Rojnameyek ji aliyê ragihandina navendî ya PDK-Sê ve tê weŞandin
24ê Îlonê 15-9-2016
Kurdistan -hejmar (85)
www.Pdk-s.com
PYDê berê welatiyên Rojavayê Kurdistanê dide mirinê Ehmed Kêtikî -Ruha Tirkiyê li ser sînorê di navbera Rojava û Bakurê Kurdistanê de dîwarekî bilind ava dike. Hêzên Tirkiyê ew çend roj in li sînorê Kobanî û li aliyê navçeya Pirsûs a ser bi Ruhayê ve dîwarekî bilind dike. 2ê Îlonê, û li ser daxwaza Partiya Yekîtiya Demoqratîk PYDê, xelkê Kobanî bo nîşandana nerazîbûna xwe li dijî çêkirina dîwarê ser sînorê navbera TirkiyeSûriyê de, xwepêşandanek lidar xistin, û Hêzên Tirkiyê jî gulle li xelkê barandin û di encamê de 2 welatî şehîd ketin û 90 kesên din jî birîndar bûn. Derbarê vê pirsê welatiyê bi navê Cîhad Omer ji Rojnameya Kurdistan re got ku şêweyê ku Partiya Yekîtiya Demoqratîk PYDê pê rûbirûbûna hêzên Tirkiyê dike nayê qebîlkirin, “Ew welatiyên sivîl wek mertalan bikar tîne, û ev yek nema tê qebûlkirin, divê partiya navborî dev ji siyasetên xwe berde, û bila sivîlan neke qurbanî”. Cîhan Berazî derbarê vê meseleyê got:” Ya baş ku PYDê pirsgirêkên xwe yên bi Tirkiyê re dûrî bajar û bajarokên Kurdî û sivîlan
çareser bike, ne ku xwe di paş sivîlan de veşêre, ji xelkê bi tevahî siyaseta ku PYDê
dimeşîne eşkere û beloq bûye, û ew nema dikare bi hastên sivîlan bilîze”. Şoreş
Elî got:”PYDê ne bi qasî Tirkiyê ye û bila dûrî şerê artêşa Tirk bikeve, Kobanî
ti kes têde nema ye, û eger PYDê van kiryaran bi
Cejna mezin vegera Rojavayê Kurdistanê ye Kurdo Sorkî
-Hewlêr
Penaberên Rojavayê Kurdistanê yên ku li Herêma Kurdistanê dimînin derbarê Cejna Qurbanê dibêjin, cejnên me nema mîna yê berê ne, û bi dilekî şewat behsa cejnê dikin. Rojnameya Kurdistan dixwest nerênên penaberan li ser cejnê bizane, lewma me ev raport ji nava kampan ama-
de kir. Beyar Ebdulîlah behsa cejnê dike, û bi xemgînî bîranînên xwe par vedike” Nizanim em mezin bûne, ji ber wisa cejn nema xweş in, yan rewşa ku niha li tevahiya Sûriyê diqewime dihêle em wisa fikir bikin, xwezî bi rojên berê ku me bi kêfxweşî derbas dikirin, bêyî ku em ti dîmenên şer
bibînin”. Dalya Omer wiha li ser vê mijara ku navê wê tenê xweş maye li gor ku ew dibêje dike”Navê cejnê tenê xweş maye, ji ber ku derûniya penaberan nikare vê yekê qebûl bike, ku ew cejnê bikin, û xelkê wan di jêr metirsiyê de ne, bihêvî me ku rewş xweş bibe û em vegerin malên xwe, û ce-
jna mezin vegera Rojavayê Kurdistanê ye”. Mihemed Oso got:” Cejn tiştekî xweş e, dema ku tu di nav xelkê xwe de be, û li cihê xwe ne ku tu penaber be, û tu nikare tiştekî ji zarokên xwe re bikire, bihêvî me rewş xweş bibe”.
