SANDIÁS Número 11
Boletín informativo municipal
Inverno 2002/03
¿Solidarios?
Oportunidade laboral, co Obradoiro
Entrevista
As doazóns de sangue experimentaron un importante descenso nos últimos anos. Novas campañas divulgativas sensibilizan á nosa xente.
Trinta veciños e veciñas participarán a partir de 2003, e durante doce meses, nun Obradoiro de Emprego, promovido polo Concello de Sandiás, coa colaboración do INEM e da Consellería de Familia e Promoción do Emprego.
A alcaldesa, María Concepción Méndez Gándara, fai balance dos primeiros mil días do actual goberno municipal.
Máis proxectos O mantemento, construcción ou reforma de camiños, da iluminación pública, e das redes hidráulicas ocupou boa parte do esforzo municipal nestes últimos meses. Tamén se avanzou nas obras da Casa da Lagoa e no adecentamento do entorno da Casa do Concello e da praza de Sandiás.
Beirarrúas: máis seguridade vial A construcción de novos tramos de beirarrúas na capitalidade municipal supón unha mellora estética e unha contribución importante á seguridade vial dos nosos veciños e veciñas. As obras centráronse na estrada N525, nunha zona próxima á Casa do Concello, e na estrada de Couso, no entronque coa anterior. Deste xeito, Sandiás conta con beirarrúas en toda travesía.
Cabalos e cabalistas invadiron o noso concello por un día Foi con motivo das rutas técnicas da III Copa do Padroado Provincial de Turismo. Dúcias de cabalos e cabalistas, xunto cós equipos de apoio, procedentes de lugares tan distantes como Cartelle, Maside, O Carballiño, Celanova, Trives, Verín, Ourense e outros concellos da provincia participaron nunha proba que, ademáis da práctica do deporte hípico, ía servir para dar a coñecer aínda máis os encantos naturais e medioambientais do noso municipio.
Plan Interreg III O acondicionamento da área da ermida de San Bieito, do entorno da festa do cabalo de San Mateo e a recuperación da flora e fauna da antiga Lagoa de Antela son os proxectos incluídas por Sandiás no Plan Interreg III. Nesta iniciativa participan varios concellos de Ourense e da raia portuguesa.
Axudas para vivendas O Concello de Sandiás informa sobre as liñas de axudas do Instituto Galego da Vivenda e Solo para restaurar vivendas antigas, e tramita as solicitudes. Da nova convocatoria, valedeira ata o ano 2005, poden beneficiarse tamén os emigrantes retornados, sempre que estean empadroados no concello.
Reciclar
O outono tamén foi tempo de festa A xente non esquece as tradicións dos nosos devanceiros, entre as que se atopa o San Martiño. Moitos deles participaron no encontro gastronómico e musical organizado polo Concello de Sandiás, nas instalacións do colexio. Veciños e veciñas de tódolos pobos apostaron por esta celebración que serve tamén para estreita-los lazos de amizade e solidariedade no noso municipio .
