Rojnameyek ji aliyê ragihandina navendî ya PDK-Sê ve tê weşandin
Çirya Paşîn / 15 - 11 - 2019
Kurdistan-Hejmar (161)
www.pdk-s.com
Zêdebûna teqînan li Kurdistana Sûriyê koçberiyeke zêdetir bi xwe re tine Nîdal Kazim
Di 11ê vê mehê de li Qamişlo 3 teqîn hatin kirin, û di encamê de jî 6 kesan canê xwe jidest dabûn û zêdetir ji 40 kesî birîndar bûbûn. Encûmena Niştimanî ya Kurdî li Sûriyê ENKS di daxuyaniyekê de, teqînên ku bajarê
Qamişlo hejandibûn şermezar kir. ENKS di daxuyaniya xwe de dide zanîn, bûyerên bi vî rengî yên terorî yên sivîlan dikin armanc, di çarçova berdewamiya prosêsa koçberkirina xelkê deverê ye. ENKSê daxwaz ji
civaka navdewletî û welatên pêwendîdar kir, ku rê li ber vegera DAIŞê ji bo deverê bigre. Herweha daxwaz kir, ku operasyonên serbazî werin rawestandin û devereke aram bi serpereştî û parastina navdewletî,
were avakirin. Ehmed Cuma di vê derbarê de dibêje pirs ew e gelo çawa du otomobîl di nava bazara sereke ya Qamişlo de hatine bombekirin û ti kes pê hest nebûye, gelo asayişa PYD li kuderê ye. Di texmîna min
di nava du mehan hejmarek teqîn rû dan û heta niha ti lêkolîn nehatine zanîn yan jî kesek nehatiye girtin. Divê PYD ji xelkê re eşkere bike, û ew xwe bi parêzvanê vê xelkê jî dide zanîn dive giyanê welatiyan
were parastin. Ronak jî wiha di vê derbarê de dibêje ev teqîn têne kirin da ku xelk bêhtir koçber bibin, her aliyê ku van teqînan dike li dijî mirovahiyê ye, û karê wî yê sereke belavkirina tirsê ye di nava xelkê de. www.pdk-s.com
2
Çirya Paşîn / 15 - 11 - 2019
Kurdistan-Hejmar (161)
Divê lêborîn ji xelkê were xwestin û girtiyên siyasî werin berdan Kurdistan- Mihemed Xeyredîn Li ser daxwaza fermandarê HSD Mezlûm Ebdî şandeke Encûmena Niştîmaniya Kurdî ENKSê û navborî civiyan. Lê ev civîn ji aliyê xelkê Kurdistana Sûriyê ve hate merq kirin ka gelo di vê civînê de çi çê bûye, û gelo ti rêkeftin di navbera wan de hatine kirin yan na.Ji bo zelalkirina vê pirsê Endamê Desteya Serokatiya Encûmena Niştîmaniya Kurdî li Sûriyê ENKSê û Berpiraê Rêveber yê Mekteba Siyasî ya Partiya Demokrata KurdistanSûriya PDK-S Mihemed Îsmaîl ji medyayê re ragehand, di hevdîtina wan bi Fermandarê HSDê Mezlûm Ebdî re, wî nameya xwe derbarê yekrêziyê de gihand wan û behsa rewşa niha Kurdistana Sûriyê bi giştî kir. Da zanîn jî, "Mezlûm Ebdî dikare bandorê li PYDê bike û dikare bi rolekê ji bo yekrêziyê rabe. Em bi hêvî ne ew ligel Herêma Kurdistanê nêzîkahiyekê di nava tevgera siyasî ya Kurdî çê bikin." Herwiha Mihemed Îsmaîl got: "Daxwazên Encûmena Niştîmaniya Kurdî li Sûriyê ENKSê diyar in, em çareseriyê di yek komê de dibînin, heger rêkeftineke siyasî, îdarî û serbazî bê kirin, dê di berjewendiya gelê me de be. Rêkeftinên Hewlêr û Duhokê û herwiha destpêşxeriya Ferensayê jî wiha bûn." Amaje bi wê yekê jî kir, li ser erdê tiştekî bilez çê nebûye, tenê di ragihandinê de zêdetir ev mijar tê behskirin, û ti rêkeftin di vê derbarê de nînin. Di vê derbarê de welatiyê bi navê Ehmed Omer wiha dibêje: Rêkeftinên Hewlêr û Dihokê di jêr serperiştiya Serok Barzanî de rêkeftinên baş bûn ji bo yekrêziya di navbera aliyên Kurdî de li Rojavayê Kurdistanê, û xelkê me jî hemû pê razî bûn û dilxweş bûn, lê ji ber takalî û takrewiya Partiya Yekîtiya Demokratîk
