75_

Rojnameyek ji aliyê ragihandina navendî ya PDK-Sê ve tê weŞandin

26ê Newroz 15-4-2016

Kurdistan -hejmar (75)

www.Pdk-s.com

Qamişlo: Xelk ji topên Tirkiyê bitirsin Adil Ibrahîm -Qamişlo

Ev demeke leşkerên Artêşa Tirkiyê topan carcaran davêjin nava bajarê Qamişlo. Herî dawî 3 gulleyên topan li nav bajêr û li cihê ku welatiyên sivîl lê dijîn, ketin. Di encama topbaranê de ti zirarên canî çê nebûne, lê zirarên madî gihîştin cihên ku top lê ketin.

Li ser vê mijarê û tirsa welatiyan me ev raport amade kir.

Xebat Ebdilkerîm derbarê vê mijarê got” :Bi rastî tirs ji van topan gelekî heye, rast e heta niha tenê zirarên madî ne yan hin welatî birîndar bûne, lê em gelekî bi tirs inm divê aliyê Tirkiyê bi vê yekê were agah-

darkirin, da ku tiştekî wisa dubare nebe”. Îmad Haşim li ser vê mijarê wiha got:”Em gelekî li ser zarokên xwe ditirsin, her ku topek dikeve, em bêtir ditirsin, lê em çibikin qedera me Kurdan ev e, ku herdem di nava agir de bin çi agirê hinder be, û çi yê ji derve be”.

Navçeya Nisêbînê, ku hevsînorê bajarê Qamişlo yê Rojavayê Kurdistanê ye û niha şer di navbera Artêşa Tirkiyê û PKKê de lê heye. Lewma carcaran topên leşkerên Tirkiyê li Qamişlo dikevin.

Sînorê Bakur û Rojavayê Kurdistanê / Kurdistan

Karê hewildana şewtandina bargeha ENKSê karekî xerab e Kurdo Sorkî -Dirbêsiyê Li bajarê Dierbêsiyê êriş li ser baregeha Encumena Niştimanî ya Kurdî li Sûriyê (ENKS) hat kirin.Çend kesên nenas êrîşî baregeha Encûmena xwecihî ya ENKSê li bajarê Dirbêsiyê kirin û hewil dan bi riya molotofan wê bişewitînin û sloganên li dijî ENKSê li ser dîwaran nivîsandin.

Derbarê mijara gefxwarina li Encumena Niştîmaniya Kurdî û serkirdeyên wê, me nerînên hin welatiyan stendin.

Cemîl Silo ku xelkê bajarokê Dirbêsiyê ye wiha got:”Ez nizanim bê exlaqê Kurdayetiyê daketiye çi astê, berya niha Kurd ne wisa bûn, bi texmîna min PYDê ji Kurdan cihê ye,

Beşar: Heta niha ti tewafiqeke navdewletî derbarê Sûriyê nîne

2

çawa Kurdek hewil dide

mala birayê xwe bişewitîne

Çepka bidin da Kurd bibin yek

3

gelo ma ev yek ne şerm e”.

Dîlan Omer got:” Ev kar dûrî exlaqê Kurdayetiyê ye, û ev karekî xerab e, çawa PYDê gefan li serkirdeyên Kurd dixwe, ma gelo çima berê xwe nade rejîma Esed ku di nava bajarên Kurdî de ye, ev yek tiştekî nerênî ye bila careke din tiştekî wisa dubare nebe”.

Herwiha berî çend rojan jî, çend kesên nenas li ser dîwarên baregeha ENKSÊ li bajarê Qamişlo gef nivîsandibûn.

Tevî zehmetiyan Sûzan Master li Holenda bidest xist

4

2

26ê Newroz 15-4-2016

Kurdistan -hejmar (75)

www.Pdk-s.com

Ebdilhekîm Beşar: Heta niha ti tewafiqeke navdewletî derbarê çareseriya siyasî li Sûriyê nîne Ceger Beşar Emîn- Sîpan Xelîl

- Hewlêr

Ebdilhekîm Beşar endamê Desteya Bilind ya Danûstandinan bo Cenêvê got; heta niha çareseriya siyasî li Sûriyê hêj nestewiya ye ji aliyê navdewletî ve , ango heta niha ti tewafiqeke navdewletî derbarê çareseriya siyasî li Sûriyê nîne.

