7
----------------------------------------------------------------------------------------------------------------------------
----------------------------------------------------------------------------------------------------------------------------
8 – 30 auost 2015
cuverta
Jachen Könz Giston, Tarasp, coll. Silvia Gottschalk, Sent
grazia a impressum artists curatur organisatur dall’exposiziun grafica ediziun
Jachen Curdin Arquint, Seraina Feuerstein, Ida e Flo Giovanoli, Silvia Gottschalk, Paul Hugger 2015, fundaziun@notvital.com Johann Feuerstein & Jachen Könz Giston Not Vital Daniele Agostini Süsskind SGD 750
-
----------------------------------------------------------------------------------------------------------------------------
FEUERSTEIN – GISTON
----------------------------------------------------------------------------------------------------------------------------
--------------------------------------------------------------------------------------------------------------------------------------------
Eu veva 2 ninas. 1a veva nom nin’Annina & tschella nina Lina. Nin’Annina veva 1 purtret culuri cun sü 1 chast• & chasas chi parevan be blocs da jovar. Schi’s tockeva il purtret, quai chi nu’s pudeva, schi d’era’l glisch pervi cha las culurs d’eran davo il vaider, 1 pa hokus pokus am pareva quai da kindel. Tschella nina veva 1a fotografia cun 1 dschember vegl vi da la paraid. Ossa davo lönchezzas lessa unir quist purtret & quista fotografia. Il pittur es Jachen Könz Giston (1863 – 1946) & eu less ingraziar a mas cusdrinas Silvia & Mengia pel purtret dal chast• da Tarasp & ad Ida Giovanoli-Giston & a sa famiglia per pudair mossar 2 oters purtrets da Jachen Könz Giston. Quai es 1a premiera dals purtrets da sar Jachen. Las fotografias da Johann Feuerstein (1871 – 1946) suna riv» da ramassar quist ultim temp per ma fundaziun & less ingraziar a Seraina Feuerstein per quellas da ses tat ch’ella ha agiunt in quist’ exposiziun. Tots 2 artists sar Jachen dad Ardez & sar Johann da Scuol sun artists da vaglia chi m’han trat l’attenziun fingi» dad uffant.
Not Vital fin da lügl 2015
--------------------------------------------------------------------------------------------------------------------------------------------
--------------------------------------------------------------------------------------------------------------------------------------------
JOHANN FEUERSTEIN JACHEN KÖNZ GISTON L’exposiziun da la st» 2015 a la fundaziun Not Vital ad Ardez tessa ün dialog tanter duos artists, oriunds da l’Engiadina Bassa, chi han vivü da listess temp: il renomn» fotograf Johann Feuerstein ed il pittur autodidact Jachen Könz Giston. Tuots duos s’occupan da l’aigna cuntrada e’ns transmettan visiuns d’ün’Engiadina pitturesca, Johann Feuerstein s’exprimind sur il medium da la fotografia e Jachen Könz Giston pittürond sün vaider. Johann Feuerstein (1871 – 1946) es ün dals plü gronds rapreschantants da la fotografia grischuna da la fin dal 19avel e dal cumanzamaint dal 20avel tschientiner, il bap d’üna intera dinastia da fotografs. El passainta tuot sia vita a Scuol ingio ch’el es nat ed ingio ch’el moura ed ingio ch’el cumainza sia vita da fotograf davo avair fat ün giarsunadi pro Alexander Flury a Puntraschigna. Dal 1898 driva el üna simpla butia e, davo ch’el ha ragiunt il diplom a München dal 1908, maina’l daspö il 1912 ün dret affar da fotograf. Johann Feuerstein as dedicha impustüt a la fotografia da paesagis. Renomnada es si’ouvra sur dal Parc Naziunal, publichada dal 1926. I nu mancan neir fotografias chi dan purtrets vivaints dal minchadi da la populaziun: perchürar il muvel, ir a pes-char, tuonder la bescha. Temas bucolics e lirics chi inspiran eir al pittur Giovanni Segantini.
Ün vast chomp d’interess dal fotograf sun eir ils cumüns engiadinais cul caracter special da lur architectura e lur bellezza. La publicaziun “Das Engadinerhaus”, cumparüda dal 1907, es ün documaint prezius. Implü documentescha el la fabrica da la viafier retica e catastrofas da la natüra. Jachen Könz Giston (1863 – 1946) es oriund d’Ardez. Da manster •’l farrer e patrun d’üna preziusa impraisa specia lisada per plattas da laina per chadafö, fattas in fier o in atschal fuondü, ma eir per pignas. Ils ons trenta flurischa seis affar. Daspera cultiva el sia paschiun: la pittura sün vaider in stil naÿv. Eir per Giston es il paesagi cun seis cumüns tipics üna funtana d’inspiraziun. Quai demuossan ils purtrets d’Ardez cuvern» da naiv e dal Chast• da Tarasp. Cun quista exposiziun, dedichada a duos artists d’Engiadina Bassa chi han vivü tanter il 19avel e e’l 20avel tschientiner, cuntinuescha la fundaziun Not Vital a tgnair viv e chürar l’algord da rapreschantats importants da la cultura engiadinaisa.
Daniele Agostini, 2015 traducziun: Jachen Curdin Arquint
--------------------------------------------------------------------------------------------------------------------------------------------
Johann Feuerstein -
Jachen Kรถnz Giston -
Johann Feuerstein Piz Plavna -
Johann Feuerstein Piz Foraz -
Johann Feuerstein pes-chader a la riva da l’En -
Johann Feuerstein via dal Stelvio -
Johann Feuerstein Scuol -
Johann Feuerstein Zuoz -
Johann Feuerstein chast• da Tarasp -
Jachen Kรถnz Giston Ardez -
Jachen Kรถnz Giston Tarasp -
f und a z iun
Not Vital 7546 Ardez