IET World Day of Prayer 2023

World Day Of Prayer

Tih dan tur

1. Hetiang hian kan stage te chei ni se: Puan pawl (Taiwan hi tuifinriat in a chawm a nih avangin) Puan hring (Taiwan hi tlang sangtak takin a khuh avangin) Puan Eng leh Var (Taiwan hia ram leilung a hausak avangin) Lily par leh naupan par te dah ni se, Taiwan Map dah ni bawk se.

2. Inkhawm tan hmain Taiwan rimawi tih rik ni se.

3. Music a rik mek laiin mi panga te stage lam panin lo in zui lut se.

4. Bible chang Ephesi 1 :15-19 chhiar ni se.

INLAWMNA LEH CHIBAI BUKNA:

Hruaitu 1na: Ping-an (Peng-an tiha lam tur) He tawng hi Taiwanese tawng ni in., “Pathian chuan amah leh midang te nena inlaichinna inneihna ah inremna pe che rawhse”tihna ni.

Hruaitu 2na: Taiwan hmeichhiate aiawhin in zavaiin ka lo lawm a che u. Vawiin ah hian helai a lo kal khawm zawng zawng te Pathian pawl ho na duhawm tak kan neih theihna turin, in thinlungte a lamah hawng turin ka sawm a cheu.

Hruaitu1na: Ka unau duhtakte u, he hun kan hman mek kaltlang hian kan tawnhriatte in hrilh tawn a, Pathian khawngaihna mak tak leh a hnathawh ropui tak te kan hmuh tlan a, kan chan theuhkabeiseiani.

TANNA HLA: HRIAT CHIANNA HLU BER, S.A Hlabu 177

1. Hriat chianna hlu ber, Isua ka ta, Van nun ropui tem lawkna hlu tak chu; Pathianin min lei, chhandam kan ni, Thlarauva piang, thisen sil fai chu.

Hei hi ka thu leh hla a lo ni, Chhandamtu faka tlaini len hi.

2. Inpekna kimah, lawm a kim thin, Hruai khawm hun tur thlir lawkna chang vein; Zahngaihna thangkhawk, hmangaih thuruk, Min rawn thlen ve chung van mite khian.

3. Inpekna kimah, muan a kim thin, Ka Chhandamtu, ka lawmna tikimtu; Beisei leh ringin van ka thlir a, A hmangaih leh thatin ka lo khat.

PATHIAN CHIBAI BUK TURA SAWMNA:

Hruaitu 1na: Pathian chu fakin awm rawh se. Taiwan chunga Pathianin malsawmna a thlen te avangin lawmthu I sawi mawlh mawlh ang u.

Hruaitu 2na: Pathian, engkim siamtu leh heng thliarkar mawi tak tak, ram ngaw in a hual vel leh a chawmtu tuifinriatte siamtu chu fakin awm rawh se. Taiwan hi leilung hausakna nasa taka vur ni in a hausa hle a ni.

Mipui : Pathian hming chu fakin awm rawh se. A ropuina in min chenchilh rawh se.

Hruaitu 1na: Kum za tam tak kalta ah khan, chanchin tha hril turin missionary te Taiwan ah an lo kal a. Tichuan, miten chanchin tha chu lo hriaiin, Pathianin Khawngaihna avanga chhandamna min pek chu an lo chang ve ta a.

Mipui : Pathian hming chu fakin awm rawh se. A ropuina in min chenchilh rawh se.

Hruaitu 2na: Kum zabi 16-na atang khan Taiwan chu ram hrang hrang sipai awpna hnuaiah alo awm tawh thin a. Vawiin thlengin chi bing anga in thiar hranna hrang hrang, ram inrelbawlna ah leh thil dangah an lo tawk thin a. Amaherawhchu, he thliarkara awm te hi midang tan malsawmna nasa thlentu an lo ni tawh a ni.

Mipui: Khawngaihna a khat kan Pathian, I hming kan faka lawmthu kan hilh a che. I Ropuina in min chenchilh rawh se

ZAI HO NA: Isu nunnem, lo tawng ang che, S.A Hlabu 263

1. Isu nunnem, lo tawng ang che, I sawi tluk mawi a awm lo; Thlamuanin i thu a khat e; Fuihin min tichak thei fo; Leilung awrawl zawng zawngte hi, Tisa khawvel hipna pawh; Nangma aw nem duhawm rikin, Rehin an tawng thei ta lo.

2. Isu, ropui takin leng rawh, I lalzia lantir ang che; Leiin Nang a do zo thei lo, Gehena'n tanpui mah se, Nangma hming a zahawm em em, Hmelma zawng zawng an relh ru; Hlauhvin khawvel a lo nang ve, Nangmah i lo hnaih a hnu.

SUAL PUAN TAWNGTAINA:

Hruaitu 1na: Zahngai thei kan Pathian, I hnenah kan sual rawn puang e. I lakah thil kan lo ti sual ta a. Ram enkawl tura min pek chu kan enkawl that loh avang leh, kan hman dik loh avangin boruak bawlhhlawh leh thilnung tamtak te boralna a thlen a.

