Boletín 168

Núm. 168

D.L. AS 90/1986

boletín

La LOMCE entra nel parlamentu; lo siguiente l’estatutu docente

www.suatea.org Email: suatea@suatea.org www.faceboock.con/suatea www.twitter.com/suatea Tfno. 985274343 C/ Telesforo Cuevas, 2, 1º A 33005 UVIÉU

E

Conteníu: La LOMCE entra nel parlamentu; lo siguiente L’ESTATUTU DOCENTE

1

Prohíbese enfermar, yá hai multes como en tráficu

3

El profesoráu interín del País Valencianu, en llucha polos sos derechos y los de la escuela pública Crónica d’una llucha

Cataluña: directores podrán escoyer al 50% del claustru y evalualu

abril 2013

4

5

La odisea del asturianu en secundaria

6

Les nuestres paisanes

8

De panderetes y gaites.

Una perspectiva de xéneru

9

#SOSUniUvi: El desaniciu de la Universidá pública d'Asturies

10

Un pasu más na construcción del laicismu

12

El martes 16 d’abril celebróse en Madrid una xunta ente’l Ministeriu d’Educación y les organizaciones sindicales, ensin nengún resultáu convincente respecto a la negociación del anteproyectu de la LOMCE, que ya ta dictaminau pol Conseyu d’Estáu. Depués d’esti trámite, el gobiernu entamará el trámite parlamentariu, que pue allongase, sigún el Ministru, dende final d’esti cursu hasta ochobre o payares, lo que tresllada la negociación fuera del Ministeriu, a los Grupos parlamentarios. Polo tanto la reunión MEC-sindicatos nun sirvió pa nada nesti puntu. L’aparente cambiu de postura del Minis-

FUELGA NEL ENSEÑU PÚBLICU

9 DE MAYU

teriu, sufriendo agora y fuera de tiempu diálogu cola representación del profesoráu, ye namás l’intentu de frenar les próximes movilizaciones anunciaes pola Plataforma Estatal pola Escuela Pública y la fuelga pal 9 de mayu, de les que la so convocatoria y acciones preparatories yá tán en marcha n’Asturies.

De forma unánime, les organizaciones, plataformes, movimientos de tou tipu en defensa de la escuela pública tamos entamando asamblees conxuntes, encierros, “abrazos” a los centros y cientos d’acciones nos centros públicos onde la comunida educativa ta espresando’l so total refugu a una llei y a unes

polítiques de retayos que pretenden degradar l’enseñu públicu pa proceder a la so privatización, volviendo a los más prietos años del franquismu onde namás podíen acceder a los estudios quien tuvieren medios para pagalos.

N’Asturies esta llei refúguenla tolos sindicatos del enseñu públicu, como pue vese na resolución aprobada pola Xunta de Personal Docente d’Asturies. En cambiu, la convocatoria de fuelga nel ámbitu estatal nun ye secundada por dos organizaciones, ANPE y CSIF. Son contradicciones qu’elles deberíen esclariar. Como deberíen esclariar cuáles son les sos posiciones frente a l’anuncia per parte del Ministru Wert d’un Estatutu Docente, que munchos reclamen y que dende SUATEA refugamos dafechu. Lo que pasa en munches CCAA del estáu gobernaes pol PP o CIU, como desplicamos nesti boletín, augura como va a ser el conteníu d’esi estatutu:

Bo l e t í n e s pe c i a l

XXXIV Día de les Lletres Asturianes

Página 2

- Despidu de miles d’interinos y interines como yá ta pasando en Madrid, Castiella La Mancha, País Valencinu… pa meter nel Estatutu otru sistema d’accesu qu’eche a la mayoría de los que güei tán trabayando.

Nel Estatutu muncho mos tememos qu’esta peñera “dixital” tenga rellación cola evaluación docente, como venimos denunciando dende SUATEA

- Afondamientu del modelu LOMCE de xestión docente: el director yá pue peñerar ─d’aprobase l’actual proyectu─ al 100% del personal interín y al 50% del profesoráu fixu en Cataluña. Nel Estatutu muncho mos tememos qu’esta peñera “dixital” tenga rellación cola evaluación docente, como venimos denunciando dende SUATEA y qu’eso seya’l remate a los derechos de los docentes y al afitamientu de la submisión total mazcarada de carrera docente…

Estes son delles razones, xunta los retayos propios de la nuestra comunidá ( retayos de plantiyes docentes, despreciu pola escuela rural, despidu d’interinos pel branu y torgues pa la so contratación futura, empioramiento de les condiciones llaborales, multiplicación de xera burocrática mientres suprimen programes de com-

pensación de desigualdaes) que faen que seya ca vuelta más importante la movilización y la fuelga del día 9.

Tola comunidá educativa va sufrir les consecuencies d’una llei, la LOMCE y d’unos retayos que pretenden poner al enseñu públicu a los pies de los caballos; una llei que desprecia’l trabayu de los docentes imponiendo evaluaciones esternes qu’amás van determinar el futuru del alumnáu; una llei qu’afita la discriminación y la segregación como principios rectores; una llei que-y da papel preponderante a la relixón católica mientres se desprecian los saberes imprescindibles pa formar ciudadanes y ciudadanos críticos; una llei que-y da a los nuevos directores el poder de peñerar a los sos docentes que perderán el so puestu de trabayu por nun ser dóciles y submisos, y que convierte’l concursu de tresllaos en papel moyao; una llei qu’acaba colos pocos escatafinos de xestión democrática que quedaben; una llei qu’avanza na privatización del sistema educativo y qu’apurre toles prebendes

imaxinables a les patronales del enseñu priváu y priváu concertáu, incluyendo la financiación de los centros que segreguen por mor del sexu coles perres de toos….

El trabayu conxuntu en defensa d’una escuela pública, laica, coeducadora y compensadora de les desigualdaes ye una xera polo tanto de toos y toes. La movilización ye l’únicu camín pa nun perder lo que tantos años costó ganar. Por eso ye imprescindible qu’en cada centru, en cada comunidá educativa se debata, se conoza’l conteníu d’una llei y unos retayos que pretenden acabar cola escuela pública.

ÎEscontra los retayos y los despidos. ÎPola retirada de la LOMCE . ÎEn defensa de la escuela pública.

