52_ by pdk-s

rdi t n

Rojnameyek ji aliyê ragihandina navendî ya PDK-Sê ve tê weŞandin

11ê Gulanê 2715 k 1-5-2015 z

Kurdistan -hejmar (52)

www.Pdk-s.com

Kurdên Til Temirê jibîrkirî ne Evîn Omer

Di 23ê meha sibata borî de, bi hezaran ji welatiyên bajarokê TilTemirê û gundewarê wê ji Kurd, Aşûrî û Ereban koçber bûn û berê xwe dan her yek ji bajarê Hesekê, Dirbêsiyê û Amûdê, helbet ev yek hat piştî êrîşa rêxistina DAIŞê ya terorîst li ser gundewarê bajarokê TilTemirê ji aliyê rojava û başûr ve. Di encama wê êrîşê de ji bilî koçberkirina bi hezaran ji welatiyan, hejmareke mezin ji welatiyên Aşûrî dîl ketin destê DAIŞê û gelek zirar gihişte avahiyên welatiyên sivîl, hin dêr jî ji aliyê çekdarên DAIŞê ve hatin rûxandin. PartiyaYekîtiya Demoqratîk PYDê dibêje ku wê alîkarî pêşkêşî welatiyên ku ji malê xwe derketine û berê xwe dane gund û bajarên din kiriye, lê welatiyên deverê berûvajî vê yekê dibêjin. Welatiyê bi navê Berzan Elî ji rojnameya Kurdistan re wiha got:”Bi

hezaran kurdên TilTemirê koçberbûn û berê xwe dan gund û bajarên derdorê, lê ew welatî ji alîkariyan bêpar mane, heta niha jî ti dezgehên fermî serdana wan nekirine, me serî li Heyva Sor ya Sûriyê da, ji me re gotin nifûsa we ser bi bajarên din ve ye û ti alîkarî ji we re nehatiye terxankirin. Heyva Sor tenê alîkariya Ereban dike û li Hesekê alîkariyan dide wan ji ber ku nifûsên wan yên Hesekê ne.” Alan Cuma ji aliyê xwe ve wiha axivî: ”Rêveberiya Xweser ku PYDê û hevalbendên xwe ragihandiye, tenê xizmeta Aşûriyan dike û ji wan re gelek pêdivî dabîn dike û em vê yekê bi çavên xwe dibînin, nizanim mebesta PYDê ji vê yekê çi ye, gelo dixwaze ku Kurd dev ji erdê xwe berdin yan tevlî refên wan yên şerker di jêr vê guvaşê de bibin.” Rêxistina DAIŞê di sibata borî de êrîşî gundewarê TilTemirê kir û di encam de bi hezaran xelkê wan gundan koçberî gund û bajarên derdoraTilTemirê bûn.

Mîranî kesayetiyek bibandor bû

“Xetîra Xwînê” belgefîlmek derbarê komkujiya Hesekê ye 4

Welatî ji rewşa Hesekê dilgiran in

Nimet Dawid:

PDK-Sê nabe asteng li ber ENKSê

11ê Gulanê 2715 k 1-5-2015 z

Kurdistan -hejmar (52)

www.Pdk-s.com

Nimet Dawid:

PDK-Sê nabe asteng li ber ENKSê Sîpan Xelîl

guhertin, gelek guhertin li ser erdê çêbûne, dibe ku hin guhertin di nerîna me de jî çêbibe, lê ev nayê wateya wê yekê ku emê nerîna xwe derbarê rejîma Esed biguhêrin. Dibînin ku guhertinek di hundirê Sûriyê de pêwîst e û em bi çareyke aştiyane û siyasî re ne, da ku ew qurbaniya ku gelê Sûriyê daye, bê sûde neçe û Sûriyeke nû bête avakirin ku sîstema wê demoqrat û Federal be, ku hemû pêkhatiyên deverê li xwe bigire û danpêdanê bi mafê gelê Kurd di nava destûra dewletê de bike.

Hevpeymaniya Sûriyê bo çi ye?

Nimet Dawid Ji bo nirxandina rewşa Encûmena Niştîmanî ya Kurdî li Sûriyê ENKSê û lidarxistina kongira wê ya sêyemîn, her wiha rewşa Kurdistana Sûriyê, rojnameya Kurdistan ev hevpeyvîn ligel Nimet Dawid sekretêrê Partiya Wekhevî ya Demokrat a Kurd li Sûriyê pêk anî.

