Sandiás (Nº 15)

SANDIÁS Número 15

Boletín informativo municipal Correo electrónico:

Inverno 2005/06

concello.sandias@eidolocal.es

Unha Xunta insolidaria

O Centro de Día, en obras

A Xunta de Galicia deixou sen efecto varias obras adxudicadas polo anterior Goberno, presidido por Manuel Fraga, entrelas a da mellora da rede viaria da concentración parcelaria en Piñeira, Couso e Sandiás, cun orzamento de 142.000 euros. O Concello instará ó novo Goberno a que realice este proxecto, xa que é moi necesario e demandado polos agricultores do noso municipio.

En caso contrario, adoptará outras medidas legais.

O Centro de Día e o Punto de Atención Infantil son dúas importantes obras que desenvolve o Concello de Sandiás. O Centro de Día estará ubicado nun edificio en fase de rehabilitación a carón da Casa da Lagoa e terá como cometido principal servir de centro de día para persoas maiores. O Punto de Atención Infantil ocupará unha parte das dependencias do colexio público e atenderá a nenos e nenas menores de tres anos.

Sandiás, tamén en Internet A páxina web “www.concellodesandias.com” supón un achegamento ó noso municipio a través de Internet. Recolle numerosos datos de interese actualizados e realiza un percorrido pola realidade socioeconómica, a historia e o patrimonio monumental e arquitectónico. Tamén ofrece unha completa galería de imaxes dos diferentes pobos, unha escolma das lendas desta zona e artigos de grandes escritores sobre Sandiás e A Limia.

Apoio ó Plan de Regadío A ministra de Agricultura, Elena Espinosa, e o anterior conselleiro de Política Agroalimentaria, José Antonio Santiso, coincidiron na súa visita a Sandiás no decidido apoio das Administracións central e autonómica á mellora e modernización do regadío do noso concello e comarca.

O hipódromo cumple metas A primeira tempada hípica no hipódromo de Sandiás reuníu a máis de oito mil persoas. As catro xornadas de competición contaron coa participación duns 40 cabalos, procedentes de varias Comunidades autónomas. Os profesionais da hípica coinciden en calificar as instalacións de Sandiás como “altamente satisfactorias”. Asemade, o Centro Ecuestre da Deputación acolleu cursos de doma, de iniciación e de terapia para disminuidos sensoriais.

Un concello limpo é cousa de todos/as

En Sandiás, tamén ¡Colabora!

Páxina 2

Editorial

O plan de dinamización turística é necesario para a nosa comarca A ninguén se lle escapa que A Limia é unha das comarcas de Galicia con maior tradición histórica, da que aínda quedan vestixios de grande interese (en Sandiás temos o exemplo claro da Torre medieval e dos miliarios da Vía Nova, entre outros). Pero, do mesmo xeito, resulta igualmente apreciable un alto grao de descoñecemento desta zona, na que se conxugan tradicións históricas de gran interese (Couto Mixto), unha máis que notable riqueza medioambiental (as lagoas de Sandiás ou os humedais de Ponte Liñares) e, como queda reseñado anteriormente, un San Bieito conxunto patrida Uceira monial que se sitúa entre os máis importantes da nosa Comunidade Autónoma. A pesar desto, A Limia segue á marxe das grandes rutas de turismo interior.

Pero nos últimos tempos xurdiron iniciativas que convidan ó optimismo. Unha delas é a promoción da Vía Nova, con destacada presencia en Sandiás a través da oficina de información no edificio multiusos (antiga Cruz Vermella).

A Casa da Lagoa tamén será clave para recupera-la memoria histórica e contribuir a conserva-los humidais recuperados no noso municipio, e debe convertirse

Axudas para

nunha aula permanente de educación medioambiental.