FUELGA XENERAL NEL ENSEÑU PÚBLICU EL 9

SUATEA POLA OFICIALIDÁ Pola dignidá de la nuestra LLingua “L’asturianu como les demás, nesPieescueles y oficial” de imagen o gráfico.

Página 3

Prohíbese enfermar, yá hai multes como en tráficu

Estes midíes de retayu constitúin un atentáu escontra los derechos de los y les trabayadores amás d’una irresponsabilid á poles consecuencies que puen tener escontra la salú pública.

A

probóse en Mesa Xeneral un alcuerdu sobre vacaciones, permisos y llicencies pal personal de l’alministración.

Dende SUATEA queremos espresar el nuestru refugu al mesmu yá qu’entendemos que ye una vuelta más de tuerca p’acabar con bona parte de los nuestros derechos.

Primero rebaxáronnos el xornal, depués quitáronnos la paga estraordinaria y agora quítennos, al funcionariáu non docente, díis d’asuntos propios, díis d’acumulación horaria cuando les xornaes son de calter especial (por exemplu nueches), pero anque too esto mos paez inaceptable, onde rialmente se ceba esti alcuerdu ye na penalización de la enfermedá.

Nun pue almitise qu’ensin facer previamente un catálogu, nuevu y rial, d’enfermedaes profesionales, se mos quiten perres cuando presentamos una baxa por enfermedá. Estes baxes, sigún esti alcuerdu, entren dientro de continxencies comunes, pero ye persabío que rialmente una bona parte d’elles débense a enfermedaes llaborales y la otra a enfermedades infectocontaxoses.

Paralelamente, depués de la convocatoria de Mesa

Sectorial d’Educación, l’Alministración del Principáu d’Asturies va publicar una riestra de documentos que manquen los derechos de la xente que trabaya na función pública asturiana. Otra vuelta, discrimínase a quien se dediquen al llabor docente negando la posibilidá de disfrutar de díis de permisu por asuntos particulares.

Contémplense, sí, una riestra de midíes que meyoren la conciliación de la vida llaboral y personal; sicasí, munches d’eses midíes tán xuncíes a les necesidaes del serviciu. Dende SUATEA refugamos que los derechos de los y les trabayadoras tean sometíos a condiciones.

La guinda’l pastel d’estes midíes ye’l descuentu en nómina d’aquelles persones que se pongan males en tol funcionariáu. Ye inaceptable penalizar la enfermedá de les y los trabayadores. Los descuentos nun serán d’aplicación a cuatro días d’ausencia en ca añu natural, d’ellos trés podrán ser consecutivos siempre qu’estes ausencias tean motivaes por enfermedá o accidente. Anque estos documentos se publiquen bien entráu l’añu 2013, estos díis ensin penalización nes retribuciones tienen efectu dende’l día 1 de xineru de 2013, asina que ¡cuidao! si tenemos pasao la gripe y faltemos al trabayu nun podremos tener, por casu, una gastroenteritis ensin que mos quiten parte del xornal.

Los xornales mileuristes de gran parte del funcionariáu faen que yá nun podamos ponenos malos, yá que por una selmana de baxa quítennos cerca de 200 euros. Con estos descuentos nun-yos paga’l tiru facer un catálogu nuevu d’enfermedaes porque entós yá nun podríen aforrar, que ye de lo que se trata:

aforrar perriba incluso de la nuestra salú.

D’otru llau, duldar del criteriu de los profesionales de la melicina, que tamién son personal de l’alministración,dexa n’evidencia lo poco que valoren a los sos trabayadores y el so llabor.

Cuestionar los sos criterios, cuando mos encamienten nun dir a trabayar, ye de gran prepotencia yá que los nuestros políticos asumen responsabilidaes que nun-yos competen y qu’atenten escontra la salú de la población en xeneral y de los sos trabayadores en particular.

Estes midíes de retayu constitúin un atentáu escontra los derechos de los y les trabayadores amás d’una irresponsabilidá poles consecuencias que puen tener escontra la salú pública.

Pa torgar más baxaes nel xornal vamos dir a trabayar en condiciones de salú poco amañoses esponiendo al restu de la población a contaxos indeseaos.

Paez claro qu’esti alcuerdu va empobináu a reducir tamién el númberu de pensiones y la cuantía que nel futuru habrá que pagar, yá que con una calidá de vida tan llaceriosa a lo llargo de la nuestra vida llaboral ca vez más larga, llegaremos menos a la xubilación, diremos cayendo pel camín o al pocu de retiranos. Puen sentise contentos los nuestros dirixentes: tán asegurando un aforru pal presente y asegurando’l cobru de pensiones pa la xente afortunao que seya a aguantar ¡YÁ TIEN UN ESMOLECIMIENTU MENOS EL SISTEMA DE PENSIONES!.

Por too esto dende SUATEA, amosamos el nuestru refugu total a esti alcuerdu, que supón un gran deterioru de les nuestres condiciones llaborales y de salú.

Página 4

El profesoráu interín del País Valencianu, en llucha polos sos derechos y los de la escuela pública. Crónica d’una llucha

L

’otru sábadu 27 de febreru la Conselleria d’Educació del País Valencià valtaba l’actual alcuerdu de profesoráu interín (robláu en 2010, hai malpenes dos años, por STEPV, sindi-

Sustituyir una parte del profesoráu combativu y lluchador, de segundes y, polo tanto, controlar les plantiyes nun sector mui contestatariu como ye l’enseñu; y, en menor midía, aforrar dellos euros en trienios.

catu mayoritariu na Comunidá y miembru de la Confederación de STEs, como SUATEA- CCOO, CSIF, ANPE y UGT) y plantegaba un testu nuevu pa que los cinco sindicatos roblaren otru alcuerdu. La propuesta de l’alministración, baxo la más que discutible premisa de que’l meyor profesoráu ye’l que saca les oposiciones, consiste en rebaremar al profesoráu interín que nun aprobara nunca les pruebes de la fase d’oposición, ca vez que se convoquen nuevos procesos selectivos.

Esto traduzse en que más de la mitá de los 14.000 docentes interinos puen perder el so sitiu na bolsa (y el so puestu de trabayu) si nun aprueben les oposiciones.

