Rojnameyek ji aliyê ragihandina navendî ya PDK-Sê ve tê weşandin
Kurdistan-Hejmar (146)
Nîsan / 1 - 4 - 2019
www.pdk-s.com
Bi rabûna lehiyê gendeliya desthilata PYDê di warê xizmetguzariyê de eşkere bû Îmad Xelef
Li seranserî bajarên Rojavayê Kurdistanê rêjeyeke bilind ji baranê di çend rojên bûrî de bariya, ev yek jî gelek ziyan li riyên sereke kirine b taybet ya di navbera bajarê Qamişlo û Dêrikê de. û heta niha jî ti çareserî ji vê pirsê re nehatiye dîtin û tîmên rêveberiya PYDê ji destpêka ku destê xwe danîne ser deverê ti rê jî çak nekirine û ev yek
bûye sedema xerabiya rewşê. Bendava Çilaxa yek ji bendavên sereke ye di herêmê de, bi sedema rêjeya bilind ji avê aliyên têkildar û mizgeftên bajêr bang li welatiyan kirin ku ji malên xwe derkevin, bi taybet yên derdora bendavê. Di gel berdewamiya baranê metirsiyên lehiyê zêdetir dibin. Welatiyên deverê ji vê rewşa xerab dilgiran in û her yek bi şêweyekî
nerîna xwe di vê derbarê de tîne ziman. Mihemed Omer wiha derbarê rabûna lehiyê ji rojnameya Kurdistan re dibêje : Ev çend sal in dahat û samanên Kurdistana Sûriyê di destê desthilata dîfakto ya Partiya Yekîtiya Demokratîk PYDê de ye, û heta niha tiştek ji wan pereyan li ser xizmetguzariyan xerc nekiriye û tenê ji bo berjewendiyên xwe yên partîtî bikar
aniye, û dema lehî rabû encamên vê gendeliyê xuya kir, em dikarin bibêjin ku xizmetguzariyê hatine kirin hêj ewê rejîma Esed in ku ew bi xwe jî ne ti xizmetguzarî bûn, lehiyê û barîna barana zêde mala xelkê xerab kiriye û ti kes nîne ku bi hewara wan ve biçe. Sîham jî dibêje, ji ber lehiyê bi dehan xanî hatine wêrankirin û pezê xelkê jî bûye qurbanî û çend kesan
jî heta niha jiyana xwe jidestdane, û her ku tê gotin rêveberiya PYDê dibêje rewş gelekî baş e û di jêr kontrolê de ye û ya rast tiştek di jêr kontrolê de nîne û rewşa xelkê gundên derdora Dêrikê gelekê xerab e, û rewşa wan zehmet e. Divê alîkariya xelkê ziyanlêketî bê kirin û rewşa wan ya zehmet normal bibe. desthilata PYDê wek serdema parêzgarê Hesekê Mistefa Mîro ye
ku heta bi qîra cade û kolanan dixwar û ti gudan nedida deverên Kurdî û niha ew desthilat rêbaza rejîma Esed berdewam dike. Silêman Ebdula jî wiha dibêje, nabe desthilata heyî dev ji kiryarên xwe yên dizî û genedeliyê berde û rewşa xelkê xweş bike û êdî nehêle cade û kolanên bajar di nava herî û avê debimînin. www.pdk-s.com
2
Nîsan / 1 - 4 - 2019
Kurdistan-Hejmar (146)
www.pdk-s.com