2
24ê Îlonê 15-9-2016
Kurdistan -hejmar (85)
www.Pdk-s.com
Jiyan Omer: Doza Kurd ji lêdwanên opozîsyonê mezintir e Soz Xelîl
- Almanya
Di 7ê Îlonê de, li Brîtanyayê civînek derbarê rewşa Sûriyê bi amadebûna dostên gelê Sûriyê birêve çû, û di nava civînê de, Hevbendiya Niştîmaniya Hêzên Şoreş û Dijberiya Sûriyê(Îtîlaf ) çarçoveyek ji bo çareseriyê li Sûriyê wek ku dibêje pêşkêş kir, lê ev yek bû cihê dilgiraniyê libal gelek siyasetmedarên Kurd. Jiyan Omer, Berdevkê Şepêla Paşeroja Kurd li Sûriyê li ser çarçoveya cîbicîkar ya ku ji aliyê Îtîlafê ve hatiye pêşkêşkirin ji Rojnameya Kurdistan re got:” Desteya Bilind ya Danûstandinan ya ser bi Hevbendiya Niştîmanî ve, belgenameyek ji piransîpên taybet pê li Londinê pêşkêş kir, ku ew belgename ji çend xalên nedadwer bûn derbarê mafên pêkhateyên ne Ereb û ne Misilman li Sûriyê, herwiha ew belgename dakok e li ser “Sûriyê beşeke ji Welatê Erebî û jê perçe nabe, û dê çanda Erebî û Islamî bibe cihekî nêdar ji berhemên hizrê û pêwendiyên civakî re”, bi vê yekê derbeyekê li firehnetewî, nijadî û olî li Sûriyê dixe, û rastiya tabloya pir reng û nêdar bi şaristaniyan û çandên din mîna şaristaniya Kurdî, Aşûrî û ji xeynî wan yên ku
beşdar bûn li kêleka Ereban di dîrok û şaristaniya Sûriyê de. Ji xeynî wisa, di dîrokê de tiştek bi navê “Welatê Erebî” tine bû, lê Komara Sûriyê heye ku gelê Kurd di nav de ye, û ew beşke ji Netewa Kurd û gelê Ereb ku ew jî beşeke ji netewa Ereb, herwiha kêmnetewên din mîna Tirkmen, Aşûr û Ermenî”. Derbarê rijdbûna Opozîsyona Sûriyê ya Erebî li ser doza Welatê Erebî, Omer, serbar kir û got:” Dakokiya Opozîsyona Sûriyê ya Erebî li ser doza Welatê Erebî ya ji koka xwe de ne rast e û tine ye, em dibînin ku ev yek fotokopiyeke ji mejiyê Partiya Beis ya nijadperist û rejîma Esed ya totalîtar, û derî li pêşiya hemû pêkhateyên din yên Sûriyê digre ku tevlî vê desteya dijber bibin, ya ku divabû nûneratiya Şoreş û tevahiya pêkhateyên Sûriyê kiriba. Divê Opozîsyona Sûriyê ya Erebî bizanibe ji îro û pê ve ti danûstandin derbarê mafên rewa yên gelê Kurd li Kurdistana Sûriyê nayê kirin. Doza Kurd doza miletekî bi temamî ye, ku ji kêmtirîn mafê xwe ji bo heyama 50 salî bêpar maye, û hemû xêrûberên xaka wî hatine dizîn, û ji nasnameya xwe ya mirovahî jî bêpar
maye, ew jî di jêr bêdengiyeke rêbazkirî ji aliyê hin bijarteyên opozîsyonê yên wê demê, yên ku heta demeke nêzîk jî beşek bûn ji rejîma Esed. Qurbaniyên mezin yên ku gelê Kurd li Kurdistana Sûriyê daye gelekî ji lêdwanên Opozîsyona Sûriyê mezintir in, derbarê ni-
yaza wê li ser dana gelê Kurd hin mafan piştî rûxandina rejîmê.Tişta ku Opozîsyona Kurd ya Sûriyê dixwaze ne sedeqe yan xêrûmendiyeke, lê ew mafên rewa ne, ku hemû belgenameyên navdewletî yên peywendîdar bi van meseleyan li xwe digre”.