Asina, ábrese un nuevu conflictu llaboral col profesoráu interín, castigáu dende 2010 polos continuos retayos de plantiyes (unos 5.000 interinos perdieron el so puestu de trabayu d’entós p’acá). ¿Qué saca l’alministración con esta midía, innecesaria dafechu depués de 20 años de funcionamientu de les bolses ensin problemes? Delles coses a un tiempu: dividir al colectivu ente aquellos a quien beneficia y a quien non, de primeres; sustituyir una parte del profesoráu combativu y lluchador, de segundes y, polo tanto, controlar les plantiyes; y,

en menor midía, aforrar dellos euros en trienios.

Al conocer les intenciones de Conselleria, darréu convóquense asamblees n’Alicante y Valencia (Castellón taba de fiestes) que resulten multitudinaries y qu’alcuerden la convocatoria de seis díis de fuelga ente Falles y Pascua, y una riestra de movilizaciones.

Na asamblea d’Alicante tán presentes los sindicatos STEPV, CCOO y UGT, pero namás el primeru va apoyar la fuelga. Asina lo ratifiquen tamién la mayoría del restu d’asamblees de STEPV n’otros llugares del País Valencianu. La fuelga tamién cunta col apoyu de l’Asociación de Funcionarios Interinos Docentes (AFID) y la Coordinadora de Profesoráu Interín (CPI). Esta última entidá naciera pocos meses anantes pa significar la problemática del colectivu interín na campaña de retayos al funcionariáu.

La Conselleria amenaza que de nun se roblar el segundu borraor presentáu na Mesa de Negociación publicaráse una orde sobre’l primer borraor, un claru xantax pa intentar forciar la firma per parte de les organizaciones sindicales.

pesllada.

El 27 de marzu, na asamblea de pieslle de la sexta y cabera xornada de fuelga, alcuérdase siguir coles movilizaciones. Les concentraciones d’estos díis siguiéronles cientos de persones que fexeron una acampada ambulante na redolada de la Consellería. El día 3 d’abril celebrábase la Mesa Sectorial de Educación onde cuatro sindicatos, CCOO, ANPE, UGT y CSIF, decidieron roblar el tercer borraor presentáu pola Consellería d’Educació. La propuesta ye una variante del segundu borraor: amplíase la moratoria a les especialidaes de secundaria que se convoquen esti cursu; amplíase’l colectivu de xente que nun va ser rebaremao a tolos que prestaron servicios anantes de 1994 y 1995 (cuerpu de mayestros y de secundaria respectivamente) y alcuérdase nun convocar oposiciones en 2014. Los sindicatos roblaron ensin consultar a la xente movilizao, nun lo fexeron nin cuando’l proceso nin na parte final de la “negociación”. Esti fechu motivó una reacción enraxonada de los cientos de persones que taben concentraes a les puertes de l’Alministración Educativa valenciana. Los representantes del STEPV deciden salir de la mesa pa informar de la propuesta que foi valorada negativamente pola xente, motivu pol que resuelven, en coherencia col nuestru modelu sindical y les reivindicaciones plantegaes, nun roblar. El recibimientu de la comisión negociadora mixta, formada por persones del sindicatu de profesoráu interín AFID, de la Coordinadora de Profesoráu Interín y del STEPV, foi mui emotivu, pesie al alcuerdu aprobáu, con abrazos, aplausos, lloros y glayíos de “Sí se puede” y otros asemeyaos.

El día 20 de marzu entamen les seis xornaes de fuelga y toa una recatafila d’acciones y movilizaciones qu’empecipien con una manifestación de más de 3.000 docentes peles cais de Valencia.

Teniendo en cuenta que’l colectivu interín que ta trabayando anguaño ye d’alredor de 6.000 docentes, la valoración del primer día de fuelga foi enforma positiva. Nes siguientes xornaes fexéronse numberoses concentraciones y asamblees descentralizaes per tola comunidá. Pel camín, súmense los partíos políticos Pie dede imagen o gráfico. El gobiernu valencianu ratificó la oposición y FAPA-Valencia, qu’asisten a les movilizaciones dos díis depués l’alcuerdu, coincientamaes. La fuelga saca que la diendo con otru paquete de reConsellería convoque una nueva tayu de plantiyes... Les movilizacimesa de negociación pal 3 d’abril ones siguen..... y, poro, la negociación nun queda

Página 5

LO QUE MOS VIEN ENCIMA Cataluña: directores podrán escoyer al 50% del claustru y evalualu A VER, VAMOS PONER LOS MÉRITOS ESPECÍFICOS PA LA PLAZA DE FÍSICA Y QUÍMICA TA TAC TAC

C TAC

HAI 73 NA LLISTA

PON QUE TENGA`L NIVEL C2 D`INGLES

TA TAC TAC

C TAC

QUEDEN 24 PON QUE TENGA 4 AÑOS DE FLAUTA TRAVESERA

TA TAC TAC

C TAC

QUEDEN SIETE

PON QUE TENGA 3 AÑOS DE BALLET CLÁSICU

TA TAC TAC

C TAC

QUEDEN DOS MMM ¿QUÉ TENGA UNA MEDALLA OLÍMPICA? TAC TA TAC TAC

NUN ME DIGAS ¡QUÉ CASUALIDÁ!

C

QUEDA UNA, …., COIME, ¿ESTA NUN YE LA TO SOBRINA?

T

ovía nun s’aprobó la LOMCE nes Cortes españoles pero yá hai anticipos gracies a dellos gobiernos autonómicos.

Si n’Asturies ye la llamada “carrera profesional”, qu’afita la discriminación salarial y pon la figura del director como evaluador y polo tanto con capacidá de decisión sobre un tantu por cientu del xornal del docente, en Cataluña van otru pasín más p’alantre y pretenden que la dirección de los centros escolares puea escoyer a la carta la so plantiya.

La USTEC (sindicatu hermanu de SUATEA) denuncia que’l gobiernu de la Generalitat quier que’l 50% de los puestos de trabayu nos centros públicos catalanes puea

elexilos la dirección del centru y evalualos una comisión, d’aprobase la cuarta versión del borraor del decretu de provisiones de plantiyes de la Conseyería d’Educación. Esti documentu, que desendolca la Llei d’Educación de Cataluña (LEC) especifica que la dirección “intervien na definición de los requisitos específicos desixíos pa ocupar determinaos puestos de trabayu de la plantiya docente”.