Kurdistan: Bo çi we serdana Kurdistanê kiriye? Nimet Dawid: Berî her tiştî di-

karim bibêjim ku ti şandeyek bi navê Encûmena Niştîmanî ya Kurdî ENKSê nehatiye Herêma Kurdistanê, tenê hin heval di rêya Kurdistanê re çûne Cenêvê, da ku li civîneke şêwermendiyê amade bibin, serdana min jî wekû sekretêrê partiya xwe, da ku em hin hevalên xwe bibînin û ligel Serokatiya Herêma Kurdistanê bicivin, da ku li ser pirsa ENKSê û hin pirsên girêdayî Kurdistana Sûriyê rawestin.

Kongira we dê kengî bête lidarxistin?

Kongira me ev zêdetirî salekê ye tê paşxistin, ENKSê niha bi hewceyî ku kongira wê lidar bikeve, bi hêvî ne ku di vê mehê de bête lidarxistin, lê eger lidar nekeve, dê hemû dezgeh û komîteyên wê dê bêne guhertin. Amadekariyên me bo kongir di warê siyasî û rêkxistinî de ne û heta niha ev yek pêk hatiye.

Wê nerîna we ya siyasî bête guhertin?

Em hemû dizanin ku şoreşa Sûriyê hatiye dizîn û tewerê wê jî hatiye

Mebesta me ji derbasbûna Hevpeymaniya Niştîmanî ya Sûriyê ji roja yekemîn de ew bû, ku tevgera me ya Kurdî bibe perçeyek ji çareseriya siyasî di hundirê Sûriyê de, her wiha cihê xwe di nava vê çareseriyê de bibîne û dergehek be, da ku em doza xwe ya netewî li ser asteke navnetewî pêşkêş bikin, divê em nerîna opozîsyona Sûriyê ji doz û gelê xwe re bidin guhertin û wekû doza miletekî ku mafê wî hatiye xwarin lê temaşe bike. Her wiha li ser vê bingehê me belgenameyek bi hev re îmze kiriye, mixabin em li ser cîbicîkirina vê belgenameyê ji aliyê hevpeymaniyê ve wekû tê xwastin, ne razî ne. Me nameyek ji hevalê xwe re yê di nava hevpeymaniyê de derbarê vê yekê şandiye û emê di kongira xwe de li ser vê yekê rawestin, ev jî nayê wateya ku emê ji hevpeymaniyê vekişin.

Wê partiyên nû tevlî ENKSê bibin?

Belê, gelek partiyan daxwaznameyên xwe ji bo tevlîbûnê radestî ENKSê kirine, wek PartiyaYekîtî ya Demoqrat a Kurd li Sûriyê (El-Wihdê) bi serokatiya Kamîran Hac Ebdo, Şepêla Paşeroj ya Kurd li Sûriyê bi her du aliyên xwe. Her du Partiyên Çep û hin dezgehên civaka sivîl jî.

Pêşverû dibêje PDK-Sê encûmen ji xwe re kiriye daristan, ev yek rast e?

Partiya Demokrat a Kurdistan-Sûriya PDK-Sê ti carî li pêş ENKSê ne rêgir e, em nabêjin ku kêmaniyê PDKSê nînin, lê eger em bibêjin PDK-Sê encûmenê lawaz dike, ev yek ne rast e, ti carî PDK-Sê xwe ji diyalogê nedaye alî û her dem jî lêvegera xwe encûmenê dibîne û pirê caran dibêje ku eger ENKSê çi biryarê bide em bi wê re ne. Dirêjkirina şoreşê bandora xwe li ENKSê kir, ji ber ku karê çekdarî ne karê me bû, helbet wê bandor li ENK-

Sê bibe. Derbarê nakokiyên encûmenê, dikarim bibêjim ku ew nakokî ji me têne holê, ji ber ku hin ji nava encûmenê dixwazin encûmenê li gor partiya xwe bipîvin û ev jî di nerîna min de şaş e, divê ti kes biryara encûmena xwe ya navendî li ser ENKSê ne sepîne, divê berûvajî vê yekê be.

Ew Partî kî ne?