*Niha rejîma Esed hilbijartinan lidar dixe, û Kongreya Cenêvê piştguh dike, tu çawa vê yekê dibînî?

Paşeroja Sûriyê gelekî tarî ye, ji ber ku meydana Sûriyê bûye meydana nakokiyan, û berjewendiyên niştîmanî, herêmî û navdewletî, û ev berjewendî girêdayî hin faylên din in, ji bo vê yekê ti nexşerêyeke diyar nîne, û niha kuştin, wêrankirin, û koçberkirin tenê heye, em dizanin bê wê ev krîz bidawî were, lê kengî em nizanin û hêj çareserî tarî ye.

*Bi nerîna we wê giftûgo gelekî berdewam bikin?

Di nerîna min de, heta niha çareseriya siyasî li Sûriyê hêj nestewiya ye ji aliyê navdewletî ve, ango heta niha ti tewafiqeke navdewletî derbarê çareseriya siyasî nîne, nexasim tişta girêdayî bi çarenivîsa Esed û kesên bi wî re, ji ber vê yekê ez ne geşbîn im bi giftûgûyên Cenêv 3, û egera wê yekê heye çend Cenêvên din jî hebin, eger tewafiqeke navdewletî çê nebe, û ez vê yekê di dema niha de dûrî çareseriya siyasî dibînim.

*Çi di civîna we ya Riyazê de vê dawiyê çêbû?

Niha rejîma Esed û hevalbendên wî helmeteke leşkerî pêk tînin, û fayla mirovahî hatiye piştguhkirin, ev dihêle ku Civaka Navdewletî berpirs be li pêşiya berpirsyaretiya xwe derbarê fayla mirovahî, û Amerîka û Rûsya bi taybet ev dibe sedem di rawestandina

Ebdilhekîm Beşar endamê Desteya Bilind ya Danûstandinan bo Cenêvê

giftûgoyan de eger em biçin jî ji ber ku mijara mirovahî giring e, hate biryardan ku şanda me teke sand be û ev yek De Mistura tekezî li ser kir, lê vexwendinên din bi navê kesayetiyan e, û wek şêwermend têne hijmartin, eger operasyona veguhestina siyasî bipêş neket, ti sûde ji berdewamiya giftûgoyan re nîne.

*Krîza Sûriyê dê berdewam bibe, ji ber ku guhdan li aliyê mirovî tê kirin, tu çi dibêjî?

Belê, tê texmînkirin krîza Sûriyê berdewam bibe, û dê gelek tişt werin pêşiya me, yek jê veguhestina siyasî û çûna Esed ji desthilatê, pişt re dê jinavbirina terorê li Sûriyê were pêşiya me, herwiha pêkanîna ewlehiyê û nehiştina operasyonên tolhildanê, û tolhildana civakî, herwisa şêweyê dewletê û destûra wê, û sîstema hukmranî, û mafên pêkhateyan ev tişt hemî zehmetî li pêşiya me ne. Jibilî vê yekê mijarên avakirin û vegerandina penaberan û pêkanîna dadweriyê, û dibe ku şêweyê çareseriya krîza Sûriyê kilîta çarseriya pirsên deverê be.

*Tê gotin rewşa Kurdan û hin pêkhateyên din li Sûriyê ne diyar e, nerîna we li

Paşeroja Sûriyê gelekî tarî ye Rejîm ji PYDê dixwaze fişarê li ser me bike Alîgirên Dewleta itîhadî zêde dibin Dewleta itîhadî baştrîn şêwe ye ser vê yekê çi ye?

Mesele berûvajî vê yekê ye, belgenameya navnetweî, mebest belgenameya De Mistura diyar e derbarê mafên pêkhateyan û parastina wan, ev yek di benda

4an de di belgenameya hejmara 13an, herwiha helwesta Desteya Bilind ya Danûstandinan di belgenameya hejmara 12an de, benda sisyan ku têde mafê pêkhateyan misoger

dike. *Gelo Amerîka û

Rûsya yek nerîn in derbarê doza Kurd?

Raste Amerîka û Rûsa heta niha ne yek helwest in derbarê çareseriya siyasî li Sûriyê, û bi taybet derbarê çarenivîsa Esed, lê derbarê doza Kurd, her du alî yek nerîn in, herwiha Civaka Navdewletî jî derbarê parastina pêkhateyên Sûriyê û Kurdan herdem binav dikin, û gelek pêwendiyên me bi Civaka Navdewletî re hene, û bi taybet yên xwedan biryar û rol di pirsa Sûriyê de.