Berdevkê Şepêla Paşerojê di dawiyê de got:”Serkeftina Doza Kurd ya dadwerane li Sûriyê beşekî sereke ye ji serkeftina demokrasiyê li Sûriyê, Opozîsyona Sûriyê ya Erebî bi beşê xwe yê siyasî û leşkerî yê ku bi sedema destêwerdana herêmî û navdewletî nûneratiya şoreşê
di lotkeyên navdewletî dike, divê rewşa gelê Kurd û Encumena Niştîmaniya Kurdî ya ku ketiye di navbera dektatoriyeta Partiya Yekîtiya Demoqratîk PYDê û nijadperistiya opozîsyonê neyên istixlal kirin, ji ber ku gelê Kurd bikeve warê bijartinê de dê neçar bibe û dektatoriyeta birayê xwe yê Kurd qebûl bike, her çende ku ev yek jî pê ne şêrîn be jî, lê pişt re dê şoreşekê li dijî wî lidar bixe, û dê demokrasiyê pêk bîne, ji ber ku ew bi kêmanî hebûna wî tine nake, û dê emê piştgiriya îradeya gelê Kurd û biryara wî bigrin heger çi be. Û wek rêzgirtinekê ji xwîna ku di heyma şoreşê de hatiye rijandin li dijî rejîma Esed, em li kêleka rejîmê ranawestin, lê eger em neçar bûn emê wê demê bi opozîsyonê re jî ya bi serperiştiya Desteya Bilind ku ji belgenameya di navbera wê û ENKSê direve ranawestin, û dê emê neçar bibin wek Opozîsyona Kurdî li Sûriyê xebatê li ser du cebheyan bikin li dijî rejîma Esed û li dijî opozîsyonê, û dê xebat were kirin bi rêyên heyî ji bo misogerkirina mafên gelê Kurd, û wê demê dê dengên nijadperist di nava opozîsyona Sûriyê de berpirsyaretiya vê yekê hilbigrin.
Rêveberiya Xweser û rêveberiya Beis Sebah Reşîd -Hewlêr
Ev çend salin ku Partiya Yektiya Demoqratîk PYDê rêveberiyek li Rojavayê Kurdistanê ragihandiye, û hêj Encumena Niştîmaniya Kurdî li Sûriyê ENKSê, û hin aliyên siyasî yên Rojavayê Kurdistanê ew rêveberî nepejrandine, û li aliyê din bi gotina çavdêrên siyasî ew rêveberiya PYDê li ser heman bingeha rêveberiya Partiya Beis ya ku destê xwe danîbû ser deverê hatiye avakirin, ku tu cudahî di navbera biryar û kiryarên wan de li dijî gelê Kurd li Rojavayê Kurdistanê nîne. Ew çavdêrên siyasî dibêjin eger em behsa rêveberiya xweser ya ku PYDê ragihandiye bikin, di derbarê tuhmetên ku dijberên xwe pê tawanbar dike, heman tuhmetên rejîma Beis ya Sûriyê
ne, ku Aldar Xelîl serkirdeyê TEV-DEMê gotibû serkirde û endamên ENKSê yên di zindanên me de metrisî li ser Rojavayê Kurdistanê çê dikirin, û bi aliyên derekî ve girêdayî ne li gor ku ew dibêje, ku heman ew tuhmetên Kurdan bûn yên ku ji aliyê rejîma Esed ve arasteyî wan dihatin kirin, lê rejîmê tenê perçekirina Sûriyê li van tuhmetan zêde dikir .Çavdêrên siyasî yên ku rewşa Rojavayê Kurdistanê dişopînin, dibêjin berê di dem hêza desthilata Beis li Rojavayê Kurdistanê ciwanên Kurd bi zora çekan dibirin leşkeriya neçar û eger her ciwanek neçûba û di mala xwe de xwe veşartiba êrîşî malê dihat kirin, û ew ciwan bi zora çekan dibirin leşkeriyê, û niha jî rêveberiya PYDê