é tarefa de
todos
k
F Colabora co teu concello no plano de recollida selectiva de lixo
ô emprego 2003 ô ô Casa do Concello de Sandiás Apoio a emprendedores: autoemprego e economía social
Información: Técnico Local de Emprego
Páxina 2 A pesar da proximidade xeográfica, Galicia e Portugal viviron moito tempo de costas. Semella que a integración na Unión Europea, coa suO Concello de Sandiás incluíu dentro das iniciativas acollidas ó Plan Interreg III de cooperación transfronteiriza tres proxectos de recuperación medioambiental e de mellora de entornos singulares do noso municipio. Un destes proxectos é o da recuperación da flora e fauna da antiga Lagoa de Antela nas charcas areeiras xa abandonadas. O obxectivo é facilita-los hábitats ás aves, anfibios, invertebrados acuáticos e flora autóctona, coa plantación de especies arbóreas e matorrais, como bidueiros, amieiros, salgueiros, xuncos, espadanas, beóns e oubas. Tamén se pretende acondiciona-los sendeiros de acceso e instalar valados de protección. A zona servirá como aula medioambiental para centros escolares e turistas, en xeral. Outra das iniciativas é a do acondicionamento da área ligada á ermida de San Bieito da Uceira. Eiquí, a intención do Concello é acondiciona-los accesos
A Consellería de Industria e Unión Fenosa axudan a paliar deficiencias eléctricas O Concello de Sandiás é un dos destinatarios de parte dos 600 mil euros que a Consellería de Industria e Comercio da Xunta de Galicia e Unión Fenosa destinan á renovación das redes de baixa e media tensión e dos centros transformadores de enerxía eléctrica, así como a súa automatización. Esta iniciativa, destinada a mellora-la subministración de enerxía eléctrica, tanto para o alumeado público como para o uso particular, forma parte do plano de calidade enerxética que desenvolve a Xunta de Galicia, a través da Consellería de Industria, en convenio coas empresas eléctricas maila Federación Galega de Municipios (FEGAMP). A prioridade na planificación dos traballos faise tendo en conta os datos de interrupcións por potencia instalada, así como as reclamacións plantexadas por particulares debido a problemas ou deficiencias na subministración eléctrica. Sandiás recibirá 61 mil euros.
❖
presión aduaneira e novas políticas de cohesión interterritorial, está a favorecer o reencontro histórico entre ambas comunidades. Un pulo O Plan Interreg abre novas posibilidades
O Plan Interreg complementa ó Leader Plus en canto a iniciativas públicas que deben redundar en novas liñas de progreso e de modernidade para o noso municipio.
importante ven dado polos planes Interreg de cooperación transfronteiriza. Sandiás participa nesta iniciativa con varios proxectos de interese. a pé dende a estrada N-525, a construcción dun mirador no monte, o axardinamento e acondicionamento da arboreda da zona, coa plantación de especies autóctonas, a construcción de aparcamentos, a sinalización e a publicación de folletos divulgativos do entorno e das rutas de sendeirismo. Por último, o terceiro proxecto contempla o adecentamento da área na que se celebra a Festa do Cabalo de San Mateo, en Vilariño das Poldras. As actuacións previstas son a construcción de zonas para cuadras móbiles, estacionamentos para carga e descarga de animais, unha pista de velocidade, un picadeiro e unha festa anual do cabalo. O PLan Interreg III está financiado pola Unión Europea e agrupa a 24 concellos da provincia de Ourense e a outros portugueses, como as cámaras municipais de Ponte da Lima e Ponte da Barca.
Empresas, particulares e institucións públicas e privadas poden beneficiarse do Plan Leader Plus ata o ano 2006 A Asociación para o Desenvolvemento do Val do Limia-Terra de Celanova, que xestiona o Plan Leader Plus, abríu o prazo para a presentación de proxectos e iniciativas que queiran acollerse a este programa cofinanciado pola Unión Europea (as solicitudes de axudas poderán formalizarse ata o 1 de novembro de 2006, aínda que a execución dos proxectos pode alongarse ata o 31 de decembro de 2008). O Plan Leader Plus ten como obxectivos básicos o sostemento do ecosistema e garantir unha presencia demográfica e actividade económica no noso territorio, mediante a creación de emprego, a estructuración do modelo turístico en torno ó turismo de aldea, a valorización do patrimonio e a identidade territorial, a potenciación e conservación dos atractivos e recursos da zona, e o reforzamento das avantaxes competitivas derivadas dos espacios naturais. Beneficiarios: Empresarios e poboación local, sociedades mercantís que revistan calquera das formas xurídicas vixentes, entidades locais (asociacións e institucións
públicas e privadas). Tipos de axudas: Axudas a fondo perdido para proxectos de carácter anual ou trianual, e bonificacións a xuros de préstamos. Requisitos: Acometer un proxecto viable dentro da zona de aplicación do programa para unha actividade auxiliable (que poida recibir axudas ou subvencións). Ter un cadro de persoal non superior a 50 traballadores, unha cifra de negocio anual non superior a 7 millóns de euros e un balance xeral que non exceda de 5 millóns de euros. Estar ó corrente das obrigas tributarias e da Seguridade Social. Manter o destino da inversión auxiliable, alomenos durante cinco anos posteriores á certificación do remate dos investimentos. Non estar iniciado o investimento antes de solicita-la axuda. Respeta-la lexislación vixente. Información sobre Plan Leader Plus: Casa do Concello de Sandiás ou no tfno: 988 434 900
Páxina 3
Operativo o edificio municipal de usos múltiples A Agrupación de Voluntarios de Protección Civil de Sandiás estreou a súa nova sede, nas remodeladas instalacións da antiga Cruz Vermella. Un edificio práctico e polivalente, destinado tamén a albergar algúns dos servicios municipais, como o Punto de Información Xuvenil. Tamén se vai destinár a uso social e veciñal.
