66_

rdi t n

Rojnameyek ji aliyê ragihandina navendî ya PDK-Sê ve tê weŞandin

10ê çilê Pêşî 2715 k 1-12-2015 z

Kurdistan -hejmar (66)

www.Pdk-s.com

Komînên PYDê astengiyan ji

welatiyan re çê dikin

Adil Ibrahîm rdi t n -Hesekê

Piştî ku Partiya Yekîtiya Demoqratîk PYDê xwe bi darê zorê kir desthilatdar û xwe li ser xelkê ferz kir, gelek kesên nezan anîn, û ew kirin berpirs di dezgehên xwe de, û li ser welatiyên Kurdistana Sûriyê ferz kirin.

Rojane, tevî êş û azarên xelkê Kurdistana Sûriyê, lê nerazîbûna xelkê ji komînên PYDê tevlî êşê wan dibe, ji ber ku kesên di wan komînan de kar dikin, ne pispor in û piraniya wan bê bawername ne û hin ji wan derçûyê zindanan bûn, ku berya niha gelek tawan kirine. Şêrwan Şemsidîn li ser vê mijarê wiha dibêje:”Min berya demekê perçeyek zevî kirî, xwedanê zevî kesekî deyndar bû, min zeviyê xwe çand û tov jî avêtê, lê berya demekê yek ji komîna wî gundî bi min re axivî û got: Divê tu zevî li xwediyê wî vegerîne, destpê min got: Na, lê bi darê zorê ew zevî ji min stendin.. mixabin”.

Xebat Salih ku ew jî çîrokek pê

re çê bûye wiha got:”Min xaniyê kurê mamê xwe kirê kir berya ku biçe Almanya, lê piştî ku ew çû Almanya, min kelûpelên xwe veguhestin, lê serokê komîna

wê kolanê ji min re got; divê tu derkeve û me agahdar bike û careke din vegera malê. Min yekser got ev kolan ji min re nabe, û ez çûm kolaneke din”.

û karên siyasî qedexe bikin, tiştê ku ji wan re tê, wek alîkariyan beşê mezin ji xwe re dibin û yê din jî li ser kêfa xwe belav dikin”.

Dîmenek ji Amûdê

Silêman Oso:

Sê pîlanên dagîrkeran

PYDê û rejîma Esed nahêlin Pêşmerge vegerin

Lêkolîner Ferhad Ebdilmecîd dibêje ku ev yek (kemîn) e ne ku (komîn) e, kesên ku têde kar dikin hemû sîxur in, çavdêriya xelkê dikin, da ku hemû çalakî

2

3

2

10ê çilê Pêşî 2715 k 1-12-2015 z

Kurdistan -hejmar (66)

www.Pdk-s.com

Silêman Oso: PYDê û rejîma Esed nahêlin Pêşmerge vegerin Nalîn Hesen rdi t n -Hewlêr Silêman Oso endamê Komîteya Pêwendiyên Derve ya Encumena Niştîmaniya Kurdî li Sûriyê ENKSê got; ku kesên nahêlin Pêşmergeyên Kurdistana Sûriyê (Rojavayê Kurdistanê) vegerin bo parastina deverên xwe bikin, PYDê û rejîma Esed in.

Kurdistan:Niha PYDê êrîşî xwepêşandanan dike, we ev yek çawa dît?

Silêman Oso: Xwepêşandanên ENKSê li hemû bajar û bajarokên Kurdî li dijî kiryarên PYDê berdewam in, ku yek ji sedemên koçberbûna miletê me ji Kurdistana Sûriyê ye, xwepêşandana bajarê Hesekê xwepêşandanek aştiyane bû, lê mixabin mejiyê PYDê nema van xwepêşandanan tehmul dike, herwiha alîgirên xwe berdan nav xwpêşanderan û êrîşî wan kirin û li wan jî dan. Ev bûyera ku di xwepêşandana Hesekê de çê bû, ne demokratiya PYDê li hemberî aştiyê dide xuyakirin. Di xwepêşandanên berê de yên li dijî rêjîma Beis, di dema ku rêjîma Esed bihêz bû, karên mîna lêdan û êrîşkirina li ser jinan tine bûn. Bi rastî ew karekî gelekî nebaş bû. *We ev yek li ber çavê xwe danîbû ku PYDê êrîşî xwepêşandanan bike?