PartiyaYekîtî ya Kurd li Sûriyê û Partiya Demokrata Pêşverû a kurd li Sûriyê ne, mînakekê bînim ziman li ser vê yekê, dema ku me endamên Lêvegera Siyasî zêde kirin, her du partiyan gotin eger endamekî me neyê zêdekirin li gor biryara komîteya me ya navendî, emê endamê xwe yên din jî vekişînin, bi nerîna min ev yek şaş e, çênabe

Fedralîzmê bo Kurdistana Sûriyê dixwazin PDK-Sê Pêşşmergeyên xwe dane ENKSê Bêyî ENKSê karê siyasî nabe

biryara komîteya navendî ya çi partiyê li hundirê ENKSê ferz bibe, çimkî encûmen ya sereke ye û divê biryarên partiyan bikevin xizmeta encûmenê û ev yek sedemek e ku dihêle encûmen bikeve tengaviyê de. Bi hêvî ne ku hevalên me nakokiyên xwe danexin nava ENKSê.

Çima we Pêşmerge li xwe negirtin?

Derbarê Pêşmergeyên Rojavayê Kurdistanê ku li Herêma Kurdistanê hatine rahênankirin, carekê di civîneke me de, Partiya Demokrat a KurdistanSûriya PDK-Sê ji ENKSê xwest ku Pêşmergeyên Rojava li xwe bigire, wê demê me spasiya PDK-Sê li ser vê yekê kir, ku Pêşmergeyên xwe dide encûmenê, lê mixabin Partiya Pêşverû ev yek red kir û got bila ev mijar bête paşxistin û heta niha ev yek neçûye serî, dibînim ku PDK-Sê tiştekî baş kir dema ev Pêşmerge dane encûmenê.

Çima we xwe venekişand?

Lêvegerê

Hêj em dibînin ku em bi hewceyî yekrêziya di nava mala Kurdî de ne, divê jî em li ser vê yekê karekî baş bikin. Hêvî dikim ku aliyê din yê Lêvegera Siyasî (TEV-DEMê) vegere li ser rêya yekrêziyê û hemû daxwazên encûmenê jî cîbicî bike. Em venagerin kar eger xwestekên me bi cih nebin û bi teybet rawestandina beryara leşkeriya neçar û serbestberdana girtiyên siyasî yên li bal PYDê, her wiha hiştina karê siyasî li Kurdistana Sûriyê ku ew jî êdî qedexe kiriye.

Paşeroja ENKSê çawa dibînî?

Di vê rewşa hestiyar de ya ku Kurdistana Sûriyê tê re derbas dibe, bêyî Encûmena Niştîmanî ya Kurdî li Sûriyê karê siyasî nabe, encûmen xwedan projeyeke netewî, Kurdistanî ye, dubare ezê bêjim, em daxwaza Sûriyeke demoqrat û fedral dikin ku Kurd bi awayekî berbiçav cihê xwe tê de bibîne, em li ser vê bingehê karê xwe berdewam dikin, her wiha şirîk bin ligel opozîsyona Sûriyê di nava vî welatî de. Encûmen navnîşaneke navdar e di nav cihên biryarê de, lê mixabin di dema dawiyê de hin karê me hate rawestandin, mebest wekû pêwîst kar ji vê qonaxê re nehatiye kirin, lê bê encûmen hîç nabe ji ber ku projeyeke netewî ye. Divê em hemû kêmaniyan hilînin û encûmenê bi awayekî baştir bi pêş ve bixin û wê vegerînin warê aktîvkirinê, da ku bi rola xwe rabe.

11ê Gulanê 2715 k 1-5-2015 z

Kurdistan -hejmar (52)

PYDê dijminê aleya Kurdistanê ye

www.Pdk-s.com

Welatî ji rewşa Hesekê dilgiran in Jîn Ezîz

Dara Efrînî Berya demekê PartiyaYekîtiya Demoqratîk PYDê agahdariyek li ser hêzên asayişa ser bi xwe ve li herêma Efrînê belav kir ku tê de hatibû çênabe aleya Kurdistanê û wêneyên serkirdeyên Kurd bêne bilindkirin û kesê vê yekê cîbicî neke dê were cezakirin. Welatiyekî ku nexwest navê wî were eşkerekirin ji rojnameya Kurdistan re wiha li ser vê agahdariya PYDê axivî: ”Dema ku ev biryar derket, em matmayî neman, ji ber ku bi vê yekê partiya PYDê xaleke din ya reş li dîroka xwe ya tijî xalên reş zêde dike, PYDê li Kurdistana Sûriyê gelek kiryarên çewt pêk tîne mîna(leşkeriya neçar- revandina keçên temen biçûk- kuştin- revandin- girtina siyasetmedar û çalakvanên Kurd- stendina bacan ji welatiyan). Bi nerîna min kiryarên PYDê xizmeta doza kurdî nake ji ber ku demografiya