Mipui: Aw Lalpa, kan chungah zah ngai ang che.

Hruaitu 2na: Khawngaihna a khat kan Pathian, Mahni hmasial leh chapo mai thin kan ni. Mihringte zahawmna kan ngaihthahin chanhai te ngaihsak tawh lova. Nu nau, thalai leh ram rum ri chu kan hria a, nimahsela khawngaihna kan chan nen tehkhinin an tan kan inhlan tawk lo fo thin. Heng thil te avang hian miten an tuarin, awp beh in an phah ta thin.

Mipui : Aw Lalpa, kan chungah zah ngai ang che.

NGAIHDAM NIH INHRIATNA:

Hruaitu 1na: Aw Lalpa, nang chu I rinawmin I dik a ni. Mi ngaidam in kan sualte min tlenfai sak la, Thianhlim taka nung turin min pui ang che. Finna thlarua min pe la. Min ti harh thar leh ang che. Hmangaihna leh rinnain min chhungkhat la. I thiltihtheihna ropui tak, chhui zawh sen rual loh chu kan hriat fiah theih nan, kan hnenah lo inpuang thar leh ang che.

Mipui: Amen

PATHIAN THU THIANGHLIM

BIBLE CHHIAR TUR: EPHESI 1:15-19

Chhiartu 1na:

“Chuvângin, kei pawhin Lalpa Isua in rinna leh mi thianghlim zawng zawng in hmangaihna ka lo hriatin, ka ṭawngṭainaahte ka hre reng ṭhîn che u a, nangmahni avângin bâng lovin lâwmthu ka sawi ṭhîn. Kan Lalpa Krista Isua Pathian, ropuina Pa chuan, finna leh hriatthiamna thlarau pe che u rawh se. Tichuan, in thinlung mitte tihvârin awm sela, eng beisei tûrin nge a koh che u tih te, mi thianghlimte nêna in rochan tûr a khâwl tamzia te, keini ringtua a chakna thahrui thiltihtheihna tâwp chin nei lova a thawh nasatzia te in hre thei ang.

PATHIAN PAWLNA

FUIHNA LEHKHATHAWN

Mipui te chu lo an lo thu tluan ang.

Hruaitu 2na: Paula’n mithianghlimna te hnena fuihna thu a ziak ang khan, keini Taiwan hmeichhia naupangte leh nu ho te hian fuihna thu kan thawnchhuak ve a, chungte chu ilo chhiar chhuak ang u.

Hmeichhe 1na: Unaunu duhtak Fen-Jiau, (Fong-jiao tiha lam tur)

I rinna nasat zia ka lo hria a, nang nu valai, mahni hnam hmangaihtu, I rualpui te tan malsawmna I nih zia pawh ka lo hria e.

In leh lo enkawltu niin, I chhungte tan kum tam tak I hunte ilo hlan tawh thin a. I chhungte chawmna tura hna I thawhin, I hnathawna hmunah pawh fiahna tam tak I tawk fo thin. I kum avangin inthliarhtanna I hmachhawn in, Hmeichhia I nih avangin khawtlang inkhaihhruaihna ah pawh harsatna I tawk fo. I chhungte chawmna tura hnathawka I chhuah bo lai te in, an tana I thawhsak I chhungte ngei chu ngaihthah tlata inhriatna te in I khat thin. A ngaihna reng hre lo a I awm lain, Pathian kaihhruaina ringin I chhung leh kua te chhawmdawlna tur anih ringin, pi leh pute atanga in chin than puantah te zirtir chungin, I hnam tihdan I chawi nung a. I them thiamna leh chakna te chu a tharin alo lang leh thin a ni. I chanchin hi midang tamtak te tan malsawmna alo nit a zel a ni.

Hmeichhe 2na: Unaunu duhtak Pearl, Hripui Covid-19 len lai khan damdawiin ah tih fai hnathawk tu niin, I nunna thapin damlo mangang te tan an awmna hmun ti fai in then thianghlim hna ilo thawk thin a. I hna I zawh hnu ah pawh I fa la naupang tak tak pathum te tana hlauhawm thlentu nih I hlauh avangin

mahni in lum lam ah pawh I haw ngai lo. I lakluh bei tham tak a ni chungin, midangte tana hripui theh darhtu I nih lohna turin room luah hawh tur I zawng a. I in khung hran lai chuan I chhungte enkawl thei lova I awm avangin hreawm ti tak leh mal takin hun I hmang thin. I inhlanna leh inpekna hi ropui ka tiin ka ngaisang hle che a ni. I tan kan lo tawngtai reng e. Ka chakna Pathian chuan awmpui che in I tan pawh chakna lo petu anih ngei ka beisei.

TAWNGTAI RUALNA.

Mipui: Khawngaihna a khat kan Pathian, Heng lehkha thawn kan chhiar taka hmeichhe huaisen tak, an nun a buaina tam tak tawk thin chung pawha, nangmaha beiseina eng nei tlat te ang hian, I hma ah kan lo kun e. Harsatna te chu inhneh tir lovin, rinna in an hneh zawk a. Mal in kan awm ngai si lo, nangin kan dilna te min ngaihthlak sak reng thin avangin. I awmpuina, kaihhruaina leh venhimna zarah harsatna ruam chu kan dai kai thin. Lawmthu kan hrilh a che. Kan nun hian chawimawi che se la, Isua hmel chu kan nunah lo lang fo rawh se.