Pero estas iniciativas necesitan dunha actuación conxunta, coa decidida integración de tódolos concellos de A Limia, e o apoio das distintas Administracións (Goberno central, Xunta de Galicia e Deputación Provincial de Ourense), convencidos como están de que a promoción dos encantos etnográficos e artísticos de A Limia é unha das asignaturas pendentes da nosa comarca, alonxada aínda dos grandes circuítos turísticos da provincia e especialmente desaproveitada á hora de captar a unha clase de turistas cada vez máis numeroso, como é o dos que apostan polas zonas rurais e o contacto coa natureza. Por eso, hai que recibir con ledicia e certo optimismo a iniciativa da Mancomunidade de Concellos de pór en marcha un Plan de Dinamización Turística que recupere o patrimonio artístico, desde as antigas torres e fortificacións ata os restos das calzadas romanas, sen esquece-la necesidade de catalogar varios monumentos que aínda non recibiron a atención necesaria, e que difunda tradicións etnográficas, como o Entroido, e os xa mentados valores medioambientais.

rehabilitación de vivendas rurais

A través do decreto 228/2002, de 20 de xuño, o Diario Oficial de Galicia deu publicidade ás condicións que rexerán a concesión de subvencións para acondicionar vivendas no medio rural. O prazo de solicitudes permanecerá en vigor ata o día 31 de decembro de 2005.

Entre os requisitos esixidos figura que os ingresos familiares ponderados non exceden de 2,5 veces o salario mínimo interprofesional e que leven residindo dende hai cinco anos, como mínimo, no noso concello (esta condición non é necesaria para os vivan fora de Galicia).

Información e tramitación de solicitudes: Casa do Concello de Sandiás

Páxina 3

A reforma das infraestructuras experimenta un avance importante

O Concello participa na modernización dos servizos básicos en todo o municipio A mellora de estradas, camiños e pistas agrarias, a ampliación e reforma das redes de abastecemento e de sumidoiros son algúns dos logros máis salientables

Cumpridos xa os dous primeiros anos da actual Corporación municipal (2003-2007), o balance de xestión presenta unha importante relación de obras e proxectos que sitúan a Sandiás á altura dos concellos máis desenvolvidos da nosa provincia.

As actuacións do Concello de Sandiás teñen como obxectivo prioritario desde a toma de posesión da nova Corporación municipal dar resposta ás demandas de tódolos residentes no municipio, tentando distribuir do xeito máis racional posible os axustados recursos con que conta a institución municipal. Aínda así, os proxectos de obras beneficiaron á práctica totalidade da nosa xente, en tódolos núcleos de poboación. Ao mesmo tempo, xestionáronse outras actuacións que xa están en marcha ou pendentes de execución, pero que serán realidade en pouco tempo, e nas que colaboran outras Administracións públicas. A mellora da rede viaria, das redes de abastecemento de auga e de sumidoiros, da iluminación pública, etc., son algúns exemplos deste esforzo compartido por moitos e moitas, que fan de Sandiás un concello que rexistra un alto nivel de investimentos por habitante e ano.

A construcción de beirarrúas na rúa nova desde a N-525 ata a igrexa de Santo Estevo de Sandiás realízase con cargo ós Planos Provinciais da Deputación de Ourense. Tamén se destina outra partida para completar un novo tramo de beirarrúas no núcleo rural de Corga.

*

Concepción Méndez, xunto ós alcaldes de Lobios e Lobeira, no mosteiro de Celanova, durante a sinatura do convenio co anterior conselleiro de Política Agroalimentaria

A Xunta de Galicia aportou 44.000 euros para a mellora das infraestructuras viarias de ZadagósPiñeira; de Chousela ata a estrada de Piñeira a Corga; e a pavimentación da pista que vai da N-525 á estrada de Piñeira-Corga, a través dun convenio asinado pola alcaldesa, Concepción Méndez, co anterior conselleiro de Política Agroalimentaria, José Antonio Santiso Miramontes.

O PUNTO DE ATENCIÓN INFANTIL, NO COLEXIO n Sandiás contará cun Punto de Atención Infantil (PAI), que cumplirá funcións de gardería, en virtude do convenio de colaboración asinado polo Concello de Sandiás maila anterior Consellería de Familia, Xuventude, Deporte e Voluntariado. O PAI de Sandiás vaise habilitar nas instalacións do colexio público, cun investimento de 9.000 euros. O seu cometido será dar servizo ós nenos e nenas que aínda non chegaron á idade de escolarización obrigatoria (é dicir, menores de tres anos) e que, por razóns familiares, precisan dunha atención especializada.