Estos requisitos puen ser adicionales, d’esperiencia del profesor, de titulación o incluso de “capacitación profesional del docente”, pudiendo proponer característiques de funciones individualizaes del perfil específicu de los puestos de trabayu d’especial responsabilidá, como los directivos, sigún el testu. Pondríase amás, sigún denuncia la USTEC, una “evaluación del cumplimientu del puestu de trabayu” al traviés d’una comisión formada por un inspector, la dirección y profesionales que, baxo criterios tovía por definir, controlaría si los docentes encaxen nel perfil y estudiaría la so competencia como docentes.

LA LLUCHA CONTRA LOS RETAYOS Y EL PROFESORÁU INTERÍN: UN COMPROMISU DE SUATEA Los últimos retayos que vien sofriendo l’enseñu públicu (aumentu d’horariu, conxelación salarial, ratios...) afecten enforma al colectivu docente, especialmente a aquel que s’alcuentra nuna situación más precaria: l’interín. SUATEA, xunta con otres fuercies sindicales, desenvolvió numberoses movilizaciones escontra estos retayos.

CRONOLOXÍA Añu 2007: implántase n’Asturies un nuevu sistema salarial col nome de “carrera profesional” afita, con criterios arbitrarios, una discriminación ente’l colectivu docente que puede llegar a cobrar ente 100 y 200 euros mensuales menos desenvolviendo’l mesmu trabayu.

SUATEA sigue lluchando hasta’l día d’hoi en solitario contra esta inxusticia.

Añu 2010: reduzse’l xornal del profesoráu ente un 6% y un 8%, y queda conxeláu p’años venideros Añu 2011: xube un 2% lo que pagamos d’impuestos d’IRPF Añu 2012: suprímese la paga extra del Nadal Añu 2013: déxase ensin el cobru del branu a tol profesoráu interín. Descuéntase hasta un 50% del xornal en casu de baxa llaboral por enfermedá.

Nos últimos años el xornal del profesoráu amenorgó ente 3.000 y 7.000 euros añales. Y esto ensin cuntar el nun cobrar la “carrera profesional”.

Estos retayos de calter económicu vienen acompañaos de cambeos sustanciales nes relaciones llaborales que precaricen l’emplegu y qu’afecten tamién de xeitu especial al colectivu docente interín.

Esta contratación a deu afectaría a tol personal interín, a los funcionarios de carrera ensin plaza fixa y incluso a aquellos con destinu definitivu, a los que, depués de la evaluación, podríase incluso reasitiar n’otru centru de la mesma zona o da-yos xera ensin docencia. Arreblagaríase asina perriba de les llistes d’interinos o de les de méritos de los funcionarios de carrera, introduciendo asina l’arbitrariedá como norma fundamental na contratación de personal.

Esta situación daríase tamién nes llistes d’interinos pa cubrir sustituciones temporales, yá que’l centru podría peñerales pa escoyer les persones que tuvieren “los criterios de mayor méritu y capacidá y s’afayen meyor a les peculiaridaes del centru”.

USTEC denuncia qu’esti borraor ye un intentu de xerarquizar les rellaciones dientro de los centros y de controlar al profesoráu, amás de desregularizar l’asignación de puestos de trabayu polo que desixen la so retirada darréu.

D’aprobase la LOMCE esta situación podría incluso agravase, daes les competencies qu’esi proyectu de llei pretende reconocer a la figura del director.

AST

LO QUE YÁ APORTÓ Nun se cubren el 90% de les xubilaciones Aumentu del horariu llectivu en Secundaria Aumentu de les ratio Tárdase 10 díes en cubrir les baxes que se producen Aumentu de contratos a media xornada Eliminación de programes educativos ...

LOS COMPROMISOS DE SUATEA Nel añu 2012 SUATEA apoyó les movilizaciones convocaes pola Asamblea de Profesoráu Interín pola Escuela Pública ente los retayos que s’anunciaben pa esti cursu académicu. Sicasí, estes acciones taba bien que cuntaren con un mayor apoyu pa impedir les milenta places amortizaes, tamién ye cierto que sirvieron de semiente pa movilizaciones porteriores.

LO QUE TA POR VINIR D’OTRES CCAA En Castiella-La Mancha despidieron a más de 3.000 interinos/es y substituyéronlos por “becarios” que trabayen ensin xornal.

Al cabu d’esti cursu 2012-13 tenemos convocao asamblees del colectivu docente interín non solo pa informar y movilizar al colectivu, sinon p’alertar de lo que vien a curtiu plazu, especialmente si nun aparamos la nueva Llei d’Educación. Nesti contextu ye onde s’asitien acciones como la pitada cuando la reunión de la Mesa Sectorial onde se debatió’l despidu de los interinos/es durante’l branu a finales del mes de marzu.

Tán cambiando los criteros d’ellaboración de les llistes del profesoráu interín (Valencia, Castiella-La Mancha...), poniendo’l pesu na nota d’oposición (hasta un 80% en Madrid) frente a la experiencia llaboral.

LO QUE TRAE LA LOMCE Contratación a deu por parte de les direcciones de los centros Retribuciones salariales que dependen de los resultaos del alumnáu nes evaluaciones externes Supresión de munchos puestos de trabayu al reducise o suprimise l’horariu de determinaes materies

SUATEA sigue comprometiéndose a tar a disposición del colectivu de profesoráu interín pa recabar información y dar cobertura llegal a les acciones que se quieran entamar asina como a mantener un apoyu activu consecuente cola nuestra trayectoria sindical.

c/ Telesforo Cuevas 2, 1u. A-d 33005 Uviéu Tfnu. 985 274 343 Fax 985 236 464

www.suatea.org suatea@suatea.org Síguinos en: www.twitter.com/suatea www.facebook.com/suatea

Página

S

La odisea del asturianu en secundaria

i hai que definir con poques palabres la situación de l’asignatura de llingua asturiana y lliteratura, estes seríen provisionalidá permanente y arbitrariedá.

Los equipos directivos de los centros manipulen cada cursu la matrícula d’Asturianu según les conveniencie s del profesoráu de plantiya

El problema de la “optatividá” Na Enseñanza Secundaria, dende la implantación de l’asignatura, el deterioru y la condición de provisionalidá d’esta materia ye constante. A lo llargo de tola etapa de Secundaria Obligatoria y del Bachilleratu, la propia condición d’optatividá da llugar a tou tipu de irregularidaes qu’impiden siquieramente la so presencia n’igualdá de condiciones con otres materies optatives.