DIL SAK TAWNGTAINA: Hruaitu 1na: Khawngaihna Pathian, Taiwan chu ram chak tak thiltihtheihna in a phuar mek a, Ram dangte lak

atangin kum tam tak chu lakhranin kan awm a. Khawvel ram dangten hre lo mahsela, Taiwan hian khawvel ram dangte hnenah, lo neih dan kawngah te, thiamna ah te, damdawi lama hmasawna leh mihring mamawh hrang hrangte theih tawp chhuahin a lo pui tawh thin a.

Hruaitu 2na: Aw thlarau thianghlim, Taiwan mipui te hi an hmalam hun ah eng harsatna pawh lo tawk se, tha taka an hmachhawn theih nan chakna leh finna pe la. Khawvel tan Taiwan hi malsawmna an neih theihna turin I tanpui hi kan ring tlat a ni. Thlamuantu Pathian, nangchu khawvel a lal ber I ni a. I hnenah kan rawn in kawl tir e. Keimahni leh Taiwan I hnenah kan rawn hlan e. Kan chak lohna ah te nangin min veng la. Nang chu kan kulhbing leh kan in humhimna I ni si a.

Hruaitu 3na: Engkim siamtu kan Pathian, he khawvel ropui tak leilung hausakna a khat enkawl tura min ruat avangin lawmthu kan hrilh a che. Amaherawhchu, khawvel in a tawrhna nasa tak chu kan haider si thin: khuarel buaina, tui leh boruak bawlhhlawhna te kan hmachhawn in, bawlhlawh sawngbawlna lamah te harsatna nasa takin kan tawk mek bawk. Leilung pianhmang ti chhe khawp a kan hmanna te, thilsiam dangte chenna leh khawsakna kan ti chereu nasa em em a. Hengte avang hian sik leh sa in mumal nei thei lovin harsatna tam tak kan in siam chawp a ni.

Hruaitu 1na: Kan Pathian ropui, mihring te hnena I fapa min pek kaltlangin chhungkaw hlutna min hriattira, naupang enkawltute leh, an mamawh pekna kawnga mawhphurhna nei tute zawng zawng tan I malsawmna kan rawn dil e. Pathian rinna kawnga nu leh paten zirtirna an pek te chu nghet taka an vawn theihna turin kan rawn dil bawk e.

Hruaitu 2na: Thlarau thianghlim, I awmpuina hi Taiwan-a nu ho, an chhungkaw enkawlna atana hnathawk thin, inthliarna nasa tawk mek te hnenah lo awm rawh se. Heng nu ho, an hnathawna hmuna harsatna tawk fo ten, I hmangaihna avangin an harsatna te ngainep a; midangte hmuhah nungchang mawi an lan chhuah tir zawk fo thin, an hnenah I mawlsawmna lo thleng rawh se.

Hruaitu 3na: Hmangaihna a khat Pathian, nangma anpui a min siamin, I malsawmna in min vur a. Chu chu tha I ti em em a. Hmeichhia te leh nu te he khawvela hmangaihna leh dikna chawinung tute tan kan rawn dil a ni e.

Hruaitu 1na: Thlarau thianghlim, mi chanhai, awp beh tuar, retheite leh tanpui ngai te tana ding thei tur leh tanpui turin finna min pe la. Dinhmun tha zawk an lo neih theihna tur atana penchhuak a, nu naute tana hmun him zawk buatsaih anih theihna tura ram hruaitute chawk tho ngam turin huaisenna min pe ang che.

Hruaitu 3na: Aw Lalpa, Kristaa kan inpumkhatna kawng kan zawh zel theih nan min kaihruai ang che. Kan zin kawng zawh mekte min hriatsakin, rinna min pe la. I chhandamna hre fiah turin finna min pe ang che. I thlarau thianghlim chuan midang tan malsawmna kan nih theih nan kan thinlungah hna thawk rawh se.

AMEN

BANNA HLA: KAN PATHIANIN MIN HRUAI ZEL THIN, S.A Hlabu 399

1. Kan Pathianin min hruai zel thin, Chu chu hriain ka lawm em em; Ka thiltih zawng ka tih apiang, Ama kutin min hruai zel thin. Min hruai zel thin, min hruai zel thin, Ama kutin min hruai zel thin; A zuitu fel tak nih ka duh, Ama kutin min hruai zel thin.

2. A chang changin ka lungngaiin, A chang changin ka lo lawm thin; Hlauhawmah leh hlauhawm lovah, Ama kutin min hruai zel thin.

3. Thil eng pawh ka chungah thleng se, Lungngai lovin ka lo lawm ang; Huai tak pawhin ka awm reng ang, Ama kutin min hruai zel thin.

4. Khawvela thil ka tih zawhin, Ka sualte pawh ngaihdam niin; Ka thih danwin ka hlau lo vang, Ama kutin min hruai zel thin.