deverê tê guhertin û xelk ji kurdayetiya PYDê bi gûman in. Qedexekirina aleya Kurdistanê li Efrînê ji bal PYDê, tiştekî normal e dibînim ji ber ku navê Kurd û Kurdistanê li ser hemû dam û dezgehên xwe rakirin û hin ofîsên partiyên Encûmena Niştîmanî ya Kurdî li Sûriyê ENKSê girtin û aleya kurdistanê li ser anîne xwarê.” Welatiyê ku nexwest navê xwe eşkere bike wiha axaftina xwe berdewam kir: ”Mebesta PYDê ji vê biryarê ew e daxistina aleya

Kurdistanê, PYDê dijminê aleya Kurdistanê ye, çima PYDê û çekdarên xwe aleyên xwe û yên PKKê û wêneyên Ocelan naynin xwarê, ev yek tenê ji bo razîkirina hin aliyan e, naxwazim bi nav bikim, lê ew dizanin kî ne ev alî.” Tê zanîn ku rejîma Beşar Esed, piştî destpêkirina şoreşa Sûriyê di sala 2011an de, deverên Kurdî li Kurdistana Sûriyê radestî Partiya Yekîtiya Demoqratîk PYDê kir, lê dema vêketina şoreşê partiyên din û çalakvanên xort aleya Kurdistanê di xwepêşandanên li dijî Esed e bilind kirin, lê PYDê li gellek deveran êrîşî xwepêşandanan kir û ew al bi darê zorê anî xwarê. Gellek caran berpirsên rejîma Esed û di nava wan de wezîrê derveyê Hikûmeta Esed Welîd Muleim tekez dikirin ku PartiyaYekîtiya Demoqratîk PYDê nahêle ku deverên di jêr desthilata wê de bi rengekî Kurdewarî be.

Ev demeke şer û pevçûn li gundewarê başûr û rojavayê bajarê Hesekê di navbera çekdarên DAIŞê ji aliyekî û hêzên ser bi rejîma Esed ve û hêzên bergiriya niştîmanî ku ew jî ser bi Esed ve ne ji aliyekî din ve berdewam dike. Derbarê rewşa bajarê Hesekê rojnameya Kurdistan hin nerînên welatiyên bajarê Hesekê veguhest. Sîlva Ehmed ku ji bajarê Hesekê ye li ser şerê vê dawiyê wiha got:” Tê gotin ku rêxistina DAIŞê hêzên xwe li başûrê Hesekê ji aliyê rojhelat û rojava ve kom dike û dixwaze Hesekê dorpêç bike û ji wan navçeyan jî êrişî hêzên Esed û alîgirên wî bike. Em bi xwe wekû milet tiştekî nema ji hev derdixin ji ber ku ev hemû şano ne û rejîm bi kêfa xwe deveran radestî DAIŞê dike.”

Alanê Dildar ji aliyê xwe ve wiha dibêje:”Ev şer hemû pîlan in li dijî Kurdan, ji ber ku rejîma Esed ji vê yekê sûdê dibîne, Kurd koçber dibin û li şûna wan Ereb dibin niştecî. Ya xerab ew e ku xortên Kurdan di nava refên YPGê de, diçin şerê ku ne şerê wan e û dibin kuştiyên di ber xelkê de.” Tê zanîn ku berya demekê çekdarên DAIŞ di 25-112014an her du gundên Qebr Amir û Ref Refê ku dikevin rojavayê başûrê Hesekê de xistin bin kontrola xwe de, ku tenê 5 km dûrî navenda bajêr in. Ji aliyê xwe ve balafirên şer ên rejîma Esed wan gundan didin ber bombeyan û pirê caran gundên derdora çiyayê Homanê ku bi Ebdilezîzê tê nas kirin ji çiyayê Kewke têne topbaran kirin.