Gelo li Kurdistana Sûriyê pêwîstiya gel bi 12ê Adareke nû ye? Arî Hiso Di 12ê Adara borî de, xelkên Qamişlo xwestin biçin ser mezarê şehîdên xwe li goristana Qidûr Beg wek wefadariyekê ji xwîna şehîdan re. Hejmarek ji endamên Asayişê ku bi Asayişa Patiya Yekîtiya Demokrat (PYD) tên naskirin û deselat niha di destê wan de ye, derketin pêşiya xelkê û xwestin rêgiriyê li wan bikin û nehêlin ku xelk bighên ser mezar û gorên şehîdên xwe ku di 12 Adara 2004 an de di encama terora rêjîma Bass û malbata Esed de hatibûn şehîdkirin. Di du kurtevidoyan de jinek derbarê bûyera ku li Qamişlo bi vê boneyê qewimî diaxive, Yekem vîdyo ya kenala ezmanî ya Kurdistan24 e, têde ew jin behsa çawa rêgirî li wan hat kirin û çawa alîgirekî PYDê ku cilên reş li ber xwe kirine Ala ya rengîn wate Ala ya Kurdistanê davê erdê û bi darê wê alayê serê wê bi du sê cihan birîn dibe. Û tekez dike ku ji bo serdana mezarê
şehîdan molet û ruxest ji kesî navê. Herwiha dibêje ku heger wa be divê em ji mala xwe jî bên der em biçin destûrê ji wan bixwazin?! Ji aliyekî din ve jî dibêje ku em birayê hev in, em bi biratî li wan mêze dikin, lê ew wek dijmin me dibînin, berdewam dike û dibêje ku heger em wisa bimînin em dê bi welatê xwe şad nebin.
Ji bo bêhtir bidestxistna zaniyariyan derbarê vê bûyerê min xwest ez vegerim malperên ser bi Rêveberiya Xwesr an jî nêzîkê wê û nêzîkî PYDê lê min tiştek bi dest nexist, çinku yek car behsa bûyerê nehatiye kirin – wek nimûne malpera ajansa HAWAR û malpera PYDê, mirov dibêje belkî bûyer neqewimiye jî, bi
tenê malpera XEBER24 vîdyoyek ji heman jinê re belav kiriye tê de hinek cihêwazî di navbera gotinên wê jinê de hene. Dibêje ku ti endamekî ji Asayişê êrîşî me nekiriye û behsa kesê cil reş nake?! Encûmena Niştimanî Kurdî li Sûriyê (ENKS) jî derbarê wê bûyerê daxuyaniyek belavkiriye û têde vî karê PYDê
û Rêveberiya Xweser şermezar dike û daxwaz dike ku ev kiryar werin rawestandin ji ber nakevin xizmeta doza gelê kurdî de û ziyanê digîne mafê rewa yê gelê kurdistanê. Bi her halî çi mirovekî xwedî çav, guh û nerîn be wê ji herdu vîdiyoyan nasbike bê rewş li Rojava çawa ye. Rewş li Rojavayî
Kurdistan ne başe, aliyên deselat naxwazin demokratî were ara û rewatiya deselatê bibe bi dest û dengê xelkê, çinku li gorî îdiyolocî û felsefeya wan, ew û felsefe û rêbaza wan dawî encama ramanê mirov e, li gorî felsefe û rêbaza wan divê netewe nemînin, û divê neteweyek nû were a�irandin ew netewe hemû cîhanê li xwe digre, di bin vê hincetê de û ji bo pêkanîna vê felsefe û bîrokê çênabe ti partî yan hêzek siyasî li gorepana siyasî hebe ku rêkberê vê felsefeyê be, an jî ew hêzên ku hebin divê gelekî lawaz û kertonî bin. Ev siyaset berî niha ligelek welatan hatiye bikaranîn û biserneketiye û ew welat hemû dawiyê berê xwe dan demokratiyê li ser şêweya ewropî. Bila deselata ku niha li Rojava hikmê xwe dike baş zanibe heger rewş bi vî şêweyî berdewam bike, wê gel pêwîstiya wî bi 12ê Adareke nû hebe. Wê 12 Adarek pir bi êş û kul be, bêhtir bi dehê taqan ji Adara 2004an.