*Fedralîzm xwesteka we ye, û PYDê ji aliyê xwe ve ragihand, çi li cem we li ser vê yekê heye?

Bi texmîna min, dewleta itîhadî baştrîn şêwe ye ji Sûriya paşerojê re, û emê li ser vê yekê kar bikin ji bo ku ev şêwe herî baş e, ya ku mafên pêkhateyan dabîn dike û nakokiyên civakî nahêle, û parastina yekperçeya xaka Sûriyê ye, lê ev proje hêj bi hewceyî gengeşeyeke bêtir e, ji ber ku heta niha ev şêwe di nerîna hin aliyan de destpêka perçekirina Sûriyê ye, divê ev yek bête guhertin, lê û tevî redkirina fermî ji vê yekê re ji aliyê opozîsyonê, lê hin aliyên siyasî û rewşenbîrî

niha fedralîzm bûye cihê gengeşeyê libal wan, wek yek ji bijardeyên pêşkêşkirî ji Sûriya paşerojê re.

Ev yek berya niha nemumkin bû hatiba nîqaşkirin, lê niha û li gor pêwendiyên min yên berfireh, alîgirên dewleta itîhadî zêde dibin. Tişta ku Partiya Yekîtiya Demoqratîk PYDê pêşkêş kir, ne çareseriyeke fedralî ye, fedralîzim parvekirina desthilatê ye di navbera senter û herêman de li gor destûrê welat, û ev yek nehatiye kirin li gor tişta ku Partiya Yekîtiya Demoqratîk PYDê ragihandiye, lê vê yekê nebaşî anî ji bo projeya netewî Kurdî, tevgera Kurdî ji deastpêkê ve tekeziyê li ser meseleya netewî ji bo doza Kurd dike, herwiha tekeziyê li ser çareseriya niştîmanî demokratî di çarçoveya destûr dike, lê rejîma Esed bîrokeya cudahiyê li ser Kurdan disepîne, û biryara Partiya Yekîtiya Demoqratîk PYDê hat ji bo xurtkirina bîrokeya rejîmê li ser Kurdan.

*PYDê helmeteke medyayî li ser ENKSê destpê kiriye, di heman demê de yekîtiyê dixwaze, şiroveya te jê re çi ye?

Partiya Yekîtiya Demoqratîk PYDê ji destpêka şoreşa Sûriyê ve, hin erk pê hatibûn sipartin, yek nehiştina beşdarbûna Kurdan di şoreşê de, û ya duyem afirandina şerekî KurdîErebî, û ji ber berdewamiya Encumena Niştîmaniya Kurdî ENKSê bi helwestên xwe yên niştîmanî û netewî, û berdewamiya beşdarbûna wan di şoreşê de di warê siyasî û medyayî de, herwiha Cenêvê hat û ENKSê beşek ji opozîsyonê bû, herwiha beşek ji şoreşê bû, ev yek tekeziyê li ser

têkçûna Partiya Yekîtiya Demoqratîk PYDê di pêkanîna erkê xwe de dike, vê yekê rejîma Esed tore kir ku ferman da PYDê bêtir fişarê li ser encumenê û serkirdeyên wê bike, û eger Cenêv berdewam bike û pêşhatên erênî ji berjewendiya şoreşê re bêne holê, emê operasyonê kuştina serkirdeyên ENKSê bibînin, mîna kuştina Mişel Temo û Nesridîn Berhik, yan emê komkujiyan bibînin mîna Amûdê û Efrînê wek tolhildanekê û sizakirina rejîmê ji Kurdan re di rêya Partiya Yekîtiya Demoqratîk PYDê de.

*Rêjeya Kurdan li Cenêvê kêm, nerîna we çi ye?

Rast e, rêjeya Kurdan li Cenêvê kêm e, lê divê em tekeziyê li ser du xalan bikin, yek tişta ku niha dibe li Cenêvê ne avakirina Parlemanto yan hikûmet e, tenê laşek e ji bo giftûgoyan e, xala duyem tişta ku niha dibe tevgereke niştîmanî û herêmî û navdewletî ye û hebûna Kurdan tiştekî gelekî pêwîst û giring e, ji bo vê yekê bila rêjeya Kurdan nebe asteng li pêşiya nebûna Kurdan bi yekcarî di kongreyekî wiha mezin de, dibe ku çarenivîsa qonaxa veguhêz li Sûriyê pêk were. Tekez her ku nûnertiya Kurdan gelek be wê bêtir baş be û divê em li ser vê yekê di paşerojê de kar bikin.

