Rojnameyek ji aliyê ragihandina navendî ya PDK-Sê ve tê weşandin
Kurdistan-Hejmar (149)
Gulan / 15 - 5 - 2019
Bajarê Kobanê hêj wêrankirî ye, û xelk di kavilan de dijîn
www.pdk-s.com
Xesan Ebdula
Ev çar sal bi ser rizgarkirina bajarê Kobanê re derbas dibe, ku bi piştevaniya Hêzên Pêşmerge ew bajar ji destê çekdarên DAIŞê hate rizgarkirin, lê heta niha ew bajar hêj wêrankirî ye, û tevî çend konferansên derbarê jinûavakirina
Kobanê, lê hêj nehatiye avakirin, û xelkê wê di kavilan de dijîn. Berpirsên Partiya Yekîtiya Demokratîk PYDê jî dixwaze beşek mezin ji malên xelkê bike mozxane bi hincetên cuda cuda. Xelk bajarê Kobanê ji vê yekê nerazî ne
û her yek nerîna xwe di vê derbarê de ji Rojnameya Kurdistan re tînin ziman. Xelîl Berazî wiha derbarê rewşa bajarê xwe dibêje: Bajarê min rastî wêranî û karesateke gelekî mezin hat û xelkê me rastî zehmetiyên zor
û mezin hatin bêyî ku ti kes alîkariyê ji wan re pêşkêş bike, Dezgeha Xêrxwaziya Barzanî amadebûna xwe anî ziman ji bo vê yekê, hewriha dubare avakirina bajar, lê desthilatdariya PYDê ne kar dike, û ne dihêle ku ti aliyekî din kar
bike û dixwaze rewş bi vî awayî birê ve biçe, desthilata vê pariyê naxwaze Kobanê were avakirin. Cîhad Hemê jî wiha dibêje: Heta niha bajarê me wêrankirî ye û xelk di kavilan de dijîn, û rewşeke pirr xerab heye, lê ragehandina
PYDê rewşê ji raya giştî re bi awayekî din nîşan dide û ev yek metirsiyeke mezin li ser çarenivîsa bajar, û divê bajarê jinû ve were avakirin, û êdî pereyên ku hatine terxankirin ji aliyê desthilata PYDê ve neyên dizîn. www.pdk-s.com