Kurdan Newroz bi coşeke mezin Pîroz kirin Roka Ehmo-Hewlêr Gewîlan agirê Newrozê hat dadan û îro jî xelkê di nav sirûşta ciwan de kêf, şahî û sema gerandin. bi amadebûna hejmarek mezin ji penaberên Rojavayî Kurdistan ku li Gampa Gewîlan niştecîbûne û bi boneya Newroz û Sersala Kurdî agirê Newrozê hate dadan. Merasîmê dadana agirê Newrozê ji aliyê rêxistan Partiya Demokrata Kurdistanê – Sûriyê (PDKS) a Gewîlan ve hate rêkxistin û birêve birin. Hejmarek mezin ji xelkê kampê û berpirsên hikûmî û hizbî li ahinga dadana agirê Newrozê amadebûn û bi coş û dil germî beşdarî vê merasîmê bûn. Xetîreyên agir ji aliyê malbatên şehîdên pêşmerge hatin hilgirtin û xetîreya mezin ya agirê Newrozê
pê hat dadan. Endamê komîteya navendî ya PDKSê û berpirsê o�îsa rêxistina PDKSê li Hewlêr û Gundewarê Hewlêrê Serhan Hesen gotarek bi vê boneyê xwend û şêhîdên Newrozê li Hesekê ku di 20.03.2015 de di encama teqînek terorist de li
qada Ebdulrehman Alûcî qewimî şehîdbibûn, bibîranî û tekez kir ku wê agirê Newrozê neyê vemirandin û wê berdewam be heta ku kurd û hemû pêkhateyên kurdistanê bighên mafên xwe di jiyanek azad û ser�irazî de. Ji aliyê xwe ve Endamê
Komîteya Herêmî Mihemed Faris Silêman ku wek şahidhalê komkujiya Hesekê bû axi�î û behsa kêlîkên pêşî ji bûyerê kir. Hewrwisa tekez kir ku, dijmin bi kiryarên kuştina me bi teqînên terorist ve dê nikaribin vîn û xebata me ji bo azadiyê bide
rawestandin, û got: “Gelê me ji mirinê jiyanek nû vedijîne, ev gel dê neyê tinekirin.” Piştre koma Pêşmergeyê Roj çend dîlanên �ilklorî pêşkêşkirin û sikêtşek şanoyî derbarê komkujiya Hesekê ya Newroza 2015an jî hate nemayişkirin.
A dinî rojê xelkên kampê hemû berê xwe dan sirûşta ciwan û di nav keskatiya zeviyan de û di nav gulên rengereng de govend û şahiyên xwe gerandin, herwiha rêkxistina PDKSê li Gewîlanê bernameyekî taybet ji bo Newrozê amadekiribû, bername bi gotara PDKSê, xwendina helbestan, dîlanên �ilklorî û stranên gelerî ku hejmarek zarokan û xortan ew stran dagirtî bû. Ahinga dadana agirê newrozê û roja Newrozê bi govendên bi coş û bi germaya evîna keç û xortan bi dawî bû. pêwîstî gotinê ye ku, cihê mixabiniyê hîna jî parastina jîngehê bi tenê bi gotin tê behskirin û nebûye çandek dinav gelê me de,çinku bêhtirên xelkê paşmayên xwe yên xwarin vexwarinê li pey xwe hiştin û ew sirûşta ciwan gelekî pîskirin. www.pdk-s.com
Nîsan / 1 - 4 - 2019
www.pdk-s.com
Kurdistan-Hejmar (146)
3