La competencia con asignatures como les d’idiomes estranxeros con muncha más promoción y prestixu social -y qu’impliquen en bien de casos hasta un viaxe d’intercambiu internacional- faen que s’afonde tovía más na percepción de la poca utilidá de l’asignatura d’asturianu. Los alumnos d’asturianu pueden beneficiase siacasu y con suerte de delles actividaes subvencionaes pola Conseyería (qu’esti añu acabáronse) y salides locales.

Tamién se ta llegando a una competición ente’l profesoráu de les optatives por ver quién lleva más rapazos. La partida siempre la pierden los d’asturianu porque son interinos y amás rotantes/ rodantes (cada añu tán nun centru distintu). Esta situación de competencia ye especialmente sangrante en segundu ciclu d’ESO, onde la competencia con

nueves optatives ye cada añu mayor.

xeneral. Na mayoría de los casos sí hai impresos y sí s’ofrez, pero Los equipos directivos de los centros manipulen cada cursu la matrícula d’Asturianu según les conveniencies del profesoráu de plantiya . La esplicación a esto ye que munchos profesores con plaza nel centru educativu queden con pocos alumnos pola mengua de población o de matrícula na so asignatura. Esti añu col incrementu de la carga horaria agravóse esti problema. De resultes ponen a esi profesor a dar una optativa inventada “ex profeso” y si fai falta, suprimen asturianu pa impartila.

Demostrar estos atropellos que toos conocemos de primer mano ye llabor imposible porque requeriríase una actitú non yá militante sinon policíaca per parte de padres y docentes.

La matrícula L’asignatura d’asturianu na ESO foi en dellos centros y cursos una disculpa mui guapa pa consiguir un profesor que “cubra furacos” del horariu, guardies o poder desdoblar clases de lengua castellana o otres. Pa ello impídese que dea demasiaes hores de llingua asturiana poniendo torgues a la matrícula d’alumnos. Ye dicir, convién qu'heba asignatura polo xeneral, pero “dientro d’un orde”. Lo normal ye permitilo nos primeros cursos d'ESO. El resultáu ye que solicites una vacante d’asturianu, dántela y depués atopes que vas solo’l 20% correspuende a llingua y lliteratura asturiana.

Otru resultáu d’esto ye que les cifres que vien manexando la Conseyería tán falsiaes. Por exemplu, falen del incrementu de La manipulación nos centros matricula na ESO (pequeñu) y pa Pa poder matriculate n’astuello cuenten como alumnos d’as- rianu hai torgues pero tamién les turianu tolos que tán asignaos a hai depués de matriculáu. Ye un profesor contratáu como do- práctica normal sacar lliteramencente de llingua asturiana. te de clase a alumnos pa llevalos No que toca a los problemes a otres asignatures una vez que tien un alumnu a la hora de avanzáu’l cursu. Dase tamién el matriculase, puen dase dellos casu de que’l centru recomienda escenarios, dende que nun lu a los padres y madres que’l so fíu dexen directamente con milenta tien que garrar esto o aquello. escuses (yá garrasti otra optativa Les otres optatives hai que llenal’añu pasáu y nun se pue cam- les porque’l profesoráu nun ye biar, nun sois abondos, etc) a tan interinu nin tan itinerante dexalu pero depués cambialu a como’l nuesu. L’efectu ye que otra materia cola sida de que l’asturianu ye una asignatura Pie de imagen o yeren pocos. gráfico. “marcada” pa los que nun quiePolo tanto convién nun ane- ren estudiar fuerte. Los alumnos ciar con argumentos como “nun sorpréndense cuando ven que s’ofrez” “nun ta nos impresos”, “hai llibru” y hai qu’estudiar etc. porque eso nun ye asina polo (pensaben qu’esto del asturianu

6

Página 7

Anque sería previsible que los alumnos qu’escueyan asturianu na ESO fueren los que tuvieron asturianu en primaria, la realidá ye que los más “llistos” son derivaos a francés y los más “burros” a asturianu yá nel primer ciclu.

yera una comedia) colo qu’en cursos socesivos un porcentaxe pásase a otres optatives qu'aparte de ser una comedia de verdá permiten qu'un profesor con plaza complete horariu.

Anque sería previsible que los alumnos qu’escueyan asturianu na ESO fueren los que tuvieron asturianu en primaria, la realidá ye que los más “llistos” son derivaos a francés y los más “burros” a asturianu yá nel primer ciclu. En cuarto faise tolo posible pa que nunca heba un grupu numberosu (nun vaya ser que pidan asturianu en Bachilleratu).

Les condiciones de la docencia Tamos falando d’un grupu de docentes qu’exerce el so trabayu nes piores condiciones posibles. L’asignatura nun existe formalmente nel catálogu; el profesoráu nun forma parte de la plantiya orgánica. Nun existen nin existieron oposiciones polo que la práctica totalidá ye profesoráu interín. Asina mesmo, la

media xornada ye abrumadoramente mayoritaria y la tasa de continuidá nel mesmu centru penosa.

Los profesores d’asturianu en secundaria tenemos que trabayar inxertos nun departamentu ayenu (davezu Lengua Castellana), ocupándonos de xeres propies d’un xefe de departamentu; faciendo programaciones, memories y demás... y too ello munches veces nun ambiente d’hostilidá manifiesta pa cola nuestra asignatura.

La imposibilidá de competir col segundu idioma estranxeru, asina como l'establecimientu arbitrariu de ratios y confección de grupos con criterios restrictivos (como tovía se fai en Bachilleratu), asina como’l fechu de que s’imparta dos hores selmanales nun ayuda a la complección del currículu y amás l’asignatura vese afectada poles actividades estraescolares en mayor midida.

En resume, la normalización de la materia ye enforma difícil

si sigue calteniéndose’l calter d’optatividá contra’l criteriu de voluntariedá recoyíu nel artículu 4º del Estatutu Autonomía y la mesma Llei d’Usu. L’asignación d’alumnos a les diferentes optatives obedez más a criterios de conveniencia pa completar horarios de profesores con poques hores llectives, con decisiones arbitraries qu’a una verdadera voluntariedá, polo que nun ye arriesgao dicir que la optatividá nun ye otro qu’una mentira y a les torgues conocíes súmense otres como nun ser mal alumnu, nun tener necesidaes educatives especiales nin llevar asignatures de rastru.