O albergue xacobeo acollerá exposicións culturais Ademáis de servir de aloxamento ós peregrinos que van cara a Santiago pola Vía da Prata, o albergue de Sandiás acollerá exposicións permanentes de artes plásticas. Está é a intención da Corporación municipal, interesada en obter unha maior rendabili-
dade de uso das instalacións. Máis de 300 persoas pernoctaron no albergue durante o ano 2002, a pesar do descenso do número de peregrinos fora dos Anos Santos. A impresión recollida é que se trata dun dos mellores albergues do Camiño.
Unha fundación
dará pulo á Lagoa Sandiás e os outros concellos de A Limia constituirá unha Fundación para impulsa-los traballos de recuperación da Lagoa de Antela. A Deputación de Ourense acolleu unha xuntanza, presidida polo seu titular, José Luis Baltar, na que tódolos alcaldes, entreles a rexedora municipal de Sandiás, Mª Concepción Méndez, acordaron a creación do novo organismo. Como paso previo, está prevista unha viaxe a Villafáfila (Zamora) e La Nava (Palencia) para coñece-las experiencia de recuperación dos humedais nestas zonas.
▲
Devoción estival
A devoción a San Bieito da Uceira repetíuse, un ano máis, durante o mes de xullo. Centos de persoas participaron na procesión e na misa solemne, consolidando así o fervor relixioso que o sitúa como o máis venerado da nosa comarca. O bo tempo axudou a recupera-lo costume das merendas campestres.
A esta nova edición da romaría asistiron fieis devotos procedentes de toda a comarca limiana.
A ampliación das beirarrúas melloran a seguridade no tramo urbano da capitalidade A ampliación das beirarrúas no tramo urbano de Sandiás (foto superior) completa unha nova estética e incide na maior seguridade dos viandantes. Na mesma liña, completouse a terceira fase das obras de construcción das beirarrúas e da ampliación da rede de abastecemento en Vilariño, con cargo ós Planos de Obras do Concello. Obras en execución, e pendentes de que se completen nas primeiras semanas do novo ano, son as das prazas públicas e as da renovación dos servicios básicos en Sandiás, no tramo comprendido entre a Casa da Lagoa e a Consistorial. As brigadas de obras tamén realizaron nos últimos meses traballos de mantemento e conservación dos servicios e infraestructuras municipais en case que tódolos pobos do concello.
Sandiás conta con tres directivos na nova Comunidade de Regantes Antioquía Coa aprobación dos estatutos, botou a anda-la primeira comunidade de regantes de secano da comarca de A Limia, e que agrupa a 2.200 hectáreas dos concellos de Xinzo, Sarreaus, Xunqueira de Ambía e Sandiás. Na xunta de goberno, que está presidida por Benito Rodríguez, de Xinzo, figuran tres agricultores de Sandiás: Avelino Santana, como vicepresidente; e Luis Doval e Eligio Santana, na condición de vocais. A constitución desta comunidade de regantes foi unha das condicións esixidas pola Consellería de Política Agroalimentaria da Xunta de Galicia para pór en marcha o plan de regadío, no que está contemplado un investimento de 12 millóns de euros. Un dos obxectivos desta planificación do noso agro é facilitarlles ós agricultores a sementeira de productos alternativos á pataca, diversificando a producción e, como consecuencia, acadando un maior nivel de rendabilidade. Á construción da Comunidade de Regantes asistiron representantes públicos e veciños de Sandiás, Xinzo, Sarreaus e Xunqueira.