(Serkîsê Kêvo) di mala Kurdan de hat parastin Ezîz Xemcivîn “Agob xortekî Ermenî ye, lê ji birakî xwe jî bêtir ji min hez dike. Malbata Agob ji Wanê ye, di fermanê de çar apên wî tev li malbatên xwe qir bûne. Kalikê Agob di afirê maleke Kurdan de xwe veşartibû. Siltê tê ko afir pak bike, zarokekî boz, çilmisî û lerizandî di afir de dibîne. Siltê pir şareza bû, bidizî zilamê xwe agehdar kir. Çend rojekî ewî zarokî di wir de dihêlin, dibêje: Evî zarokî xwe li Xwedê û me girtiye, hema wî bibe sînorê Binxetê, bisipêre hinekan û vegere. Di nav hev de wisa ev biryar dan, zilamê wê got: Eger wî bi roj derxim, sed kes hene bêbavên Tirkan agehdar bikin. Şevekê ew bi ber himêza xwe vekir, li hespê xwe siwar bû û berê xwe da sînorê Binxetê. Bi rê de li gulebaraneke Tirkan rast tên, fîşek li zilamê Kurd dikeve û tê

kuştin. Ji lawikê Ermenî re dibêje lawo bireve berî te jî bikujin. Zarok direve, li qeflekê rast tê, bi qeflê re diçe. Qefl çi bû, ew komên Ermeniyan bûn, yên ko desthildariya Osmanî fermana wan rakiribû, piranî kuştin û malên wan talan kirin û yên mayî mîna pez ew bi qefla li ber xwe diajotin. Hin di Rûsiyayê re derdixistin û hin bi sînorên Sûriyê ve ew Binxet dikirin. Dema Serkîsê Kêvo giha qeflekê ji wan qeflên ajotinê, ew jî bi wan re meşiya Zarok bû, nizanî çi dibe. Di meşa xwe de qefleke dî di ber wan re derbas dibe. Serkîsê Kêvo çav bi jineke cîrana xwe dikeve, dest bi girî dike! Yê ajokerê qeflê xortekî Kurd bû, jê dipirse: Kurê min, bo çî tu digirî? Dibêje wa cîrana me di nav wê komê de ye, dixwazim jê bipirsim gelo dêya min nedîtiye? Xortê

Kurd dilovan bû, ew qefla dî rawestand, ji Kêvo re got here kurê min li dêya xwe bipirse. Serkîsê Kêvo bi lez çû bal cîrana xwe jê pirsî gelo te dêya min nedîtiye? Jinikê wî himêz kir û gote wî, na kurê min, min dêya te nedîtiye! Kêvo dilşkestî, çav bi hêsir vedigere … Ew xortê Kurd jê re got kurê min te dêya xwe nedît? - Na amo min nedît! Kurê min eger tu bixwazî bi cîrana xwe re biçe dikarim te bişînim… Serkîsê Kêvo tev ko zaro bû jî, lê diramiya ko ev xortê dilovan digel wan e, ew ziyanê li tu kesî nake! Ji wî re got: Na ez ê bi we re bimînim. Serkîsê Kêvo li ser sînorê Sûriyê ji Qeflê cuda dibe, li gundekî Binxetê rast tê, dibîne ko çend zilam li ser dikê li hev rûniştîne. Tê bal wan de, yek jê dipirse lawo tu ji zarokên Ermeniyan yên fermanê ne? Kêvo dibêje erê!

- Zilam jê re dibêje here bin ewî konê ha hevjîna min li wir e, bila te bişîne ber karik û berxikên me! Kêvo bi kêf diçe, li ber kon diraweste heta jina malê lê hay dibe. Bi hêrs jê dipirse: Kuro tu li vir çi dikî? - Dayê amê min ez rêkirime da biçim ber berxik û karikên we. Here ji vir dûr bibe, em nikarin zarokên xwe xwedî bikin, vêca emê te bi nan û av bikin! Kêvoyê hest nazik, çav tije hêsir dibin û li zilaman vedigere. Ji wan re dibêje wê jinikê berda min! Zilam bi Heso keniyan û gotinê me ji te re got tu ne zilam î! Ew ê helwestê bandor li Silêmanê Êzîdî kir û ji Kêvo re got: Kurê min, ji îro û pê ve tu jî yek ji zarokên min î! Wilo ew xwedî kir heta mezin bû û jin jî anî, zarok jê re çê bûn.

