SNJEŽANA BUDANEC
SNJEŽANA BUDANEC
SE JE ZARASLE
ZAGREB 2022.
SE JE TIHE, SE JE ZARASLE
zbirka kajkavske poezije
AUTOR I UREDNIK Snježana Budanec
LEKTOR Gordana Horvat
AUTORICA NASLOVNICE Snježana Budanec PRIREMA Snježana Budanec copyright © Snježana Budanec
ISBN 978-953-49907-1-1
©Nijedan dio ove e-knjige ne smije se umnožavati, fotokopirati niti na bilo koji način reproducirati bez dopuštenja autora.
SE JE ZARASLE
5 SNJEŽANA BUDANEC SE JE TIHE, SE JE ZARASLE
A mamek, gdje si je?“
6 SNJEŽANA BUDANEC SE JE TIHE, SE JE ZARASLE
..„
MAMEK GDE SI JE ?
„Mamek, a gde si je?“
„Na Oberšje.
Hustu mi porušil veter Moram si drva nakalati i za zimu se spriemiti.“
„Mamek, a gde si je, pak?“ „Na Tačkovem Prehitili se koci.
Moram toj zdiči i znečim podprieti da mi gujceki vušli nekam ne bi dok ih vu škrinju ne pospravim.“
„A mamek ,gde si, znoveč te pitam?“
„Pak tu sam, na Talijanovem briegu.
Moram si totu crvenoga i bieloga luka, paradajza, paprike, pršuna, mrkve i zelja pobrati. Morti i zimnicu napraviti.“
„A mamek, gdje si je?“
„Tu v Vonjišnja. Kuruzu moram pobrati Bu mi Zlatke tou dopeljal vu truge svoje.
I kroumpira moram skapati i vreču ga nametati, f pelnicu pospraviti.“
„A mamek, gde si je?“ Se je tihe. Se je zarasle Nema se koj brati jer nema te totu više.
Nagrada za najbolju pjesmu na kajkavskom jeziku, Senje i meteori 2020.
7 SNJEŽANA BUDANEC SE JE TIHE, SE JE ZARASLE
ČUJ ME, MAMICA!
Čuj me, mamica, draga, odmah da ti poviejem z praga: Nisam pozabila baš nič, još mi za moj zagorski kraj serce diše. Tu sem zanaviek doma, kam mi furti noga beži, kak da im je stalne hora, na briegu kraj stare kleti im se leži. Kad mi dojde da me v duši tišči, ja se sietim purančeka malega kak na dvorišću pišči, kukurikanja grahastega kokota z staroga naherenog vrtnega plota, dedeka staroga kak s batinu trpi i mujceka kak na sunčeku ispred stare hiže spi. Rožicov tvojih sekud po dvorišču zasejene se zmislim naviek, onda je pri srčeku leže mi tek. Mamica, moja stara, sietim se ja tebe kak si mi pripovidala stare mudre priče kraj zdenca. Nisam nikaj pozabila kaj si me vučila, da te poslušam nisam ti se pričinila. Se sam pomne poslušala. I onu kak si se kak diete vu štalice z kravicami mučila dok su se druga deca vu škole vučila. Čuj me, mamica draga, Odmah da ti poviejem z praga: Nisam pozabila baš nič, još mi moj zagorski kraj serce išče. Čuj me, još jenput mamica draga, ja ti imam sad i zanaviek i tebe i zagorske brege jake rada.
Zbornik kajkavskog recitala „Stara lipa“ 2022.
8 SNJEŽANA BUDANEC SE JE TIHE, SE JE ZARASLE
ŠTRUKELJ PENEZ
Jelisava si je fertuna zvezala; koruznu plahtu poprek stola metnula; z melje je tieste zamiesila. Na čošek ga diela da se saja pol vure; zamutila jajca zsirem, domače obrane vrhnje zasipala na smesu i se dobre zmiešala.