heman karî dike, û êrîşî bi sedan malên Kurd kiriye û bi sedan ciwan ji bo leşkeriya xwe ya bi zorê jî birine. Çavdêrên siyasî herwiha
dibêjn di salên bûrî de, rejîm û Partiya Beis bac ji xwendevan, dukandar, bazirganan û cotyaran jî bi behaneya alîkarîkirina şoreşa Flsitiînê
werdgirtin, û her kesekî ew bac nedaba dihat sizakirin, û heman tişt niha li Rojavayê Kurdistanê tê kirin, ku Partiya Yektiya Demoqratîk PYDê bi behaneyên cuda cuda bacan ji welatiyan werdigre, û behaneya herî dawî jî dibin navê alîkariya şoreşa Bakurê Kurdistanê û jinûavakirina bajarê Nisbînê yê Bakurê Kurdistanê bû. Her li aliyekî din jî, berya destpêkirina şoreşa Sûriyê avakirin yan jî vekirina her dukanekê yan besteyekê her çiqas piçûk be jî pêwîstî dikir ku erkirinê ji aliyê şaxên siyasî yan jî ewlehkariya rejîma Beis bihata wergirtin, û niha jî li Rojavayê Kurdistanê heman tişt tê kirin ku her karek bê kirin divê pijrandinê ji aliyê komînên ku PYDê li gund û bajar û bajarokan
ava kiriye were stendin. Her li gor wan çavdêran, derbarê ragihandina herdû aliyan, rejêma Esed di ragihandina xwe de herdem behsa şerê Israîl û yekîtiya Ereban dikir, û serokê xwe Beşar Esed wek kesekî parêzvanê hemû Ereban li dijî Israîlê dida naskirin. Herwiha ragihandina PYDê jî heman sînaryoya ragihandina rejêmê dûbare dike, ku cemawerên xwe nezan dibîne û nameyên dûrî rastiyê arasteyî wan dike. Ji ber vê siyaseta Partiya Yekîtiya Demoqratîk PYDê ya ku li gorî van çavdêran ku temamkera siyaseta rejîma Esed e, li Rojavayê Kurdistanê bi hezaran welatiyên deverê mal û milkên xwe bi cih hiştine û berû welatên derdorê û yên Ewropayê ve derbeder bûne.
24ê Îlonê 15-9-22016
Kurdistan -hejmar (85)
www.Pdk-s.com
Qehremaniyeke mezin a footbolê li kampan birêve çû
3
Raid Mihemed-Dareşikran Bi beşderiya 24 tîmên footbolê ji hemî kampên penaberên Rojavayê Kurdistanê li Herêma Kurdistanê qehermaniyeke goka pê li kampa Dareşikranê hate lidar xistin di bin navê “ Wefadarî ji Pêşmergeyên Kurdistanê û giyanê pakrewanan re “ bi serpereştiya şaxê Dareşikranê yê PDKSê, roja 25ê meha bûrî û li ser zemîna yarîgeha kampa Dareşikranê lîstika fînalê hate kirin di nevbera tîma Kewirgosk û tîma Rûdaw ya kampa Dareşikranê, û li dawiyê Rûdaw lîstik bidest xist di rêya penaltiyan re 2 beramberî 0 .Derbarê vê çalakiyê berpirsekî PDK-Sê got : “Ez spasiya hevalên xwe dikim ku ev kar kirine ku li şehîdên xwe di rêya vê çalakiyê de xwedî derketine, û em wek rêxistin û wek encumena kampê hin diyarî ji tîmên serkeftî re hazir kirine”. Ji rexê xwe ve, kaptên Bavê Rewend ku werzişvanekî kevnar e berî fînalê got : “Ev qehremaniyeke pir bi hêz bû, û tîmên corecor beşdar bûn, û kêfxweşim ku bin navê wefadarî ji pêşmergeyên re bû, û ji