Gewîlan.. Hejmarek xwebexşan paşmayên ahenga Newrozê dan hev Idrîs Hiso-Giwêlan Piştî ku nişteciyên kampa Gewîlan a penaberên Rojavayî Kurdistan newroza xwe bi kêf, dîlan û xweşî qedandin, berê xwe dan malên xwe, lê mixabin tevî bangewaziyên ji bo pakragirtina jînegehê û alîkariya karmendên şaredariyê ku têde daxwaz ji xelkê hatibû kirin ku paşmayî û ziblên xwe di kîsan de bihêlin û bi tundî devê wan kîsan girêdin ji bo ku seyrangeha kampê pak bimîne û karmendên şaredariyê jî bi hesanî karibin wî ziblî hilgirên, lê mixabin xelkê paşmayên xwe li pey xwe hiştin bi şêweyekî zor xirab jîngeh û seyrangeha kampa xwe têkdan ta wê radeyê ku mirov piştî cejnê neşê li wir careke din ew û zarokên xwe rûnên û pariyek nan bixwin. Lewma doh roja Şemî 23ê Adarê 2019an hejmarek xelkên xwebexiş bi erkê paqijkirina seyrangeha kampê rabûn û xwestin
wê sirûştê ya ciwan wek berê vegerînin da ku xelkên kampê careke din karibin werin û seyrana xwe di nav ciwaniya vê buharê de bikin. Rojnameya Kurdistan jî li wir bû û xwest vî karê pîroz rabigîne bo hemû xwênerên xwe da ku çanda pakragirtina jingehê û cihên giştî bêhtir di nav xelkên me de belav bibe û bibe çandek giştî. Derbarê vî karî muxtarê
kampê û endamê komîteya navendî ya Partiya Demokrata Kurdistanê (PDKS) Dilovan Ebdî got: “Ji xwe me daxwazek fermî kiribû ku hemû hevalên me beşdarî vê helmetê bibin, û berî wê jî me bi riya koma partiya xwe ku bi ahinga Newrozê rabibû, me daxwaz kiribû ku xelk ziblên xwe di elageyan de bihêlin da ku jîngeh nebe gemar û karmendên şarewaniyê jî karibin bi
hesanî paşmayên ahingê ji seyrangehê rakin, lê mixabin xelk pabendî van daxwazan nebûn, em jî neçarbûn ku em hejmarek kes bi xwebexşî werin vê seyrangehê pak bikin û paşmayan rakin.” Herwiha got: “Ez daxwazê ji xelkên kampê dikim ku ew bi xwe zibil li her derê navêjin û zarokên xwe jî fêrî wê yekê bikin ku jîngeha xw biparêzên çinku ev samanê me hemiyane.”
Ji aliyekî din ve jî got: “Ez destxweşiyê li Rojnameya Kurdistan dikin û li cenabê te dikim ku tu jî ligel me beşdar bûye di vê hilmetê de û li ser karên te di ragihandina van destpêşxeriyan ku tu tomar dikî û di bi rêka rojnameyê belav dikî da ku çanda waltperweriyê di nav gel de belav bibe û hişmendiya gel bêhtir bibe.” Mihemed Eyo ku bi xwe karmendê navenda
tendurûsyî ya kampê ye got: “Ez destxweşiyê li vê hejmara kesên xwebexiş dikim û ez hêvîdikim ku xelk ji wisa bêhtir beşdarî karên çak bibin çinku pakragirina jîngehê hêmayê şaristanî û waltperweriyê ye.” Helbestvan Mustefa Elî got: “Dema mirov dibe mêhvan li vê buhara xweş, buhara kurdistanê bi hestê evîniyê mihvanên xwe himbêz dike, ev xweza û surûşt dayika me ye, ma kes dixwaze ziblên xwe di dawa diya xwe de bihêle?!....divê em bîr li wê yekê bikin ku jîngeha welatê xwe pak ragirin û zarokên xwe jî fêrî wê yekê bikin.” Piştî karê kêmtir ji du demjimêran û bi hejmarek zor hindik ji camêrên xwebexiş ew seyrangeh vegeriya wek berê. Lê heger xelkê bi şêweyekî ciwan û rêkûpêk paşmayên xwe ragirtibana , an jî heger hejmarek mezin tevlî helmetê bibana wê ne tenê ew seyrangeh ciwantir vegeriyaba lê belê hemû kolan û deverên kampê.
