WAIATA PUKAPUKA
CONTENT
TABLE OF
NGA MŌTEATEA 01 Tangi a Tamapāhore 02 Tērā Te Whetū 03 Te Toki 04 Ka mahi ka mahi 05 Te tangi mo Matahina 06 Kaōre te aroha NGA WAIATA WHAKANGAHAU 07 Tēnei Mātou Pēhia Pepehia 08 Karanga Mataatua Piki mai, kake mai Ka Pīoioi
Kei Ōtitapu ko te pūmautanga o Te Rangihouhiri I whakawānangatia ai e Tama Ko koe tōku ariaritanga, ko koe tōku ruruhau Hoki ana koe ki te pā o Awanuiārangi Tōmuri ana tō titiro ki te one ō Waihi Ki te rērenga o te toto ō Rongo Ki te pūkenga o te mata ō Rongo Waiho mā Rongomainohorangi Hei titi i te pou whakairo i te pou mata whaiariki ō Tū Takahia atu ana e Awa te ara o tōna matua I whakahirahira ai i te kuia nei i a Mahanga-i-te-rangi Ko Awa, ko Rongo, ko Rongo, ko Tama, ko Uru Ko koe rā hei whawhati i te parihau o te moana I tau ai i te waka ō Tamatea Mīmiti ana te tai, he tira, he tira, he taua whāno whāno E ko Kahukura te manu whakawā i te mate Waiho-ake au i muri nei Te titi ai aku niho ki te toka tipua o Poumātapu Kua eke tāua ki Moehau ki-a Tūtāwhiti I kato ai i te pūngarehu o te ahi a Tamatekapua, tangata o Te Arawa I tautiritia ai e ia te mata o te hoe o Waimihia Hoki ki te Mānuka Tūtahi ki a Hika e moe mai rā I te rua o Muriwai, ūnga o te waka… Pō Wairaka i raru ai e
01
Tērā te Whetū.. Taukapo ana mai i te taha ki uta rā.. Kia tohu ake au, ko koe ka hoki mai e.. Hoki mai e hika, ki ō tāua takanga nei e.. Tēnei ō iwi, te kaiārohi nei e.. He maunga tū, noa ngā puke ki uta rā.. Ka riro i a koe, taku whakaruruhau.. Taku kotikoti hono, i waenga te pahī e.. Kia tū mai koe, ki te kōrero o te toa.. Kia ūtaina atu, ki te ihu o te waka.. Tēnā ka paea.. Te awa i Ahuriri ki hea ko i a koe.. Te whakakau ai i te whakakau o Te Tahi.. Ruamano i waho rā, hoake ki uta rā.. Te Kauika tuarua.. Whakarērea mai rā te kakau o te hoe.. Hai waha i a koe.. E taka te tapuwae ātea ..
02
Whakarongohia atu… tenei te toki e ka pā nei e ka tangi te wawara… (i…) Ki te mata… o Tane kia noho mai koe…(i…) Hei hura… i te iwi e… aue te mamae…(i…) Kai kini… kini rawa koe i te tau o te ate…(i…) Ka mate… hoki au na! …(i…) Rangi e tū nei… Papa e takoto nei! …(i…) Riu-roa-o-Tāne… ka tūwhera kau e! …(i…) Takahuirangi ana… ngā pō i te rangi…(i…) Mā wai e whakaara… i te waka ka tīkoki…(i…) I te waka ka tāhuri… i te iwi ka hē…(i…) Kāti te tānoa e…(i…) Taku purapura tuawhiti e…(i…) Taku kōhatu turua e…(i…) Nō roto rawa koe… e hika e…(i…) Nō ngā wai e rua e…(i…) Nō Takanga-i-ō-Apa e…(i…) Nō Rangitāiki e…(i…) Kia whakapāea tāua e… hai kaihau kai ka mahora atu ki te aroaro o te… Atua e…(i…) Mā te hau tōrua e… koe whakahoki mai ngā kōngutu awa whāiti i waho Ōkorero e…(i…) Tūtira o te mate whāiti e…(i……) I te riri horahora ki te hui au… ūpoko nā…(i…)
03