Her tişt ji PYDê tê pêşbînîkirin, lê me texmîn nedikir ku li Hesekê bi vê tûndiyê û bi şêweyekî hovan e li xwepêşanderan bidin, û bi vê yekê jî PYDê riwê

xwe yê rasteqîne û durist ji xelkê û hemû hêzên Kurdistanê re eşkere kir. Divê hemû hêzên Kurdistanê li ser vê yekê rawestin û bizanibin bê gelo çema PYDê kiryarên wisa dike, di dema ku navê demokatiyê bi hemî dezgehên xwe ve dileziqîne.

Cadeya Kurdî bi temamî tevgerê dike, û em wekû ENKSê gelekî xweragir bûn, lê xweragiriya me ne ji tirsekê ye, lê belê armanaca me ku milet rûbirûbûyê çekdarên wan nebin, û şerê birakûjî çê nebe, lê ew şaş têgihan. Me dît çawa milet bi sêweyekê berfireh tevlî van xwepêşandanan dibin li Dêrikê,Çilaxe, Qamişlo û Hesekê. *PYDê ji berfirehbûna xwepêşandanan ditirse?

Bê guman, wê PYDê ji xwepêşandanan bitirse, û derketina me ya xwepêşandanan, ji ber wê yekê hat ku cemawer û alîgirên me zext û fişar li me dikirin, da ku di riwê kiryarên PYDê de rawestin. Cadeya Kurdî nema kiryarên PYDê tehmul dike û wê roj bi roj ev xwepêşandan berfirehtir bibin, û ew nameyeke ku PYDê bi tena xwe nikare rêveberiya Kurdistana Sûriyê bike. Em hêvî dikin ku PYDê li xwe vegere û sînorekî ji van kiryarên xwe re deyne. *Hûn ji şerekî navxweyî natirsin?

Di baweriya min, PYDê bi van kiryarên xwe dixwaze ku em jî wekû wan bersiveke tund bidin, ta ku çekan li dijî me bikar bîne, lê em wekû ENKSê, me hemû xwecihiyên

xwe agahdar kirinem ku PYDê çiqas tûndiyê li dijî wan bikar bîne, divê ku ENKSê li ser aştiya xwe berdewam be. *Gelo di paşerojê de, wê siloganên we xurtir bibin mîna rûxandina PYDê?

Xwepêşandanên me dê berdewam bin û biryarên me wê di dema xwe de derkevin, û ez naxwazim tiştekî pêşwext bibêjim. *Berdewamiya xwepêşandanan çawa dibîn î?

Li gorî agahiyên me, hin kes di nava rêveberiya PYDê de ji van kiryaran nerazîne, û gelek ji wan eşkere dikin ku divê em ligel hev deverên Kurdî birêve bibin. *Pêngavên ENKSê piştî xwepêşandanan?

Niha xwepêşandanên me berdewam in, û roj bi roj berfireh dibin, û em razîbûnekê libal miletê xwe dibînin, em naxwazin pêngavên piştî van xwepêşandanan raghînin, bi rastî her wê planek li cem encumenê hebe bo pêngavên bê. *Niha hûn li Herêma Kurdistanê ne, we hêzên siyasî ji kiryarên PYDê agahdar kiriye?

Komîteya Pêwendiyên Derve ya ENKSê li ser partiyên Kurdistanî geriya, di wan serdanan de, me bi zelalî ji wan aliyan re behsa asta ku miletê Kurd li Kurdistana Sûriyê têde derbas dibe kir, herwiha me behsa kiryarên PYDê jî bi berfirehî kir, û me partiyên siyasî dîtin, û me ji wan re da xuyakirin ku

divê bi erkê xwe rabin, ji ber ku îro

Silêman Oso , Endamê Komîteya Pêwendiyên Derve ya ENKSê

roj rewşa Kurdan li Kurdistana Sûriyê xerab e, û wê bandora vê yekê bi xurtî li ser Herêma Kurdistanê jî hebe. Em bang li wan hêzan dikin ku ji kiryarên PYDê re sînorekî deynin.YNKê amadebaşiya xwe jî anî ziman. *Gotara Mela Bextiyar li Rimêlanê bervûvajiya vê yekê bû?