PYDê ew rêkeftin têk çûn, bila Mezlûm Ebdî li wan rêkeftinan vegere û ew bi xwe jî dizane ku ew rêkeftin binpêkirin, divê di serê her rêkeftinekê de girtiyên siyasî werin serbestberdan, herwiha mal û milkên xelkê Kurdistana Sûriyê ji wan re were vegerandin û lêborîn ji qurbaniyên komkujiyên Amûdê û Kobanê û Efrînê were xwestin û ew bi her awayekî be werin qerebokirin. Divê PYDê xwe ji Partiya karkerên Kurdistanê PKKê cuda bike û êdî dev ji kiryarên
xwe yên beramber gelê Kurd li Kurdistan Sûriyê berde. Desteya Bilind a Kurd di 11'ê tîrmeha 2012'an de bi encama Rêkeftina Hewlêrê hat damezrandin ya ku bi alîkariya Serok Mesûd Barzanî bû. Endamên desteyê deh kes bûn, gelo ev rêkeftin ne ya herî baş e ji bo çareserkirina pirsa Kurdistana Sûriyê û yekrêziya di nava aliyên siyasî de. Selwa Seyid jî wiha derbarê mijara yekîtiya aliyên Kurdî li Kurdistana Sûriyê dibêje: Rêkeftina Hewlêrê
dîmenek gelek ciwan e û nexasim bi çavdêriya Serok Barzanî xemxûrê miletê kurd, ev rêkeftine were danîn di navbera herdû aliyên Kurdî li Kurdistana Sûriyê,û ji me re diyar e û tu car nayê ji bîr kirin gelek caran serok Barzanî destên alîkariyê daye kurdên Kurdistan Sûriyê û wefadariya xwe pêşkêşî miletê kurd ne tene li kurdên rojava lê belê li kurdên bakûr û rojhilat kiriye . Eve hemî nîşanên wefadarî û dilsozî û xemxûriya serok Barzanî ye û tê
bîrame hemiyan gava serok Barzanî di kongirê Hewlêrê ya revandên kurd da xuyakirin û diyarkirin hun li mala xwe ne, û hun çi biryar bidin ez bipejirînim û ezê bi hemç şêweyê û rêyan alîkariya we bikim. Bi rastî ev mirov her ji bo Kurdan li her çar perçeyên Kurdistanê her tiştekî dike da ku Kurdan ji jêr stem derbixîne.Giringbûna vê rêkeftinê ku miletê kurd di Kurdistana Sûriyê gehiştiye di qûnaxek gelek hestwer û nazik de dibûhurîn lê belê ev
www.pdk-s.com
rêkeftine pêngavek gelek giringe di rêkek rast û durist de bereû yekrêziya miletê kurd û parastina vî miletî û dikevê li pêşiya hevrikiya kurd bi kurd re. Ciwan Ebdula jî wiha dibêje: Divê em bi dilê li mijaran temaşe nekin, bi nerîna min her ku êrîş li ser Partiya Yekîtiya Demokratîk PYDê û çekdarên ser bi wê ve tê kirin, dixwaze jibilî xwe bi xwe bixe nava vî şerî de, herwiha dixwaze di riya Encûmena Niştîmaniya Kurdî sîwaneke siyasî ji xwe re dabîn bike û derbasî nava komîteya destûr û civînên cinêvê bibe, lê divê ENKSê ji vê yekê hişyar be, û nekeve vê xe�ka PYDê ku vê carê dixwaze di riya Mezlûm Ebdî re derbas bike ku berya niha di riya KNK de hewil dide, bi nerîna min ti kes nemaye ku siyaseta vê partiyê nizane.Tişta herî giring di dema niha de rêkeftina were kirin di hemû waran de be, mebest jê warên îdarî û leşkerî û siyasî li xwe bigre û ENKSê dev ji van mercên xwe bernede ji ber ku bê van mercan dê ENKSê îradeya gelê me û ya xwe jî radestî Partiya Yekîtiya Demokratîk PYD bike, û bila li pey durşmên yekîtiyê nemeşe.