Páxina 4
Inaugurado en Sandiás o maior hipódromo de Galicia O Hipódromo de Antela, construído pola Deputación Provincial de Ourense en terreos limítrofes entre Sandiás e Xinzo, é único en Galicia e figura entre os cinco primeiros de toda España. Dispón dunha pista de carreiras 1.500 metros de corda, por vinte metros de ancho. Nas novas instalacións poden correr ó mesmo tempo ata 16 cabalos, aínda que nas probas celebradas ata o de agora fíxose cun máximo de doce, por cuestións de maior seguridade. Na inauguración oficial, o pasado 6 de outubro, participaron, ademáis das autoridades e de afeccioados de toda a provincia, xinetes de Galicia, Asturias e Portugal. O xerente das instalacións, Sindo González, asegura que “a pista queda aberta a tódolos afeccioados que a queiran usar, tendo eiquí bo firme durante todo o ano, xa que nós encargámonos de mante-lo en bo estado”. Este centro ecuestre irá medrando a medida que se precisen novos servicios. Veciños do noso municipio e de toda a comarca asistiron ós diferentes eventos celebrados no hipódromo de Sandiás, con carreiras de cabalos e trotóns, e probas de doma. A Federación Galega elexíu este recinto para celebrar varias competicións da vindeira tempada, sen descartar probas a nivel nacional.
Vilariño das Poldras recupera a gran tradición cabalista coa Festa de San Mateo
Varias dúcias de cabalos transportados en camións e numerosos acompañantes fixeron revivir as grandes feiras e festas do San Mateo en Vilariño. Pero a xornada transcorreu sen incicentes, gracias ó labor de organización desenvolvido pola Agrupación de Voluntarios de Protección Civil de Sandiás. Un éxito no que coincidiron tódolos participantes nas probas hípicas celebradas o día 21 de setembro.
A Copa do Padroado Provincial de Turismo motivou o desprazamento ata Vilariño das Poldras de cabalistas de toda a provincia de Ourense. Unha boa oportunidade para promociona-lo noso municipio e o deporte hípico, fondamente enraizado nesta terra.
O San Mateo foi un día de festa, revivindo vellos tempos. Non fallaron os cabalos, nen as bestas. Unha comida popular, compartida por veciños e cabalistas, foi o colofón a unha celebración que o Concello de Sandiás tenta potenciar (a recuperación do entorno figura nos proxectos incluídos no Plan Interreg III). Diferentes medios de comunicación fixéronse eco desta festa equina, sen dúbida, a máis importante da comarca.
Páxina 5
Mil días de goberno municipal
Mª Concepción Méndez Gándara, alcaldesa:
“Sandiás pode presumir de que tódolos pobos teñen bos servicios” Despois de 23 anos á fronte da Alcaldía de Sandiás, non pode dicirse que Mª Concepción Méndez Gándara non estea satisfeita do seu traballo: “cando traballas a prol dos teus veciños e veciñas -asegura-, a maior satisfacción é ver que viven cada vez mellor e, no que podemos, dende o Concello, tentamos que teñan mellores servicios públicos”. A nosa xente, aparentemente, tamén está leda coa súa xestión, xa que neste periodo as candidaturas que presidíu acadaron sempre a maioría na Corporación municipal. Pregunta.- ¿Qué salientaría como máis relevante neste sexto mandado como alcaldesa de Sandiás, cumpridos xa mil días de xestión? Mª Concepción Méndez.- Dende o meu punto de visto foron positivos, aínda que esta opinión non deixar de ser interesada, e deben ser os nosos veciños e veciñas quenes se pronuncien. Hoxe en día hai moitas persoas obxectivas que aseguran que Sandiás é un dos concellos da provincia de Ourense que dispón dun máis que aceptable nivel de servicios básicos, aínda que sempre haberá algúns que opinen que se poden mellorar. Basta con dar unha volta polo noso municipio e comprobar que de seguido se están facendo obras importantes, e que inciden directamente na mellora da calidade de vida da nosa xente. Temos exemplos dabondo, como o albergue de peregrinos, o ensanche da estrada de Sandiás a Vilariño, a mellora das redes de abastecemento e de sumidoiros e, por suposto, a construcción da Casa da Lagoa, como centro de interpretación, chamada a servir de escaparate do municipio e atractivo para cantos nos visitan. P.- ¿Existe unidade no grupo de Goberno que vostede preside? Mª Concepción M.- O Goberno municipal de Sandiás desenvolve a cotío un traballo importante, aínda que as veces non sexa perceptible. Estamos moi unidos e eso é clave para desenvolver novos proxectos e iniciativas, tentando sempre evitar desequilibrios entre os distintos pobos do municipio. Entendémonos ben e compartímo-lo mesmo proxecto de concello de cara ó futuro.