Tiştê ku Bextiyar got; bersiva wê hate dan, û gotina YNKê di kongreya Pêşverû de, ne mîna gotina Mela Bextyar bû. Di hevdîtinên me de ligel YNKê, navborî mukir hat, ku ew ne bi hemû gavên PYDê re ne, herwiha YNKê eşkere kir ku aliyek bi tene xwe nikare Kurdistana Sûriyê birêve bibe. *Çûna we ya Tirkiyê derbarê çi bû?

Me çend hevdîtin ligel aliyên navdewletî yên ku bandora wan li ser rewşa Sûriyê heye pêk anî, me li Hewlêrê qunsilê Rûsî dît, herwiha em bi qunsilê Ferensî re jî civiyan, me hin civîn bi balyozxaniyên Ewropî re li Tirkiyê pêk anî, û me nameyek gihande wan,

ku em wek gelê Kurd pêkhatiyeke sereke ne di Sûriyê de, û rola me di şoreşa Sûriyê de rolek sereke bû, û nabe ku Kurd bêne piştguhkirin û divê şandeke Kurdî ku nûnertiya miletê Kurd bike di her danûsitendinekê de derbarê Sûriyê beşdar bibe. * Dê ev şand ji derveyê Îtîlafê be gelo?

Em pêşinyar dikin, ku şandeke Kurdî serbixwe hebe jibilî şanda Îtilafê, da ku bêhtir nûnertiya Kurdan bike. *Bersiva wan aliyan çi bû?

Dibêjin ku ew bi vê yekê re ne, û divê di Sûriya paşarojê de mafên pêkhatan bête parastin.

Derbarê vegera Pêşmergeyên Kurdistana Sûriyê çi ji were hate gotin?

Ew bi xwe jî vê yekê tekez dikin, lê diyar e hin danûsitendin di vê derbarê çê dibin, û nameya me ew e, yê ku li dijî derbasbûna Pêşmerge derbikeve helbet piştevaniya terorê dike. Dema ku em dibêjin teror sînor derbas kiriye, û bûye gefek navdewletî, û ev karê terorî yê ku li Ferensa çê bû, nameyek ji bo cîhanê

bû, ku teror ne tenê wê li Sûriyê bimîne, lê belê wê derkeve ta bighêje Ewropa û Amerîka, ji ber vê jî, yê ku li dijî derbasbûna Pêşmerge bo Kurdsitana Sûriyê radweste piştevaniya terorê dike. *Derbasbûna Pêşmerge rêjîma Esed jê ditirse yan PYDê?

Her du ji vê derbasbûnê ditirsin.

Serok Barzanî çi ji were got?

Civîna ligel serok Barzanî li ser daxwaza me bû, berya her tiştekî me pîrozbahiya rizgarkirina Şingalê li cenabê serok Barzanî kir, me spasiya xemxwirî û bihewarçûna Barzanî bo doza gelê Kurd li Kurdistana Sûriyê kir, û daxwaz jê kir, ku li navendên cîhanê piştevanê doza me br, bi taybet ku wê di demeke nêzîk de civîneke berfireh ya opozîsyona Sûriyê lidar bikeve. Serok Barzanî behsa qehremaniya Pêşmergeyên Rojavayê Kurdistanê di şerê li dijî DAIŞê de kir û bi taybet li Şingalê, û me jê xwest ku alîkariya Pêşmergeyên me bêhtir bike.

10ê çilê Pêşî 2715 k 1-12-2015 z

Kurdistan -hejmar (66)

Sê pîlanên dagîrkeran Bavê Serbest- Hesekê Nivîskar û ramangîrê hêja nemir Mûsa Enter di bîranînên xwe de (Hatra Larim) dibêje : Carekê desteya ewlekariya siyasî ya Tirkiyê, di civînek taybet de biryarek sitandin, ku her rewşenbîrekî Kurd tune bikin, wê kêşedoza Kurdî salekê li paş bixin û li ser vê bingehê (50) rewşenbîr ên Kurd girtin û zindan kirin, ji wan Mûsa Enter û Ehmed Kaya bûn, wê hingê Mûsa di zindanê de romanek nivîsand bi navê Kêşedoza (49)an ji ber ku yek ji wan rewşenbîran di zindanê de jiyana xwe jidest da.