www.pdk-s.com
Çirya Paşîn / 15 - 11 - 2019
Kurdistan-Hejmar (161)
PKK û PYDê karê xwe bi cih anîn
Mahir Hesen-Elmanya
Rêkeftina Apoçiya a bi dewletên Dagîrker re hatiye çêkirin ne tiştek nû ye, lîstika berjewendiyê ye. Zêdetirî çil saliye ku bi dirûşmên vala hişê mirovan terikandine û rast û heqîqet di vê hevsengiyê de diyar buye , û li ser erdê her tişt zelal buye . Dîse PYDê Teqes kir ji wêrankirin û paşvexistina kurdan di her astê de tu armanc ji beylî wê nîne . tundûtûjî û êş û nexweşî di nava xelkên de çandin .
Zirar pir e, mezin û eşkere ye , wêrankirina hêvî, daxwaz û xewnên kurdan , hilweşandin û qeyranên aborî û zindîbûna belengaz û binavkirin û paşvekêşandin ji a�irîneriya kar, û rewşek tevlîhev a�irand .PYDe tev ji bo parastina pêşeroja xwe ya sîyasî , sûdê ji PKKê û doza wê ya bi derew û xapandinê werdigire û xelata derbas bûna Leşkerên Tirk û erebên DAIŞ pêşkêşî van qurbanên gewre dike , yên di dirêjahiya ceng û şer li deverên kurdistana Sûrî de Şehîd ketin , û bi vî rengî serkirdeya PYDê karê wa gihîştiye ber dawî û buxçika xwe amade kirine , da li Qindîlê vegerin . Erê PKKê bêkêmasî kar xwe bi dawî anî , û bi axaftinên têkçûyî PYDê mezinaya xwe yê bike da rûreşiya xwe bincilik
bike û eyb û ‘arê xwe veşêre . hewldanek xapînok e ku wê ji holê were rakirin. Ew dizanin ku têkbirina wan ya xirab ya serhildêr bi
destên xelkên deverê û kesên ku zarokên wa bûn qurban nîzîke . Li vir êrişên hovane û zordestî ya ser bi hezarê xelkên zivîl kir , ku fermanên
rasterast ji PKK li dijî malbatên netewhez û niştîmanperwer werdigirt . Icar her kesê ku dijberiya xwe ji kiryarên tawanbar
www.pdk-s.com
3
û neheqiya PYDê re nû dikir, ew sûcdar diderket û devdirêjî lê dibûn heta PYDê karûbarên xwe yên erzan meşandin .
