Magazine 10

Golis Magazine July, 2014

2

Tusmo 01. Shirkadda Golis oo maareeye cusub yeelatay.

Maamulka shirkadda Golis ayaa si rasmi ah u shaaciyay in Siciid Aadam Axmed loo magacaabay maareeyaha guud ee shirkadda Golis, ka dib markii uu Aadam Sheekhdoon Cali si ku-meel

02. Mashruuca hubi dhiiggaaga iyo golis Jaamacadda Bariga Africa iyo shirkadda Golis oo iskaashanaya ayaa fuliyay mushruuc ay ugu magac dareen “ Hubi DHigaaga” mashruuca ayaa ujeedkiisu yahay in la ogaado nooca ....

03. Golis oo soo dhaweysay Qoraa Siciid Shire Shirkadda Golis ayaa waxay soo dhaweysay qoraaga weyn ee Soomaaliyeed Siciid Cali Shire, Qoraaga ayaa waxaa socdaalkiisa ku waheliyay Cali Cabdulqaadir ...

04. Shirkadda Golis oo haddiyad qaali ah ..

Shirkadda isgaarsiinta Ee Golis Telecom Somalia ayaa haddiyad qaali ah ugu deeqday Suldaanka Beelaha Meheri iyo Suqadara ee dalka Yemen

Golis Magazine, July, 2014

3

Ereyga Tafaftiraha Hawl kama daale wali waa hogadii Maalin walboo qorraxdu soo iftiinto,waxay tusinaysaa qof kastoo adduunkaan ku nooli in weli fursad uu haysto,taas oo loo baahanyahay in uu uga faa’iideysto cibaadada Eebbe, shaqo badana qabsado,si ugu yaraan adduunkaan wax uga tabcado.

Iyadoo aan ka amba qaadayno arinkaa,ayaa markii uu soo dhawaado xilligii soo saaridda Magazine-ka Golis,waxay bahda magazine-ka Golis xoogga saaraan sidii ay u soo saari lahaayeen caddad farxad geliya macaamiisha shirkadda Golis.

Xiriirkaa joogtada ah awgii,ayaa muddo markii la joogaba la aruuriyaa dhacdooyinkii shirkadda soo maray muddadaas,ka dibna loo soo bandhigaa macaamiisha

shirkadda.si loo joogteeyo isku xirnaanta.

Wax badan waxaan ku cel celiyay in “Golis Magazine” aanu ku koobnayn oo kaliya ka warbixinta shirkadda iyo waxa ay qabatay, balse ay damacsanyihiin maamulka warsidahaan in uu noqdo mid dadkoo dhan u simman yihiin.

Sidee arinkaa ku hir-gali karaa? Waa su’aasha ka dhalan karta waxa aan soo sheegnay,sida aan la socono,adduunku maanta wuxuu marayaa heer la isticmaalo waxa loo yaqaan “social Media” sida: Facebook, Twitter, instigram oo dhammaantood ah goobo lagu tabiyo wararka,bulshaduna isku barato.

C/fataax nuur (Ashkir) Graphics & Design: Abdallah yusuf muse

Golis Magazine July, 2014

4

Kalmadda Maareeyaha

Adeegga Sahal Adeega mobile money waa adeega waqti dhaw caalamka ku soo biiray si xawli ahna u koraya waxa uu kor u qaaday dhaqaalaha gaar ahaan wadamada soo koroya. Wadamada soo koraya waxaa la qiyaasaa in dadkooda 90% aysan helin adeega bangiyada aysana lahayn xisaab bangi, Sidaa darteed mobile money waxaa uu noqday sida ugu haboon in dadkaasi ku heli karaan dhaqdhaaq xisaabeed oo la saan qaadi kara duruuftooda iyagoo isticmaalaya telefoonkooda mobile-ka ah.

Mobile Money Waxaa laga hirgaliiyay wadamo badan oo caalamka ah, filibiin ayaa ah wadamadii ugu horeey oo hirgaliyay mobile money 2001 Mart Telecom ayaa hirgalisay Smart money 2004 kiina shirkada isgaasiinta Globe Telecom ayaa hirgalisay GCash Labadaan shirkadood oo labdaan shirkadood waxay si baaxad leh wadanka filibiin uga hirgaliyeen adeega mobile money, Wadamo badan ayaa iyaguna hirgaliyay oo Africa iyo caalamka

kalebe ah sida Koofur Africka, Keenya, Zimbawi, Tanzania, Ugnada, K/ Sudaan, Gabon, Najeeriya, Madagaskar, Somalia, Indoniisia, Malayshiya, Bangaaladesh, IWM. Dhamaan wadamada waxaa ka hirgaliyay mobile money shirkado isgaarsiin iyo xawaalado (money transfer), hase ahaatee wadanka UAE ayaa waxaa lagu faafiyay joornaal-ka Alkhaliij 06, June 2014 in uu noqon doono wadankii ugu horeeyey ee bangiyadiisu ay hirgaliyaan mobile money.

Soomaalia waxaa dawladii dhexe ka burburtay 1991, waxaa la burburay kaabayaashii dhaqaalaha sida bangiyadii iyo isgaarsiintii iyo dhamaan adeegyadii ay dawladu qaban jirtay.

Waxaa u istaagay in ay buuxiyaan booskii banaanaday bulshada rayadka oo dib dhis ku samaysay Isgaarsiinta iyo bangiyadii Waxaana isgaarsiinta laga sameeyay horumar aad u balaaran oo xataa aysan ku talaabsan qaar badan oo ka mid ah wadamada africa. Isgaarsiinta soomalia dadku

Golis Magazine, July, 2014

5

waxay ku hadli karaan qiimaha ugu jaban africa. Somalia oo aysan ka jiri jirin adeegyo dhinaca maaliyada oo dabooli kara baahida dadka waxay ka samaysay horumar baaxad leh adeega mobile maney. Adeega Mobile money waxa uu ka qaybqaatay dhaqaalaha wadamada soo koraya ee africa guud ahaan gaar ahaana dadka soomalia oo uu noqday adeeg ay aad ugu yihiin xiligan oo duruufahooda la socda.