Pîlana duyemîn ew e, Mihemed Teleb Hilal di belgenameya xwe de ya bi navê rapirsînek ji bo parêzgeha Hesekê ji hêla civakî, siyasî, û nijade, ew jî dibêje: Ji bo ku em kêşedoza Kurdan li Sûrî tune bikin an ku bimirîn in, tê xwestin ku destelata Erebî Sûrî siyaseta koçberiyê li ser wan bisepîn e û bihêlin ku tim amade bin ji bo koçberiyê re, lê çawa.

-Em nehêlin erjeng û kompanî li vê herêmê

ava bibin, ji bo ev milet bimîne bê kar.

-Qedexekirina kirîn û firotina şênî, firoşgeh û zeviyan ji bo Kurdan.

Ta ku ji me bê em bihêlin ku Kurd li vê heremê hejar û tengezar bin û amade bin ji bo barkirinê ta hûndirê welêt û bicîkirna wan li herêmên Erebî li ser sê qonaxan û em sûdê ji ezmûna Tirkan wergirin, ku çawa bi hêsanî rêjeyek bilind ji Kurdan koçberî navçeyên Tirkan kirin, û li ser çend qonaxan bi gelek şêweyan ku piranya wan zimanê dayikê jibîr kirin .

Pîlana sêyemîn gêlkirina wan û nehiştina dibistanan, da ku nifşên paşerojê ya wan tev gêl û nezan bin, diyar e gelê ku nezan rêberê wî bin ew gel wê herdem bindest û hejar be bê guman îro, ev hersê pîlan bi hêsanî li Kurdistanê Sûriyê cîbicî dibin gelo kî berpirsyare?

- koçberî , Gêlbûna ciwanan ji ber ku ji dibistan û zankoyan bê par dimînin, diyar e ku welat li ser pişta ciwanan ava dibin, kesê penaber wê hejar be li ber dîwarê biyanyan.

Li Kurdistana Sûriyê mafê jinê binpê dibe Nûr Ibrahîm rdi t n -Hesekê

Hesekê-Dema êrîşkirina çekdarên PYDê li ser xwepêşandana ENKSê

Li bajarê Hesekê çekdar û alîgirên Partiya Yekîtiya Demoqratîk PYDê êrişî xwepêşandana Encumena Niştimanî ya Kurdî li Sûriyê ENKSê berya çend rojan kirin. Dema ku li taxa Salihiyê ya bajarê Hesekê xwepêşnandanek li dijî kiryarên PYDê dihat lidarxistin, rastî êrîşa çekdar û alîgirên Partiya Yekîtiya Demoqratîk PYDê hat, û xelk û cemawerên ENKSê rastî lêdaneke hovane hatin. Tiştê herî ku bala xelkê û raya giştî li Kurdistana Sûriyê di xwepêşandanê de kişand ew bû, êrîşkirina wan çekdaran li ser hin jinên xwepêşander, ku rastî lêdana wan hatibûn. Jînda Ehmed ji wan kesên ku di xwepêşandanê de amade bû, ji rojnameya Kurdistan re got:”PYDê sivkayetî bi jinê kir, şebîheyên rêveberiya PYDê xwepêşandana me ya aştiyan e, di rêya bikaranîna şêweyên tundûtûjiyê rawestandin. Porê min kişandin û li min dan, eger ku hin kesên ciwamêr bi hewara

Kurdistan

min ve nahtibana wê min revandibana. Niha ji min re bi eşkere diyar bû ku PYDê û rêveberiya xwe ti carî doza Kurdî li ber çave xwe negirtine û divê li ser van kiryaran bête cezakirin”.

Gûlîstan Biro dibêje ku çekdarên PYDê dixwestin bi darê zorê xwepêşandana me belawela bikin, herwiha got:”Ji min re gotin; biçe malê, lê min red kir û min di riwê wan de qêrîn kir û min ji wan re got; ez mafê xwe yê rewa bikar tînim, pişt re li min dan û sixêf û dijûnên xerab ji min re gotin, spasiya hemû xortên ku min ji nav destê wan çekdaran rizgarkirin”.

