7. SAY Sunday hman dan report

SAY SUNDAY HMAN DAN REPORT

(Dt. 28 th June, 2020 SAY Sunday Territory pum a Corps/Society hrang hrang hman dan report kan dawn te.)

CENTRAL SOUTH DIVISION

AIZAWL TLANGNUAM CORPS

SAY Sunday pualin Tlangnuam, Hridaikawn, Tlangnuam Vengthar, Local Task Force te hnenah a tul tula hman atan ¹ 1000 mheuh an pe.

NGOPA CORPS

SAY Sunday pual luanchhuah nan Ngopa Quarantine Centre a awm te leh VLTF duty hnen ah chhun thingpui leh a hmeh an sem. Tin, CHC, Ngopa ah Poor Fund Rs.1000/- an pe bawk a ni.

RUALLUNG CORPS

SAY Sunday pualin YMA hnawm bawma hnawm awmte paih hnatlang an neih bakah Corps chhunga Hmeithai leh parawl hnenah thingfak leh ¹ 500 ve ve in an luangchhuak bawk. Tin, zan lamah biakin a hun hman a la rem chiah loh avangin inlamah mahni remchan danin tawngtaina hun ang hmang.

MUALPUIKAWN CORPS

SAY Sunday pualin Salem Venga chhungkaw pahnih hnenah Rs 2000 ve ve in luanchhuahna an nei a, an tanpui te chhungkaw hnen atangin Salvation Army chauh hi pawl ram thliarlo a tanpui ngai te tanpuitu kan nih thu te lo sawiin a lawmawm in hlawkthlak an ti hle.

SESAWNG CORPS

June ni 27 khan slab chhun hnatlang nei in member 26 an thawk chhuak. SAY Sunday pualin chhungkaw pakhat hnenah Buhfai Bag an pe.

ITI CORPS

SAY Sunday Corps Quarantine Facility a awm mek te eitur an buatsaih sak. Lockdown pualin SAY member khumbet a rei tak mu tawh chu an kan. June ni 2 ah ITI Vengchhung Quarantine Centre Hmun 6 a awm mi za chuang(100+) leh duty te hnenah thingpui leh a hmeh an pe. ITI Corps Quarantine Centre a hman mek ah SAY te routine siamin an in duty chhawk thin.

LUNGPHO CORPS

June ni 27 (inrinni) zingkar khan SAY Sunday Denchhen in Vantlang zun in tlengfai leh Community Hall phiatfai a hnatlang neih a ni a,Chaw eikham lamah Bethel kawng leh ahmun te Samfai a hnatlang neih leh a ni. Tin, khawchhunga Damlo harsa mi pakhat hnenah tanpuina pawisa fai an per bawk a ni.

TUALTE CORPS

SAY sunday puala luanchhiahna atan Khawzawl CHC ah thutthleng pathum(3) pek a ni a, Thlanmual ah Pathian thu ziak Signboard an tar bawk.

EBENEZER CORPS

SAY Sunday Pualin an member 3 damlohna vanga inkhawm theilote tlawhchhuakin an inenkawlna tur sum fai an hlan.

HUALTU SOCIETY

SAY Sunday pualin damlo an tlawh a, sumfai an hlan.

BAKTAWNG CORPS

SAY Sunday pualin ARC, Chhiahtlang a an luanchhuah bakah tualchhungah vantlang zun in an tifai a, khawdai tawngtaina hmuna Thu thar te an siamtha bawk.

SERCHHIP CORPS

SAY Sunday pualin Serchhip College a Quarantine mi 50 te tan chhunthingpui in tur an lumsak bakah, Siaha Boys Home ah luanchhuahna neih niin sum fai an pe a ni.

CHAMPHAI CORPS

SAY Sunday pualin Evangelist Teacher damlo Nl Lalsiammawii, Jurkhal Corps enkawl nan Rs 9000/- an hlan.

ENNA CORPS

SAY Sunday pualin an member Cancer vei mek tanpuiin sumfai an hlan.