Razvliekla je tieste prek cieloga stola fmlinec za štruklje. Metala po mlicu smesu žlicu po žlicu. Obrnula na početku mlinec i pokrila smesu. S kraja je prijela kuruznu plahtu i po malu obračala štrukelj doug ga nije cieloga namotala. Zele je tenier, nekterni pout i žlicu, riezala štruklje i stihuga metala vu protvu. Protvu popunila, odozgora po štruklu namazala z jajcem i diela protvu vu ruolu starinske kutne peči Na ogenj par suke metnula. Jelisava je znala na tere se temperature štruklji mouraju peči Nije imela nikakve vure kaj bi zvonila za zvaditi štruklje vun. Kad su se spekli, zvadila štruklje pečene z protve i posložila na tanier Berže bolje su z teniera nestali, kak tičeki su prhnuli. Zdej se više ni ne zna kaj su pravi prafcati štruklji i kak se dielaju Jedni se svadiju da su kuhani a drugi da su pečeni. Da bi takve štruklje nešči znal denes napraviti bi imel hrpu penez. Ovak ih morem same senjati i pisati o teim Tak je moja babica Jelisava z Petrove gore pekla štruklje.
Zbornik Senje i meteori, 2022.
9 SNJEŽANA BUDANEC SE JE TIHE, SE JE ZARASLE
10 SNJEŽANA BUDANEC SE JE TIHE, SE JE ZARASLE
…na here hiže drmiju.
čakaju da ih veter prehiti….
11 SNJEŽANA BUDANEC SE JE TIHE, SE JE ZARASLE
NA HERE HIŽE DRMIJU
Totu nema nikuga. Nema ni starih a ni mlajših.
Veter je vse odnesel.
Z praznu štalu furtim spomina se črček.
Nisem norec ali glase hu njem čujem, glase mukanja, roktanja, kokodakanja, glase stare babice i vujca.
Trde je lete kak suha zemlja. Na vse strane propuh puše.
Ni susedova živina se neče z menom spominati.
Na stranjski me glediju pes i maček, puran i racman stari. Jedni preklinju a drugi čkomiju.
I črnoglavci tud preletiju. Vu megle vremena se zgubiju.
Tu i tam pristane teri vu zarasle dvorišče stare matere. Vsu zemlju zavila megla črna. Nahere hiže drmiju. Čakaju da ih veter prehiti. Od jutra do zutra dišiju selske rože. Morti bu i sončeke došle i stopile ohlajene roke, zagrejale nutarnjeg čoveka i dane omotale vu veselje i popievku.
Same da se nešči vrnuti hoče k stare naherene hiže.
Zbornik Senje i meteori, 2021.
12 SNJEŽANA BUDANEC SE JE TIHE, SE JE ZARASLE
ZLEJANE SERCE
Tam vu Jambreščaku skapala bum stare dane terih više ni. Prislonila bum sjetne svoje snoupi na staru jabuku tera vu dimu spi. Kupiček smieha bum vu plašču skup pometala, tam gde se kosec visoke trave boji, tam gde kosu više videti ni.
Juškala bum popevku Božju makar nikoga je čuti ni. Zlejala bum vsaku cmizdravu kaplju vu prazni lagef starinski teri kak stari zaboraveljni deda muči. Natirala bum puranjsku pamet vu kokošinjec teroga zrušil je lanjski veter a nišče ga čul ni. A prek plota bu preletila kokotova kukmica črlena i bijena sukem Božje pravice tere čuti više ni. Tam vu Jarku bum hitila ščap vu plota teroga više videti ni, a za njim bu preletila zadnja nostalgična kap za kajkavskim krajem teri isti više ni. I nigdar takev kakvuga ga naivec slika više nebu, Same vu zlejanome sercu punih spomeni na stari kajkavski kraj bojo ostale dok se kučilec ne prehiti vu rovek črni na teroga se nišči zgledal nigdar nebu. Zote nek sklepani stihec stoji vu kajkavskom kupiču piesem I kak pisani spomenik nek ostane za svake zlejane srce od sad do zanaviek.
„Navade novoga vremena“ 40. recital suvremenoga kajkavskog pjesništva „Dragutin Domjanić“ Sv. Ivan Zelina 2021.
13 SNJEŽANA BUDANEC SE JE TIHE, SE JE ZARASLE
RAZMI ME
Breg, prijatelj moj z rukami mi mašeš; Z dalekog me husta hutebe mami. Rastali sme se; mišljenja niesu bila ista. Kak kamen, hram i stiena, još si totu; Grdosija, lučeš hude na me i moju ravnicu. Kaj me pritiščeš ze svojim rukami?
