1 minute read
Ampó sang Kagulangan
from Scribe - Vol 23
Ampó sang Kagulangan JOSHUA L. MAHILUM
Pag-atipan, para sa lunhaw nga atop nga ginkalimtan. Pag-amlig, para sa hilamonán nga ginatapak-tapakan. Pagpang-abi-abi, para sa mga kahoy nga bag-o lang namunga. Pagdumdum, para sa mga dahon nga nagbuyá sa ila sanga.
Advertisement
Disiplina, para sa mga pawikan nga nasungsongan sa plastik. Pagtatap, para sa mga bagis nga ginpang-utdan sang mga sirik. Pagkabalaka, para sa mga sapá nga ginapanghiluan. Hustisya, para sa linghod nga mga talabá nga ginpangkawatan.
Pag-ayo, para sa taming nga ginbuslot sang sibat nga abo. Kahilwayan, para sa mga agila nga ginpangpriso. Paghangop, para sa init nga buga sang guba nga bombilya. Pahuway, para sa bagá nga ginapahaklo pa sang droga.