“Os esforzos da Corporación municipal van encamiñados a que tódolos veciños e veciñas dispoñan dunha mellor calidade de vida”. “Unha das preocupacións é a creación de emprego. Iniciativas, como o Obradoiro e a zona industrial, deben axudar a asenta-la xente nesta terra”. “Hai que seguir traballando e xenerando expectativas de progreso para seguir entre os concellos con máis iniciativas da nosa comarca”. P.- ¿Qué criterios seguen vostedes á hora de establecer prioridades sobre os proxectos que se deben executar no noso concello? Mª Concepción M.- Hai prioridades, está claro, pero non resulta nada fácil defini-las nun municipio extenso, xeográficamente, e con tantas entidades de poboación como ten Sandiás. Pero podemos asegurar que existe un bo equilibrio, en canto a servicios e infraestructuras, entre tódolos núcleos. Somos un Conce-
llo moi dinámico e tentamos de se-lo máis obxectivos posibles; é dicir, que o principal criterio de actuación sexa a necesidade e a conveniencia en cada momento. P.- ¿Pensa que quedan aínda asignaturas pendentes por resolver? Mª Concepción M.- Sempre quedan cousas por facer, por moitas obras e proxectos que se poidan executar. O certo é que o nivel de servicios e de equipamentos nos nosos pobos é alto. Quero dicir que temos completados os servicios básicos. Pero, aínda así, xurden novas ideas e iniciativas, como o Obradoiro de Emprego, que será pronto realidade, o acondicionamento das travesías, a ornamentación dos pobos, a restauración do noso patrimonio civil e relixioso, e outras moitas. P.- ¿A perda de poboación é tamén un problema en Sandiás, ó igual que nos demáis concellos rurais da provincia de Ourense? Mª Concepción M.- Claro que sí é un problema grave, o mesmo que a falla de desenvolvemento urbanístico. Agardo que esto se poida solucionar nun futuro próximo. P.- ¿Existen solucións? Mª Concepción M.- O novo Plan Xeral de Ordenación Municipal contempla a dotación dunha área industrial, preto da autovía, que non pode axudar a crear emprego. Tambén debemos potencia-lo sector turístico, cos planes de recuperación e desenvolvemento dun turismo didáctico e ecolóxico, en torno ás areeiras e á Lagoa de Antela, se efectivamente se levan á práctica os planos para a súa recuperación parcial. P.- ¿Cómo concibe o futuro de Sandiás? Mª Concepción M.- Penso que o noso futuro debe estar baseado nunha diversidade da actividade productiva, tanto agropecuaria, de servicios ou industrial. Estamos traballando para que os veciños e veciñas se sintan a gusto no lugar no que viven, con boas infraestructuras, equipamentos e servicios, e sexa, asemade, un lugar atractivo para traballar e para convivir. Nos vindeiros anos necesitamos un crecemento ordenado, sostible, aproveitando tódolos recursos posibles, e co máximo respeto ó noso entorno natural.