hemî kampên penaberên Rojavayê Kurdistanê têde hebûn, erê hinek ji wan ji ber sedemên taybet bi wan lêborîn xwestin, lê kesên beşdar asteke bilind dane xuyakirin”. Zîwer Liyanî endamek ji komîta amadekar kêfxweşiya xwe da xuya kirin û got :” Ev çalakiyeke pir baş bû, miletê me kêfxweş bû, û hestê netewî pir bilind bû ji ber wek van çalakiyan bi taybet ku navê qehermaniyê bi navê Pêşmergeyên ve girêda ye hest jî bilind dibe û hêviya mezin ku em li Rojavayê Kurdistanê û bi coşeke mezin wek vê qehremaniyê lidar bixin. Şêx Silêman ji Pêşmergeyên Rojavayê Kurdistanê ye û beşdarî fînalê bû wekû temaşevan pir kêfxweş bû, û wiha got :”Ez bi navê Pêşmergeyên Rojava spasiya van kesê ku ev qehremanî lidar xistinwan dikim, bi rastî ez pir ser bilindim bi wan û em wek Pêşmerge di xizmeta miletê xwe de bin. Berî destpêka lîstika dawî, me nerîna herdû kaptinên tîman stend. Kaptinê Kewirgoskê Dilşêrê:” Herdû tîm bi hêz in, serkeftin
nêzîkî me ye û wan e jî, em gelek caran li ser vê tîmê bi ser ketine û wan tenê carekê serkeftin bidest xistine. Kaptin Welat Omer ji tîma Rûdaw berî lîstikê got: Em pir kêfxweşin bi vê lîstikê, armanca me ne ku em lîstikê bidest bixin, lê ya giring ku kêfxweşiyê bixin dilê miletê xwe de. Demjimêr 9ê şev li yarîgeha kampa Dareşikranê fînal destpê kir, bi amadebûna cemawerekî mezin, lîstik bi hêz destpê kir bi lêdaneke bi hêz ji aliyê Hisên lîstikvanê Rûdawê, lê gok derkete ji derve, lîstikvanê Kewirgoskê Mesûd şêrê navendê lê vegerand bi lêdaneke bi hêz, lê bere-
vanên Rûdaw ew vegerandin, piştî danû standineke mezin di nava yarîgehê de, û di xuleka 6an de stêrê Rûdawê Xezwan kete beramberî Nêçîrvan golarê Kewirgoskê yê ku goga Xezwan ya bi hêz vegerand, û hişt cemawer ji wan re çepka bide, stêrê berevaniya tîma Kewirgoskê Dilxweş lê vegerand bi lêdanekê ji nîva yarîgehê di ber golê derbas bû, û piştî lîstikeke xweş di navbera Mesûd û Dilxweş û Ebdo û Dilyar Hisên yê ku bi rengekî bilez û hunerî gog xiste golê û golê yekem ji Kewirgoskê re tomar kir, piştî 3 xulekan Ebdo golê duwem tomar kir, pişt re dadvan
yek xulek zêde kir, lê 3 xulekan hate dirêjkirin û di xuleka dawî de stêrê Rûdaw Welat Omer ji dûr ve golekî herî xweşik tomar kir ser destê rastê ji Nêçirvan golarê Kewirgoskê, û wiha beşa yekemîn ji matşê bidawî hat bi 2 ji Kewirgoskê re beramberî 1ji Rûdaw re, beşê duwem mîna yê yekem bi hêz destpê kir, û di lîstikeke pir xweş di navbera baştirîn golavêt Dilyar Hisên û baştirîn berevan Dilxweş, heya Dilşêrê Kewirgoskê Dilxweş golekî pir ciwan tomar kir, di nav matmaybûna berevaniyên Rûdawê, û çepkê cemaweran, di xuleka 5an de ji vî beşî Welat stêrê Rûdawê golê duwem ji