Serkîsê Kêvo Kêvo ev serpêhatiya xwe berî bimire ji neviyên xwe re digot û kûrkûra giriyê wî bû. Agobê hevalê min yek ji neviyên Kêvo ye, ji ber vê jî gelekî ji Kurdan hez dikir. Miletê Ermenî gelekî

zor û zînat ji destê Turkan, û hem ji destê Kurd û Erebên nezan dîtine. Beraber jî bi hezaran zarokên Ermeniyan di malê Kurdan de hatine parastin.” Ji Romana min Zêro.

çand û Huner

11ê Gulanê 2715 k 1-5-2015 z

www.Pdk-s.com

“Xetîra Xwînê” belgefîlmek derbarê komkujiya Hesekê ye Şîlan Ehmed “Xetîra Xwînê” belgefîlmeke Kurdî ye, ku tê de behsa bûyerên komkujiya êvara Newrozê ku derheqê welatiyên bajarê Hesekê de pêk hat. Di êvara Newrozê de, du teqînên xwekujî ku DAIŞê li xwe girtibûn li nava şahiya vêxistina xetîra Newrozê li taxa Miftî ya bajarê Hesekê de rû da û di encam de zêdetirî 50 welatiyên bajêr şehîd ketin û hejmarek mezin jî birîndar ketin. Ew belgefîlm ji berhemanîna her du rojnamevanên Kurd yên bi navê Alav Hisên û Cîlan Necim ku tenê 27 xulekan dema wî dirêj

Zavîn Ismaîl

dike. Belgefîlm bi her du zimanên Kurdî û Erebî ye ku wergerandina Kurdî bi awayekî helbestî ji aliyê helbestvan Salih Heydo ve hatiye amadekirin. Di wî belgefîlmî de dî-

Bi helkefta çilrojiya neqîbê Sendîkaya Rojnamevanên Kurdistanê-Sûriya, nemir Ciwan Mîranî, xwediyê bejna dahênî û kesayetiya bi bandor li ser sendîkayê û li ser her kesê ku ew nas kiribû. Ciwan Mîranî jiyana xwe ya pîşeyî û taybet ji bo kesên din terxan kiribû, êdî berjewendiyên heval, dost û xelkên din di ser berjewendiyên xwe re digirt. Her dem amade bû ku ji bo kesên din, êş û azarên xwe ji bîr bike, di demekê de ku zehmet e mirovên wiha wefadar û dilsoz peyda bibin. Ji destpêka hebûna nemir Ciwan li Kurdistanê û heta roja koça wî ya dawiyê, ew weke

menên berî rûdana her du teqînan diyar dibe ku welatiyên bajêr li derdora xetîra Newrozê govendê digerînin, da ku pêşwaziya sala xwe ya nû bi kêf û şahî bikin. Derbarê çawaniya amadekirina wî fîlmî,

xwe ya bi navê Merwa winda kir ku wê jî jiyana xwe ji dest da.” Li ser armanca fîlm Hisên got: ”Ji erkê me bû ku di rêya vî belgefîlmî de, rasteqîneya komkujiya bajarê Hesekê bi herêmê û cîhanê bidin nasîn, belgehkirina zanyariyên şahidhalên li ser bûyerê ji welatiyên sivîl û pijîşkan.” Derhênerê film axaftina wiha bi dawî anî: ”Fîlmê Xetîra Xwînê, piştî derbasbûna demekê ji teqînê, bi dîmenên xelkê bi dawî dibe ku jiyana xwe ya rojane bi asayî derbas dikin.”

Mîranî kesayetiyek bibandor bû lêvegerekê bû ji bo parastina maf û berjewendiyên xelkên Rojavayê Kurdistanê, ku berdewam pêwendî di navbera wan û Ciwan de hebûn, bi mebesta hilanîna astengî û zehmetiyên rêgir li ber jiyana wan. Nemir Ciwan rojnamegerî hilbijart, ku ew jî pîşeya westanê ye, ji bo ku nêzîkî rastî û rasteqîneyê be. Bêgûman ew di bijara xwe de serketî bû, tevî ku wî dizanîbû rêya rojnamegeriyê tijî zehmetî û bêbeşbûna ji xweşiya jiyanê ye. Nemir li post û pileyan nedigeriya, lewma xwe ji postan dûr dixist û li gel hevalên xwe kar ji bo pêşxistina rojnamegeriya kurdî dikir, êdî red kir ku xwe, ji