Zimanê dayikê
Ebdulhekîm Ehmed Mihemed
Roja 21 ê vê mehê helkefta Roja Cîhanî a Zimanê Dayikê (zikmakî) ye, ev roja ku me ew paşguh kiribû ji berê de, lê ev bû çend sal bi rengekî qels em wê bibîr tênin, ne tenê em wek gelê Kurd, lê gelek miletên cîhanê jî ew bibîr ne tanîn, çiqas xweş e ku em vê rojê vejînin û a herî jê xweştir ew e ku em serê xwe bi zimanê xwe bilind bikin, ev zimanê ku bi hezarên salan
li ber xwe daye, û em serê xwe bi xwe bilind bikin wek gelê Kurd ku me karîbû vî zimanî biparêzin bi bihûrîna dem û serdeman ji stemkarî, bindestî, dagîrkirin û diktatorên ku le ser me bi hemî rengan dixwestin me têk bibin û vî zimanî ker bikin û hîn jî ev kiryar berdewam in ji erebkirin, turkirin û furiskirina ziman. Zimanê me ciyawaz e bi nazikbûn, xweşbûn û hêsanîbûnê, bingeha xwe parastiye bi ser ku em wek gelê Kurd ji sedên salan ve belawela ne û hîn jî em bi rastî li ser babeta ziman ne rawestiyane, ku ne komeleyeke zimanî rast û durust heye da yekrêzî û wekheviyek tê de ji zarav, gotin, bêje, rave, rawe, wate û rêziman hebê û ne jî zanisteke zimanî (languistique), ji ber ku çand û şaristaniya her miletekî zimanê zikmakî ye, heger ew têk çû milet jî dê têk herê, ev tişt dihêlê ku em bi
ziman û çanda xwe ve bên girêdan da ku ev têkilî di navbera ziman û kelepûrê jîngehî ê ku ev ziman tê de ava bûye çêbibê, parastina çandê parastina ziman tekez dikê, û naskirina çi zimanî bê ew e naskirina şaristanî û çanda miletekî, xweş e ku em zimanine din nas bikin an ku fêr bibin, lê bi marcê xwegirêdana zimanê dayikê berî her tiştî û ne piştguhkirina wî weke ku gelek miletan weha kir û ew ji koka xwe de windabûn, bi têkçûna zimanê xwe ew jî têk çûn, ne milet, ne ziman û ne jî
şaristanî, mixabin. Li gorî raporteke Rêxistina Yûnisko berî çend salan, da xwiyakirin ku di cîhanê de 6800 zimanên cuda hene, ewê rêxistinê metirsiya xwe ji têkçûna zimanên zikmakî diyar kir, ji ber ku têkçûna her zimanekî ew e têkçûna şaristaniyekê bi tevahî û ev tişt binketineke ji hemî mirovatiyê re, di heman demê de rêxistinê diyar kir ku piştî du sed salî, ji sê sed zimanî pê ve namênê ji wan 6800 zimanên heyî di dema niha de, lewma ev rêxistin gingiyê didê parastina ne tenê zimanê dayikê belê
hemî zimanan jî. Her zimanek bi van tiştan geş dibê û bi hêz dibê di nav zimanê cîhanê de; 1- jimara kesên ku pê daxivin. 2cih û geşiya wî di malper û rûpelên internêtê de. 3- wergerandinên ku di vî zimanî de pêk hatine. 4-jimara welatên ku vî zimanî pêktênin bi rengekî fermî. 5- �îlim, mozîk û pirtûkên ku bi vî zimanî hatine nivîsandin û belavkirin. 6- pirtûkên rêzimanî ên taybet bi vî zimanî. Rastî gelek ji van li ba me hene û em karin li ser wan rawestin û bi