Esedê kur û tevgera serrastkirina duyemîn
Raid Mihemed- Hewlêr
Di sala 1970 partiya Elbas li Sûriya derbek çêkir ser rêjîma Sûriya Bi navê Tevgera Serrastkirinê , ew derbe Leşkerî bû Wezîrê Berevaniya Sûriya Ha�iz El-esed pê rabû ku di heman demê de Endamê Serkirdayetiya Partiya Elbas bû ku li gel girûpek ji Efserên Bas di 16ê Mijdara 1970ê pê rabûn û Ehmed Elxetîb kirin serokê Sûriya bi demeke katî piştre bi salekê Ha�iz El-esed bû Serokê Sûriya û hevalên
xwe ji Rêjîmê Dûr kirin û kirin zindanan de , ji wê demê ta sala 2000 ku di 10ê Hizêrana wê Ha�iz El-esed koça dawî kir, Sûriya bû Dewleteke Ewlehî û Asayîş û Efserên Ewlehiyê welêt ze�it kiribûn û azadiyên Giştî kêm bûn, di sala 2000 a de Beşar El-esed hate ser kursiyê Desthilatê û rêbaza bavê xwe bi rêve bir, hejmarek ji çavdêran di gotin wê guhertinên mezin li Sûriya rû bidin ji ber ku ev Serok xort e û li Ewropa xwendiye, di destpêka desthilata Esedê kur wiha bû, derfetên mezin û fereh ji Opozisiyona Sûrî re vebûn û ""Buhara Dimeşq "" jidayik bû, ev cihê kêfxweşiya gelên Sûriya bû û derfetên mezin û fereh vebûn, lê ji ber Şerê tengava ya Sêyem ku Emerîka Rêjîma Sedam Hisên hilweşand di 9 Nîsana 2003an, û Serhildana 12ê
Adarê 2004an û kuştina Herîrî di 14ê Sibata 2005an hişt Rêjîma Sûriya ji van guhertinên mezin vegere û destê Ewlehiyê li Ser welatiyan girantir bû Wiha Astengî û binpêkirin mafê mirovan li Sûriya berdewam ma heta ku
Gelên Sûriya tevlî Buhara Şoreşan bûn di adara 2011an, lê ji ber tundiya Rêjîmê û destwerdanên Herêmî û welatên zilhêz, Ev Şoreş bû kirîz û qeyran û gelên ku di Sûriya de dijîn bûn Qurbanî, yê kuştî û yê koçber û yê birîndar û yên di zindanê
de, îro xiyaye ku Beşar El-esed bi serketiya ser Opozisiyona Sûrî di warê Leşkerî û cugra�iyeke berfereh ji xaka Sûriya ketiye di bin kontirola Serokê Sûriya ku Rûs û Îranî û gurûpên Şî'î ji Îraqê û Libnanê piştevaniya
wî dikin, ji ber vê yekê Hevalbend û alîgerê Esedê kur dibêjin ku ev Serkeftina Ku Esed bi dest xistiye ev Tevgera Serastkirina Duyemîn e ku ya yekem Esedê bav pê rabû û di encamê wê de gelên Sûriya êş û azarên mezin dîtin, lê gorî çavdêran û kesên pispor ku piştî komîta nivîsandina Destûra Nû ji Sûriya re karê xwe bidawî bike wê cihê Esedê kur namîne li Sûriya pêşeroj de, û wê rêjîmeke Demoqratîk û pirrengiya siyasî têde hebe, û her alîk û netewek mafê xwe têde bibîne, ji ber ku cihê Esedê Dîktator gorî çavdêran têde nîne ji ber ku wê Sûriya ji Daristaneke yek reng û alî û nerîn xwedî yek Şah û girûpên çekdar yên corecor wê bibe gulistaneke pir reng û cihê Şêran û goştxaran .nîne www.pdk-s.com
Çirya Paşîn / 15 - 11 - 2019
Çand û Huner
Xelkê Serêkaniyê yên li Hesekê dimînin di rewşeke xerab de dijîn Kurdistan-Dijwar Salih Ji ber êrişên Tirkiyê bo Kurdistana Sûriyê hemû Kurdên niştecihên bajarê Serê Kaniyê, bajarê xwe bicî hiştine û li Til Temir, Hesekê û Dirbêsiyê koçber bûne. Niha gelek ji wan li dibistanan bicî bûne. Ji ber êrîşên
