Trabayando pola Escuela Pública. Vota SUATEA by suatea suatea

SUATEA: 4 AÑOS TRABAYANDO POLA ESCUELA PÚBLICA En SUATEA siempre defendimos un sistema de representación cercanu al profesoráu onde’l funcionamientu asambleariu y la toma de decisiones colectivamente son les nuestres señes d’identidá. La renovación de les persones que trabayen nel sindicatu pa evitar la burocratización, la tresparencia nel orixe del nuestru financiamientu y el funcionamientu colectivu marquen el nuestru trabayu diariu. Nes últimes Elecciones Sindicales SUATEA foi’l sindicatu más votáu y desempeñó la Presidencia de la Xunta de Personal. A les torgues de l’alministración y a la imposición de les plantiyes docentes hubo que sumar les estorbises de les otres organizaciones sindicales −unes más qu’otres− que prefirieron paralizar o nun unviar a los sos delegaos a les xuntes pa nun “perder” hores sindicales ,y la inacción anantes de que quien apaeciera nos medios fuera SUATEA. Frente a esto siempre garanticemos el funcionamientu de la Xunta de Personal cola presen− cia de les nuestres delegaes y delegaos y llogremos importantes reso− luciones que defendieron los intereses de los y les docentes. La negociación na recuperada Mesa Sectorial d’Educación tuvo llastrada tamién pol collaboracionismu de dos organizaciones sindi− cales, FETE y ANPE, que dieron el so apoyu a les polítiques feches pola Conseyería y que supunxeron un empeoramientu de les condi− ciones llaborales del profesoráu. Una amuesa d’esta estrecha colla− boración tenémosla nel nuevu Alcuerdu d’Interinos, que pon a esti profesoráu nuna situación de mayor precariedá y indefensión. Una oportunidá perdida p’algamar la estabilidá del colectivu. L’actitú tatexante de CCOO nun ayudó pa nada a articular la movilización, sos− tenida por SUATEA y el colectivu de docentes interinos con asamblees y manifestaciones. Los retayos impulsaos polos distintos gobiernos estatales marca− ron tamién estos últimos años. La baxada del sueldu, la retirada de la paga estra, la conxelación salarial y el Real Decretu 14/2012 aprove− chólos el gobiernu asturianu p’aumentar l’horariu, el númberu d’alumnos y alumnes qu’atender, amenorgar les plantiyes y empiorar l’atención a la diversidá y polo tanto les condiciones nes que trabaya− mos miles de docentes. Frente a estos retayos, SUATEA tuvo liderando les lluches, tanto dende la Xunta de Personal, como en collaboración con movimientos sociales y ciudadanos. Lleguemos a dalgún alcuerdu, como’l corres− pondiente al Decretu d’Orientación educativa n’aceptando l’alministración munches de les nueses propuestes. En munchos casos en solitario sofitemos les lluches de los centros públicos que refugaben la supresión de cientos de puestos de trabayu y munches veces fuimos quien a que nun desaniciaren places y que se concedie− ren los pidimientos. Tamién defendimos y llogremos que’l Conseyu Escolar del Estáu se pronunciase a favor de la especialidá de la llingua asturiana. La llucha contra la LOMCE y l’implantación nefasta de la mesma n’Asturies foi contestada na cai y nos centros. La publicación y espar− dimientu de les 41 midíes pa resistir a la LOMCE son l’exemplu del nuestru compromisu cola escuela pública. Estes son les llínees de trabayu qu’inspiraron el llabor de SUATEA y que van siguir faciéndolo nel futuru. Ésti ye’l nuestru modelu sindical, un modelu asambleariu, unitariu, de clase, asturianu y feminista.

COL TO VOTU SUATEA COMPROMÉTESE A DEFENDER:

La estabilidá de les plantiyes docentes, refugando l’amortización de places y el pieslle d’unidaes. La mengua d’hores llectives y la derogación de toles midíes de reta− yos impuestes nel RD14/2012. La meyora del serviciu educativu per aciu l’aplicación de midíes como l’amenorgamientu de ratios, desdobles y criación de nuevos puestos de trabayu. Le mengua del horariu llectivu a les persones mayores de 55 años ensin baxada de retribuciones. La negociación d’un nuevu alcuerdu sobre profesoráu interín que recueya la estabilidá pa tol colectivu. La recuperación del poder alquisitivu perdíu y corrección del dete− rioru salarial que los docentes arrastren dende va años, inclusive les penalizaciones por enfermar.

SUATEA YE L’ALTERNATIVA DE FUERCIA, DE RESISTENCIA Y DE LLUCHA FRENTE A LO QUE VIEN:

L’esmantelamientu de la escuela pública como consecuencia de l’aplicación adulces de la LOMCE, cola correspondiente perda de democracia nos centros, el fomentu de la privatización de la educa− ción y la precarización de les condiciones llaborales de los docentes. L’aprobación d’un nuevu Decretu d’Especialidaes que deteriorará la calidá educativa y va echar a la cai a miles de profesores. L’amernogamientu hasta’l 3,9% del porcentaxe del PIB dedicáu a educación. Reducción que va facese a costa d’aumentar el volume d’alumnáu que atienda cada docente, de xubir l’horariu llectivu, de baxar tovía más el xornal y de despidir al profesoráu interín.

LA PRÁCTICA SINDICAL ASAMBLEARIA Y ALTERNATIVA DE SUATEA YE LA NECESARIA P’ALGAMAR UNA ESCUELA PÚBLICA ASTURIANA, LAICA, DE BALDRE, COEDUCADORA Y DE CALIDÁ

1. 2. 3. 4. 5. 6. 7. 8. 9. 10. 11. 12. 13. 14. 15. 16. 17. 18. 19. 20. 21. 22. 23. 24. 25. 26. 27. 28. 29. 30. 31. 32. 33. 34. 35. 36. 37. 38. 39. 40. 41. 42. 43. 44. 45. 46. 47. 48. 49. 50. 51. 52. 53. 54. 55. 56. 57. 58. 59. 60. 61. 62. 63. 64. 65.