REPUBLIC CORPS

SAY Sunday pualin Republic Vengthlangah chhungkaw pali hnenah Rs. 2500 theuhin luanchhuahna an nei a, luanchhuanna hi Salvation Army chhungkua chauh ni lovin mamawhtu te tan malsawmna a lo nih ngei theih nan mawngmaina nena hlan an ni.

THENZAWL CORPS

Thenzawl Corps SAY ten Biak in ah Tawngtai rualna an nei a, Biakina hun an hman zawh in Thenzawl khawchhunga chhungkaw hnih te hnenah luanchhuah na hun an hmang bawk.

MAUBAWK CORPS

SAY Sunday denchhenin Maubawk Branch YMA leh chhungkaw pathum hnenah tanpuina sumfai an hlan.

TUITHIANG SOCIETY

SAY Sunday pualinTuithiang Society Sipai damlo, cancer natna in rei tak a tlakbuak tawh chu kanin an luangchhuak.

KHAWZAWL CORPS

SAY Sunday pualin vengchhung hmeithai pahnih te hnenah ah Rs. 500 ve ve pe in an luangchhuak.

RULCHAWM CORPS

SAY Sunday pualin Corps chhunga damlo leh hmeithai bakah Saitual district hospital a awm damlo awmah luanchhuahna neiin cheng Rs. 500 Theuhan hlan a, mawngmaina hun hman theuh a ni.

CENTRAL CORPS

SAY Sunday pualin Quarry chim a chhiattawk Lalhruaizela, Samtlang khua chu an ral.

AIZAWL TEMPLE CORPS

SAY Sunday pualin Tuikual South Local Task Force te hnen ah Rs. 25000/- an hlan.

THANGLAILUNG CORPS

SAY Sunday pualin June ni 27 khan Buhkangmual Tawngtaina In leh a vel tifaiin an hnatlang a, SAY Sunday zanah Biakinah Tawngtai hona hun an hmang bawk a ni.

PHULLEN CORPS

SAY Sunday pual in Phullen zanah tawngtaina hun hman a ni a, corps chhunga damlo te hnenah sumfai pe in an luangchhuak a ni.

THINGSULTHLIAH CORPS

SAY Sunday pualin Thingsulthliah Hospital a Poor Fund ah Rs 1000/- an pe.

KHATLA CORPS

June Ni 27 (Inrinni) ah SAY Sunday pualin Muanna In Boys Home, Mualpuiah an luangchhuakin Artui Case 1 leh Alu bag 1 an hlan a ni. Tin, June ni 28 zanah SAY Sunday puala Biakina hun hman a rem tak loh avangin Zan lamah ZOOM APPS hmangin inkhawmna an buatsaih a, he hunah hian Capt Lalrinmawia (Tetea) chuan thusawina hun a hmang a ni.

BUNGKAWN CORPS

SAY Sunday pualin Nisapai Society Treasurer te nupa damlo chu sumfai pe in an tanpui.

DARLAWNG CORPS

SAY Sunday pualin Tlungvel quarantine centre hmun 3 ah tlai chaw an pe.

TUIKUAL SOUTH CORPS

SAY Sunday pualin SAY Sunday zan dar 8 ah Biakin kawt atangin Pathian thuchah puanchhuahna leh SAY Sunday pual tawngtai rual subject awmsa hmangin tawngtai rualna hun an hmang a, Full Gospel Ministry ten he hun hi hmanpui in hun hlawk tak an hmang a, Luanchhuah nan Full Gospel Ministry te hnenah Rs 2000/- an pe bawk a ni.

BETHLEHEM CORPS

SAY Sunday pualin chhungkaw thum ah sumfai Rs.1000 theuh in luanchhuahna an nei a, tin Local Task Force ah Rs.2000 mamawhna apianga an hman tur in an pe bawk a, zan lamah tawngtai rualna hun hlawkthlak tak an hmang bawk a ni.

LAWIPU CORPS

SAY Sunday pualin Lawipu Local Task Force hnenah ¹ 1000.00 an pe a. Vengchhunga Quarantine te tan an nitin mamawh tur engemaw zat pek an pe bawk. Tin, LTF te phalna leh remruatna angin Quarantine Centre a mite bakah LTF, hrileng tuartu zawng zawngte tan lawngmai rualna an nei bawk a ni.

