II. ANÁLISE DO TERRITORIO PROVINCIAL
OS EQUIPAMIENTOS
Áreas supramunicipais-T v3.qxd:Libro.qxd 19/11/09 19:14 Página 150
150
II.7
Os equipamentos
A provincia da Coruña por ser a que contén a capital de Galicia, Santiago e unha das dúas cidades máis importantes de Galicia, A Coruña, conta con equipamentos que dan servizos a escala tanto local coma supramunicipal e tamén nacional. Na rexión urbana de A Coruña-Ferrol concéntranse e a máis densa rede de equipamentos da provincia mentres que na parte este da provincia estase a producir un importante despoboamento dende os anos 50. O incremento de case o doble de habitantes na provincia ó longo do século XX (de 653.556 habitantes no 1900 a 1.126.707 habitantes no 2005) e as consabidas dinámicas migratorias cara as periferias das cidades provoca a saturación dos equipamentos nos concellos que conforman a coroa das principais cidades.
As relacións interterritoriais de dependecia dos distintos equipamentos Existen unha serie de limites territoriais e administrativos que definen distintas centralidades, acotan distintos territorios etc. De menor a maior enunciaremos as que se consideran máis importantes empezando polos límites parroquiais, que son importantes para explicar as centralidades de menor escala no territorio galego, logo viría o concello que parte xa ten competencias administrativas, logo as comarcas, as áreas funcionais e a provincia. O feito de que cada unha das dotacións conte con un plan sectorial propio para a súa ordenación territorial fai que as áreas sanitarias se definan con independencia das áreas educacionais e tamén das asistenciais, etc. Cada unha impón os seus límites e persoas dun mesmo concello teñen que acudir a A Coruña para ir ó hospital e a Santiago para a os centros de bacharelato. Neste senso parece importante propoñer unha unificación de criterios para a distribución desas áreas
supramunicipais que deberían organizar, entre outras cousas, a xerarquización dos equipamentos.
Os grandes equipamentos provinciais Os grandes equipamentos son os encargados de dotar de imaxe a cada lugar ademais de servizos. O seu carácter iconográfico e referencial é indiscutible polo que se debería ter sempre en conta a idoneidade en canto á situación urbana ou rural, o seu impacto e o seu uso. Esta categoría de equipamentos correspóndese cos equipamentos a escala supramunicipal, da comunidade autónoma ou nacional que están ubicados na provincia. Principal observación é a polarización destes equipamentos en torno ás cidades principais. Equipamentos culturais A Cidade da Cultura, é a aposta máis forte pola visibilidade nunha escala nacional e incluso internacional, pero aínda dispoñendo dunha importante inversión económica e tódolos ingredientes estéticos para funcionar coma un polo de atracción turística de referencia a escala internacional, a ausencia dun programa coherente con ditas pretensións poden facer peligrar esta visibilidade. O icono relixioso turístico máis importante é a catedral de Santiago, debería considerarse a súa complementariedade coa Cidade da Cultura en canto ó liderazgo e tratar de ter unha afluencia de público propia, con un programa adecuado que se presente coma algo atractivo e único, con unha visión menos localista, con algún elemento que nos conecte con algunha rede global. Diversos museos como o CGAC en Santiago, o Museo de Belas Artes na Coruña, e varias fundacións como a Fundación Caixa Galicia e a Fundación Barrié da Maza, entre outros, apostaron polo uso de arquitecturas que