Jeepney Press / Jeff Plantilla

ISANG ARAW SA ATING BUHAY / ni Jeff Plantilla

Noong “peace time” (bago mag-giyera), kilala ang mga Filipinong manglalaro sa track and eld. Nananalo ang mga Filipino sa Far East Championship Games mula pa noong 1917. Kasama sa Games na ito ang Filipinas, Japan at China. Kilala sa Japan ang galing ng mga Filipino sa Games na ito dahil nanalo sila ng rst place sa iba’t-ibang laro sa track and eld. Isa dyan ay ang sprinter na si Fortunato Catalon (ng Leyte) na nanalo ng mga ginto sa 5 sunod-sunod na taon ng Games (1917-1925). Lumaro siya sa Games na ginanap sa Tokyo nung 1917 at Osaka nung 1923. Lumaro din siya sa special tournament ng Filipinas at Japan sa Osaka nung 1917 (pagkatapos ng Games sa Tokyo).

Sinundan ito ng boxing na kinilala din ang galing ng mga Filipino bago pa mag-giyera. Sa katunayan, kinatatakutan ang mga boksingerong Filipino ng mga boksingerong Hapones. Ang pinaka-sikat ay si Baby Gustilo (Loreto Buhat ng Iloilo). Siya ay nagsimulang manalo sa mga boxing matches bago mag-giyera. At naging featherweight champion siya ng Japan nung August 1947, kauna-unahang boxer na hindi Hapones na naging champion sa weight division na ito.

Pagkalipas ng 70 taon

Makalipas ang maraming dekada, muling naging sikat ang mga manlalarong Filipino dito sa Japan.

Dahil nakilala ang galing ng Filipino volleyball players, inimbitahan sila na maglaro sa Japan Volleyball League (V League – panglalaki at pangbabae). Sa ngayon si Jaja Santiago ng Ageo Medics, at sina Carrie Ann Pronuevo, Javen Sabas at Shirley Salamangos ng Kurashiki Ablaze ang naglalaro sa women’s division. Sina Marck Espejo ng FC Tokyo at Bryan Bagunas ng Oita Miyoshi Weisse Adler ang sa men’s division.

Hindi kasing popular ng basketball ang volleyball sa Filipinas. Pero dahil sa collegiate tournaments (National Collegiate Athletic Association at University Athletic Association of the Philippines) nakilala ang volleyball sa Filipinas at maraming players, babae at lalake, ang gumaling sa paglalaro ng game na ito. Sinundan ito ng “Filipino invasion” sa Japan Basketball League (B League). Nagsimula ito kay Thirdy Ravena ng San-en Neophoenix nung 2020, tapos ay biglang dagsa noong 2021 kasama sina Ray Parks (Nagoya Diamond Dolphins), Kiefer Ravena (Shiga Lakestars), Kobe Paras (Niigata Albirex BB), Dwight Ramos (Toyama Grouses), Matthew Aquino (Shinshu Brave Warriors) and Javi Gomez de Liano (Ibaraki Robots), sa Division I at Juan Gomez de Liano (Earthfriends Tokyo Z) and Kemark Carino (Aomori Wat’s) sa Division II.

Tulad ng mga volleyball players, kinikilala ang galing ng mga batang basketbolistang ito.

Dagdag pa diyan ang football players na sina Sarina Bolden ng Chifure AS Elfen Saitama at Quinley Quezada ng JEF United Chiba na nagsimulang maglaro sa kauna-unahang professional football league ng Japan para sa kababaihan, the Women Empowerment League (WE League).

Isama na rin natin dito si Caloy Yulo, na bagama’t hindi nakakuha ng medalya sa Tokyo Olympics 2020 ay nakakuha ng isang gold at isang silver sa 50th FIG Artistic Gymnastics World Championships na ginanap sa Kitakyushu nitong Oktubre 2021.

Viral YouTube vlogs

Maraming Filipino at Hapones ang nagba-vlog tungkol sa laro ng mga Filipinong atleta. At marami ang nanood sa mga vlogs na ito na nagpapakita ng galing nila sa paglalaro.

Libo-libo ang dami ng mga nanonood sa mga vlogs na ito sa YouTube dahil sinusubaybayan nila ang mga games ng mga Filipino. Ang laro sa B League ay mapapanood sa Filipinas, ang kaisa-isang broadcast ng B League games sa labas ng Japan. Nangyari ito dahil sa alam nilang maraming Filipinong manonood ng laro sa B League na may Filipinong players.

Pagsikat ng mga manlalarong Filipino

Gusto ng mga organizers ng B League na maging popular ang basketball dito sa Japan tulad ng football at baseball. Kaya ang pagdami ng mga nanonood sa mga games ay mahalaga.

Dito nakakatulong ang mga Filipino imports. Dahil sila ay magaling maglaro, sumisikat sila sa mga manonood. May balita na sa B League, ang mga manonood ay dumadami dahil sa pagdagdag ng mga Filipinong fans na may kani-kaniyang paboritong Filipino basketball players. Kasama na dito ang pagiging popular nila sa social media tulad ng YouTube.

Kaya may gimmick ang mga teams. Isa diyan ang pagpo-promote ng “sibling rivalry” ng magkapatid na Thirdy at Kiefer Ravena. Sa kauna-unahang paglalaro ng kanilang magkalabang teams noong Agosto 2021 sa Shiga, “sibling rivalry” ang theme at libre ang ticket para sa mga Filipino. Nung magbirthday si Kiefer, 500 Yen na lang ang ticket. Gumawa ang Shiga Lakestars ng mga posters, mugs at iba pa na ang magkapatid ang nasa litrato. Meron ding isang page sa website ng Shiga Lakestars na para kay “phenom” Kiefer. Maaaring ganun din sa ibang teams na may sumisikat na Filipino players. Kinilala ng Presidente ng B League na si Shinji Shimada sa isang interview sa Philstar ang halaga ng Asian imports sa pagpapasikat pa ng liga. Nagkaroon ang B League ng Asian Players Quota para sa mga players mula Asya. Sa ngayon, sa 14 na Asian players, 8 ay Filipino (at isa pa na hindi import, kundi local player dahil meron siyang dugong Hapones – si Matthew Aquino).

Kiefer after game in Shiga

Dagdag na imahe ng Filipino sa Japan

Ang pagkilala sa mga manlalarong Filipino sa volleyball, basketball, football at gymnastics ay magandang dagdag sa pagkakakilala ng Filipino sa Japan. Maganda ang lumalabas na pagtingin ng mga Hapones sa ganitong imahe dahil hinahangaan nila ang mahusay na manglalaro. Ipinakikita sa mga Hapones ng ating mga manglalarong Filipino ang ating kakayahan at pagmamahal sa sports. At sa pagsali nila sa mga sports ng Japan, tumutulong ang manglalarong Filipino sa magandang libangan ng mga Hapones.

Tulad sa naisulat ko nung Oktubre, ang sports ay mahalagang bagay tungo sa pagkakaisa ng mga tao, pagpapahalaga sa magandang kondisyon ng katawan, at ang paggalang sa kapwa. Ganito rin ang sports sa Japan, at kasama tayo sa adhikaing ito.

Ang ibang impormasyon tungkol kina Fortunato Catalon at Baby Gustilo ay mababasa sa PCCC blogspot: http://pcccwestjapan.blogspot.com/

JEFF PLANTILLA

Jeepney Press