Golis oo ka mid ah shirkadaha horumarka wayn ka sameeyay isgaarsiinta waxay Iyadoo ka faa’iidasanaysa technojiyad isgaarsiinta hirgalisay sanadkii 2009 Adeega mobile money ee SAHAL kaas oo u suura galiyay macaamiisha shirkada Golis in ay lacagahooda ku keydsadaan mobile-kooda, ugu dirsadaan lacaghooda meeshii ay doonaan dalka gudihiisa ah, ku iibsadaan badeecadii ay doonaan, ku shubtaan mobile-kooda si ay ugu hadlaan, Waxaa macaamiisha loo suuragaliyay in ay lacagta mobile-kooda ku shubtaan account-ka bangiga iyo in ay kala soo baxaan markii ay u baahdaan. Faa’iidooyinka mobile money waxaa ka mid ah 1.In uu yareeyo danbiyadii la xiriitay lacagaha madama an qof looga jeedin

wax lacag ah ee uu wato.

2.In uu yareeyo culayskii lacagta la qaadayay oo gaar ahaan soomalia oo ay aad dhib badan tahay qofku in uu qaado lacag soomali si uu wax ugu soo iibsado.

3.In uu yareeyo kharashkii ku baxayay qaadida lacagta.

Shirkada Golis iyadoo ka faa’iidaysnaysa barnaamijkeeda SAHAL waxay sameeysay Adeega Taaj. Adeega Taaj waa adeeg xawaladeed oo casri ah macaamiisha u suuragalinaya in lacagahooda loogu soo diro mobile-kooda iyo in ay ugu diraysan karaan dalka dibadiisa iyagoo isticmaalaya mobile-kooda ama lacagtooda ka dirsanaya xafiisyada u qaabilsan shirkada Golis adeega Taaj.

Waxay Golis heshiis la gashay Xawaaladah Qaarkood sida tawakal iyo kuwo kale si lacagaha ay uga soo diraan dalka dibadiisa looguna diro. Adeega Taaj wax uu macaamiisha u sahlayaan in ay ku helaan lacagaha dibada looga soo diro mudo daqiiqado ah halkii ay awal ku qaadan jirtay mudo maalmo ah. Fursadaha iyo adeegyada faraha badan ee shirkada Golis ay siisay macaamiisheeda waxay keneen in macaamiisha iyo shirkada Golis ay isugu xirnaadan sida kaluunka iyo biyaha.

Siciid Aadam Axmed Maareeyaha Guud ee Shirkadda Golis

Golis Magazine July, 2014

6

Shirkadda Golis

2014

oo maareeye cusub yeelatay.

Maamulka shirkadda Golis ayaa si rasmi ah u shaaciyay in Siciid Aadam Axmed loo magacaabay maareeyaha guud ee shirkadda Golis, ka dib markii uu Aadam Sheekhdoon Cali si ku-meel gaarnimo ah u waday shaqada Maareeyenimo ee shirkadda Golis.

Maareeyaha Cusub ayaa la kulmay dhammaan shaqaalaha shirkadda isagoo ay kulankaasi ku weheliyeen maamulka sare ee shirkadda Golis, kuwaas oo gaarsiiyay shaqaalaha go’aankii maamulka sare ee ahaa in “ Siciid Aadam Axmed” loo magacaabay maareeyaha guud ee shirkadda Golis.

Wuxuu maareeyuhu sidoo kale la kulmay maamulka shirkadda ee ka hawl gala dhammaan goboladaPuntland,Hoggaamada,Agaasimayaasha, iyo dhammaan madaxda qaybaha kala duwan ee maaamulka shirkadda,si loo gaarsiiyo go’aankii maamulka sare ee ahaa in Siciid Aadam Axmed uu yahay maareeyaha guud ee shirkadda Golis.

Siciid Aadam Axmed ayaa ah shakhsi ku

xeel dheer maamulka iyo agaasinka,waayo aragnimo dheerna u lehdhinaca maamulka lacagaha iyo maaliyadda.Waxa uu muddo 10 sano ah ahaa maareeye ku-xigeenka shirkadda Golis.

Maareeyaha waxa uu ka qalin-jabiyay mac-hadkii “SIDAM” wuxuuna ku takhasusay maamulka iyo maareeynta,isagoo jaamacadda ka horna dhamaystirtay Schoolka Beeraha sannadku markuu ahaa 1983.

Golis Magazine, July, 2014

7

Sawir Muujinaya Ardayda Jamacadda Oo Baaraya Dhiigga Shaqaalaha

“Hubi Dhiiggaaga” iyo Shaqaalaha Golis Jaamacadda Bariga Africa iyo shirkadda Golis oo iskaashanaya ayaa fuliyay mushruuc ay ugu magac dareen “ Hubi Dhiggaaga” mashruuca ayaa ujeedkiisu yahay in la ogaado nooca uu yahay dhiigga shaqaalaha ka hawl gala shirkadda Golis.

Ujeedka mashruuca ayaa maamulka shirkaddu waxay ku sheegeen in uu yahay in la ogaado nooca dhiigga kaas oo wax badan tari doona shaqaalaha meel kasta oo ay joogaan.

Madaxa xafiiska shaqada iyo shaqaalaha Cabdulaahi Cabdi Shabeele ayaa sheegay in mashruuca “Hubi dhiggaaga” natiijada ka soo baxda lagu qori

doona aqoonsiga Shaqaalaha (ID-ga).

Wuxuuna yiri “ waa muhiiim in shaqaaluhu ogaado nooca dhiiggiisa,waayo waxay u sahlaysaa in uu garan karo nooca dhiiigga markii looga baahdo”.

Shabeele ayaa hadalkiisa wuxuu ku daray “ waxaa sidoo kale suuragal ah in qof shaqaalaha ka mid ah shil ku yimaado,loona baahan karo in si deg deg ah dhiig loogu shubo,haddii aqoonsiga shaqaalaha la helo waxaa sahlanaanaysa in si dhaqsa ah dhiig loongu shubi karo”.

Madaxa shaqada iyo shaqaalaha ayaa sidoo kale sheegay in hawl galo kaloo caafimaad loo sameyn doono shaqaalaha shirkadda,oo ay ka mid yihiin in la baaro cabirka indhaha iyo baaritaano kaloo muhiim u ah nolosha shaqaalaha shirkadda.

8

Midi hoggaanka PR, Hogganka ganacsiga Qoraa siciid

Golis Magazine July, 2014

Shirkadda Golis

oo soo dhaweysay Qoraa Siciid Cali Shire Shirkadda Golis ayaa waxay soo dhaweysay qoraaga weyn ee Soomaaliyeed Siciid Cali Shire, Qoraaga ayaa waxaa socdaalkiisa ku waheliyay Cali Cabdulqaadir oo ah madaxa hay’adda “Hadaf” oo Cilmi Baaris xagga waxbarashada ah ka sameysa deegaanada Puntland.