Guti me, večne hude zelene i rogate lukanje tvoje. Mramorna me farba lovi, muti mi se senje i lasi mi zdiže vu zrak. Me razmeš kaj ti velim?! Da mi fališ!
Niesem iste misli o vsem kraju tom. Ti se nikam zmeknul nebuš a ja moram po svom poutu iti. Naj mi zameriti moje grde rieči. Kak zlate te nosim husebe i nedam te nijednom prostaku kleti i rovati po tebe. Sprešla sam se po kržljavem i blatnem poutu jiela tvrdu kouru, jafkala i zdihavala… hutem vsem zmislila sam se na te; na brieg k tebe v hustu sem štela iti. No, razmi me; još se vrnuti ne morem pod zelenu kiklju tvoju.
„Gljibueke je kajkavske korienje“ zbornik kajkavske poezije, Krapina 2021
14 SNJEŽANA BUDANEC SE JE TIHE, SE JE ZARASLE
15 SNJEŽANA BUDANEC SE JE TIHE, SE JE ZARASLE
…kak gunj prostrla bu se po cielem selu, primeknula kmicu kak vanjkuš, pod glavu senje diela…
16 SNJEŽANA BUDANEC SE JE TIHE, SE JE ZARASLE
PROSIPANE SEMENJE
Kad bi mi peruti zrasle, igranje bi pun škrljak smieha bile. Na drieve gupček prinesem, dišeča stara koura me vu senje tira. Met grmem pišče kriči, na njega mujcek beči.
Vu draču življenja prosipane semenje žejne čaka dežč kad bu se zlejal. Oblak mi zbrisal Sounce. Dežč bu spral mi jade, blate nouve vu hižu donesel. Megla bu se obila med hiže. Kak gunj prostrla bu se po cielem selu, primeknula kmicu kak vanjkuš, pod glavu senje diela. Kmica bu se rastegnula kak mujcek posle spanja i svetle bu nam skrila.
Motike, zubače, štihače i vinjak budeju ftihli; prislonili buju se jen k drugem kak mali tiči vu grmlju na propuhu čubeči. Lampuš bude rasvetlil pospane poute; zibal bu nas veter jalni. Duval bu fdimnjake i med criepe se zaletaval kak biesni divljak.
Jadikofke bu po zemlje prosipal, namatal bu ih po zraku kak perje i nosil bu ih na pleča čez cieli zmrznuti kraj.
Tad bu mi vrieme došle da se fhižu pospravim i pletem dane kak dedek z šibami košaru nouvu.
„V praznoče živim“ zbornik recitala kajakavskog pjesništva 2022
17 SNJEŽANA BUDANEC SE JE TIHE, SE JE ZARASLE
EGIDOV KAJ
Zguljena kouža hada sikud perhuta; blješči kak kačina kouža. Črni dežč curi; kak coprnica je nebe. Kadi se z zemlje; rieže poute v nebeske kraje.
Prekaljeni obloki neba prodiraju vu zemlju. Megla vlieče kiklju, moči ju v potoku. Korite se ziblje; zavijaju hiže; potok se pretače vu lagve predrene. Grizoče je vunje; križi se zavili vu mramurne gunje. Zdižejo rouke, kadi se z douše, čovek kriči na črne Sounce.
Vužgale se vrieme, pomotale je poute; zeprale se kamienje, ostale su rouže. Stiskaju obloki steklene zoube. Presvlikla se zemlja hvuletje kristalne; bancala bu soubu kak na štiklami serne. „Kušni me“ 41. recital suvremenoga kajkavskog pjesništva „Dragutin Domjanić“ Sv. Ivan Zelina 2022.
18 SNJEŽANA BUDANEC SE JE TIHE, SE JE ZARASLE
KAJKAVSKE KUKURIKANJE
Kokot kukuriče, svoje kukurikanje po dvorišču hiče. Odzvanja mu popievka z slamnatega gunja, Kajkavce vu danec budi. Škornji klestiju poute, megla, čes hustu i tranik perste vlieče, zorne svetle, hiže i poute kak blate vodu muti. Z čokota curiju kajkavski tragi, krf čvrluga, čez meju tira meglu, vu serce kajkavskog kraja domača rieč vudira; rouži kak po bajsu da nešči tuče. Neda se potrieti, vu triešče hititi - ogenj vužiže v čoveku!