rengekî rast û tekez van pêk bênin. Zimanê me ketiye pileyeke bilind de ji rêza zimanên cîhanî, giring e em bihtir lê xwedî derkevin, û hewla avakirina komeleyek an jî navendek giştî vekin ji bo parastina wî û pêkanîna yekîtiyekê di nav bera hemî zarav û raveyên kurdî de di herçar parçên kurdistanê de, belê di hemî deverên ku kurd tê de hene weke kurdistana sor û ewropa ku niha gelek kurd tê de dijîn, her rûpelek bi zimanê kurdî cihê wê û bandora wê li cîhanê û li kurdistanê bi tevahî heye, miletê ku zimanê xwe parastiye ji hezrê salan ve bi ser hemî astengiyan de, bi hêsanî karê cihê zimanê xwe di cîhanê de çêkê û şanazî û rêzgirtina wî di nav zimanê cîhanê de ava bikê, de em bi hev re hewla pêşketina vî zimanî bikin û vê rojê jibîr nekin. www.pdk-s.com
Nîsan / 1 - 4 - 2019
Çand û Huner
www.pdk-s.com
Nefertîtî
Malbateke hunerî, bav û keç û kurekî xwe di rewşeke zehmet şêwekarî û peykersaziyê dikin
4
Kurdistan-Soz Xelîl
e ji beşdarbûna zêde û bê nirx. * Şêwekarê cîhanî Kurd hene? Tekez şêwekarê Kurd cîhanî hene, û ji wan Omer Hemdî “Malva” û Beşar Îsa ku ne kêmî Malva ye, lê ev heft sal min ti berhemên wî nedîtiye, ez Mehmûd Kofyanî jî yek ji wan kesan dibînin ji ber ku rengê wî cêwaz in, û hin din jî hene. Tabloyên Malva yên li Cizîrê mirov dibe cîhaneke din, lê yên wî yên Ewropa bi nerîna min ne wisa ne.
* Tabloyên te bi dilê te ne? Heta niha min ti tablo bi dilê xwe çê nekirine, û hemû yan di jêr �işar yan bi rengên kêm, û bi rastî tablo karînên mezin jêre pêwîst in. Divê civak alîkar be bi şêwekaran re û divê hemû civak destê xwe bixe destê hevdû de da ku civak biser bikeve. * Tabloya te ya dawî? Dawî tabloya min berya heft salan bû, bi nerîna min pirbûna tabloyan şêwekar bilind nake, û hin hunermendên cîhanî tenê hejmareke biçûk yên tabloyên wan hebû.
* Tu tenê şêwekariyê dike? Jibilî şêwekariyê peykersazî, di ware keviran de jî kar dikim, herwiha li sazê jî dixim. Min di salên heştiyan de beşdarî komên foloklorî jî kiribû. * Gotina te ya dawî? Divê her yek ku karînên wî hebin, ev karîn werin istixlal kirin û sûdekê bighîne civakê, mînak heger piştevaniya çend şêwekaran were kirin dê tabloyên wan bi nirxekî buha bê �irotin û dê sûd bighê hemû aliyekî. Divê ewên ku karînên wan
Dîlawer
* Tu beşdarî ti pêşangehan bûye? Pêşangeh bi wateya pêşangeh ji min tenê re nebû, û tenê beşdarbûn hebû, di sala 1988an de li Şamê ez beşdarî pêşangehekê bûm, herwiha ez li çend pêşangehên xwecihî jî beşdar bûme. Bi nerîna min her çiqas beşdarbûn kêm be û bi nirx be baştir
Zagros
Nefertîtî
temaşe dike hizir dike ku ew li derdora Hesekê ye yan di nava kiltûrê Kurdî de ye. Herwiha ji wan şêwekarên cîhanî ku bandora wan li min hebû Picasso û Van Gogh bûn.