Qaar ka mid ah maamulka shirkadda Golis ayaa soo dhaweeyay qoraa Siciid Cali Shire,ayagoo ku tilmaamay wax soo saarkiisa dhinaca qoridda buugaagta in uu yahay mid miro-Dhal fiican leh oo ay dadku ka faa’iidaan.

Waxay tilmaameen in qoraaladii-

sa dhinaca horumarinta gacansiga iyo maamulka ay shirkaddu aad uga Faa’iiday,dadkana ay ku boorin doonto in ay ku taxnaadaan qoraaladiisa.

Siciid Cali Shire ayaa dhinaciisa sheegay in shirkadda Golis iyo asaguba ay ka wada shaqayn karaan sidii dadka aqoonta lagu gaarsiin lahaa,weliba aqoonta xiriirka la leh waxbarashada iyo horumarka dhinacyada dhaqaalaha.

Shirkadda Golis ayaa ka mid ah shirkadaha sida gaar ah loo leeyahay,misana isku hawsha sidii umadda horumar dhaqaale,Bulsho,Aqoon,intaba loo gaarsiin lahaa.

Golis Magazine, July, 2014

9

Shirkadda Golis oo haddiyad qaali ah guddoonsiisay Suldaanka Beelaha Meheri.

Shirkadda isgaarsiinta Ee Golis Telecom Somalia ayaa haddiyad qaali ah ugu deeqday Suldaanka Beelaha Meheri iyo Suqadara ee dalka Yemen Shiradda ayaa haddiyad qaali ah kala siisay Suldaan Cabdalla Al-Cafraar iyo Sh.Yuusuf oo ah nabadoon qabiilka beelaha Meheri ee dega jasiiradda Suqadra,Gen.Al-Xiraysi oo ah abaan duulaha cidamada ilaalada xudduuda Yemen oo dhammaantood ka soo jeeda Beesha Meheri Ee dalka Yemen. haddiyadan oo ka koobnayd khayraadka dhulkeenu la gaarka yahay ayaa waxaa guddoonsiiyay Madaxa Hoggaanka Ganacsiga Ee shirkadda Golis Mudane Cumar Ciise Maxamed.

Haddiyadaas qaaliqa ah ayaa wafdiga Meheri Ismaaciil ee soo booqday degaana-

da Puntland si ay uga qayb galaan caleema saarkii boqorkii 34-aad ee beelaha Daarood.

Wafdiga Meheriga ayaa intii uu joogay dalka waxa uu la kulmay qaybaha kala duwan ee bulshada,shirar gaar ahna la yeeshay beesha Meheri ee degaanada Puntland. shirkadda Golis waxay ku caan baxday fur furnaan iyo xiriirka ay la leedahay bulshada , taasoo ay ku kasbatay in bulshadu ugu yeerto halkudhegga ah “ISGAARSIINTA GEYIGEENA” . waxaa xusid mudan in shirkadda Golis ay door lixaad leh ka soo qaadatay baahinta iyo sidii caalamku ula socon lahaa doorashooyinkii ka dhacay Puntland . caleemasaarkii madaxweynaha Puntland iyo weliba caleemasarkii Boqorka beelaha Daarood.

Golis Magazine July, 2014

10

Shirkadda Golis oo Imtixaan ka qaaday 90 qof oo u tartamay shaqo ka bannaan IT-ga.

Shirkadda Golis Talecom Somalia ayaa imtixaan ka qaaday dad tiradoodu gaareyso 90 qof, una tartamay shaqo ka bannaan xafiiska IT-ga, oo ah xafiisyada ugu shaqada badan shirkadda Golis.

Dadka u tartamay jagada bannaan ayaa ah dhammaantood kuwa ka qalin jabiyay jaamacadaha ku yaal Puntland.

Madaxa xafiiska shaqada iyo shaqaalaha Cabdulaahi Cabdi Shabeele ayaa sheegay in shirkadda Golis ay tahay shirkad ku dhisan caddaalad, shaqo kasta oo ka bannaanatana waxa uu yiri “ waxaan qaadnaa Imtixaan loo simanyahay”.

Ma aha markii ugu horeysay ee loo

galo shaqooyinka shirkadda Golis Imtixaan,ee mar kasta oo ay shaqo soo baxdo waxay qaaddaa Imtixaan,qofkii ku gulaysta Imtixaankaas ayaa hela booska loo doonayo shaqaalaha.

Shirkadda Golis waa shirkad Isgaarsiin kana hawl gasha Gobolada Puntland,waxaa la dhisay shirakadda 2002,intii ay shirkaddu hawada ku jirtayna dadka reer puntland wax badan ayey tartay.

Golis Magazine, July, 2014

11

Shirkadda GOLIS oo soo bandhigtay adeegga “kulmiye�

Shirkada Golis ayaa soo bandhigtay adeeg cusub oo loogu magac daray adeega KULMIYE adeegaas oo kulminaya 4 adeeg oo ay shirkadu bixiso horena u shaqeen jiray oo kala ah: 1.adeegga my account oo ACCOUNT-gaaga ama SAHAL -kaaga caadiga ah aad ka isticmaali kartid computer-ka adigoo gurigaaga jooga sida inaad lacag ka diri

karto dhaq-dhaqaaqaaga (Report) kala socon kartid.

2. adeega baaq (MySMS) kaa soo kuu suurto galinaya in aad shaqaalahaaga ama dadka aad isku organization ka tihiin inaad u diri karto message

hal mar adeegga ayaa aad loogaga baahnaa shirkadaha iyo goobaha waxbarashada sida jaamacadaha iyo school-ada

3.adeegga prepaid internet oo aad internetka ka isticmaali karto kuna shuban karto inta aad rabtid inaad isticmaasho adeegaas oo aad ay hadda u isticmaalaan ardayda bahda saxaafada iyo guud ahaan bulsho weynta.

4.adeegga Land Line ka oo asagana aad isticmaali karto si caadi ah asa-

Golis Magazine July, 2014

12

goo internet kuna kuu joogo sidoo kale telephone kaaga Land line ka ahna ku isticmaali kara adeega ila hadal oo horay u jiray sidoo kale waxaa ka hadlay xafladaas lagu daah furayay adeega kulmiye masuuliyeenta shirkada GOLIS sida Hoggaanka Xiriirka dadwaynaha faarax xaaji mire, Hoggaanka ganacsiga Cumar ciise maxamed.