Gotina te ya dawî?

Tekez dikim ku şoreşa ev pênc sal berdewam e dê biserkeve, û Encumena Niştîmaniya Kurdî li Sûriyê ENKSê xurtbûna helwesta xwe çespand, herwiha miletê Kurd dema ku li kêleka şoreşê rawestiya û bû beşek jê û kesê ku murahene li ser Esed kirin gelek ziyan gihandin Kurdan, û niha dem hatiye ku pêwendiyên xwe ligel rejîma Esed qut bikin.

26ê Newroz 15-4-2016

Kurdistan -hejmar (75)

www.Pdk-s.com

3

Çepka bidin da Kurd bibin yek

Emer Îsmaîl-Dêrik

Miletê Kurd weke miletekî boş li seranserî cîhanê yeke di maf û armancên xwe de û yekîtiya Kurdan jî berêve diyar e raberî her mirovekî ku dîroka Kurdan xwendiye yan jî têkilî bi gelê Kurd re kiriye. Şoreşên Kurda di dîrokê de û zincîra wan şoreşan li pey hev diyar dike ku xortên Kurdan sînor derbas dikirin ji bo bibin di şoreşên gelê Kurdistanê de, bê ku xwe bibînin ji vî perçeyî yan ji parçeyekî din, û

xwîna xwe bi merdî didan ji bo ku rojekî ji rojan kes ne bêje Kurd ne yekin û bi kul û derdên hev na êşin, û herwiha helwêsta hemî coreyên miletê Kurd li her çar parçeyên Kurdistanê jî di vê derbarê de yek bû. Heger du nêrîn yan bi dehên partiyan di nav gelê Kurd de peyda dibin, ev yek ne nîşana ku Kurd ne yekin, û nabin yek, daxwaz û armancên tevgera siyasî û miletê Kurd tevde yekin û hemî bi hev re doza mafê rewa

yê gelê Kurd dikin, wek netewa duyemîn di welêt de, û li ser xaka xwe ya dîrokî dijîn. Ev daxwaz ya her zarokek, pîrekek, zanayek, nivîskar û siyasetmedarekî Kurd e, û diyar e ku piştî şoreşa gelê Sûriyê di 15/3/2011an de destpê kir, tevgera siyasî ya Kurdî civîn kirin yek, komîteya yekîtiya civata tevgera Kurdî li Sûriyê dakete nav qada şoreşê de û giftûgo bi hemî hêzên siyasî yên Sûriyê re kirin, û her yek ji aliyekî

ve, ji bo çareserkirina pirsa Kurdî wek heyî li welatê Sûriyê. heger pirbûna partiyan di nav Kurdan de heye û zêdeyî sed rewşenbîr û nivîskar dijî hev dinivîsînin û têbînî û rexnên xwe li ser karê tevgerê û partiyên wê diyar dikin. Ev yek nîşan dide û ron û eşkere dike ku Kurd miletekî pêşketî ye, xwedî mejî û sîngek fireh e, bi biratî danûstandinê dike û bi aqilmendî û hişyarî rewşa xwe ya siyasî şirove dike, û

pê re rêyên çareserî û rizgariyê ji gelê Kurd re destnîşan dike.

Bi rastî ez behit û matmayî dimînim dema ez dibînim ku hêzek Kurdî bi tena xwe ji yek alî dixwaze Kurdan bêhîvî bike ji aliyê yekîtîya Kurdan yan jî mirovekî Kurd, nivîskar û xwedî bîr û bawerî ku dibêjê Kurd nema dibin yek, ez dibêjim nivîskarên Kurda yên bejin bilind: nameya nivîskaran ew e ku şûna tariyê ronahî bikin, û çirak geşbin di pêşiya şoreşa azadiyê de

û rêyên rast nîşanî miletê xwe bidin. Îro roj dijîtî û reşkirina xebatê bihêlin piştî pêkanîna armanc û hêviyên Kurdan.

