Scenarjüś fur byłdkistiöeryj ,,DER KLINY FJYŚT” ufum bihła fum Antoine de SaintExupery NARRATOR 1 Dy kistiöeryj, wu wer wan jüh fürśteła, ej zjyr, zjyr łang y dam gypasjyt y ȧm wȧjta łand, wu ej kuma ȧ gyhȧjmer unbykanter. Ȧ kom fu ȧr klinüćikja planet, ny fejł gryser fu ȧr hyt. Dos wiöe s’B-612 śtam. Dos śtam wiöe gyzan jok ȧmöł ym 1909 jür diöh ȧ tjykjyśa astromon, wu’ȧ höt dos ym Cwyśałendyśa Astromonkongres fürgyśtełt. Nimyd wułd’um ny głiöen, bo’ȧ wiöe zjyr wynderlik ogycün. Göt zȧj dank, der tjykjyśy dyktator his y zen łoüta, do zy zih europejyś ocin, bo zyst krigja zy tutśtröf. Der Astromon ziöet wejder fu zem ufdekja ym 1920 jür, dos möł wiöe’ȧ elegant ogycün. Dy gancy wełt höt’um gygłiöet. Der II Narrator Dar ej kuma fur B-612-planet, der Kliny Fjyśt ( DER KLINY FJYŚT boügt zih ȧn gejt wȧg. Dy müzyk śtyłt zih.) Ufer planet fum klina fjyśta, ȧzu wi uf oła planeta, wühsa nycikjy fłanca ȧn unkroüt, dos hȧst, do diöt wiöe zöma fun güta fłanca ȧn fum unkroüt. Oder dy zöma śłöfa yr ad hejngyłet bocȧr wȧjł, wen ȧner krigt łöst zih ufcywekja. Ufer planet fum Klina Fjyśta wün strȧśnikjy zöma. Baobabzöma. Wen ȧner wje oüsśosa ȧn ufwahsa, wje’ȧ dy gancy planet cynistmaha. Diöh dos müst der Kliny Fjyśt ida tag s’mügjys dy oüsgyśosta baobaba oüsjata. NARRATOR 1 Błimła uf zer planet wün inda zjyr öem, dy krön fun błatła wiöe ȧnfahtik. Zy wyza zih s’mügjys ym groz, ȧn c’öwyts wȧlkta zy. Y ȧm tag....
DER KLINY FJYŚT O, ȧ nojy śtengl, ganc andyśt wi dy ander śtengln. Fylȧjht ej dos ȧ noü öet fu baobab? Oder wos ej dos? Der śtroüh hjyt uf cy wahsa ȧn füng o cy wada wi ȧ błimła. Yh śpjy, do’s wyt fönum ȧ śejny zah oüsbłin. S’błimła błit oüs, śtejt uf ( s’błimła błit uf, śtejt uf błi oh błi, mȧj zumerwȧjs mȧj śȧcła ej mer wȧggyrȧjzt DY RUZ Ȧh, yhy bej grod wah gywiöda... Fercȧjt zjyr,... yhy bej nö ny gykemt ( gydönt zih) DER KLINY FJYŚT O wi jyr zȧjt śejn!