SAITUAL CORPS

SAY Sunday pualin Poor Fund ah Rs.2000, Hlimna In ah Rs.1500, Quarantine Centre mi 23 awmnaah mi pakhat zelah Rs. 80 man hu eitur leh Corps chhunga accident vanga damlo chu Rs.1000 in an tanpui.

CHHAWRTUI CORPS

SAY Sunday pualin Vantlang hmunah social work an nei tawh a, mi harsa chhungkaw 9 hnenah buhfai pe in an luangchhuak bawk.

CENTRAL NORTH DIVISION

RAMTHAR CORPS

Ramthar Veng leh Ramthar North huamchhunga Community Quarantine Facility hmun 6 a awm mek te leh LLTF te tan Chhung thingpui leh a hmeh te siamsakin an pe a. Council member te hnatlangin an thawkchhuak. Tin, Sunday zanah Zoom Apps hmangin inkhawmna an nei a, sharing hrang hrang ngaihthlak anih bakah Capt. Lalhruaitluanga, C.O Serchhip Bial in Pathian thuchah sawina hun a hmang a ni.

TUIKUAL CORPS

Muanna In, Mualpui leh Tuikual North Local Level Task Force te hnenah SAY Sunday pualin luanchhuahna an nei.

DAPCHHUAH CORPS

SAY Sunday pualin Home Visit an neih bakah Quarantine Centre a duty te mamawh tur hrang hrang an hlan bawk.

DURTLANG NORTH CORPS

Local Task Force duty-te leh Bethsaida Home naupangte tan chhun ei tur an siam sak a. Tin, chhungkaw khat Rs. 1000/- leh Buhfai, Tel, Alu, Juice pek anni a, pa pakhat cancer vanga damlo mek kanna neiin Rs. 1000/- an hlan bawk.

AIZAWL BAZAR CORPS

Muanna In, Boys’ Home ah buhfai bag 2, noodles case 3, artui case 3, Dal bag 3, crocs bun 16, racket 4 leh shuttle cock te duhsakna leh hmangaihna lantir nan an hlan.

CHANMARI WEST CORPS

SAY Sunday denchhen in hmun dangah luangchhuak lovin Corps chhunga natna khirh tuar mek Pu R. Lalrizapa PFS chu Rs. 8,000/- in an kàn.

SAIRANG CORPS

SAY Sunday pualin chhungkaw pali hnehah luanchhuahna neiin thilpek an hlan.

THUAMPUI CORPS

SAY Sunday pualin LLTF te hnenah Rs.10000 tanpuina an hlan.

BAWNGKAWN CORPS

Chhungkaw hnih, leimin vanga chenna in luah thei lova awm insawn ngai leh damlohna in atlakbuak mek te chu sûm faiin tanpuina an hlan.

LUANGMUAL VENGTHLANG CORPS

SAY Sunday pualin Luangmual Local task force hnenah Rs.3000 leh Zonuam ah mi harsa tanpui nan Rs.2000 an hlan.

RAMHLUN CORPS

SAY Sunday pualin Ramhlun North Local Task Force ah Rs.5000 leh Ramhlun Venglai Local Task Force ah Rs.2000 an hlan.

AIZAWL BETHEL CORPS

An Corps Quarantine Centre a awm te senso leh in enkawlna zawng zawng an tum sak vek a ni.

SOUTHERN DIVISION

MG CENTENARY CORPS

SAY Sunday pualin June ni 27 khan Siaha Civil Hospitalah thisen Unit 6 pek an pe a, Orphanage Boys Home Siaha ah naupang lawm zawng hmawmsawm thahnem tak an pe bawk. Vengchhung damlo, hmeithai enkawltu mumal neilo Cancer tuar mek chu Rs. 1000/ - in an kan bawk.

CHAWNHU CORPS

SAY Sunday pualin June ni 27 Inrinni zingkarah Social work neiin Vengchhung tihfai hna thawh a ni. Quarantine Centre ah luanchhuahna neih a ni a, June ni 28 zanah Zan Chanve Tawngtaina hun an hmang bawk a ni.