artêşa Tirkiyê bo ser Kurdistana Sûriyê, nêzîkî 180 hezar kes derbider bûne û navçeyên xwe bicîh hiştine. Beşê zêde yê wan derbideran berê xwe dane bajarê Hesekê û piraniya wan jî li nav debistan û avahiyên netemamkirî de bicîh bûn e. Li dibistanan di
her odeyekê de zêdetirî 24 kes dimînin. Yek ji xelkê Serêkaniyê ku niha di nava dibistaneke bajarê Hesekê de dimîne wiha ji Rojnameya Kurdistan re dibêje: Piştî destpêkirina operasyona Tirkiyê li gel malbata xwe berê xwe daye Hesekê û niha ew di rewşeke pirr xerab de dijîn, lewma pêwîstiya wan bi hemû pêdviyên rojane yê jiyanê heye, bi taybet niha werzê zivistanê ye û nava avahiya dibistanê gelekî sar e û zarokên wan nexweş in û pêdviya wan bi çareseriya bilez heye, herwiha jibilî vê yekê bi hezaran xwendekar ji xwendina xwe bêpar mane, û bê xwendin mane, lewma pêwîstiya
wan bi alîkariyê heye. Koçber wan çekdarên Sûrî yên ku ji aliyê artêşa Tirkiyê ve tên piştîvanîkirin, bi diz û talanker bi nav dikin, û dibêjin, li navçe û malên wan talankarî kirine. Mihemed Cemîl jî wiha dibêje: Me bihîst ku wêrankariyek zêde li malan hatiye kirin, herwiha dizî û talankarî û hemû tiştin din jî hene. Li Efrînê xelk derxistin û beramber azadkirina wan pere xwestin, eger min derxînin jî kesekî min nîne û ti pere jî nînin li beramber azadkirina xwe bidim lê ji ber vê yekê me berê xwe da bajarê Hesekê ji ber ku heta radeyekê aram e, û niha em li vê deverê di rewşeke xerab de dijîn
Zarokên Kurdistana Sûriyê ji xwendinê bêpar dimînin Kurdistan- Şîlan Ebdulkerîm Piştî êrîşa Tirkiyê bo ser Kurdistana Sûriyê bi sed hezaran kes ji SerêKaniyê û gundewarê wê û Tiltemirê koçberî bajarê Hesekê bûne û hejmareke zêde ji wan di nava dibistanan de dijîn, hin ji wan jî di nava kampan de dimîn. Di nava wê hejmarê de hejmareke zêde ya zarokan heye ku ji xwendina xwe bêpar mane û di rewşeke xerab
de dijîn, û li hêviya wê yekê ne ku rewşa wan baş bibe û careke din vegerin xwendina xwe. Cîlan Riyad wiha di vê derbarê de dibêje, Partiya Yekîtiya Demokratîk PYDê rêbazên xwe sepandiye li ser xelkê li hin xelkê me bi dizî berê xwe didane bajarên din û xwendina bi zimanê Erebî dixwendin ji ber ku danpîdankirî ye, û niha jî ew bûne koçber û nema zanin çi bikin û tenê malbat li debara
jiyana xwe digerin, niha di nava dibistanan de bi sedan malbat hatine bicihkirin, û xwendekar jî ji xwendinê dûrketine. Ji ber êrişên Tirkiyê û grûpên çekdar bo ser Kurdistana Sûriyê ziyaneke mezin li perwerdehiyê ketiye û bi sedan dibistan hatine girtin û niha bûne stargehên koçberan ku hejmara xelkê ji cih û warên xwe bûne di nav Rojavayê Kurdistanê de zêdetire ji 350 hezar kesan.Cemîl Xidir jî wiha
dibêje 810 dibistanan proseya xwendinê rawestiyaye, 20 dibistan jî ji ber êrîşa bala�irên Tirkiyê li erdê rast bûne.Helbet Heta ku şer û alozî berdewam bikin, deriyên dibistanan jî girtî dimînin jibilî beşek ji navçeyên ku bi temamî aram nebin. Bi rastî ev kêşeyeke mezin e û divê çareseriyeke jêre were dîtin da ku zarok vegerin xwendina xwe û nifşek bi temam ji nezaniyê dûr bikeve.
