Rojnameyek ji aliyê ragihandina navendî ya PDK-Sê ve tê weşandin
Kurdistan-Hejmar (147)
Nîsan / 15 - 4 - 2019
www.pdk-s.com
Divê tevgera siyasî li Kurdistana Sûriyê ji guhertinên deverê re amade be Dîlan Cuma
Ev dema çend rojan e berpirsên Partiya Yekîtiya Demokratîk PYDê bi şêwazekî nerm axaftinan dikin, û ji bo yekem car berpirsekî PYDê
spasiya Pêşmergeyên Kurdistanê dike ji bo alîkariya wan di şerê Kobanê de. Ev yek wek ku çavdêr dibînin ji ber zextên Emerîka ne li ser PYDê ji bo qebûlkirina
hemû aliyan û avakirina desthilateke nû li deverê. Mihemed Hemê wiha dibêje, divê tevgera Kurdî hêzeke xurt ya leşkerî ava bike û jibilî vê yekê divê ji
her tiştekî re amade be û di hemû waran de xwe amade bike da ku ji rewşa bê re amade be, û ti aliyek wê lawaz neke, heger wiha nebe dê nikaribe xwe li gor
qonaxê biguncîne û dê lipaş bimîne. Şîlan jî dibêje, ya herî baş di vê demê tevgera Kurdî bi taybet ENKSê xwe amade bike û nebêje hêj zû ye û xwe bihêle
hêviya hin aliyên din, dê ev yek gelekî wê lipaş bixe û divê amade kirin di warê leşkerî di pileya yekemîn de û piştre di hin warên din de. www.pdk-s.com