LUNGLEI CORPS

SAY sunday denchhen in chhungkaw 5 hnenah luanchhuahna pawisa an pe a. DYS Quarter ah SAY leh YP te’n Say Sunday a tawngtai subject chhawpchhuah hmang in tawngtai hona hun nuam tak an hmangin, DYS in eitur tui hnai tak tak te buatsaihin member te present a pe vek bawk a ni.

SIAHA CORPS

Corps chhunga damlo mi 7 hnenah thilpek pek a ni a, tawngtaisakna neih vek an ni bawk. Member zirnaa hlawhtlingte lawmpuina Citation hlan an ni bawk.

EASTERN DIVISION

SAIKAWT CORPS

Ni 27.06.2020 khan DYS leh Local Officer te nen SAY Sunday pualin Social work neih a ni. Khawtlang hruaitute hmalakna a ruihhlo ngaite puala camping ah artui leh pawisa an hlan a, Zan lamah tawngtai hona CO Qtrs ah neih a ni bawk. Quarantine centre 3 leh Boys home ah luanchhuahna an nei bawk

LAMKA CORPS

Biakin ah kalkhawmin tum 3 tawngtai hona neih a ni a, Quarantine centre 3, Churachandpur Govt. College, Vimara Raina High School, VK Tawna College tlawhin thilpek pek bakah rawngbawlna neih a ni a, chhungkaw harsa 5 hnenah tanpuina pek a ni bawk. DYS leh CO ten hun hmanpuiin an hlawkpui hle. SAY Sunday pualin online Praise & Worship neih a ni a, Capt. Lalhmingthamawii CO in Pathian thu puan chhuahna a nei.

THINGKANGPHAI CORPS

Zingkar ah C.O, OB leh Adviser ten Babies Home leh Boys Home tlawhin thilpek an hlan a, chhun lamah member ten CO hoin chhungkaw 7 lai tlawhin tanpuina hlanin an fehchhuak a, zan lamah Quarantine Centre tlawhin hun an hmanpui a, DYS hoin khawlai ah rawngbawlna neiin hun an hmang bawk.

K.LHANGNOM CORPS

SAY Sunday pual hian Babies home ah an luangchhuak

MOREH CORPS

Inrinni ah Social work an nei, zan lamah SAY member Matric pass an chenna inah kal chilhin lawmpuina thilpek an hlan. SAY Sunday puala visitation neiin Corps intin tlawhin hun hlawk tak an hmang. THQ lehkha bawhzuiin tawngtai hona hlawk tak an hmang bawk.

NORTHERN DIVISION

KHANPUI CORPS

SAY Sunday pualin damlo kanna an nei a, ei tur thil chi hrang hrang an pe. Hemi rual hian an member zinga HSLC passed lawmpuina certificate hlanna leh lawmpuina ruai an theh nghala. Tin, tawngtai rualna an nei bawk.

DARLAWN NORTH CORPS

SAY Sunday pualin hengah te hian an luangchhuak : i) Darlawn Venghlun Thlanmual kawng leh Thlan thenkhat an tifai ii) Pu T.Lunghnema Gas thunkhah sak a ni. iii) Darlawn PHC ah Poor Fund atan Rs. 2000/- an hlan. iv) SAY Sunday zanah tawngtai rualna an nei bawk.

HMARKHAWPUI CORPS

June ni 24 zanah an member damlo pakhat hnênah luanchhuahna Rs. 500/- in an nei a. June ni 27 zingkarah Social Work neiin waiting shed an siamtha a, kawtthlera dah tur dustbin panga HYA Hmarkhawpui Branch te hnenah an hlan bawk. SAY Sunday ah Quarantine Center tlawh in thilpêk leh tawngtaina hun an hmang a, zanah Biakinah tawngtai rualna an nei bawk a ni.

SAWLENG CORPS

June ni 27 zingkarah Social Work neiin kawtlai dung tifaiin an hnatlang a, SAY Sunday ah VLTF duty te hnenah an chhun eitur Chow leh thingpui an siam sak bawk. Zanah Biakinah tawngtairualna an nei bawk a ni.