Golis Magazine, July, 2014

13

ARAGTIDA ISLAAMKA EE DHAQAALAHA Sh. Faysal Xuseen Mire

Dhammaan macnaha iyo mugga uu leeyahay mawduucani kuma wada koobi karno hal qoraal ama wax la mid ah, balse waxaan maqaalkan ka eegi doonaa mabaa’dida guud

ee uu salka ku hayo dhaqaalaha islaamku iyo arrimaha uu kaga gedisanyahay dhaqaalaha ummadaha kale.

Marka laga yimaado mabaadi’da guud ee

Golis Magazine July, 2014

14

shareecada loo soo dejiyey (sida ilaalinta Nafta, caqliga, maalka, diinta, isirka iwm) dhaqaaluhu wuxuu leeyahay mabaadi’ isaga u gaar ah oo lagu ilaaliyo xalaalnimadiisa iyo kobcintiisaba.

u jeexday hagayaal aan laga lumi Karin, sidoo kale waxay siisay tixgelin maskaxda ibnu aadamka iyo waaqacooda kala duwan, si qolo waliba sida ku haboon u hirgeliso khadkaas guud ee loo jeexay

Maadaama aan qormadan ugu talo galay bulsho waynta waxaan si guud oo dadku wada fahmi karaan ugu soo bandhigaynaa mabaadi’da aasaaska u ah dhaqaalaha Islaamka.

Mabaadi’da Guud Ee Dhaqaalaha Islaamka.

Macnaha dhaqaalaha islaamka waxaan ku qeexi karnaa inuu yahay: “waa cilmiga habeeya xidhiidhka u dhexeeya shaqsiga iyo maalka, haday tahay nidaamka wax soo saarka dhaqaale, kobcinta iyo habka isticmaalka iyo bixintiisaba, si waafaqsan mabaadi’da iyo axkaamta shareecada islaamka’”.

Sida qeexitaankan ka muuqata waxa jira mabaadi’ iyo axkaam qaabeysay eray bixintan, hadaba waa maxay mabaadi’daasi?

Guud ahaan dhaqaalaha islaamku wuxuu ka kooban yahay laba nooc oo mabaadi’ ah, oo kala ah: a)Mabaadi’ sugan oo aan is bedbedelin weligeed. Mabaadi`da noocan ahi kuma salaysna ijtihaad ama dedaal, ee waa kuwo sidooda loo ilaalinayo oo loo fulinayo. (‫)اﻟﺛواﺑت‬

Si aan u xaqiijiyo maqaasidda iyo danaha shaareecaddu ka leedahay maalka waxaynu si kooban u soo bandhigaynaa inta ugu muhiimsan mabaadi’da uu dhaqaalaha islaamku ku dhisan yahay: 1-Mabda’a qaadashada xalaasha iyo ka dheeraanshaha xaaraanta.

2-Mabda’a lahaanshaha.

3-Mabda’a dhiiri gelinta wax soo-saarka iyo shaqada.

4-Mabda’a caddaaladda wax qaybsiga iyo maal-wadaaga sharciyeysan.

5-Mabda’a dhexdhexaysiga.

6-Mabda’a mudnaanta iyo kala hormeynta baahiyaha.

7-Mabda’a masuuliyadda tacmiirka iyo khilaafada dhulka.

8-Iyo kuwo kale

b)Mabaadi’ is bedbedesha oo hadba la jaan qaada wakhtiga, goobta iyo nooca bulshadu tahay. (‫ ) اﻟﻣﺗﻐﯾرات‬Noocan dan-be waa mid ku salaysan ijtihaad iyo dada-alka lagu dabaqayo ama lagu hawlgelinayo qawaacida ama mabaadi’da sugan ee aan iyagu is door.

Arintanii waxa ay muujinaysaa dheelitirka shareecada, iyadoo dhinacna dadka

1-Mabda’a Hirgelinta Xalaasha Iyo Ka Fogaanshaha Xaaraanta. ‫ﯾﺎأﯾﮭﺎ اﻟﻧﺎس ﻛﻠوا ﻣﻣﺎ ﻓﻲ اﻻرض ﺣﻼﻻ طﯾﺑﺎ وﻻ‬-) :‫ﻗﺎل ﺗﻌﺎﻟﻰ‬ ‫)ﺗﺗﺑﻌوا ﺧطوات اﻟﺷﯾطﺎن اﻧﮫ ﻟﻛم ﻋدو ﻣﺑﯾن‬

Wuxuu dhaqaalaha islaamku xadeeyey ha-

Golis Magazine, July, 2014

15 naanka wax soo saarka iyo shaqada taasoo macnaheedu yahay in xoolahaagu iyo wax soo saarkaagu noqdaan xalaal, sidoo kale in wax bixintaada iyo maalgelintaadu noqoto mid sharciga ku banana. Ilaahayna waxa uu baneeyey wanaag oo dhan – mid aduun iyo mid aakhiro- wuxuuna ka reebay xumaan oo dhan, eeg aayada (157) ee suuratul acraaf. ‫ﱠ‬ َ َ ‫ﯾﮭم‬ ِ ‫ ) َُو ُﯾ ِﺣ ﱡل َﻟ ُﮭ ُم اﻟطﯾﱢﺑﺎ‬:‫)ﻗﺎل ﺗﻌﺎﻟﻰ‬ ‫اﻟﺧﺑﺎ ِﺋث‬ ِ ‫ت َو ﯾ َُﺣرﱢ ُم َﻋ َﻠ‬

Hadaynu si kale u dhigno waa in miisaaniyadda dawlada, tan bulshada, tan qoyska iyo tan qofkuba noqotaa mid ku timaada jid xalaal ah, kuna baxdaa jid xalaal ah, waa in wax soo saarkaaga(production) iyo isticmaalkaagu (consumption) xalaal yahay.

Waana arinta uu rasuulku ku tilmaamay xadiiska ka sugnaaday ee macnihiisu yahay: in adoonku aanu qiyaamaha meesha la taagan yahay ka dhaqaaqayn ilaa la waydiiyo, afar su’aalood oo ay ka mid yihiin, xoolihiisha meesha uu ka kasbaday iyo meesha uu ku bixiyey, waxa lagu waydiiyanayaa: ganacsigaagii, miisaaniyadaadii maaliyadeed ee adduunka, wax soo saarkaagii iyo sidaad u isticmaashay (production & Consumption). Waa sababta Ilaahay u banneeyey xalaasha una xarimay Ribada.