Otpiraju se lese, potoki kajkavskih stihov lijeju kak dežč čez peruti, perste, čez nebe, čez zemlju, čez hustu, čez meglu, vse pred sobu šlopljeju, čistiju perje kajkavskom jeziku.
Kak kvočka pribira kajkavske piščance, zbira zrnje i sadi nouve vrieme. Kak tuča na zemlju, Kaj po persi vudira pribira nam decu vu kajkavski kraj. Pomalu zorica se budi, čez obloke čuje se kukurikanje nuovoga kajkavkog proletja, tičeki su dima doleteli i spleli gniezda tera buju zdržala hude zaletavanje vetra, blesikanje zneba, tuču kamienja. Čokoti su rodni kajkavke rieči, klasi puni kajkavskih stihov. Kajkavci su vu svoje zemlje rodni; nek se čuje kajkavske kukurikanje zanaviek.
„Kušni me“ 41. recital suvremenoga kajkavskog pjesništva „Dragutin Domjanić“ Sv. Ivan Zelina 2022.
19 SNJEŽANA BUDANEC SE JE TIHE, SE JE ZARASLE
…Počistiti denešnje stanje i požeti nuove ufanje i nadu…
20 SNJEŽANA BUDANEC SE JE TIHE, SE JE ZARASLE
MRKLE I NAOPAK
Klopoteci vu mrkle čkomine kak mucavci na festivalu fletnih jezikof. Optrgavati snieg vu času žetve hrži, prejti se oprati na mrzlome potoku. Zaspati vu osinjem gnijezdu i kaču vu hižu na obed zvati. Jalof je to pljuček i naopačni sviet. Jafki nemreju zdiči anoreksnične pameti kad se po putu čovek zgubi a doma se vrne kak rogati mračnjak. Pepel se zdiže z vetrem črnim kak kiklja biele udovice Ftihle su kriesnice i mužika črčka. Pomrčina se zabila vu sunčeke i ne pusti ga da nam zgrije življenje vu ovem denešnjem sivem zdanju. Jalove je vse: danec i mrak, nebe i črna zemlja pod hromem korakem, pisana rieč i popievka, posel i spanje. Prevrnula se kuola seljaka i gospodska truga, zasipale se mučne stanje nad cieli ubogi sviet. Kaj bumo zdihavali zdej? Zdiči se trieba i lopate i srpa se prieti. Počistiti denešnje stanje i požeti nuove ufanje i nadu. Morti se tak ciepime od ovog naopačnoga vremena i vu zaborav hitime vse mučne z njime.
Brončani KAJ “Božo Hlastec” Ludbreg, 2021.
21 SNJEŽANA BUDANEC SE JE TIHE, SE JE ZARASLE
SADRŽAJ
MAME GDE SI JE?...................................................................................................................7
ČUJ ME MAMICA! 8 ŠTRUKELJ PENEZ...................................................................................................................9
NA HERE HIŽE DRMIJU 12
ZLEJANE SRCE..................................................................................................................... 13 RAZMI ME 14
PROSIPANE SEMENJE 17 EGIDOV KAJ 18 KAJKAVSKE KUKURIKANJE.............................................................................................19
MRKLE I NAOPAK................................................................................................................21
BIOGRAFIJA
Snježana Budanec rođena 1980. godine u Zaboku. Osnovnu školu pohađala je u Oroslavlju. Diplomirala je na Ekonomskom fakultetu u Rijeci. Živi sa svojom obitelji u Zagrebu. Poeziju piše od osnovnoškolskih dana. Sudjelovala na raznim literarnim natječajimauosnovnojškoliinanatječajimazamlade,recitalimakajkavskepoezije,Mili dueli-online balkanskom kontekstu pjesnika, Presingovom konkursu, Balkanska pjesnička unija i dr. Pjesme su objavljene na raznim portalima, časopisima i zbornicima. Dobitnica je nagrade za najbolju pjesmu na glazbeno-literalnom recitalu „Senje i Meteori 2020., brončani KAJ na 4. kajkavskom recitalu „Božo Hlastec“ 2021. Zbirka pjesama XY kompilacija izdana je 2021. Član je udruge za promicanje kulture KulturaSnova, Matice Hrvatske, Hrvatskog sabora kulture.
ISBN 978-953-49907-1-1
