Групата железнодобни предмети познати како „македонски бронзи“ е составена пред се од накит и е најкарактеристична за пределите на Македонија и Грција (Егејска Македонија). Овде е обработена иконографијата и симболиката на некои од овие предмети. Добиените резултати, поткрепени со митолошките и религиските традиции врзани за овие подрачја покажуваат дека споменатиот накит поседувал силно развиена магиско-религиска функција. Таа се состоела во поддржување на животните сили во човекот и негова одбрана од секое зло. Фактот што голем дел од овие предмети е пронајден во гробовите, го покажува и другиот домен на овој накит, поврзан со тогашните верувања во задгробниот живот и воскреснувањето на душата на покојникот.