Nun puedes deprender dos idiomes estranxeros nin dir a viaxes internacionales; tienes qu’estudiar de verdá y non como n’otres optatives; asumir que nun va computate la nota pa la PAU y que si hai más d’un grupu vas tar nel de los “menos llistos”.

Iván Huerga

Página 8

Les nuestres paisanes

C

Artículu de Sidoro Villa Costales.

Publicáu nel diariu El Comercio en branu de 2012.

on tolos dolores del mundu al llombu, bamboliando’l so cuerpu cansáu pela cera alantre, caminen les nuestres paisanes. Ehí van, sofitaes tolo más nun cayáu, arrastrando’l carrín de la compra o tirando del nietu. Gasten cadera nueva o prótesis na rodiya, tarázales l’artrosis o “esparden cola pata la rosada”, como elles mesmes dicen con elegante ironía, por causa d’embolies y otros papurrios, pero nun doblen.

Fartuques de trabayar tola vida na casa llimpiando, fregando, cocinando, aperiando al home y los fíos, que yeren siempre inútiles totales pa los asuntos del llar. Apulmonaes bien d’elles dende neñes colos llabores de la casería, llendando,

catando, estrando, sacando’l cuchu, aparraes debaxo inmenses macones, trabayando a la yerba con tanta brenga o más que’l paisanu. Ensin retiru nin cuenta de tenelu, ensin sueldu propiu nin vida social abierta, ensin chigre nin partida. Xuncíes de por vida al xugu d’un maríu que podía ser buenu o malu, según pintara: ¡Qué de machos veteranos diríen pal cuartón si les lleis contra la violencia de xéneru tuvieren carácter retroactivu! .

El mesmu Estáu y la Santa Madre Ilesia de la España grande y llibre nun diben salir absueltos nesi xuiciu necesariu, que nunca se va entamar, pol dañu fechu a les nuestres paisanes. Qué gran engatada-yos armaron a les probes toos aquellos curones, maestros,

padres, gobernantes, col cuentu de l’abnegación, emponderando’l so papel sagráu nes cocines, sentenciando’l más mínimu enclín de rebeldía. Qué pequeñu espaciu la familia pa la llibertá, qué requexu afogadizu pal conocimientu y la cultura. La familia como un conventu ayenu a los colores del mundu.

Como una xaula de la que tolos díes marchaben los páxaros: pal tayu, pa la escuela, pal chigre...menos elles, que-yos cortaron les ales. Neñes que nacieron a la vera la guerra o na posguerra cenicienta con un destín de servidume callada marcáu a fueu nel alma, y qu’agora, setenta años depués, tovía trabayen animoses olvidando los enquices, ensin resentimientu.

Hai que posa-yos la gorra.

RECONOCIMIENTU A SUATEA POL ESPARCIMIENTU DE LA SITUACIÓN DE LOS DERECHOS HUMANOS EN COLOMBIA

Pie de imagen o gráfico.

.

Reconozse’l llabor de divulgación del nuestru sindicatu del conflictu políticu colombianu.

Página 9

D

De panderetes y gaites.

Una perspectiva de xéneru

os de los instrumentos más representativos de la tradición musical asturiana sonlo tamién de delles formes de relacionalidá carauterístiques del sistema patriarcal. La gaita d’un llau, vencellada al campu samánticu de lo masculino, y la panderetu d’otru, principalmente relacionada cola feminidá. Si bien este diferencies tienden manifestase de forma menos evidente qu’apocayá –sobre too nel casu la gaita–, lo cierto ye que, anque menos visibles, siguen entá presentes. ¿A qué se debe esta diferenciación? ¿por qué se tien caltenío nel imaxinariu de nueso? Como aveza a asoceder nestos casos, nun hai respuestes zarráes nin categóriques; sicasí, hai delles carauterístiques relacionaes cola práutica d’estos dos instrumentos que nos lleven a entender el por qué de la fortaleza d’estes inscripciones de xéneru.

- Dicía Judith Butler a entamos de los 90, nun llibru que marcó l’arranque de les aproximaciones performatives al rodiu la identidá, que’l llugar au se produz la diferencia ye la mesma práutica, repetía y sedimentada; poro, los espacios onde se toquen la gaita y la pandereta tornen importantes pa entender los imaxinarios y les relaciones de poder que s’articulen al rodiu de so. Nesti sen, hai que referise a la distinción ente esfera privada y pública, clásica na hestoria’l feminismu pero non por ello menos afayadiza pal analís de les relaciones de xéneru. Dende esti puntu vista, l’espaciu de lo público tiende a apaecer vencelláu al home y a les práutiques que se-y consideren propies (el trabayu asalariáu, la política, les relaciones sociales, etc.), toes elles prestixaes enforma na

tradición del pensamientu occidental. D’otra miente, la esfera de lo privao suel ser un espaciu simbólicu –y práuticu– relacionáu colos estereotipos de lo femenino: los trabayos domésticos, los cuidaos, la reproducción y otros llabores non remuneraos.

-¿Cómo se relaciona esto col tema que mos ocupa? D’un llau, la gaita yera un instrumentu tradicionalmente vencelláu al ámbito lo público: taba en manes d’homes, tocábase en romeríes, mises o actos públicos de toa triba, yera un oficiu pol que siempre se cobraba y tenía un calter d’excepcionalidá que-y daba un ciertu prestixu –en contraposición a la música de la cotidianidá–. D’otru llau, la pandereta, que yera cosa mayoritariamente de les muyeres, interpretábase principalmente nel ámbitu de lo privao (los bailles de los domingos, esfoyaces, mayaeres, etc.), yera una práctica non remunerada y mucho más vencellada a la cotidianidá. Ye por ello que podemos falar de la presencia de dinámiques de (re)producción la relacionalidá patriarcal yá na práutica tradicional de la gaita y de la pandereta. Igualmente, les consecuencies d’esto vémosles en munches otres inscripciones simbóliques que van dende’l mesmu usu del llinguax a otres formes simbóliques presentes nel imaxinariu tradicional.

-Otra cosa sedría falar de los diferentes procesos al traviés de los que la pandereta y la gaita pasen a funcionar como una técnica de representación de l’asturianidá: primero colos grupos de baille y los gaiteros solistes y, más modernamente, colos fenómenos de les bandes de gaites y de la música folk.