Ka mahi ka mahi tāua ki te pito Tamōea ra te pae ki Hangahanga Kōtahi te hau puta kino i te ure He hauāuru kia opehia noatia te pīpipi o te whenua Taū ana te pūhanga ki te rangi Kotahi tokā i whakaohu ki waho ki te moana Ko Kārewa he huina toroa tāuira… Tāpapa ana te au ki Muruika E whakakau atu ana e te ngākau ki roto ō Punga Ki Rotoehu ko Motutara ko Te Kōhika Tū ana ra i te tātā o Maniapoto Ko Tūterangi-Pōuri ko Tai-Pōrutu Ka takoto rā i ngā mania kai ahirau Ae motu mā he aha rā te wehi o māua ko taku tinana e wehia nei… Mē hanga ki te retireti o te tipua Kia whiti ai ahua i tarawāhi o te awa ki Tuhua Kia kite ai ahua i te wai whakatete a te aio I te paritū ki Aroaro Tamāhine Kia aroia te kino i te tinana e amu atu nei, te hemo hā Tēnā te mata i aro ia ko Tāwakewake He nōhanga nō nenerua nō Raparua e Kia mārama te titiro e kite puia tū ki Whakaari Ka tāwhe rawa i te matarae ki Whangaparāoa Mē whakahoki mai whakamuri ki Kōhī… Ko Āreiawa 04
Kāhore hoki, e te rangi nei I te hua… mahara… i roto rā I ahau rā, ka noho pania nei I pani ki te whenua I pani ki te tāngata Au tangi kau… iho… i te pō Ka whakatū… te haere, ki hea Ki te tōnga o te rā… ki a Rikirangi Ko taku whānau… nga, i a… tērā Inā te āhua… i mihi ki… te whenua I tangi ki… te tāngata… e noho wairangi nei Āpōpō… ka retireti ki hea Ka tāhuri noa ka rarapa noa Kei hea rā… he tūnga mō… te waewae He aha te pai o te noho i konei Te āta… rere ai… ki Poihākena Kei noho i konei, rongo rawa i te waua e…
05
Kaōre te aroha… kai rīkiriki āna Te tau ō taku āte… i te mākau ngaro nōa E hīka koha kōre… i tāu whakatikā…ngā Te hōki o mahara… ki ō iwi ē Nau rā i wāiho… i te tāio nei ē E Hīka ki ahau naai… Nuku mai e Hīka…ki rungā koe aku rīnga Ka titīro iho āhau… tō kīri māwhero Tō matarau nui… i pongipongia īho Tō uru māwhatu… ka puia e te hau ē E Hīka ki ahau naai… Taku tūranga āke… i te māhau whare nei Te kai o hia… he roimāta i aku kāmo He wawara tai tua… kai roto mai anō Tō reo e Hika… tangi ai i mio ai I te karoro i te ākau… kāhore ko te tohu o te mate Unuhia noatia… taku ate hoki rā Tukituki kau ana… i taea ki runga Ki waho o Kōhi… ki te hau kainga e E Hīka ki ahau naai…!
06
WHAKANGAHAU
NGA WAIATA
NGA WAIATA WHAKANGAHAU 07 Tēnei Mātou Pēhia Pepehia 08 Karanga Mataatua Piki mai, kake mai Ka Pīoioi
Tēnei mātou, to roopu nei Kō Ngāti Awa e Pōhiri nei ki a koutou Kua eke mai ki tēnei marae Haere mai rā (Hī...) Āwhinatia rā (Hī...) Te roopu nei (Hī...) I ngā mahi nei Te roopu nei i te ora Mō ngā hōia rā kua riro Kua riro ki te whawhai [Repeat 2] Pēhia pepehia te pōuri nui Haere mai e te tau pūmau Aue haere, haere mai Ānei rā aku ringaringa e Hei piriti mōu e te tau Āku ringaringa e Whakapiri mai, whakatata mai ki au E kore te aroha (Hi aue hi...), e maroke i te rā Haere mai rā ki roto e Tēnei whakapiringa, tamariki e Hei whakaoraora (Hī aue hī...), hei whakatatatata(Hī aue hī...) [Repeat 2]
07
Karanga Mataatua, e te ope nei (Hī ha) Haere mai haere mai, haere mai rā Mauria mai te taonga te aroha e (Hī ha) Whītikitia rā, ki roto e Ki te manawa e Kia rite ake ai, ngā wawata x2 Hī aue hī!! Piki mai kake mai rā, Homai te waiora Ki ahau e tū te hu ana Koia te moe a te kuia I te pō Pō i raru ai a Wairaka Pō i raru ai a Wairaka Papaki tū ana Ngā tai ki Te Reinga, Ka pō, ka ao, ka awatea, Tihei mauri ora
08
E hoki mai rā kia kite atu i tō iwi e E rotarota ana e katakata ana mai rā Pūkana whetero mai te ihi o Matua Kia kite atu anō i to ataahua e kanapa rā Pupuhi e te hau kapohia āku roimata Ka pīoioi he tohu aroha hau kainga
08