xwe re û ji tîma Rûdawê tomar kir, û di xuleka 13an de Ebdulah Cangîr stêrê Rûdawê golek bi rengekî Ewropî tomar kir, û encam bû 3ê bi 3ê yan , pişt re stêrê Kewirgoskê Nîhad dakete lîstikê û çend hewildanên bihêz kirin, lê berevanên Rûdaw beramberî wî bûn paşî dadvan 3ê xulek zêde kir, û di xuleka dawî de stêrê Rûdawê Xezwan golê 4an Tomar kir û lê piştî 15 çireka Nîhad lîstikvanê Kewirgoskê lê vegerand û golê wekheviyê tomar kir, û lîstik bidawî bû, û çû penaltiyên sense, ku di rûyê lîstikvanê Rûdawê kenî piştî Xezwan û Welat golê xwe tomar kirin, lê lîstikvanê
Kewirgoskê Ebdulxaliq û Nîhad gol winda kirin, di nav kêfxweşiya cemaweran de û çepkê wan, lîstikvanên herdû tîman çûne riwê hev û silav lihev kirin û hatin xelatkirin ji aliyê komîta qehremaniyê bi mîdaliyan û Ala Kurdî, hêja ye were gotin ku tîma Kivrê Dena hate xedir kirin, û stem bû ji ber ku matşa berî dawî di navbera wê û Rûdawê bû, û lêdaneke penaltiyê bi stemî li ser wan hate tomar kirin, lewma cama lîstika baş û pak bidest xist û baştirîn lîstikvan Hêvîdar ew jî ji vê tîmê bû, û baştirîn golparêz Nîhad Liyanî ew jî ji Kevirê Dena bû , Û golvanê vê qehremaniyê stêrê Kewirgoskê Dilyar Hisên bû, di dawiyê de rahênanê Kewirgoskê Riyad Hesen got : “Em kêfxweşin lîstik pir baş bû, û ya herî baş ku me kêfxweşî xiste di dilê cemaweran de, û weke kaptinê me yê hêja Bavê Rewend got em hemî serkeftî ne, û xwedê hezke di rojên pêş de qehremaniyên gogê wê bêhtir hebin, û wê berdewam bin.
Minbic di destê malbateke alîgirên Esed e ye Mihemed Mîranî
Ev parlemantarê Parlemantoya rejîma Sûriyê bû, kesê ku dirêjtirîn dem di Parlemantoya Sûriyê de cih girtibû, ku salên dirêj di nava refên rejîma Esed de derbas kiribû, û ji bo çend xulan bûye perlemanter. Niha yek ji kurên wî ji aliyê Partiya Yekîtiya Demoqratîk PYDê ve hatiye destnîşankirin, da ku bajarê Minbic birêve bibe û serokatiya Encumena Xwecihî ya sivîl ya bajêr radestî wî hatiye kirin. Hevserokê Encumena bajarê Minbic ku Partiya Yekîtiya Demoqratîk PYDê destinîşan kiriye navê wî Farûq Diyab El-Maşî ye, ku kurê perlemanterekî berê yê Perlemantoyê rejîma Beis berya
çend rojan ew post wergirt û li gorî hin agahiyan bû cihê nerazîbûna xelkê wî bajarî jî. Birayê Hevserokê Encumena Minbic yê ku PYDê ew destinîşan kiriye heta berya çend mehan jî endamê Parlemantoya Sûriyê bû û bergirî di ber rejîma Esed e bi kuştina xelkê sivîl dikir. Ji aliyê xwe ve, çekdarên PYDê di daxuyaniyekê de ragihandin ku wan hêzên xwe ji devera rojavayî ava Feratê vekşandiye û bajarê Menbic radestî encumeneke xwecihî sivîl kirine. Birayê Faruq Diyab ElMaşî Hevserokê Encumena Minbic yê bi navê Mihimd Xêr Diyab El-Maşî ji sala 2012an de û heta niha