Sidaasi awgeed waxaa dhammaan ganacsatada shirkadaha iyo shakhsiyaadkaba waajib ku ah ilaalinta mabda`aas ah xalaal miirashada iyo ka fogaanshaha mucaamalaadka xaaraanta ah.

‫وأَ َﺣ ﱠل ﱠ‬: ‫ﷲُ اﻟ َﺑﯾ َْﻊ َو َﺣرﱠ َم اﻟرﱢ َﺑﺎ‬ َ ‫ﻗﺎل ﺗﻌﺎﻟﻰ‬ 2- Mabda’a Lahaanshaha: Dhaqaalaha islaamku waxa uu ku dhisan yahay mabda’ odhanaya “hantida iyo maalka waxa iska leh Ilaahay banii aadamkuna waxay ka yihiin wakiil”, Allaah waxa uu ku yidhi aayadda (7) ee suratul xadiid {Ilaahay iyo rasuulkiisa rumeeya oo bixiya maalka uu Ilaahay idiin dhiibtay}

ِ‫ﯾن ِﻓﯾﮫ‬ َ ‫)آ ِﻣ ُﻧوا ِﺑﺎﻟﻠﱠـ ِﮫ َو َرﺳُوﻟِ ِﮫ َو أَﻧ ِﻔﻘُوا ِﻣﻣﱠﺎ َﺟ َﻌ َﻠ ُﻛم ﻣﱡﺳْ َﺗ ْﺧ َﻠ ِﻔ‬:‫ٌ ﻗﺎل ﺗﻌﺎﻟﻰ‬ ‫) َﻓﺎﻟﱠذِﯾنَ آ َﻣ ُﻧوا ﻣِﻧ ُﻛ ْم َو أَﻧ َﻔﻘُوا َﻟ ُﮭ ْم أَﺟْ ٌر َﻛ ِﺑﯾر‬ Macnahan aayado badan oo kale ayaa tilmaamaya sida aayadda suuratu nuur (33). ‫ﱠﺎل اﻟﻠﱠـ ِﮫ‬ ِ ‫ِﯾﮭ ْم َﺧﯾْرً ا َو آ ُﺗوھُم ﻣﱢن ﻣ‬ ِ ‫ ( َﻓ َﻛﺎ ِﺗﺑُو ُھ ْم إِنْ َﻋﻠِﻣْ ُﺗ ْم ﻓ‬:‫ﻗﺎل ﺗﻌﺎﻟﻰ‬ ‫)اﻟﱠذِي ْآﺗَﺎ ُﻛم‬ Taasoo macnaheedu yahay in maalkan iyo dhaqaalahan gacantaada ku jira aad u adeegsato danahaaga iyo masaalixda guud ee mashruuca ah oo keliya, iyadoo ay kaa reebantahay inaad u adeegsato wax ilaahay kaa xarrimay, si kale hadaynu u dhigno xorriyad iska furan oon dabar lahayn uma haysatid dhaqaalaha, ee xoriyada lahaanshahaagu waa mid ku xadeysan sharciga. ‫ِﯾن آ َﻣ ُﻧوا ﻻ َﺗﺄْ ُﻛﻠُوا أَﻣْ َوا َﻟ ُﻛ ْم َﺑ ْﯾ َﻧ ُﻛ ْم ِﺑ ْﺎﻟﺑَﺎطِ ِل‬ َ ‫ َﯾﺎ أَ ﱡﯾ َﮭﺎ اﻟﱠذ‬:‫ﻗﺎل ﺗﻌﺎﻟﻰ‬ NB: waxaan sii wadi doonaa mabaadi`da aan kor ku soo xusnay haddii Alle idmo ee waa inoo iyo is arag dambe.

Golis Magazine July, 2014

16

Aadam Sheekhdoon Cali: Magac bixiyaha Adeegyada iyo hiigsiyada Shirkadda Golis oo aysan dadku u aqoon!!

Wareeysi: C/Fitaax Nuur (Ashkir)

Aadam Sheekhdoon Cali,dad badan oo ka mida aqristayaasha Golis Magazine waxay u yaqaanaan in uu ahaa maareeyihii hore ee shirkadda Golis. in yar - oo u badan maamulka iyo shaqaalaha Golis- ayaa u taqaan in uu yahay qofka sameeya eray bixinnada adeegyada kala duwan ee shirkadda Golis.Hal-Abuurka ilaahay siiyay Sheekhdoon ayaa ah mid aysan la socon in badan oo dadka dibadda ka jooga shirkadda Golis, Wareeysigaan gaarka ah ayaan rabnaa in lagu muujiyo kaalinta Aadam Sheekhdoon uu ku lahaa magac bixinta adeegyada shirkadda Golis.

Markii ay dhagtaadu maqasho qaar ka mid ah magacyada uu Aadam Sheekhdoon u bixiyay adeegyada shirkadda, waxaad dareemaysaa in Sheekhdoon luuqadda Soomaaliga si qoto-dheer u yaqaan,u dheertahayna in magacyada qaaarkood uu kala soo dhex-bixi karo Gabay horay loo tiriyay, ama hees soomaalida dhexdooda caan ka ahayd. Arinkaa ayaa ah mid sheekhdoon uu la gaar yahay,waana waxa kaliya ee ka dhigay eray bixinnadiisa kuwo aad dadka u soo jiita.

Hadaba,wareeysi arrinkaa ku saabsan ayaan

la yeelannay Aadam Sheekhdoon Cali. Aqris wacan.

1:Golis Magazine: Magac bixin Afka soomaaliga raad ku leh in loo bixiyaa adeegyada shirkadda Golis waa wax aad u adag,ma noo sheegi kartaa Adeeggii ugu horeeyay ee aad magac u bixiso?

Hor iyo horraan waxaan ugu hambalyaynayaa ummadda muslimiinta ah guud ahaan, gaar ahaanna dadweynaha soomaaliyeed siiba hawlwadeennada shirkadda Golis Telecom oo ay ugu horreeyaan maamulka iyo bahda Golis Magazine bisha barakaysan ee Ramadaan. Allaah ha inaga aqbalo acmaasha, muslimiintana dhibka Allaah ha ka qaado. su’aasha 1-Aad inta aanan ka jawaabin eray bixinta adeegyada ee Golis lagu sameeyay iguma koobna aniga. Waxaan u saari jirnay guddi ama tartan baan gelin jirnay. Tusaale ahaan adeegga GSM-ka dhallinyarada farsamada ayaa turjumi jiray sida fadlan lacag ku shubo, fadlan kor u hay iwm.Eray bixinnada anigu aan sameeyay kuma koobna adeegyada shirkadda ee waxaa jira eray bixinno ku saabsan hawlgallada shirkadda ama xayay-

Golis Magazine, July, 2014

17 siiyada sida Golis iyo Gulufka,adeegga aan libiqsan oo aan ka soo qaatay boqortooyada aan qorraxdu ka dhicin, ninkaan Sahal lahayn baa sunaami ah iyo gabadhaan sahal sidan maba garan sirta nolosha.