Nefertîtî
Dîlawer
*Gelo kengî te dest bi şêwekariyê kir? Min di sala 1988an de nû dest bi xwendina şêwekariyê kir ew jî di rêya xwendina gotar û rojnameyan de, û min serî li navenda hunerê li Şamê jî dida, çar salan li navenda hunera Hesekê jî mame û li wir her yek ji Xelîl Ebdulqadir û Zûhêr Hesîb û hin şêwekarên din me fêr dikirin û wê demê Malva berê xwe dabû Şamê, lê min ew dît. Wê demê bêhtir bandora şêwekar Zûhêr Hesîb li min hate kirin, ew jî ji ber ku bêhtir hizrên xwe ji surişta devera xwe ya Cizîrê werdigirt, dema mirov li tabloya Zûhêr
Dîlawer
Zagros
Malbateke hunerî ku bi xwe xelkê bajarê Serêkaniyê ne, û niha li Hewlêra paytexta Herêma Kurdistanê dimînin, û tevî rewşa zehmet jî hunera şêwekarî û peykersaziyê dikin, Rojnameya Kurdistan derbasî mala wan bû, û ji nêzîk ve rewşa hunera wan şopand, û hevpeyvînek ligel her sê endamên malbatê pêk anî. Dîlawer Salih Yûsif, ku bi xwe şêwekar e wiha ji Rojnameya Kurdistan re behsa destpêka xwe dike” Di dema ku temenê min di navbera heft ta heşt salan de bû, min gelek laş ji heriyê çê dikirin mîna ajel û teyrik, herwiha jibilî vê yek me tenbûr li ser destên xwe û lîstikên wê demê yên zarokan jî durst dikir, lê tevî ku ti kes nebû alîkariya me bike û behreya me pêş ve bibe û heta niha jî gelek dîmenên gund di bala min de ne mîna rezê gund ku gelekî bandor li min kiriye heta roja îro jî. Malbata min bi min re ne alîkar bû, û bi taybet bavê min ku dixwst em xwendina xwe temam bikin, û ev yek heta niha jî bandor li min kiriye ji ber ku min hunerên ciwan nexwedniye, di hizra me de ku bavê min nehişt ez tiştê bi dilê xwe bixwînin, temam dunya xelas bû, û her tiştek nema û ev yek jî zirar gihande min, û divê di wê demê de ez li dijî bavê xwe derketibama û min xwendina xwe bi dilê xwe kiriba”.
hebin alîkariyê pêşkêş bikin. Ez dikarim bibêjim her kes ji me tawankar e bê ku pê hest bike ji ber em hunermend û şêwekar û behredarên xwe dikujin. Zagros wiha dibêje Zagros kurê Dîlawer e û karê peykersaziyê dike û wiha li ser karê xwe jî dibêje “Berya şeş salan min ligel bavê xwe dest bi vê hunerê kiriye, û me li bexçeyan dîmenên ciwan çê dikirin, û piştî karê me rawestiya niha ez li malê di nava cihekî ne guncaw û teng de laşên ajelan û çend tiştên din çê dikim, ez wan laşan ji surişt û kiltûrê Kurdî werdigrin mîna kew û xezal, herwiha ez wan laşan ji cis û çementoya spî çê dikim, û ew laşên ez çê dikim ti bandor li ber baranê li wan nabe. Bavê min pişta min girt û hişt ku ez di vî warî de xwe bibînim û karekî baş bikim, herwiha li ser peykersaziyê û karê xwe jî ji malperan dixwînim û peykerên xelkekî din jî temaşe dikim”. Nefertîtî jî behsa hunera xwe dike Ez şêwekariyê dikim, herwiha li çend amûrên muzîkê jî didim, mîna Keman û Ûd û Biziq. Di destpêkê de bavên min ez fêr kiribim, piştre jî min bi xwe xwe fêr kir, di sala 2015an min dest bi şêwekariyê kiribû. Min di destpêkê de tabloyên xwe ji veguhestinê çê dikirin, lê niha ez ji xeyala xwe şêwekariyê dikim, û tabloyên xwe çê dikim. Helbet bandora bavê min gelekî li min heye û ez li ser şêwekarên cîhanî dixwînim û li tabloyên wan jî temaşe dikim. www.pdk-s.com