KOMEDIJAÅ 4
2
LOKACIJA I AMBIJENT: Sobota večar, lokalna karčma, publika njemiloserdno zmenjuje komedijaša po komedijaša z bini. Dajedni komedijaše vidno nervozni, a dajedni še ozbiljno uspaniča až pod čas perfomansu, ta anji nje zakonča svoj nastup do konca, alje u jojku sceknju z bini. Publika ih potim veljkodušno naĥradzi z ĥromoĥlasnim „UAAAA!!!“ i poruca kojaki stvari zoz svojih stoloh. Ĥvizdanje, ĥalajk, ljeci poĥar. Situacija še pomali zmirjuje. Kratka cihosc. Vihodzi novi komičar. KOMEDIJAŠ (Paranoično i zbunjeto vihodzi na binu. U ljivej ruki, tak jak pod mišku, trima jakiš paperi. Patri do ĥore, oĥljada še za sobu. Pomali prihodzi gu mikrofonu. Šepta.): Znace že Žem rovna ploča? Hej, ĥej. Ciganjeli nas. Alje ciho! Pst! (Kladze paljec na usta ukazujuci že „ciho“.) Šicko to časc veljkoĥo planu. Planu staroĥo stotki roki! (U publiki pomali počina kormacanje i žubrotanje. Komedijaš še ljem u momentu viprosci i z normalnim ĥlasom na jednoho lika u publiki.) KOMEDIJAŠ: A co panje, vi nje verice?! Nje verice že toto šicko to nje pravda? Že nas cali život ciganja. Že sprevedaju generaciji i generaciji, stoljitija i stoljitija za nami! (Počina na piščacšo bešedovac) Vam to šmišne? 3
Vam to šmišne! Nia a! Tomu tu panovi to šmišne! (Ukazuje na koĥošik u publiki) Jest išče dahto že mu to šmišne? (Masa še počina išče baržej kormacac i podšmiškovac i medzi sobu: „...co mu?“ i „...tot už pohibel...“) KOMEDIJAŠ: Nia! Tu u tih paperoh mam šicko potolklovane! Njet veljo, alje šicko kratke i jasne! (Blaĥo še zĥerbi, paperi i daljej trima podzviĥnuto spram publiki, i počina šeptac) Toto tu na čim še nahodzime, toto co volame planeta Žem. To jeden najobičnjejši vselenski korabelj. Ĥej, korabelj. Htori še pred tisjači i tisjači rokami tu stanovel i počal obracac kolo slunka. Alje ciho! Pssst! Tu tih paperoh mam šicko fino i jasno potolkovane. I ljudze zoz tajnej službi me už počali šljidzicic. Alje nje znaju že som im sceknul i že som tu prišol. Ĥiĥiĥi! U sr.... (Patri dzeška poza publiki) Našli me! (Skaka zoz bini, ruca paperi do publiki i sceka. Masa še ljem dakus coška porušala, alje ostali uĥlavnim šedzic u svojih šedziskoh. Na binu vihodzi konobar.) KONOBAR (Ukazujuci z rukami že i jomu nje jasne že co še to točno slučelo): Ha... Toto... No, idzeme daljej. Sebo nam še nješka večar nje pridruži. Dostal svoj televizijni šou i mi mu u tim žadame veljo ščesca. Šljidujuci koĥo bim ljubel predstavic to... 4
(Mahajuci visoko z rukami, ubeĥuje komedijaš i prosto do štredku sali do publiki) KOMEDIJAŠ: NJE LAPICE ME! POVEM ŠICKIM PRAVDU! ŽEM ROVNA PLOČAAA!!! (U tim momentu publika skaka na njĥo i valja ĥo na žem. Konobar ih ljedvo zblaĥal, a komedijaša ljedvo ubedzel že ĥo njihto nje oĥanja. Večar še zakončel zoz jednu bezplatnu turu pica na rahunok hiži i špivanku do rana.)
5
6