Ingiriisi ahaan ma samayn turjumid toos ah ee waxaan iri (3G my life style ) 4G-gana waxaan oran doonnaa ingiriisi ahaan (my enhanced life style) af soomaaliguna weli waa kayd qarsoon.

Runtii ma hubo eray bixin aan adeeg u sameeyay tii ugu horraysay.

4:Golis Magazine: adeegyada “Ku mee” “ waa I kan” “ Ku Naso” goormaad magac u bixisay? Maxay ahaayeen asalkii aad ka soo turjuntay?

2:Golis Magazine: Markii aad magac bixinayso maxaad u cuskataa? tusaale ahaan: Suugaan,Erey aad qof waayeel ah ka maqashay, ama wax la mid ah.

Marka eray bixin adeeg la samaynayo waxaa la eegaa waxa adeeggu qabanayo ama macnahiisu yahay. Tusaale ahaan: adeegga ku mushaax waa in macmiilku lambarkii lagu yaqaannay meelo ka baxsan shabakadda Golis uu ku isticmaalo. Af ingiriiska waa “Roaming” carabigana waa “Tijwaal” oo macnahoodu yahay mushaax. Marka anigu waxaan u cuskadaa eray bixinta dhowr arrimood oo kala ah: A: Aqoonta afaf kale aan u leeyahay B:sugaanta af soomaaliga C: Waxyaabaha aan daalacdo sida buug, joornaal ama xataa xaashi dabayli sidato D: iyo dhugmo aan leeyahay oo eraygu igu soo dhaco.

3:Golis Magazine: adeegga “3G” iyadoo shirkaddu ku wareersantahay magac bixintiisa,ayaad tiri “Faca saddexaad baa filkaa ah” maxaad ula jeeday? markii adeegga Sahal aan xayaysiinaynay ayaa hal ku dhegyadii aan sameeyay waxaa ka mid ahaa (ha ka harin horumarka, la jaanqaad teknolojiyada).

Waxaa dhacday in shirkado kale 3G-ga ku xayaysiiyeen la jaanqaad Jiilka 3aad.

Markaas ayaan iri (faca 3-Aad baa filkaa ah)

“ku mee” iyo “waa I kan” waxay ku yimaadeen meeshii aan ku lahaa xaashi dabayshu sidato haddan helo ishaan mariyaa. Anoo Cummaan jooga baan arkay adeegga “waynak” ee Omantel leedahay markaas baan shirakadda u soo gudbiyay in adeegga kumee la sameeyo dabeedna la sameeyo mid kale oo ah waa I kan.

5:Golis Magazine: ugu danbayntii, Golis waxaad maareeye ka ahayd muddo 10 sano ah, sidee u aragtaa haddii muddadaas aad xilka joogtay wixii aad u soo joogtay buug ka diyaariso?

Runtii Golis Telecom taariikh dheer baan la soo maray. Dadka waxaa u muuqdaa baaxadda dhulka ee aan gaarnay muddadii maareeyaha aan ka ahaa oo 10 sano ah.

Waxaase jira waxyaaba badan oo u baahan in la muujiyo sida horumarka aqoonta hawlwadeennada, ka shaqaynta jawiga iyo aan dawladi ka jirin ama iskaba adag, qaab maamuleedkaygii (management style) iyadoo ay tahay in hawlwadeennada iyo macaamiishuba aragtidooda iyo qiimayntooda ka dhiibanayaan. Aad bay u habboon tahay inaan uruuriyo oo buug ahaan loo soo saaro waxyaabihii nala soo soo dersay iyo sida aan uga jiba keennay ama uga samata baxnay.

Golis Magazine July, 2014

18

Golis iyo Tartanka Ciyaaraha

7-aad ee Gobolada Puntland..

Shirkadda Isgaadhsiinta Golis Telecom Somalia oo ah shirkadda Ugu Ballaadhan Deegaanada Puntland Dhinaca Isgaadhsiinta ayaa Intabadan Waxay Doorkeeda Kaqaadataa Arrimaha Horumarka Ee Kasocda Deegaanada Puntland.

Koobkii Ugu Dambeeyey Ee Gobollada Puntland oo Noqonaya Koobkii 7aad ayaa shirkadda Golis Telecom Somalia waxay Kaciyaartay Door aad U muhiim ah , Waxaanay Sahashay In 120 kii Daqiiqo ee Ciyaartaasi Soconaysey Laga Daawanayey Guud ahaanba Dalka iyo Daafaha Caalamka Qofwalibana uu Isagoo Gurigisa Jooga Si xarrago ah uu Ugu Daawanayey.

Sidookale Shirkadda Isgaadhsiinta Golis Telecom Somalia ayaa waxay Gebagebadii Koobka Kusagoo tisey

Dhallinyadii Ciyarayey Ee Gobollada Sool iyo Nugaal Munaasibad Qada Sharaf ah Taasoo Shirkadda Golis Ay Kula Dardaarantay Dhalinyarada Inay Iska Ilaaliyaan Muqaadaraadka Noocyadiisa Kala Duwan Kuna Dadaalaan Siday Gacmaha Isu Qabsanlahaayeen Una Horumarinlahaayeen Mihnadooda Ciyaareed isla Markaasina ay Ugaadhi lahaayeen Inay Kamid Noqdaan Xulalka Qaranka Ee Soomaaliya.