Ji aliyê xwe ve Gulbuhar Metînî got:”Kanî azadiya jinê ya ku PYDê pê bang dike, berya niha min ji ragihandina PYDê bawer dikir, ku mafê jinê diparêze, lê xwepêşandana vê dawiyê kirasê derwan ji ser rêveberiya PYDê hilanî û rastî eşkere kir, divê bi hev re li dijî vê partiyê derbikevin û rêveberiya wê birûxînin”.

www.Pdk-s.com

Çira çareseriyê li Sûriyê ne diyar e Malva Elî-Dêrik Berûvajî Cinêva (Cenvre) 1ê û 2an, rejîma Esed ji encamên Viyenayê razî bû, ku rêkeftinek li ser şêweyê pêkanîna çareseriya siyasî a dabeşkirî li ser du qonaxan bi avakirina hikûmeteke demkî û bi hilbijartinên giştî piştî du salan bi dawî tê.

Dezgehên ragihandinê ên nêzîkê rejîma Esed bi erênî nêzîkî civata Viyenayê bûn, ji ber beşdariya her yek ji Rûsya û Îranê wekî nûnerên rejîma Sûriyê di vê komcivînê de, jibilî ku van her du welatan du mercên herî giring bidest xistin, yek jê çarenivîsa Esed û mercê din jî desteya ku di qonaxa demkî de, dê Sûriyê birêve bibe, wê xwedî biryar be jî.

Li gorî encamên Viyenayê “Tirêna” danûsitandinan dê di destpêka sala nû de rêbikeve, û piştî şeş mehan dê rastî hikûmeta demkî were û piştî 18 mehan, dê hilbijartinên giştî li seranserî Sûriyê û kampên penaberan destpê bike, ango du salên tijî girêhişk li ser sika “Tirêna” çareseriya siyasî hene.

Girêhişka herî giring û a ku bi dirêjahiya zêdetirî çar salan hemî hewildanên çareseriyê rastî wê hatin, ew jî komkirina hemî rengên dijberiyê bi cudahiya nerîn,ol, netewên xwe ve di çarçoveyekê de, û parvekirina “Kûrsiyên” para dijberiyê li ser wan.

Tevî hemî astengî û girêhişkan, êrîşên Parîsê ailyên beşdar li Viyenayê, neçar kirin ku rêkeftinekê çê bikin, ji ber êrîşên Parîsê nameyek gihand beşdarbûyan, ku ev şerê ku bi dirêjahiya zêdetir ji çar salan li Sûriyê berdewam e, ne tenê dê li welatên derodora Sûriyê şax vede, weke Îraq û Tirkiyê, ji ber ku şaxên vî şerî li Ferensa jî şîn hatin, û berî wê jî balefira Rûsî li Misrê hat xwarê.

Belkû van baweriyan, hişt ku aliyên peywendîdar li Viyenayê bighêjin rêkeftinê, tev ku nexşeya çareseriya krîza Sûriyê a li Viyenayê hate pejrandin, pêkanîna wê gelekî “Zehmet e”, ji ber rêya çareseriyê tijî mayîn in, mayîna yekê çarenûsa Esed e, ji ber ew beşeke ji kêşeya ku ev zêdetir ji çar sal xelkên Sûriyê

qelenê wê didin.

Ji aliyek din ve, ji daxuyaniyên rayedarên welatên peywendîdar, tê xuyakirin ku nakokiyên kûr di navbera her du aliyên navnetwî de hene, ji aliyekî Amerîka, Erebistana Siûdî û Tirkiyê û ji aliyê din ve Rûsya û Îranê.

Girêhişka din dabeşkirina grûpên çekdar, ka kîjan dê di lîsta terorê de cih bigre gelo, û kîjan niştîmanperwer e, ev girêhişk belkî nakokiyên nû biafirîne, bi tayebet nerazîbûna Rûsya û Îranê ji binavkirina grûpên “şîe” ên li ser xaka Sûriyê piştevaniyarejîma Esed dikin di lîsteya terorê de bin , û her wisa destnîşankirina dijberiya siyasî a ku dê beşdarî çareseriya siyasî bibe.

Mayîna sêyemîn girêdaye qonaxa berî destpêkirina pêvajoya çareseriyê, ew jî bi mercê agirbestê ye, ta ku pêvajo destpê bike, û hikûmeteke demkî ava bibe, destûrekî nû bê nivîsîn, pêwiste agirbest hebe, li gorî nexşeya çareseriyê.