Vêca çepka bidin va Kurd dibin yek, û tevger û miletê Kurd li Sûriyê ber bi girêdana kongirê netewî ve diçin, û gelê Kurd li Sûriyê bi tevaya tex û çînên xwe ve dakevin meydana vê şoreşê, û vê carê rast e. Dîsan çepka bidin va Kurd dibin yek.

Komara Kurdistan

Rifet Hacî-Hewlêr

Komara Kurdistan çerxeke nû bû ji dîrokeke nûjen re Dema komareke zanistane û sepandî li ser bingeheke dadperwerî û şaristanî hat ragihandin li Çarçira bi bangewaza Qazî Mihemedê nemir .Komara Kurdistan hate damezirandin di pêşiya serdema nexşandina sînorî ji dewletan re li herêma

Rojhelata Navîn, û li başûr-rojhelatî Parzemîna Asya, di qonaxa dawî de ji sîstemên sitemkar li ser miletên navçeyê, û parvekirina mefagirtinê ji aliyê wan ve, ya sipartîbû li ser berjewendiyên zilhêzan, û şûnmayên siyasetên wan yên ku şopandin bi dehê salan, û siyasetên ku hatin riswakirin ji aliyê milet ve, û bi viyana xebatkaran û pêşewayên mîna Şêx Ebdulselam û Şêx Ehmedê Barzanî û Şêx Mehmûdê Hefîz û nemirê mezin pêşewa Qazî Mihemed û Barzanî Mustefa, yên ku bi nimûneya amakdariya xwe ji gel û welat re ji her kesî re dûpat kirin, ku çareseriya miletan û pêkanîna dad û azadiyê bi yekîtiya wan e, dema dest dane hev û Komara Kurdistan hate damezi-

randin û yekemîn serokê Kurdan ji alê re li patêxist bi sirûda Ey Reqîb her rêwresma ragihandina dewleta Kurd hate birêxistin, û Mele Mustefa Barzanî weke serleşker bi damezirandina hêza Pêşmerge beşdar bû.

Li pêşiya 70salî rêveberên Kurdan berhemê yekîtiya hêza Kurdî anîn ber çav dema Qaziyê pêşewa digot: Min di bîrkarî de herdem di pileya kêm debûm, ji ber her mamosteyan digotin 2+2 min digot; 1, ji ber ku du ling û du dest dibin laşekî temam û ne seqet, û qurm û ra +çiqil û pel, dibin dareke temam .Û herdu parçeyên rojhelat û rojava û herdukê bakur û başûr, dibin Kurdistaneke mezin ya temam.

Pêşewa Qazî Mihemed

rêzgirtin li têkilî û danûsutandinên nêvdewletî û cîrantiyê jî digirt, dema ku serdana azeriyan kir, û daxwaza pêwendiyan li wan kir, herwiha serdana Moskoyê jî kir, û di wî temenê kin de ji dewleta Kurdistan pêwendiyên xurt bi desthelata wê serdemê re pêk anîn, lê mixabin, desthelatên wê serdemê yên ava li ser berjewendiyan û çavbirçî û dilriq kirin ku Komara

Kurdistan bibe qurbaniya pîlaneke rêkeftî di navbera şahînşahiya Îran û leşkerê Sor yê Rûsan de, ya bû kotahiya Komara Kurdistan piştî 11 mehan .

Lê helwesta herdû serkirde û pêşewayan (Qazî Mihemed û Mele Mustefa ) ma dinav rûpelên dîrokê de dema ku Qaziyê pêşewa, ciwantirîn û buhatirîn Emanet radestî bavê mezin Mele Mustefa

kir, û jêre got: “Ev Alaya Kurdistanê ye, ez kesekî mîna cenabê te nabînim emanetdar ku karibe wê biparêze “, û biryara radestkirina xwe ji rejêma şahinşahî re sitand , tevlî ku nemir Barzanî jê xwest ku ji biryara xwe vegere, û xebata xwe berdewam bike jî ,lê dîsa gotina xwe ya binavûbang got : Naxwazin di dîrokê de were gotin “Zaroyên xelkê şehîd bûn û

Qazî Mihemed ji ber Eceman xwe veşart” û di roja 31/3/1947an perdeya spî bi canê wî yê pak û tahir de hate xwar digel her yek ji her du lehengan Seyfî Qaz û Qasim Sedir Qazî û sirûda ber sêdaran ji wê rojê ve ta îro bûye :Xakî Kurdistan bi qurban-Pir ciwan û paqijî-Xwîn rijandin wa kurê te - Ya li her alî rijî- Aferî Qadî Muhemed aferî.