Maaha Tallaabadi Ugu Horaysay ee Dhinaca Horumarka ay qaaday Shirkadda Golis Balse Dhinaca Tartannada Aqoon Korodhsiga, Taakulaynta Dadka Tabaalaysan, Horumarinta Ganacsiga , Iyo Kaqayb qaadashada Dhammaan Horumarinta Kaabasha Dhaqaalaha Dalka Iyo Dhisma Jidadka ayay Kaqaybqaadataa Waa tan Ay Aad Ugu Mahadiyen Inta Badan Shucuubta Puntland

Golis Magazine July, 2014

19

Astaanta Golis

oo ka Muuqata ciyaartooyda

Golis Magazine July, 2014

20

Xiriirka ka dhexeeya Horumarka Technologiayda iyo Koboca Dhaqaalaha Maxamed Mahad Ciise

Waxaa hubaala in umad kasta oo ilaahay abuuray ugu nimceeyey kheyraadkiisa noocuu rabo ha ku noolaadeen meeshii uu ilaahay ugu tala-galay tirada ay rabaan ha ahaadeen, sida kheyraadka noociisa ceeriin, kan bisil iyo kan beerashada ku bislaada kuliba. Culumada dhaqaalaha waxa ay dhahaan dhaqaalaha markiisii hore waxaa gacanta ku hayn jiray ama maamuli jirey boqortooyo awood iyo taariikh soo jireena ku maamusha umada ay markaas u taliso sida buqortooyadii (China) iyo (Andalus).

Sidoo kale waxaa wada shaqeyn xoog leh ay ka dhexeeyeen nooca maamul iyo hadba aragtida maaraynta dhaqaalaha waxaa jira labo aragti oo badana ay ku kala duwan yihiin culimada dhaqaaluhu oo kala ah Hanti goosad iyo Hanti wadaag (Capitalisim and Socialism) khuburada cilmiga dhaqaalaha kooxba mid bay xooga saaraan sida Adam smith, David Ricardo, Fredrick and Milton fried man waxa ay wax badan ka qoreen fikarka (Capitalismka) halka rag badan oo kaleeto ay qabeen in horumarka dhaqaaluhu ay sal dhig u tahay (Socialism) sida Robert owen, PL, John stuart and G. Bernard show Waxaan tuslaae ahaan usoo qaadan karaa

midowgii sufayti ama Union of soviet socialist republic (USSP) oo aamin sanaa fikarka Socialism) iyo waliba wadanak Singapore oo lagu tiriyo dawladaha aamin san fikarka ( Free market capitalism & Singapore state of capitalism) Culimada dhaqaalaha yahanadu qaar kamid ah waxa ay dhahaan dhaqaaluhu waxa uu soo maray marxalado kala duwan laga soo bilaabo:1.Xiligii qawlaysatada oo ay dadku cuni jireen ugaarta waxa ugu qaalisan oo waagaas laga ganacsan jireay waxa ay ahayd ugaarta dadka hantida badan haystana waxay ahaayeen dadka ugaarta badan haysta oo waliba ay ushaqeeyaan dad xirfad lay ah oo yaqaana sida loo ugaarsado dadka intiisa kalena waxay iibsan jireen ugaartaas oo ay ku noolaayeen.

2.Xiligii beeralayda iyo wax beerista dad ku waxay xooga saarin jireen sida ay wax u beeran la haayeen isla markaasna ugu noolaadan waxa dhulka uga soo baxa dhaqaaluhuna waxa uu xiligaas salka ku hayey waxa kazoo go’a dhulka umadana ay ku noolayd dadkuna ay shaqo ka heli jireen.

Golis Magazine, July, 2014

21 3.Xiligii xoolo dhaqashada: xoolaha oo kamid ah waxyaabaha ugu muhiimsan nimcooyinka alle ayaa waxa la fahmay in daryeelkoodu uu kaalin muhii ah kuleeyahay horumarka dhaqaalaha iyo nolosha asaasiga ah ee umad kasta oo meel ku nool.

4.Xiligii jilaabaysiga iyo badda sidoo kale dadku waxay fahmeen in Badda waxa ku jira ay kamid yihiin kheyraadka ilaahay ku manaystay isla markaasna ay ka qaalisan yihiin wax badan oo berriga laga helo laakin ay u baahan tahay xirfado gaar ah iyo raasumaal xoog leh.

5.Xiligii kacdoonka warshadaha iyo isticmaalka biraha waxaa halmar dadku ay xooga saareen maalgashiga warshadaha oo aad uga qeyb qaatay kuboca dhaqaalaha aduunka ilaa haatana saameyn weyn ku leh awooda dhaqaalaha waxaana aad uga faa’iidaystay dowladaha agabka tegnooloojiyada iyo aqoontoodu sarayso.

6.Xillgii kacdoonka edeega iyo tegnooloojiyada casriga ah, laga soo bilaabo xiliigii sha-

bakadda Internetku caalamka wada-gaartay oo aya halmar dhaqaalihii aduunka ujileecay isticmaalka iyo waliba ka ganacsiga tegnoolooyijada sababo laxiriira baahida ummadu uqabto iney helaan adeegyada ganacsiga waqti kasta oo ay u baahan yihiin 24/7 adeeg ah.

Gaba-gabadii waxaan la inkiri Karin in xiriir toos ah ka dhexeeye horumarka Tiknooloojiyada iyo koboca dhaqaalaha aduunka maxaa yeelay Tiknooloojiayda waxa ay ka mid tahay hal-beegyada lagu cabiro horumarka iyo heerka nololeed ee dal ama dawlad ay gaarto. Sidaa daraadeed waxaa muhiim in bulshada qeyba-heeda kala duwani ay ku baraarug- sanaadaan arintaas lana yimaadaan dowrka kaga aadan horumarinta Tiknooloojiyada isla markaasna ay garab sii yaan shirkadaha isu taagay kuna dhiiraday iney daboolaan baahiyaha loo qabo isticmaalka Tiknooloojiyada casiriga ah iyaga oo la jaan qaadaya adeegyada ay bixiyaan shirkadaha caalimiga ah.

Golis Magazine July, 2014

22

Sidee sharikaadkeenna iyo hey’adeheenna ugu diyaarinnaa berri?

Qoraa Siciid Cali Shire

Isbeddello waaweyn ayaa hareeyey caalamka. Waxaa la galay seben caalamkii isku beddelay tuulo (globalisation); seben, wax kastaa ku soconayaan xawaare aad u dheereeya; seben, marka la fiiriyo horumarka tiknoolojiyada, iska daa in lala socdee ay adagtahay in la tiigsado. Waa seben awoodaha is biirsaday ee tiknoolojiyada, guur-guurka dadka, isku fur-furanta caalamka iyo isku xirnaanta mujtamacu (social media) ay gil-gileen aasaaskii sharikaadka iyo hey’adaha.Waa seben ay adagtahay in shirkad ama hey’adi yeelato bura-dheeri (competitive advantage), hadday yeelatana ay adagtahay in ay xagsato.Waa seben, sharikaad iyo hey’ado badani, ay ku qarqoomeen baaxadda xogaha (big data).