Li vir girêhişka hilbijartinan jî di bin çavdêriya navnetwî de, dê derkeve holê, ji ber kêşeya hilbijartinan bi dirêjahiya desthilata “Beis” li vî welatî peyda dibe, û pirsa Sûriyê pirsa avakirina welatekî ye, ku ji bingeha xwe ve hatiye rûxandin.

Rûsya dixwaze rêkeftina Viyenayê, wek alavekî zagonî ji şerê xwe re bikar bîne, û rejîma Esed li ser piyan bihêle, her wisa pirsa Sûriyê di çarçoveya şerê “Dewleta Sûrî” li hember terorê bicivîne.

Ev yek di daxuiyaniyên serokê Rûsya “Vladimir Putin” de eşkere bû, çaxa digot: Her grûpek li hember rejîma Sûriyê şer dike ew terorîst e, tevî ku di encamên Viyenayê de (DAIŞ û Nusra), hatine destnişankirin ku tundrew in, lê welatê Urdinê hatiye erkdarkirin ta ku lîsteyekî ji grûpên terorîst re amade bike. Çendî metirsiyên aliyên peywendîdar di asta herî bilind de bin jî, lê rêya çareseriya krîza Sûriyê dûdirêj e, bi taybet çaxa ku lîstikvanên navnetewî yên sereke hêj jî li ser dabeşkirina kelaxê Sûrî lihev nehatine.

3

4

10ê çilê Pêşî 2715 k 1-12-2015 z

çand û Huner

www.Pdk-s.com

Ebdulsemed Mehmûd: Roja Festîvala Helebsta Kurdî dîrokî ye Qasim Xelîl rdi t n - Qamişlo Ebdulsemed Mehmûd di vê hevpeyvînê de behsa”Festîvala Helbesta Kurdî”û dibêje lu ew roj rojeke pîroz û heta niha Komîteya Amadekar ya festîvalê xwe parastiye. *Hûn endamekî “Festîvala Helbesta Kurdî” ne, dikarin hinekî li ser festîvalê û armanca wê biaxivin?

Dîroka Mehrecana Helbesta Kurdî, vedigere sala 1993an damezrênerên mehrecanê çar wêjevanên Kurd ji herêma Efrînê bûn ( Heyder Umer, Dr.Ebdulmecîd Şêxo, Rûxweşê Zîvarî Elî Cafer), wê demê li bajarê Helebê rûdiniştin, ew bi xwe bîranîna koçkirina Seydayê Cegerxwin bû, vexwendin ji piraniya helbestvanan re li Kurdistana Sûriyê rêkirin, û roja 22-10-1993an li keleha Nebî Horî lidarxistin. Di heman rojê de daxuiyanek derxistin û di ragihandinê de belav bû. Herwiha di mehrecanê de hate gotin ku ev roj dê bibe Roja Helbesta Kurdî li Sûriyê, yekemîn xelata mehrecanê, helbestvan Hamid Bedirxan wergirt di mehrecana duyemîn de.

Armancên mehrecanê gelek in, jê ku ev roj bibe rojeke dîrokî, vejîna helbesta Kurdî, hevnasiya helbestvnan, pêşkêşkirina afrêneran. *Rexneyên beşdaran li ser festîvalê hene?

Gotinên wan beşdaran ta astekê rast e, lê helbestên nirxdar jî li mehrecanê têne xwendin .Di van salên dawî de ji ber rewşa awarte ku welatê me têde dijî, bandora xwe li kar û barê mehrecanê dike, salên bûrî baş bi rêk û pêk

mezin yên rexnesaziyê di cîhanê de negirtiye. * Melayê Cizîrî û Ehmedê Xanî, rengê Erebî û Farsî li ser helbestên wan vedabû, gelo kî ji wan dikarîbû bandorê li xwendevan û guhdaran bike?

Bê gûman ez dibînim ku helbestvanê ji kaniya wan venexwariye bi çengekî ye û her yek ji wan pehlewanan bandoreke xwe heye bi rengekî, çi li xwîner yan li helbestvan.