Şêxmeqsûd bi plan tê topbarankirin Ehemed Kêtikî -Heleb Hêzên çekdar ên ser bi Artêşa Azad ve ku taxa Şêx Meqsûd ya Helebê bordûman dikin, îdia kirin ku “PYD sivîlan weke mertalên mirovî bikat tîne.” PYDê dibêje ew xelkê dixapînin û dixwazin taxa Şêx Meqsûd kontrol bikin. Hêzên çekdar ên ser bi Artêşa Azad ve di daxuyaniyekê de ragihandin ku ewê riyên der-

ketinê ji bo sivîlan dabîn bikin ku ji wê taxê derkevin.

Li ser vê mijarê Elî Henan wiha got:” Her du alî henekê xwe bi welatiyên sivîl dikin, ev şer ji bo berjewendiyên hin aliyan tê kirin, û yê herî zirarê gelekî dibîne xelkê sivîl in, ku di nava du agiran de dijîn”.

Ji aliyê xwe Ehmed Omer dibêje: “Berya niha hêza ser bi PartiyaYekîtiya Demoqratîk PYDê bi dehan rêkeftin bi van ketîbeyan re îmze

kiriye, û niha dibêje Encumena Niştîmaniya Kurdî vê topbarankirinê dike, bila PYDê li xwe vegere û yekîtiya nava mala Kurdan biparêze, da ku parastina deverên Kurdî li Rojavayê Kurdistanê bi tevahî bikin”.

Cîhan Xelîl dibêje ev topbarankirin ya Taxa Şêxmeqsûda Kurdnişîn ji aliyê rejîma Esed ve plankirî ye, ji bo têkbirina giftûgoyên Cenêvê, û nava pêkhateyan were xerakirin.

Taxa Şêxmeqsûd

4

çand û Huner

26ê Newroz 15-4-2016

www.Pdk-s.com

Duniya gulek e, bêhin bike û bide hevalê xwe Hozan Dêrşewî -Dêrik

Arîn Xorşîd

Mamosteyeke Peymangeha Bedirxan a Zimanê Kurdî ji nav me barkir. Hîn zû bû mamoste Arîn. Arîn XorŞîd Osman, tevî temenê xwe

yê biçûk karî xwe pêŞ bixe, û hezkirina xwe ji bo Zimanê Kurdî bike gulek û bihna wê gulê diyarî zarokên gundê xwe bike û wan jî fêrî Zimanê Kurdî bike.

Arîn di sala 1996an de jidayik bû, bi xwe ji gundê Gerdemiyê yê bi ser bajarê Dêrikê ve ye, bawernameya Bekeloriya bi pileyên bilind wergirt, lê ji ber rewŞa xerab ya giŞtî li Sûriyayê, Arînê nekarî xwendina xwe ya zankoyê bike.

Bêparbûna Arîn ji xwendina zankoyê nebû rêgirtin yan astengî li pêŞiya pêŞketina wê, Arînê di Peymangeha Bedirxan a

Zimanê Kurdî li Dêrikê fêrî Zimanê Kurdî bû, û sê astên zimên bidawî anîn, û piŞt re bû mamosteya Zimanê Kurdî li gundê xwe Gerdemiyê, û bi dehên zarok û ciwanên gundê xwe fêrî Zimanê Kurdî kirin.

Di 01.04.2016an û bi sedema nexweŞiyeke giran, Arîn ji nav me bar kir, û koça xwe ya dawiyê kir.

Hezar dilovanî li giyanê te yê pak be, cihê te buhiŞt be, nevê te wê tim li Peymangeha Bedirxan bilind bimîne, navxweŞî û waneyên te wê tim li bîr û jiyana kesên ku li ser destên te fêrî zimên bûne,

Kano: Armanca min tenê Kurdistan e Hêstira Kurda -Hewlêr Elî Kano, kencekî bajarê Hesekê ye û bi temenê xwe gelekî biçûk e, û di 13 saliya xwe dest bi nivîsandina helbestê kiriye.