Waa seben sharikaad iyo hey’ado badan uu dhinac walba dagaal kaga furmay - dhinac waxay la legdamayaan isbeddellada bey’adda (dhaqaalaha, xeerarka, tiknoolojiyada, siyaasadda), dhinac himilooyin markii hummaaggooda il wareertay laga arkaba jiho kale u boodaya (changing goalposts), dhinacna siday isaga caabbin lahaayeen tartamayaashooda.

Isbeddellaas, muga weyn, ee soo wajahay sharikaadka iyo hey’aduhu waxay buuq iyo bulaanku furaan hiraalkii iyo himilooyinkii sharikaadka iyo hey’adaha.Buuqaas iyo bu-

laankaasina, haddaan si fiican loo wejihin, wuxuu keenaa in jihadii loo socday laga ambado ama la arki waayo.Ambadkaasina wuxuu, sida meelo badan laga arkay, saamayn ballaaran ku yeeshaan sayladdii iyo macaamiishii shirkadda ama hey’adda.Saamayntaasi waxay noqon kartaa shirkadda ama hey’adda oo qayb ka mid ah sayladeeddii iyo macaamiisheedii lumisa, iibkii oo hoos u dhaca, faa’iidadii oo hoos u dhacda, iwm.

Meesha isbeddelladaasi ay sharikaadka iyo hey’adaha qaarkood ku haftaan (fashilmaan), kuwo kale waa ka faa’iidaan (waxay ka qaadaan barwaaqo iyo baraare).Qormadan kooban, oo idanka Eebbe, ceelalyo u noqon doonta qormooyin taxane ah oo ujeeddadoodu tahay baraarujin iyo tayayn, waxay wax ka iftiiminaysaa asbaabaha keena in sharikaadka iyo hey’aduhu ku haftaan isbeddelladaas hareeyey caalamka iyo sida sharikaadka iyo hey’aduhu u maarayn lahaayeen, i.e. ula qabsan lahaayeen isbeddelladaas.

Waxaa jira fahan gurracan oo qaar badan oo ka mid ah sharikaadkeenna iyo hey’adeheennu qabatimeen.Waa fahan ku salaysan: dabayshaani waa gudbaysaa, daruurtaaani waa ina dhaafaysaa, daadkaani ma xoog badna. Waa dareen oranaya wax walba siday

Golis Magazine, July, 2014

23 beri ahaan jireen ayay ku soo noqonayaan.

Waa dareenka Daniel Quinn uu buuggiisa “The Story of B” ugu yeero “aragtida raha ku dhex jira biyo dab saran”.Aragtidaasi waxay tiraahdaa, haddii rah lagu dhex rido biyo karkaraya markiiba waa ka soo boodayaa, haddiise lagu dhex rido biyo qabow, oo markaas biyaha dabka la saaro, sida mar walba jirkiisu ula sii qabsanayo kulaylka ayuu wuxuu gaarayaa heer uu digsiga ku dhex bakhtiyo.Waxaa dhab ah in sharikaad iyo hey’ado badan, oo ka hawlgala meelo badan, in jirradaasi ku dhacday.Sharikaadkaas iyo hey’adahaas, oo qaarkood aan dhowaan ku soo arkay dhulkii hooyo iyo waddammada deriska la ah waxay gaareen heer ay wax walba ku fiiriyaan indhihii ay ku fiirin jireen caalamka 20 sano ka hor. Sharikaadka iyo hey’adaha ay ku dhacdo jiraddaasina, i.e. dareenku ka tago, waxay marka dambe oo ay baraarugaan dani baddaa isbeddel xanuun badan oo marar badan gaarsiisan dhimasho ama fashil.

Sharikaadkaas iyo hey’adahaas, marmar, waxa ku dhaca jirro la yiraahdo “haddii aysan jabnayn ha samayn” (if it isn’t broke, don’t fix it). Siday u sugayaan inta wax kharibmayaan ama indhaha isku qabsanayaan,ayaa waxa la gaaraa heer xeero iyo fandhaal kala dheceen oo wax la caymin karaa aysan jirin.Sharikaadkaasi, badi, waxay iska dhaadhacsiiyaan in wax kasta caadi yihiin. Marmar waxay isugu sheekeeyaan gugii kal hore mid la mid ah ayaa dhowaan di’I doona oo doog fiican soo bixin doona wax walbaana siday ahaayeen iyo ka fiican ayay noqon doonaan. Mar-mar meeshii ay meel fog fiirin lahaayeen waxay ku mashquulaan waxyaabo aan qiimo weyn ku fadhiyin. Waxay badi ictimaadaan, oo wax ku

dhisaan, warar kooban oo laga soo ururiyeydad kooban oo badi aan warkooda wax lagu dhisi karin. Marmar waa dhiirradaan, laakiin, meel dhexe markay marayaan ayay cabsadaan.Marmarna waxaa dabar bir ah ku xira qaab dhismeedka shirkadda ama hey’adda.

Sharikaadka iyo hey’adaha raba in aysan ku hafan isbeddellada, i.e. asaagood ka harin, badi, waxay sameeyaan barnaamij ay u bixiyaan barnaamijka awoodsiinta (enablement programme).Sharikaadkaas iyo hey’adahaasi waxay sameeyaan koox xirfaddooda, aqoontooda iyo waaya’aragnimadoodu sarrayso oo hormuud ka noqda sidii shirkaddu u noqon lahayd hormuudka sharikaadka.Sharikaadkaas iyo hey’adahaasi, marka hore, baaritaan buuxa ayay ku sameeyaan heerka u darbanaanta awood siinta.Waa baaritaan hadafkiisu yahay in la ogaado xirfadaha iyo nidaamka maamul ee loo baahan yahay si loo hinjiyo shirkadda ama hey’adda.Marka xiga waxaa baaritaan lagu sameeyaa heerka xirfadda ee maammulka iyo hoggaanka shirkadda.Baaritaankaani wuxuu fududeeyaa in wax laga beddelo xubnaha maammulka, sida in kuwo cusub lagu soo kordhiyo ama kuwii hore xirfaddooda la bilo ama qaar meesha laga saaro.Waxa saddexaad waa in la sameeyo hab-dhismeed, hannaan shaqo iyo aalado ay adeegsadaan maammulkaas iyo hoggaankaas cusubi.