Ebdulsemed Mehmûd

mehrecan dihate lidar xistin, komîteyên nirxandinê dihatin avakirin, helbesta ku ji sedî pêncî pile anî ba ji lîsta karê mehrecnê dûr diket. * Li ser çi bingehê helbestvan xelatê werdigre?

Xelata Mehrecana Helbesta Kurdî xelata şanaziyê ye, ji ber vê yekê tenê dîrok û westandina helbestvan yan wêjevan tê nirxandin, ango ew kesê ku xizmeteke balkêş di ber wêje, ziman û dîroka Kurdî de kiribe. *Tu helbesta Kurdî çawa dibîn î?

Bi rastî dema ku em li ser vê mijarê rawestin, yan mafê pirsê bidin ji bersivê, em gerekî derfeteke berfirehtirin, Helbesta kurdî bi giştî, di çarçûva xwe de dijî, hevgihiştina wê bi ya herêmê û cîhanê re qels e, lê hewl dide ku ber bi asta helbesta cîhanî ya nûjen ve biçe. *Tê gotin di nav Kurdan de, asta

nivîsandina kesên ku helbesta Erebî dinivîsînin ji ya Kurdî bilintire?

Ez vê pirsê ne normal dibînim, keseke bi zimanê zankoya xwe dinivîsîne û yê din, xwe bi xwe, xwe fêrî ziman kiribe, ji bilî xizaniya pirtûkxaneya Kurdî, heke mirov van sedeman berçav bike ez dibînim ku helbestvanê Kurd afrêner e, tenê stûna wî zimanê dayika wî ye. *Dîwana we ya vê dawiyê ku hatibû çapkirin, rexnevanên wêjeyî çawa nirxandin?

Hûn dikarin vê pirsê ji rexnevanan bikin, ez bersivê nadim tevî ku Dr: Ferîd Sadûn di pêşgotina wê de (Siya xwenê) nirxdar dibîn e. *Rexnekirina wêjeyî di qada şehrezabûna Kurdî de ne beşdar e, sedemên wê çi ne?

Ji ber ku rexnevanên Kurd tune ne yan têne jimartin, ji bilî ku sûde ji dibîstanên

*Di 30/10 /2015 an de li bajarê Amûdê we 20e mîn Mehrecana Helbesta Kurdî lidar xist, we festîval çawa nirxand?

Mehrecana Helbesta Kurdî rojeke pîroz e, herwiha bûye rojeke dîrokî di jiyana helbestvana de, ya herî girîng komîteya amedekar karî ta roja îro xwe biparêze ji nakokî û perçebûnê, her kêmasî û şaşî hene, lê ew jî ji ber gelek sdeman e, hin kêmasiyên teknîkî derbasbûn, asta helbestan core bi cor bû, beşdariya cemaweran ne li gor xwesteka me bû, di dawiya mehrecanê de, helbestvanê mezin Salihê Heydo xelat wegirt.

Zarokekî gundî ku li ser tîpên Melayê Cizîrî û Ehmedê Xanî perwerde bû, erk ji ber kir in, şîret girtin, dema ku li bavê xwe guhpêl bû, bê çawa helbestan dibêje bi baweriyên oldarî, bi xortanî ala baweriyên xwe hilgirt, bi xwe fêrî Ziman Kurdî bû, hewlda ku mejiyê xwe ava bike, serdana wêje ya Cigrxwîn û piraniya helbestvanan kir, ta ku hez bayê vîna helbestê kir. Ev e bi kurtî Ebdulsemed Mehmûd.

Zibêr Salih ligel Koma Narîn klîpek çê kir Çalakiyên hunermendên Kurd Zibêr Salih berdewamin, Hunermend Zibêr Salih jî ku niha li Almanyayê dijî klîpek nû amade kir. .

Stranbêj Zibêr Salih ji “Rojnameya Kurdistan” re diyar kir, wî ji bo strana xwe ya bi navê “Roj li ber ava” çûye Hannoverê û ligel

Koma Narîn ya foloklorî klîpa wê tomar kir.

Salih got; çalakiyên min pirr hene, lê ji ber rewşa ku niha ya Sûriyê bi giştî û Kurdistan bi taybet têde derbas dibe, herwiha koçberiya ku rû dide, hinekî dilê me li kar sar kiriye, lê nêzîk dê hin karên min derkevin