Eliyê temen biçûk, tenê helbesta xwe bi Zimanê Kurdî dinivîsîne, û jibilî helbesta Kurdî, Kano li Tembûrê dixe, herwiha sitranan jî dibêje û dibêje” Bandora helbestê bêhtir ji Tembûr û sitranbêjiyê li kesayetiya min heye, ji ber ku helbesta bi zimanê min bûye jiyan ji bo min, helbest tiştekî siruştî ye libal min, xwedeyê mezin ev behre ji zaroktiya min de da ye min, herwiha xelata afrandina helbestên ciwan û welatperwer diyarî min kir, û ez bi vê yekê gelekî şanaz im.

Kano dibêje” Ti carî temenê biçûk ji bo min nebûye asteng, ji ber ku ez xwe dibînim hilgirê peyam û nemeya gelê Kurd, lewma tevî temenê biçûk xelkekî zor li bajarê min, bajarê Hesekê helbesta min dişopandin, hinan jî digot ev biçûk e, lê ez berdewam im li ser nivîsandina helbesta Kurdî.

Kano axaftina xwe berdewam dike û dibêje:”Helbesta min tenê bersiva mine ji dijminê gelê Kurd re, ji bo min jiyan e, û têde hestê dilê xwe tînim derê, divê hemû nivîskarên me xwe dûrî zimanê Erebî, Farisî,

Şagirtên Arîn

Tevî zehmetiyan Sûzan Master li Holenda bidest xist Dilşad Mele Hemza -Almanya

Elî Kano

Tirkî bixin û tenê berê xwe bidin zimanê şêrîn Zimanê Kurdî, da ku pirtûkxaneya me bihêz bibe, û bibe yekem.

Derbarê berhemên Kano got; heta niha tenê yek dîwana min heye, û jî destnivîse û hêj mixabin nehatiye çapkirin.

Alî Kano wiha axaftina xwe ya dawî got:” Bi tenê armanca min Kurdistan e, bila Kurdên me bibin yek çêtire em herin yek bi yek, hêviya min tenê ew e, ku gava temenê 18 derbas bike bibim endamek di nav Pêşmergyan de.

Alî Kano xelkê bajarê Hesekê ye, û ji ber rewşa xerab ya abûrî berê xwe da Herêma Kurditanê da ku debara jiyana xwe bike.

Sûzan Bêcirmanî

Birakujî Êdî bes e ev çi dem e Kuştina bira kûjiyê Kurd im û herdem heme Yekî bikin wek siyê Dev ji birakûjiyê berdin Ava bikin Kurdistan Ala yekîtiyê hildin Ber bi netewa hemû gelan Bûyerê kîmya meyezkin Kurdino bi yek dengbin Ji bo em derbas nekin Em nebin wek dêran Dibin destê dijmin Yê xera kiriye Kurdistan

Zanîngeha Mestreech ya Holendî hilbijart, xwendekara bi navê Sûzan Bêcirmanî nimûneya mirova serkeftî ye, û kesê ku berû jêhatîbûn û serkeftinê ve diçe helbet di nava jina Kurd e. Sûzan jiyana xwe li Holenda destpê kir, ku dest bi afirandina cîrokekê bi karîn û şiyanên xwe kir, û di riwê hemû astengî û zehmetiyan de rawestiya, ji ber ku ew diya du zarokan e, û kevaniya malê ye. Ev yek ti carî ne bû rêgir li ber wê ku bighê armanca xwe û tişta bixwaze bidest bixe. Sûzan dest bi fêrbûna zimanê Holendî kir, û bi pisporane di warê zimên de biser ket, heta ku bawernameya Master

bidestxist, helebet piştî bidawîanîna xwendina xwe ya zanîngehê. Çîroka biserketina Sûzanê di rojnameya Observant ya Holendî de belav bû, û karvedaneke mezin li dû xwe hişt.

Sûzan herdem xemxur e derbarê hilgirtina peyama gelê Kurd ku li çi deverê be, û kar û xebatê dike di nava refên tevgera Kurdî de (Partiya Demokrat a Kurdistan-Sûriya), û Sûzan nimûneya jina Kurd ya ku kevanî û xwendekar e di heman demê de, û Kurd wê herdem bi van kesan serbilind û serfiraz bin. Sûzan bi xwe xelka bajarê Tirbesipiyê ye, û xwedan Mastera di warê tenduristiya derûnî de.