Páxina 6
O Plan Labora, unha boa oportunidade de emprego para a nosa mocidade
O Obradoiro de emprego recuperará o noso patrimonio O Obradoiro de Emprego de Sandiás será realidade durante o ano 2003. O proxecto contempla a formación teórica e práctica de 30 veciños e veciñas nas especialidades de cantería (15 persoas) e xardinería (outras 15). Asemade, contará con un director, un administrativo, catro monitores e un profesor/as de Educación Compensatoria. Trátase dunha iniciativa do Concello de Sandiás para promove-la inserción laboral de veciños e veciñas maiores de 25 anos que estean inscritos nas oficinas do INEM. Este organismo estatal aportará 414.469,07 euros, mentres o Concello asumirá o custe dos materiais, estimado en 90.803,97 euros.
O acondicionamento das áreas recreativas e do entorno da Torre figuran no proxecto do Obradoiro de Emprego de Sandiás.
¿Qué clase de formación recibirán os alumnos? Será unha formación completa, coa dobre vertente de teórica e práctica. Asemade, os alumnos e alumnas que non dispoñan de titulación, poderán prepararse para acada-la nova titulación académica equivalente ó antigo Graduado Escolar. ¿Cales son os principais proxectos a desenvolver? Este Obradoiro de Emprego está xustificado para mellora-la Vía Nova, a antiga calzada romana que comunicaba Astorga e Braga a través do noso municipio, pero centrándose en tres zonas preferentes: o entorno da Torre de Sandiás, o núcleo próximo á igrexa de Santo Estevo e a Capela de Santa Mariña. ■ Entorno da igrexa de Santo Estevo: plantéxase un pavimento de adoquín no adrio, como continuación do realizado dende o lavadoiro, a limpeza das xuntas das lápidas dos enterramentos arredor da igrexa, novas portas de acceso ó cemiterio, e limpeza do camiño lateral da igrexa que conecta coa estrada. ■ Mellora e recuperación dos fornos de Vilariño das Poldras e Sandiás. ■ Fontes e áreas recreativas da zona, dende Vilariño ata Piñeira de Arcos. ■ Acondicionamento do lavadoiro de Couso, e da fonte e do lavadoiro da Mamuela. ■ Desbroce, limpeza e plantación de árbores no entorno da Torre, para facilita-lo ascenso e visión dende a autovía. ■ Reparación da estructura da cuberta e do entorno da Capela de Santa Mariña.
▲ ▲
O Concello de Sandiás colabora coa Consellería de Familia e Promoción do Emprego, Muller e Xuventude na difusión do Programa “Labora-Xuventude con Experiencia”. Vai dirixido a persoas de 16 a 29 anos, que non teñan traballado nos últimos cinco anos, nin por conta propia ou allea, durante seis ou máis meses; e que estean inscritas actualmente como demandantes de emprego cunha antigüidade mínima de 6 meses. Os veciños e veciñas que cumplan estes requisitos poden solicitala adhesión a este programa a través do Técnico Local de Emprego de Sandiás (Casa do Concello, no horario das oficinas municipais). As posibilidades que se lles ofrecen ás persoas interesadas inclúen incentivos á contratación indefinida en empresas; apoio á contratación en prácticas, en empresas ou centros de investigación; escolas obradoiro, obradoiros de emprego e programas de cooperación en entidades públicas, universidades e corporacións locais.