N.SERZAWL CORPS

June ni 27 zingkarah khawlai dung leh vantlang Zunin tifaiin Social Work an nei a, SAY Sunday zingkarah SAY Sunday pualin luanchhuahna neih niin damlo pa 2 te hnenah Rs. 1000 ve ve leh VLTF hnenah Rs. 500 pe in an luangchhuak. Zan lamah thupui hrang hrang hmangin tawngtai rualna Biakinah an hmang bawk a ni.

SAKAWRDAI CORPS

SAY Sunday pualin Community Health Center(CHC) Sakawrdai Poor Fund ah Rs. 1000/ - an hlan a, Khawpuar Corps sipai damlo damdawiin a awm mek hnenah luanchhuahna an nei bawk. Tin, June ni 27 khan vengchhung Zun In tihfai leh rawng hnawihna te neih a ni a, member 18 an thawkchhuak a, hnatlan zawh hian SAY Sunday pualin hlim takin ruai an kilho bawk a ni.

DARLAWN CORPS

SAY Sunday pualin Darlawn PHC-ah poor fund atan Rs. 2000/- an pe a, zanah THQ atanga tawngtaina thupui an dawn angin tawngtai rualna Biakinah an nei bawk a ni.

RATU CORPS

SAY Sunday pualin Ratu Village Level Task Force hnenah tanpuina pawisafai 3000 an hlan a, Corps pumhuap Writing Competition an buatsaih bawk. Tin, Biakin tlang atangin Pathian thuchah puanchhuahna hun an hmang bawk.

ZOHMUN CORPS

SAY Sunday pualin VLTF Zohmun te hnenah Relief Fund atan Rs. 500/- an hlan.

WESTERN DIVISION

KOLASIB CORPS

SAY Sunday pualin Blind Hostel leh chhungkaw thlanchhuah 4 te hnenah Rs. 2000/- theuhin tanpuina an sem. SAY Sunday puala Blood Donation Camp neih an tum erawh Kolasib Blood Bank ah thisen stock sa a tam avangin hun remchang atan an sawn rih a ni.

DSAY COUNCIL, WESTERN DIVISION

Western Division SAY member te aiawhin Division SAY Council OB ten Blind Hostel leh Enna in ah tanpuina Rs. 3000/- an pek bakah, Silchar Boys Home leh Nl. Lalremsiami ET damlo te hnenah tanpuina an pe bawk.

GARODPUNJEE CORPS

SAY Sunday pualin June ni 27 khan Vengchhung tifaiin an hnatlang.

KOLASIB VENGTHAR CORPS

SAY Sunday pualin Enna In leh Blind Hostel ah tanpuina an pe.

KOLASIB VENGLAI CORPS

SAY Sunday pualin Enna In leh Blind Hostel ah tanpuina an pe.

HEBRON CORPS, KAWNPUI

SAY Sunday pualin Enna In leh Blind Hostel ah tanpuina an pe.

TRIPURA DISTRICT

BEHLIANGCHHIP CORPS

Vantlang zunin leh khawchhung te tihfai ngai a awm em em loh avangin SAY sunday pual hian SAY member te chuan SAY Leader, brain tumor avanga damlo mek te chhungkua chu an huan an sam fai sak a ni. Tin, SAY Sunday pualin thupui hrang hrang hmangin tawngtaihona hun an hmang bawk a ni.

SATARAI CORPS

SAY Sunday pualin Biakin leh Quarters Compound vel tifaiin an hnatlang. Tin, Headquarters ruahmanna angin SAY Sunday zan tawngtai hona neih tur tih chu biakinah a huhovin an hmang bawk a ni.

DARJEELING CORPS

SAY Sunday Puala tawngtaina hun chu group hrang hranga inthenin hun tha tak an hmang a ni.

PHULDUNGSEI CORPS

SAY Sunday pualin June ni 27 khan social work neiin khawtlang/vantlang tuikhur kawngte leh khawchhung pawimawh zuallaite tih fai hna an thawk a, SAY Sunday zanlamah biakinah, Tawngtaina thupui kan hotuten anrawn ruahman angin tawntai rualna hun biakinah an hmang ho.