我地反對填海！ 你呢？
坪洲填海關注組 2013 年 6 月
街坊ＦＡＱ 政府有咩方案呀？ 除幾個近岸地點外，中部水域，即係 幾個離島一帶海域，填人工島，面積 加埋可達 2500 公頃，即兩個新機場 大。 順帶一提： 1 公頃=100 m x 100 m ，約一 個足球場; 100 公頃 = 1 平方公里, 香港約 1000 平方公里大，坪洲面積差不多一平方 公里。
上次諮詢通過左喇 實情係沒有出現壓倒性贊成意見，抽 樣電話調查仲反映較多人反對添，而 且對政府所謂六管齊下策略，填海係 最多人認為不重要。 （註：六管齊下－改劃土地用途﹑收 地﹑填海﹑岩洞﹑重用石礦場﹑重建）
香港地少人多，始終唔夠 地 香港人多，但政府一直高估人口，上 次話 2039 年會有 890 萬人，後來修 正到 2041 年只係 847 萬。更重要係， 香港生育率根本就低，而家人口增長 主要靠遷移人口，但其實單程證 quota 都一直用唔晒，只要有一個人 口政策，人多唔係必然。 至於地少的問題，其實上次諮詢得出
的社會意見係最後先要填海；而且仲 有大把地可以諗，例如已破壞土地 （所謂棕地，約有 800 公頃） ﹑空置 工業用地及其他閒置用地等等；仲有 最近講個Ｄ公務員合作社用地﹑什麼 高爾夫球會所用地等等，山大斬埋， 不過政府一直冇全盤講，問一句答一 句，而且態度係捨難取易，填海最方 便。
真係好多人要上樓，新聞都話 有十幾萬人住檔房 政府現時幾個近岸填海地點都不適 合又或不打算起樓，只有馬料水似Ｄ； 再者，即使有地起樓，又是否一定用 來起公／居屋？起幾多呢？ 最近就有民間研究指，只要將啟德發 展區設計改少少，在不影響體育城等 等下，可以起多Ｄ公營房屋。這些例 子說明，尚有空間同彈性。 而且政府政策有時好矛盾，例如房委 會將舊邨拆左，塊地物俾返政府起私 樓，北角邨係例子喇。
新加坡都係填喇 係，但政府冇提過，新加坡（2011 統計）人口 526 萬；有一百四十幾萬 係非本地居民，當中六成係工作簽證 (46%)﹑同外傭(14%) http://population.sg/resources/popul ation-composition/#.UbCnYPmW_oI 一方面填海，另一方面又輸入咁多人， 即係點呢？新加坡真係好例子嗎？
關注組過去幾個月活動 分享會 題目： 《填海‧真與 假 - 為誰填海？香 港真的缺少土地 嗎？》 日期： 4 月 27 日(六) 嘉賓講者：前港大房 地產及建設系助理 教授、房產發展研究 中心 姚松炎博士
急急急... 鄉事委員會告示指土木工程處代表星期三晚 入坪洲，想講意見就記得出席！ 時間：六月十九日晚上七點 地點：龍母廟