Dará ocupación e formación a 30 persoas durante un ano
O prazo de solicitudes estará en vigor ata o ano 2005
Novas axudas para rehabilitar vivendas O Decreto 228/2002, de 20 de xuño, publicado no Diario Oficial de Galicia, regula as subvencións a fondo perdido para rehabilitación de vivendas no medio rural de Galicia, dentro do Plan de Vivenda e Solo para o período 2002/05, da Consellería de Política Territorial. Para ser obxecto das axudas reguladas neste decreto, as vivendas deberán ter máis de 15 anos de antigüidade e adicarse a residencia habitual e permanente do beneficiario. As actuacións refírense a calquera tipo de obra ou acondicionamento das instalacións, sexa interior ou externamente. Poderán ser beneficiarias as persoas físicas,
propietarias ou usufructuarias, cuns ingresos familiares ponderados que non excedan de 2,5 veces o salario mínimo interprofesional, e que veñan residindo nos últimos cinco anos no noso municipio. Ós galegos residentes no exterior da Comunidade Autónoma non se lles esixirá a condición de residencia e poderán optar ás axudas sempre que cumplan os demáis requisitos. Ós retornados nos últimos cinco anos esíxeselles o requisito de residencia só dende o seu retorno. Outras das condicións para acceder a estas axudas é a presentación dunha memoria descriptiva do proxecto a realizar e a xustificación dos gastos.
Información e solicitudes: Casa do Concello de Sandiás
Páxina 7
A carpa (á esquerda), acolleu a cerca de 200 veciños/as; á dereita, a alcaldesa, xunto ós “cociñeiros” do magosto.
O magosto: unha festa singular
Música e castañas
Máis dun 200 veciños e veciñas de tódolos pobos do municipio esqueceron o frío dunha noite de novembro para conserva-las tradicións dos nosos devanceiros. Foi con motivo do San Martiño, na festa popular celebrada nunha carpa, no recinto do colexio público. Unha festa xa tradicional, que recupera folgos gracias ó pulo que recibe dende a Corporación Municipal. Foi fermoso comproba-la harmonía e as gañas de troula entre os veciños e veciñas de diferentes zonas do concello, nun xesto que debe perdurar durante moito tempo. O San Martiño é tempo de disfrutar tamén dos froitos da nosa fermosa natureza, que ten na castaña un protagonista de excepción ó longo de toda a nosa historia.
A celebración do magosto, cadrando co San Martiño, tivo un aspecto gastronómico, coas castañas, chourizos, empanada e o viño como protagonistas, e musical, coa actuación dunha charanga, encargada de caldea-lo ambiente e de corre-lo frío dos máis animados danzaríns. Unha festa, en suma, que debe perdurar no futuro.
¿Cómo lembran os nosos veciños e veciñas os magostos de antes “Cando era rapaza, en Cardeita, facíase pouca cousa, porque eran anos difícis e non había medios. Xa de maior, íamos mocear a Sandiás ou a outros pobos, onde tíñamos algunha cita. Facíamos o lume para asa-las castañas. Despois de come-las, saltábamos por riba das lapas e chiznábamos a cara uns a outros. Daquela íase a escoite, entre todos. Agora veño tódolos anos ó magosto do Concello, porque me parece unha boa cousa”.
Aurora Manso Gómez
Perfecto Manso De Dios
“Daquela non había chourizos como agora. O único que tíñamos eran castañas, que íamos buscar polas fragas de Santa Ana. O magosto facíase no monte, no día de Tódolos Santos. Tocábamos a pandereta, bailábamos e contábamos catro contos. Lembro tamén que era costume rezar tres rosarios. Agora é diferente, faise dende o Concello e hai máis medios. O mellor é ver a moitos veciños en harmonía, divertíndose xuntos”.
Irene Rodríguez Durán
?
“Hai oitenta anos, cando eu era unha rapaza, xuntábamonos en calquera esquina. Buscaban unhas silvas e asaban as castañas, que era o típico, máis que agora. Tamén se facía nas casas, cos tixolos, nunha xuntanza familiar e veciñal. Este costume mantívose moito tempo. Despois, foi desaparecendo, e nos últimos anos vaise recuperando, gracias ó Concello. Agora é diferente, pero eu divírtome moito, coa música e a conversación dos veciños”.
“Cando chegaba o tempo dos magostos, a primeiros de novembro, xuntábamonos os rapaces e rapazas para pasar un día de festa co pouco que había: castañas asadas, e, poucas veces, un pouco viño. A pesar das penalidades que se pasaban, porque eran tempos complicados para todos, non fallaba o bo humor e a simpatía da xente. Era unha festa sinxela e natural, que se improvisaba en calquera aira, pola tarde”.
