MÁNNÁ BEAIVEDIVŠŠUS GIELDALAŠ ÁRABAJÁSBEASSINBÁLVALUSAT Beaiveruovttut
ÁRABAJÁSGEASSIN ROAVENJÁRGGAS
Beaiveruovttuin skuvlejuvvon bargiid ovddasvástádussan lea máná dárbbuin vuolgi buorredásat árabajásgeassin ja ovdaoahpahus dorvvolaš birrasis. Beaivedikšu sáhttá leat juogo oasse- dehe ollesbeaivásaš. Eahket- ja vuorrodikšu ordnejuvvo čohkkejuvvon bálvalussan. Sámegiel árabajásgeassin fállojuvvo ovtta beaiveruovttus. Árabajásgeassima ulbmilin lea máná dássedettolaš šaddama, čálgama ja oahppama ovddideapmi. Dássedettolaš čálgama dorvvasteami várás mánná sáhttá muhtin muttos dárbbašit beavttálmahtton dehe earenoamáš doarjaga. Árabajásgeassima doarjjadoaimmaiguin ovddiduvvo máná oiddolaš čálgan, veajuiduhttin ja oahppan.
Ovdaoahpahus Ovdaoahpahus lea guđajahkásaččaide oaivvilduvvon plánejuvvon ja ulbmildiđolaš oahpahus, mii ordnejuvvo beaiveruovttus. Ovdaoahpahus ollašuhttojuvvo máná dárbbuid guovllos ja aktiivvalaš oahppama prinsihpaiguin. Oahppan dáhpáhuvvá stoahkama ja doaimma bakte. Nuvttá ovdaoahpahus ordnejuvvo 4 diimmu beaivvis.
Bearašbeaivedikšu Bearašbeaivedikšu lea ruovttulágán, beaivedikšu, mii dáhpáhuvvá unna jovkkožis ja mas oažžu deattu vuođđodikšu ja stoahkan.
PRIVÁHTA ÁRABAJÁSGEASSINBÁLVALUSAT BÁLVALANSEĐELIIN Roavenjárggas lea anus beaivedivššu bálvalanseđel. Bálvalanseđel mieđihuvvo beaivedivššu ordnema várás priváhta beaiveruovttus dehe bearašbeaiveruovttus. Bearaš vállje iežas hálidan gieldda dohkkehan bálvalusbuvttadeaddji ordnen beaivedivššu. Oktanaga bálvalanseđeliin ii sáhte oažžut mánáid beaivedivššu doarjaga iige priváhtadivššu doarjaga.
Lassidiehtu árabajásgeassimis rovaniemi.fi/fi/Palvelut/Lasten-paivahoito
ÁRABAJÁSGEASSIMA BÁLVALUSRÁVVEN Hallituskatu 7, 1. geardi 016 322 6600 (d 9–14) varhaiskasvatus.palveluohjaus@rovaniemi.fi
MÁNÁIN RUOVTTUS RABAS ÁRABAJÁSGEASSIN Roavenjárga fállá mánáidis ruovttus dikšu váhnemiidda rabas árabajásgeassinbálvalusaid: rabas beaiveruoktodoaimma ja riekkesdoaimma. Bagadallin barget mánáidgárdeoahpaheaddjit ja mánáidáittardeaddjit. Doaibma lea bearrašiidda nuvttá.
Rabas beaiveruoktu Rabas beaiveruovttu doaibma lea dárkkuhuvvon vuollel skuvlaahkásaš mánáide ja sin ruovttus dikšu váhnemiidda. Rabas beaiveruovttus mánáin lea vejolašvuohta stoahkat ja hárjehallat sosiála máhtuid ovttas eará mánáiguin ja ráves olbmuiguin. Váhnemat sáhttet ságastallat bajásgeassimis, máná čálgamis, váhnenvuođas ja mánnábearraša árggas eará bearrašiiguin ja suorggi ámmátolbmuiguin. Doaibma vuođđuduvvá aktiivvalaš ovttasorrumii, mas váhnemat áittardit mánáineaset.
Rabas árabajásgeassinrieggát badjel 3-jahkásaččaide Doaibma lea ulbmildiđolaš ja doarju ja rávve máŋggabeallásaččat máná šaddama ja čálgama. Mánás lea vejolašvuohta oassálastit ovtta gávpoga ordnen riekkesjovkui. Riekkesbáikkis mánás sáhttá leat mielde iežas smávvaniesti.
RUOKTODIKŠUNDOARJJA Ruoktodikšundoarjja máksojuvvo váhnemii, gii hálida báhcit ruoktot dikšut mánás váhnenruhtaáigodaga nohkama maŋŋel dehe go mánná lea vuollel 3-jahkásaš. Doarjja oažžu maid dikšunvuloš máná oappážiin, geat eai leat ovdaoahpahusas dehe skuvllas. Doarjaga oažžuma eaktun lea, ahte mánát eai leat beaivedivššus, iige gávpot mávsse sis ovttaskas olbmo divššu doarjaga. Doarjja máksojuvvo Áel:a bakte. Mánát sáhttet oassálastit rabas árabajásgeassima bálvalusaide.
OVTTASKAS OLBMO DIKŠUNDOARJJA JA GIELDALASSI. Ovttaskas olbmo divššu doarjaga sáhttá ohcat bearaš, mii hálida bálkáhit divššara ruoktot. Doarjja máksojuvvo Áel:a bakte. Lassidieđut kela.fi ja rovaniemi.fi/fi/Palvelut/Lasten-paivahoito