hilbijartinên sala 2016an endamê duhezar wşadeyê endamê Parlemantoya rejîmê bû ku di wê demê bajarê Minbic çendîn car ji aliyê rejêmê ve dihat bombeba-
ran kirin .Birazyekî Hevserokê Encumena Minbic yê ku PYDê destnîşan kiribû di sala 2012an de û ji ber ku alîgirê rejîma Beis bû li ser destê opozîsyona Sûriyê
hate kuştin ku ew jî navê wî Diyab El-Maşî bû. Diyab El-Maşî bavê Farûq Hevserokê Encumena Xwecihî ya Min beşdarî programa Telivizyona rejîma Beis
bû û bi eşkere piştgiriya malbata xwe ji desthilata Esed re nîşan dida. Malbata Diyab El-Maşî yek ji malbatên devera Minbc e û hoza Bobana ne û tê naskirin bi girêdana wêya zêde bi rejîma Beis ya Sûriyê. Vekişandina çekdarên PYDê ji bajarê Minbic û radestkirina wê ji bo malbateke alîgirên rejîma Esed dihêle ku çendîn piris wern holê:Gelo ji ber çi PYDê şerê Minbcê kir, ji bo kê bi sedan ciwanên Kurd li Minbic hatin kuştin. Gelo malbata Diyab El-Maşî wê Menbic vegrînin dibin desthelata Esed e yan jî wê Esed bi PYDê biguhre.
4
çand û Huner
24ê Îlonê 15-9-2016
www.Pdk-s.com
Avesta du berhemên Celadet Alî Bedirxan diweşîne - Bidûvçûn Weşanxaneya Avestayê vê carê ji kaniya ziman û edebiyat û bi giştî kultûra Kurdî kovarên Hawar û Ronahî ku bi serpereştiya Celadet Alî Bedirxan û alîkariya ronakbîrên Kurd ên din derdiketin, berhevokek berhemên folklorê “Şîretbêj” amade kir: Weşanxaneyê berî vê berhevokê bi navê “Stranvan” berhevokeke din çap kiribû, bi Şîretbêj re berhevkirin/kitêbkirina berhemên folklorî ên Celadet Alî Bedirxan; Hawar û Ronahî temam dibe. Berhem ji sê beşan pêk tê. Wek kategoriyek giştî berhemên folklorîk bi “Gulistan” “Şîretbêj” û “Hinek jî Henek” hatiye bi nav kirin.Celadet Alî Bedirxan bi navê xwe û çend navên din û gelek tişt jî bê nav nivîsandine, ji şêwa û
naveroka wan diyar dibe ku ê wî ne. Hin tekstên bi mijarê ve girêdayî ku nivîskarê wan diyar e, û ne ê wî ne jî, Avestayê xwest di vir de bi cih bibin .Herwiha berya demekê pirtûka Celadet Alî Be-
Hespê dozê
dirxan derket a bi navê ‘‘Yên ko xizmeta însaniyetê kirine’’ hate weşandin. Portre û biyografiyên kovarên Hawar û Ronahî ku Celadet Alî Bedirxan nivîsandibûn bi
navê “Yên ko xizmeta însaniyetê kirine” wekî pirtûk di nav weşanên Avesta de derketin. “Yên ko xizmeta însaniyetê kirine” ji portre û biyografiyên ku Celadet Alî Bedirxan û kesên din bi
navên cihê di kovara “Hawar” û “Ronahî” de nivîsandine, pêk tê. Weşanxaneya Avesta, hemû berhemên Celadet Alî Bedirxan, bi awayekî ji nû ve diweşîne. Rudaw
Jiyana nivîskarekî Alman bi Zimanê Kurdî Tengezarê Marînî-Almanya