ku berya niha me ti carî ev rewş nedîtibû, Dezgeha Xêrxwaziya Barzanî di vê derbarê gelek alîkarî ji me re şandine, lê gelek caran li ser me nayê belav kirin û dice hin cihên din û ev yek jî di destê Heyva Sor ya Kurd e ye ku ew jî di destê Partiya Yekîtiya Demokratîk PYDê de ye. Heta niha hejmara awareyên ku ji Serêkaniyê û Girêspî revayane gihiştiye zêdetirî 300 hezar kesî û ev hejmar jî jib o bajarê Hesekê gelekî zêde ye û pêwîstî bi pêdviyên zêdetir yên rojane heye, lewma dive çareseriyeke bilez ji vê pirsê re were dîtin û êdî alîkariyên mirovî zêdetir bibin.
Pertewa Welat
Babîsok Amûdê Pertewa welat Çira zemanî Serwerê min tu Nemir Barzan î Rêbaza ku te Ji mere danî Dişopînin em Bi dil û can î Ev rêça pîroz Ser şopedar in Bi armanc û doz Dijî neyar in Bi sûnd û peyman Her amadar in Pêşmerg ên tene Herdem li kar in Pêşeng bû Idrîs Efsanê demê Naçe ji bîr ew Şînwarê lemê Vaye li dûv te Findê berhemê Serok Mes'ûd e Çêkê Heremê .
www.pdk-s.com
4
Pêşmerge
Şiyar Elyanî Gel tev dibê pêşmerge di rojê şer û cenge Qehreman û lehenge dest bi çek û ti�inge Bi yek rêz û helwestin dijî hova yek destin hêzê hova têk diçin Kurd ber dewlet bûnê diçin Pêşmergene li meydanê deng vedane li cîhanê sînorê dewlet bûnê Pêşmerge danî bixwînê Dikin dîlan û sema li çeper û singera Benda çilî li vir nema Pêşmerga taca sera Ev roja netewiye li singerê pêşiye Her demî amadeya cê ûmid û hêviya Hov gihane li ber derî ne dema nakokiya Derrfeta me hatiya dem dema yekîtiye hêzê pêşmerga hatin can �îdayê welatin Rêzgar û pîroz dikin dîrokê tomar dikin Bi moralekî ser berze ji rêbaza Berzaniye Evîn darê welatin her tim bi qurbaniye Ew bergerên kurdistan Pêšmerge li her çar ciya ser vê axê na revin ta dilopek xwîn heya Parêzvanê kurdistan îro rûmet û cenga şerê Êlûl û Gulan Xweş dinasin pêşmerga Ketina xem û xeyala go kerkûkê em berdin bostk ji axa kurdistan bi dev neyar ve bernadin Bi biryara Berzanî Pêşmergê zêrevanî Bi lez û bez çun kobanê dibin ala kurdistanê xema nexwe kobanê sembola berxwedanê ji mexmûr ta şingalê pêşmergene li meydanê Bi karê hev beš û biryar di birin destê neyar soz û peyman li ser mebê ta welat azad ne bê berxwedan karê mebê cê hova wê li vir nebê pêşmergê Roj avane ji gundê xeta dihane ta bi kala pêşmergene em hemî bi gorîtene Ev şehyana şêraye li govendê ne xuyane xwînê hilandin sînor ji Rojava heta Başûr sed silav ji şiyar li we şehîdê axa pîroz
www.pdk-s.com