PANXOLIÑA Xa veñen polo camiño as mozas pandereteiras. Veñen de Ourense e de Lugo, da Coruña e Pontevedra. Cantade rapaciñas as cancións da nosa terra, e bailade para o neniño unha alegre muiñeira. Xa no portal se escoita unha gaitiña galega que a toca un pastorciño que da nosa terra chega. Toca galeguiño toca con amor unha muiñeira, que ó neniño Deus gústalle o son da gaita galega. Calade ferriños, calar pandeiretas que o Neno está canso e durmido queda. Héctor Ortega García
FALADE BEN BAIXO
Os anxeliños do ceo cantan cantiguiñas meigas e os pastorciños do ceo cantan coplas feiticeiras. Falade ben baixo petade pouquiño para que non esperte o noso ruliño. En Belén en pobres pallas naceu por fin o Deus Neno por iso hai festa na terra por iso hai festa no ceo. Presentado por Héctor Ortega García
CUN SOMBREIRO DE PALLA Cun sombreiro de palla un galego a Belén foi, mentres adoraba ao neno comeulle o sombreiro o boi. Deixade ós pastores, deixadeos pasar que van adorar ao Neno, a Xesús no portal. Presentado por Helia, 1º A
POESÍAS DO NADAL É Noiteboa, Deus naceu sobre unhas pallas está durmido. Velan o seu sono María e Xosé. Todos correndo van a Belén.
Cántolle a María, tamén a Xosé e ó Neno fermoso que naceu en Belén. Con algunhas madeiras e palla limpiña, Xosé, o carpinteiro, fixo unha cuniña. Recollidas por Adán, 1º A
A ÁRBORE DE NADAL A árbore de Nadal coas estrelas púxose a xogar. Dúas estrelas puxo nos ollos, unha soa no nariz, e na boca media lúa que se cae ó facer AAACHÍS! Silvia Conde Carrelo 1º A
BO NADAL Bo Nadal, bo Nadal, o apalpador virá, bo Nadal, bo Nadal agasallos che traerá e turrón e mazapán comerás, tan, tan. Martín García Díaz
POEMA DO NADAL Navegando pola ría vai un pequeño barquiño, nel, San xosé e a Virxe María coidan do seu Neno. O nacemento esta Noiteboa ten aire mariñeiro no mar cantan as sereas e os anxos no ceo. As ondas, suaves, mecen o berce e o neno sorrí alegre vendo bañarse a lúa. Non faltan neste pesebre uns simpáticos delfíns, un distraído polbo e uns peixes saltaríns. E os Reis, sen camelos, puxéronse a navegar, unha estrela vai con eles guiándoos polo mar. Quizáis ti a vexas diferente pero así é o meu Nadal e a ti, que es boa xente, deséxoche Paz e Felicidade. (Matías Ortega) Presentado por Álex Díaz García