Arturo Cabrera Dacal
Páxina 8
No último ano, as doazóns de sangue baixaron en Sandiás o 58 por cento Tódolos concellos da comarca, agás o de Xinzo, rexistraron durante o último ano un significativo descenso na taxa de doazóns de sangue. No caso de
¿Crise de
Sandiás foi do 58%. Só se contabilizaron 5 doantes, sete menos que no ano precedente. Esto significa unha taxa de só 3/1.000 habitantes, lonxe dos
57/1.000 de Xinzo, que segue a se-lo concello máis solidario desta zona, tendo en conta a estatística do Centro de Transfusión de Galicia.
solidariedade?
No ano 1998, había 13 doantes. Agora, só cinco. O descenso foi paulatino, pero case que constante, coa excepción do ano 2000, cando se producíu un lixeiro repunte. Compre agardar que este dato non represente unha merma do noso tradicional espíritu solidario, do que sempre fixo gala a xente do concello de Sandiás. Por parte do Centro de Transfusión de Galicia anúncianse novas campañas informativas, tamén na nosa comarca, para alentar á poboación a que sexa xenerosa e axude a salvar moitas vidas. Porque o que hoxe facemos polos demáis, o día de mañá, poden face-lo outros por nós. Fai falla, sí, máis información, pero tamén unha actitude máis positiva para afrontar esta situación.
Regalar algo vermello pode salvar moitas vidas ▲ ▲▲▲
Tódolos días do ano hai persoas nos hospitais que teñen que se operar, padecen cancro ou leucemia, tiveron un accidente de tráfico, van someterse a un transplante de órganos... e precisan da nosa colaboración. En Galicia necesítanse 450 doazóns de sangue cada día. Con só 5 minutos do noso tempo, moitas persoas poderán resolve-lo seu problema de saúde e mesmo algúns, salva-la súa vida. Poden ser doadores tódalas persoas con saúde normal, con máis de 50 kilos de peso e unha idade comprendida entre 18 e 65 anos. Compre acodir á doazón sen almorzar ou comer, alomenos, dúas horas antes.
Doantes: doses de xenerosidade que compre imitar... María José Campelo Fernández,
Manuel Carnero Fernández,
Encarna Feijóo Dios,
de Sandiás
de Couso
de Sandiás
“Doar sangue é para mín unha satisfacción, pensando que podo facer moito ben a outras persoas. Son doante dende hai bastante tempo, e sempre que podo e teño ocasión. Animo ós demáis, porque é sinxelo e non doe nada”.
“A primeira vez foi no servicio militar. Despois, nunha ocasión doíame moito a cabeza e dixome o médico que debía renova-lo sangue. Pensei que se era bo para min, tamén eu podía facer o mesmo polos demáis. Dende entón dono tódolos anos”.
“Fíxenme doante hai varios anos porque paréceme humanitario axudar a quen o necesita. É algo que non custa nada e permite salvar moitas vidas. Eu veño á unidade móbil do Centro de Transfusión unhas tres veces ó ano”.
Máis de 200 veciños/as participaron na campaña de vacinación antigripal
Centro de Saúde de Sandiás.
O Servicio Galego de Saúde agarda que os índices de prevención derivados da actual campaña se movan entre o 30% e o 70%, evitando deste xeito moitas hospitalizacións por gripe e neumonías. Tamén se prevé que a vacinación reduza ata nun 80% as mortes por complicacións derivadas desas patoloxías. En canto á enfermidade pneumocócica, agárdase un 56-81% de eficacia na prevención. Esta recomendación débese a que coa idade e coa presencia de factores de risco auméntase as probabilidades de padece-las xa coñecidas complicacións da gripe ou de sofrir outras enfermidades causadas por un xerme diferente, chamado pneumococo, que é capaz de afectar seriamente á saúde dos que a padecen.
Edita: Concello de Sandiás - Imprime: GrafoDos - Dep. Legal: OU-227/97