Evidentemente, esti ye un fenómenu bien complexu y con llínies pe-

restremaes. Sicasí, en cuantes al xéneru, hai que solliñar que, si bien delles coses camudaron pa bien –el debilitamientu de les diferencies de xéneru vencellaes a la dicotomía público/privao, el surdimientu de les muyeres gaiteres como axente mayoritariu o la visibilización de la figura del home pandereteru– hai otros munchos elementos na (re) presentación de la música tradicional asturiana que siguen perpetuando imaxinarios de dominación patriarcal.

El fechu de que la gaita seya’l símbolu hexemónicu emplegáu pa representar la música asturiana, que los grupos de baille sigan presentando la música de pandereta namái qu’en manos de muyeres, que los espacios de poder dientro’l mundiu la gaita tean mayoritariamente ocupaos por paisanos o que los homes que toquen la pandereta seyan vistos como afeminaos, son dalgunos datos que nos dan pistes de que la música tradicional asturiana, al traviés del so poder simbólicu, sigue participando de la perpetuación de formes de dominación de calter patriarcal.

Esto nun quier dicir que’l mundiu la música tradicional seya especialmente retrógradu, el sistema patriarcal ye daqué que, por desgracia, tresciende les llendes de lo asturiano. Poro, l’enfotu d’esta reseña nun ye otru que’l de recordar qu’a pesar de que l’esporpolle de la música tradicional nes caberes décades vieno de la mano d’un procesu xeneral de llucha por algamar más llibertaes en diferentes ámbitos de la cultura, entá ye muncho lo que queda por trabayar por algamar.

Llorián García-Floréz

Página 10

#SOSUniUvi: El desaniciu de la Universidá pública d'Asturies

L

Nos tres últimos años, la financiación del Principáu d'Asturies a la Universidá d'Uviéu amenorgó nun 30% .

Una persona del Grau en Psicoloxía paga anguaño 1300 € por matriculase nel primer cursu, cuando una persona de la Llicenciatura pagaba, nel últimu cursu, 600€.

a Universidá d'Uviéu vive anguaño una de les crisis de más gravedá de cuantes sufriera na so llarga historia. N'efeutu, anque esta esmolecedora afirmación se caltién fuera del discutiniu mediático-políticu de los últimos meses, ye una realidá palpuñable pa cuantes persones formamos parte de la Comunidá Universitaria Asturiana. Estudiantes, profesoráu y personal d'alministración y servicios tamos viendo como les peores predicciones d'aquelles voces critiques que, dende hai más d'una década, llevaben alvirtiendo sobre la deriva mercantilista, recortadora y elitizadora de la institución, van confirmándose.

L'Espaciu Européu d'Educación Superior –el famosu “Plan Boloña”–, vendíu como'l paradigma de modernización y “europeización” de la Universidá asturiana supunxo, na realidá, el marcu reglamentariu col que cristalizaron toa una riestra de polítiques neoliberales empobinaes, nin más nin menos, a convertir el derechu a la educación y el vieyu suañu d'una educación pública superior de calidá y abierta al pueblu nun negociu al serviciu de les oligarquíes empresariales.

L'exemplu más gráficu d'esta situación atopámoslu na composición y acciones del Conseyu Social de la Universidá d'Uviéu.

L'órganu, ñacíu embaxo la LOU de 2001 como ferramienta de contactu ente la sociedá asturiana y la institución educativa, exerce poder plenu sobre toles cuestiones académiques y económiques de la mesma. Y failo acordies colos intereses de les empreses y sectores que, angua-

ño, lu controlen mayoritariamente. Embaxo la presidencia de Lalo Azcona (Tecnocom), les decisiones de mayor importancia pa la Universidá tán en manes de los directivos d'Alimerka, Banco Herrero, FADE, AJE, Seresco, etc., convirtiendo'l Conseyu Social de la Universidá nun verdaderu caballu de Troya, un lobby nel qu'empreses y partíos políticos combayen col Equipu Rectoral nel control de la institución y nel que la Comunidá Universitaria nun tien posibilidá d'oposición efectiva a les polítiques mercantilistes que dende él s'imponen.

D'ente les actuaciones más sangrines d'esti órganu sorrayaremos equí namás dos d'especial gravedá. Per un llau, l'aprobación d'un Reglamentu de Permanencia que, al traviés de les sos midíes draconianes, ye responsable directu de la expulsión de cientos d'estudiantes de la Universidá nos últimos cursos. Asina, el Reglamentu, tou un exemplu de política darwinista social, enfótase en torgar la “resistencia” de les clases trabayadores dientro de la Universidá pente medies de dos estratexes: per un llau, incompatibilizando la vida llaboral cola académica; per otru, teniendo un efectu directu nel encarecimientu acumulativu de les sucesives matrícules. D'esta miente, namás los estudiantes de clases pudientes, llibres de cargues llaborales y con fondos abondo, puen ser quien a aguantar les condiciones elitizadores qu'impón la normativa.

yores retayos de la historia de la institución. Nos tres últimos años, la financiación del Principáu d'Asturies a la Universidá d'Uviéu amenorgó nun 30%, lo que supón una Universidá que, esti añu, soporta recortes d'hasta'l 40% nos sos departamentos y unes Facultaes que, pel so llau, tán funcionando con un media d'un 50% menos del presupuestu col que contaben hai 3 años.

Esto ye, supón el desaniciu lliteral de la Universidá pública d'Asturies y la so condena a convertise nuna universidá precaria.

L'efectu na baxada de calidá de la formación impartida na Universidá ye nidiu ya inmediatu: 218 profesores menos nesti cursu respecto al anterior; aumentu persignificativu de les hores llectives a cubrir por cada profesor; necesidaes docentes ensin cubrir y clases masificaes ensin dixebrar por falta de profesoráu; retayos d'hasta'l 50% nes beques a estudiantes de la Universidá; Facultaes que nun tienen aseguráu'l suministru eléctricu de magar setiembre; el despidu del 100% de trabayadores del serviciu de reprografía de la Universidá; el zarru de munchos servicios básicos como'l Serviciu Técnicu o'l Serviciu de Publicaciones; el parón "de facto" de la Unidá d'Igualdá; la nonfinanciación de los servicios de Normalización Llingüística, etc.