Dêrika Hemko Hozan Dêrşewî

derhênerê fîlm Alav Hisên wiha ji rojnameya Kurdistan re got: ”Plana çêkirina vî fîlmî ji roja yekemîn piştî teqînê kete bala me, di roja binaxkirina şehîdan de, karê me li ser amadekirinê 8 rojan berde-

wam kir, ew plan li gor çîrokên cawaz yên ku di wê bûyerê de çêbûn hate dayîn, yên ku dikarin bandorê li şêweyê belgehkirina fîlm bike, da ku bala temaşevanan bikşîne, çi ji aliyê bandora gotinên pêşkêşker be, çi ji bandora bûyerên ku li ser erdê hatin belgehkirin.” Hisên lê zêdekir: ” Di fîlm de, me bal kişand li ser du çîrokan, ku yek ji wan, çîroka ciwanê bi navê Raman Fatimê bû ku tevî birînên xwe yên giran, birîndarên teqînê vediguhest ta ku jiyana xwe ji dest da, çîroka din ew bû, keça bi navê Sefa ku di teqînê de cêwiya

bo posta neqîbê sendîkayê kandîd bike, lê di bin guşara hevalên xwe de, xwe li kongreya damezirandinê kandîd kir û bi piraniya dengan serketin ji bo posta neqîbê sendîkayê, bidest xist. Nemir di serdema karê xwe de, di posta neqîb de, gelek karên berçav kirin, wek derxistina rêdana (ruxseya) sendîkayê li Herêma Kuridstanê, her wiha vekirina baregeha sendîkayê. Bi ser de jî dest bi gelek çalakî û pêwendiyan kir. Eger Ciwan bizanîba ziyanek gihiştiye rojnamevanekî ji Rojavayê Kurdistanê yan di astengiyekê de ye, nikarîbû dilaram be. Her pêwendiyên wî berdewam li gel rojnamevanan hebûn û

hewl dida ku hemû dezgeh û rêxistinên rojnamegerî di yek dezgeh û çarçoveyê de kom bike. Koça Ciwan Mîranî bi vê lezê, bi me giran bû, çi ku hêj gelek xe-

wnên wî hebûn bi cih nebibûn, lê belê ew ji destê me çû û em di xemgîniyeke kûr de hiştin. Xweda Ciwan Mîranî di mehrîbanî û dilovaniya xwe de bihêle û cihê Ciwan Mîranî bihuşt be.

Bajarê Dêrikê dikeve bakurê rojhilatê Sûriyê, di sêgoşeya sînorî ya Sûriya, Tirkiya û Iraq de cih digre. Dêrik di sala 1928an de kete nexşeya Sûriyê, li gor rêkeftineke sazkirina sînorî di navbera Sûriyê û Tirkiyê de bi serpereştiya nûnerê Ferensayê ku li wî demî dagîrkerê xaka Sûriyê bû, berî vê rêkeftinê Dêrik gundekî girêdayî Bajarê Cizîra Botan ya Bakurê Kurdistanê bû, her wiha hinek

ji gundewarê wê girêdayî xaka Iraqê bû, li gor biryara fermî ya hejmar 1414 di 18-7-1933an de bû şaredarî, her wiha di sala 1938an de bû weke qayimeqamiyekê bi navê “Qayimeqamiya Dicle” û navenda navçeya Dêrikê, sînorê navçeya Dêrikê ji Êndîwarê ta bi bajarokê Ҫilaxayê bû û bi parêzgeha Hesekê ve jî girêdayî bû. Dêrik 90 km dûrî bajarê Qamişlo ye, 950 km ji Şamê, paytexa

Sûriyê dûr e, navê Dêrikê ji “DuRêk” ango 2 rê, yan ji “Dêr-ik” ji Dêra kevin ya li wir hatiye. Tê naskirin bi “Dêrika Hemko” jî, her wiha li gor biryara hejmar 346 ku di 24-03-1957an de, navê wê hat Erebkirin û bû (Al-Malikiyê), hejmara welatiyên bajêr nêzîk 75 hezar kesî ne, hejmara navçeya Dêrikê nêzîk 250 hezar kesî ne, derdora 350 gund û bajarok pê ve girêdayî ne.