêfxweş im, em xort û keçên Rojavayê Kurdistanê di vî erkê neteweyî de beşdar dibin bi hevalê xwe re bi taybetî em nikarin beşdarî dengdanê bibin " Ji rexê xwe ve "Aya Silêman " xwndevaneke amadeyî ye û ew jî di koral de bû ji Rojnameya Kurdistan re axivî ser hestê xwe di vê rojê de û got ": Bi rastî ez pir kêfxweş im ku ez îro li vir im û li pêşya hezaran kes sirûdên niştîmanî bi hevalên xwe re dibêjim , ez pir bextwar im , ev roj nayê dubarekirin , û em wekî keç û kurên Rojavayê Kurdistanê her tim amade ne ku beşdarî erkê xwe yê neteweyî bibin".

Hêjaye were gotin ku cemawer pir ji stran û sirûdan razî bûn û kêfxweşiya xwe danîne ziman, û bi çepkan û dengan û hildana ala Kurdistanê li her cihî ku Ezmanê yarîgehê pê hate xemilandin , ligel siloganên serxwebûnê û rahihandina dewleta Kurdistanê. Stranên ku hantin gotin :" Ey Kur�istan , Kurdistan Niştîmanî kurd , Ey Şehîdan , Xuyaye Weten Awakey , ême kurdên nabezîn , Xoşim Ewê Welatekem " .

45 jinên Diyarbekirê komeke erebeyê ava kirine Kurdistan-Bidûvçûn 45 jinên ciwan ên Diyarbekirê, di hunera erbaneyê de tevlî projeyeke muzîkjeniyê bûn û bi awayekî komî ji bo li ser navê ciwanên Diyarbekirê li bajarên Tirkiye û bakûr derkevin ser dikên mezin; perwerdehiya xwe dewam dikin.

Projeya ku bi piştgiriya Şaredariya Kayapinarê ya Diyarbekirê, li Navenda Çandê ya Cegerxwînî tê rêvebirin, ji aliyê xelkê ve jî rastî eleqeyeke baş tê. Van jinên ciwan ên ku temenên wan di navbera 15 û 25'an de diguherin, hemû endamên Koma Jinên Ciwan ên Erbaneyê ne û ji bo konsera xwe ya yekemîn, li Navenda Çandê ya Cegerxwînî

di nav liv û tevgerê de ne. Yek ji endama koma erbaneyê Ronahî Alav dibêje ku; em hem ji koma xwe, hem ji xebatên pêşeroja xwe bi hêvî ne ku navê Diyarbekirê li qada hunere hinek din jî bidin naskirin. Endama Koma Erbaneyê Ronahî Alav ji K24ê re got:"Bi saya mamoste Wesysel dema me zû derbas bû, em zû hîn bûn. Em hêvî dikin ku em ê li bajarên din jî konseran bidin."

Ji van hunermendên nû;

piranî xwendekar in, gelek ji wan jî diyar dikin ku bi saya vê projeyê ji hînbûyîna amûrên înternetê rizgar bûne û di hunera erbaneyê de bi hêviyên pêşerojê, her roj hînî çend notayan bûne û bi tomarkirina zanyariyên xwe hêdî hêdî dest bi gavên ber bi konserên mezin dikin. Weysî Taştekîn mamosteyê van ciwanan e û bi pergala hunerê şagirtên xwe pêşve dibe. Mamoste Weysî dibêje; armanca

me, nûjenkirina hunera erbaneyê ye. Mamosteyê Koma Erbaneyê Weysî Taştekîn wiha axivî:" Ev kurs teqrîben 9 mehan dewam dike. Perwerdehî di 3 qonaxan de tê dayîn.

Ev koma ku dê derkeve ser dike, 2 meh û nîv e ku perwerdehiyê dibîne. Em jî hewil didin ku nûjeniyê tevlî hunera erbaneyê bikin û hinek din jî pêşve bibin."

Perwerdehiya ku dê 9 mehan dewam bike, piştî 3 mehan jinên ciwan

anîyê vê astê û ji bo ev jin konsera yekemîn pêşkêşî xelkê Diyarbekirê bikin, li ser dikê amade ne.

Xemila libasên jinan a Kurdewarî û newayên ku ji erbaneyan olan didin, ji aliyê temaşevanan ve jî bi coşeke mezin tên pêşwazîkirin.

Gerînendeyê Çand û Hunerê yê Şaredariya Kayapinarê Mûstafa Çelîk dibêje ku armanca me ew e; em ciwanan ji nav çar dîwarên malê derxin û bi saya hunerê pêşî li jiyana

wan a civakî vekin.

Gerînendeyê Çand û Hunerê yê Şaredariya Kayapinarê Mûstafa Çelîk dibêje: “Em wekî Şaredariya Kayapinarê di xizmeta gelê xwe de ne. Em di xizmeta zarokên xwe û ciwanên xwe de ne. Zarok û ciwanên me çi ji me dixwazin, em li wê gorê kursan vedikin. Piştî ku hîn dibin jî bi vî awayî hunera xwe pêşkêşî xelkê xwe dikin." Amûra erbaneyê, wekî amûra herî qedîm a ji çanda gelên Mezopotamyayê hatiye qebûlkirin û dengê erbaneyê di çanda van gelan de hem ji bo rojên şîn û şahiyê, hem ji bo ayînên olî û çalakiyan; bûye dengê hestên civakê û vî dengî taybetiya ku bandora peroşiyê li ser guhdarvanan dike, tu carî kêm nekiriye. www.pdk-s.com