¿Cuál ye'l plan pa tapar esti fondu furacu presupuestariu? A cencielles, cobralu de les tases universitaries que los y les estudiande imagen o Sin embargu, d'especialPiegrates hemos pagar por una formagráfico. vedá resulta l'aprobación per ción cada vuelta más degradada. parte del Conseyu Social de los Asina, el Rectoráu de Vicente Presupuestos de la Universidá Gotor va pasar a la historia cod'Uviéu pal añu 2013: ensin dul- mo'l periodu de mayor encarecides, los presupuestos colos ma- mientu de les matrícules

Página 11

na historia de la Universidá d'Uviéu: en menos d'una década, el preciu de les matrícules xubió hasta esautamente'l doble. Por exemplu, una persona del Grau en Psicoloxía paga anguaño 1300 € por matriculase nel primer cursu, cuando una persona de la Llicenciatura pagaba, nel últimu cursu, 600€.

Nesti sen, pue afirmase que l'aplicación de Boloña na Universidá d'Uviéu ye, ensin más, un fracasu. En pallabres del propiu Rector Gotor, "ye imposible aplicar Boloña a coste cero".

¿Correspuende esti encarecimientu a un aumentu na calidá de les titulaciones? Tolo contrario. La realidá académica de Boloña ye la perda escomanada na calidá de la formación universitaria, con unos títulos de Grau que, teniendo un añu menos que les llicenciatures, nun brinden l'acreditación nes competencies profesionales qu'estes ufríen: estes competencies, agora, resérvense en Másteres y postgraos con matrícules entá más cares.

Nesti sen, pue afirmase que l'aplicación de Boloña na Universidá d'Uviéu ye, ensin más, un fracasu. En pallabres del propiu Rector Gotor, "ye imposible aplicar Boloña a coste cero".

Pero ye que, como vemos, el costu de l'adaptación al Espaciu Européu d'Educación Superior na Universidá d'Uviéu ta faciéndose a costu negativu, en númberos coloraos. La educación personalizada y los grupos de 15 persones que se prometíen cuayó, n'abondes titulaciones, en grupos de cientos d'estudiantes; nun claustru docente cada cursu más amenorgáu y con mayor carga llectiva; en definitiva, nun caos pedagóxicu nel que docentes y estudiantes esperimenten con unes estructures educatives falsamente

europees ensin que naide sepa mui bien qué o por qué se ta faciendo.

Esta riestra de retayos xabaces contrasta de mou grave cola xestión d'un Equipu Rectoral que, lloñe d'optimizar la so xestión a estes necesidaes educatives, ye responsable de la inversión, ensin rendición de cuentes, de millones y millones d'euros en proyeutos pantasma averaos a esa entelequiachiringuitu denomada “Campus d'Escelencia Internacional” (cuando la so categoría oficial ye “Campus d'Interés

Rexonal”), como una peranunciada y millonaria Estación Marítima Offshore que nunca nun esistió, un Centru de Supercomputación que nunca se fixo u obres faraóniques ya inútiles como les marquesines del Campus de Viesques o les carísimes instalaciones semi-abandonaes del Campus de Mieres. Equipu Rectoral nel que'l propiu Xerente de la Universidá durante estos años, home de confianza y brazu derechu del Rector, apaez recién implicáu públicamente nel "casu Marea” por supuestu combayamientu na concesión de contratos de la Universidá a delles empreses y que namás ye destituíu cuando la presión del estudiantáu y de la comunidá universitaria fai peligrar la imaxe del propiu Rectoráu, entá mudu énte estes acusaciones de corrupción.

Nun ye casualidá qu'unu de los mayores retayos lu sufra, precisamente, el sector más críticu y activu na llucha escontra estes polítiques: l'estudiantil.

D'esti mou, el Conseyu d'Estudiantes, órganu cimeru de representación de los y les estudiantes na Universidá d'Uviéu, recibe en 2012, de sópitu y de mou unillateral per parte del Rectoráu, un amenorgamientu del so presupuestu –yá aprobáu– del 60%. Retayu que, en 2013, se repite nel exerciciu del 2013 y que busca, precisamente, callar esi últimu focu de rem-

puesta crítica.

Lloñe de callar, los y les estudiantes de la Universidá d'Uviéu entamamos esti añu la campaña #SOSUniUvi, empobinada a denunciar énte la sociedá asturiana la grave situación de la nuestra Universidá, y siguiremos na llucha con un caledariu inmediatu de movilizaciones que tendrá la so próxima cita esti 25 d'abril, nuna xornada de llucha y de "clases na cai" a la que convidamos a tola ciudadanía esmolecida pol presente y el futuru de la Universidá pública d'Asturies. Nes nuestres manes ta la responsabilidá de defendela: ¡pública nos la dexaron y pública la devolveremos!

Asamblees d'Estudiantes de la Universidá d'Uviéu

Página 12

E

Un pasu más na construcción del laicismu n’Asturies

l movimientu laicista n’Asturies surdió a consecuencia de les plataformes pola defensa de la enseñanza pública Relixón fuera de la escuela.

Los sos primeros pasos entamen nel añu 2008 cola criación de la Plataforma Laica d’Asturies.

El 12 de Payares del 2009 constituyóse l’asociación Asturies Laica y nel añu 2011 firmóse’l conveniu de collaboración con Europa Laica.

Xixón IX Xornaes laicistes

Pa nós ye un pasu perimportante la celebración de les IX Xornaes d’Europa Laica en Xixón. El tema xenéricu de les xornaes fue laicismu y republica, xirando les conferencies, debates y reflexones alrodiu de la rellación ente’l pensamientu republicanu cola “Laicidá de les instituciones del Estáu” (L’enseñu, la cultura, la vida pública, les lleis….).

Reflexonamos sobre’l significáu del pensamientu y la cultura republicana nel afitamientu de la democracia política y participativa y, polo tanto, na construcción del estáu Laicu, como garan-

“ASTURIES EN PIE” MaNIFESTACIÓN 12:00 PLAZA L’HUMEDAL XIXÓN

CONVOQUEN: CSI, CGT, SUATEA

te de la convivencia en llibertá y de xusticia social.

Dende los sos anicios el laicismu n’Asturies topó siempre nel SUATEA un aliáu incondicional. Les fraternales rellaciones ente’l sindicatu y Asturies Laica fundaméntense nuna coincidencia dafechu d’intereses na defensa d’una escuela Pública y Laica.

¡SALÚ, REPÚBLICA Y LAICISMU! José Luís Iglesias (Presidente d’Asturies Laica)