Helbestvan Nîzar Yûsif De bigirîne Ewan şehîdan li bîr bîne Hêstirên çavan buhan in Ji zelaliya kaniyên Kurdistanê tu tîne Li ser birînên Enfal û Helebçe, û eniyên şer Li ser gorên bê nav, û komên sêwiyan. Li ser kezebên şewitî. Bilorîne Bi ser zeviyên dêman de birijîne Ji bindestiyê bîne bej Li tovê azadiyê bireşîne Çi gurmîne? Dengê lingên Pêşmergeyan e. Spartiyên stûna we ne Dilêrin van leşkerên te Sîberên wan Dilê reşikan dibizdîne Wê hebînê diçewisîne Berevanên deşt û çiyan Bindarên xaka Kurdistan Sêwana ewlekariyê ne Raserî me re ronî ne Hêlîna xwe tu di dilê gel de diçîne Baz ji hêlîna te firîn Wê çeperê bi rûmetê dixemilîne Tu rêzdarî mêvanê malê
şehîdan Berpirsê rewşa bê bar û hejaran Di kelehan de Berxwedanan dicivîne Li mûzexanan Li ser nexşan Dîrok qencan bi nav tîne Te Zengilê Kurdistanê lêda Li cîhanê deng veda. Bi şarezayî rê distîne Pê hay dike Civanan ser me dicivîne Hezkiriyên bangên te ne. Tu siwarî Ji Kurdistanê re dûr dibîne Evîndarî ! Tu ala xweybûnê Ya Qazî yê Mehabad ê . Ya Barzaniyan Li cîhanê digerînî. Bi alan re dihejînî. Em rêzdayên xemên te ne. Ji ber tu rêza xwe di dilan de datîne Rûmeta giran didim te . Tu rûmeta sembola rengîn dizanî Bi navê welêt ve dimînî Bibihûre! Ko ev kirar peyda nebin Lêbûrîn ê mafê xwe ji we bistîne.
Ev di hundurê projeyê min yê sala 2016an de ye, ku ezê 52 nivîskarên Almanînivîs bi xwendevanên Zimanê Kurdî bidim nasîn. Ez dikarim vê xizmeta biçûk bo zimanê xwe yê şêrîn bikim. Helbestvanê Romantîk Joseph Karl Benedikt Freiherr von Eichendorff di (* 10. adarê sala 1788 li qesra Lubowitz li Ratibor, Oberschlesien; ko niha li nav welatê Polenda dikeve, ji dayîk bûye û † 26. Novemberê sala 1857 li Neisse) wexerkir. Eichendorff helbestvanek û nivîsakrekî elman yê dema romantîkê yê herî giring e. Hunera Eichendorff Karên wî yên hunerî bi jîngeh
û suruştê ve girêdayî bûn û bi geşbînî li jiyanêdinihêrî. Navîsên wî û lehengênwan nivîsan, kesên sade bû, xortên normal bûn, lê xwedan hêvîû xewn bûn. Wate jiyan qada nivisînbû. Jibilî wê jî, ew nivîsên Eichendorff romantîkî bûn, lê bi ola xiristiyana ve jî di têkiliyê de bûn. Babetên wî, jiyan, mirin, evîn, suruşt û xaliq û mexlûq bûn. Bingeha nivîsên wî, kultûr û çanda elmanî ya kevin, ji ol û felsefê bû. Rexnegira Elman ya bi navê Gabriele von Arnim dibêje “:Bêguman xwendevanê wî hebûn, hezkiriyên wî hebûn. Lê ew di dema xwe de ne binav û deng bû- Ji xwe ew qet dewlemend
nebû. Lê wî ev helbestên herdem zindî û tenik bo me hiştin, ku peyv li pey peyvê vedihûna”. Êvar Ew pirên zêrîn yên rûxiyayî Ser û bin wisa bêdengî! Nema dixwazin bo min li zingil bidin Ez nema zanim çi divêm Êşa bi belgê şewq dide Koviyek bi hedar dadikeve Li wir pêkenînokên şêtan hene Binketin dil gêj dike Dixwazim latan kom bikim Berya xeyd, arehandindin û xweşiyê Û di bin diranên şikestî de Singa kovî veşêrim