A ANTERIOR XUNTA APROBOU VARIAS OBRAS DE REFORMA VIARIA n O Concello de Sandiás maila anterior Consellería de Política Agroalimentaria e Desenvolvemento Rural asinaron un convenio para o investimento de 142.000 euros para mellorar diversos tramos da rede viaria da concentración parcelaria.

Deste proxecto íanse beneficiar as parroquias de Piñeira, Sandiás e Couso. Os

traballos previstos son de reasfaltado e mellora das pistas de terra. A nova Xunta anunciou que deixa sen efecto este proxecto “sine die”.

SANDIÁS, NO PLAN DE DESENVOLVEMENTO COMARCAL n Sandiás e os demais concellos de A Limia figuran no Plan de Desenvolvemento Comarcal aprobado pola anterior Xunta de Galicia. Este plan é marco de referencia para as distintas administracións respecto das accións e estratexias contidas nel. As actuacións dotacionais que se inclúan no Plan de Desenvolvemento Comarcal terán a consideración de utilidade pública para os efectos da lexislación de expropiación forzosa.

NOVO TRAMO DE COLECTORES n A través dos Planos Provinciais de Obras están en execución os colectores das augas residuais de Couso e Vilariño ata a nova depuradora eléctrica. O investimento total aproxímase ós 60 mil euros. Con este proxecto resólvese o problema da depuración nesta zona.

Páxina 4

Concello e Xunta de Galicia colaboran na construcción do centro social A anterior Consellería de Asuntos Sociais, Emprego e Relacións Laborais, colaborou do Concello de Sandiás para rehabilitar un antigo edificio a carón da Casa da Lagoa para converti-lo en Centro de Día para maiores. O convenio, asinado en Santiago pola conselleira Belén Prado e maila alcaldesa de Sandiás, Concepción Méndez (na imaxe), contempla o investimento de 56.000 euros, dos que 44.000 corresponden á subvención da Xunta, e o resto á achega que realiza o propio Concello de Sandiás.

O futuro edificio servirá de espacio de convivencia para maiores Os traballos de rehabilitación principiaron pola limpeza do antigo edificio, que fora adquirido polo Concello e que se atopaba en mal estado de conservación. A empresa que se encarga do proxecto procederá despois á reposición dos muros e do tellado, antes de acomete-la reforma e as divisións interiores. Unha vez rematado, o Centro de Día de Sandiás pretende ser un espacio de convivencia durante o día para persoas maiores que desexan seguir vivindo entre nós, antes que ir a unha residencia.

A Casa da Lagoa, pendente dos paneis A obra civil da Casa da Lagoa de Sandiás está prácticamente rematada. Xa chegaron algúns paneis divulgativos dos humidais de A Limia e a cámara que permitirá observar en directo o comportamento das anátidas. En breve deberá estar instalado o material pendente, como paneis coas lendas da lagoa, da cidade de Antioquía, xogos orientativos, flora e fauna, etc.

O depósito de Piñeira, en servizo A entrada en funcionamento do novo depósito de auga de Piñeira de Arcos servirá para evitar problemas de subministración en períodos de secas prolongadas. Agora está prevista a canalización desde o depósito xeral ata Arcos, por Piñeira. O Concello agarda solucionar tamén os problemas de Fontela, que tivo dificultades durante o verán pola seca das captacións, o que obrigou a leva-la auga en cisternas.

Páxina 5

Aínda que a ministra de Agricultura, Elena Espinosa, e o conselleiro José Antonio Santiso escenificaron en Sandiás algunhas discrepancias sobre o Plan de Regadío, ambos amosaron o seu apoio a este importante proxecto para o noso concello e a comarca de A Limia. Santiso lembroulle a Elena Espinosa que “as actuacións de ampliación de novos regadíos están previstas no acordo marco de colaboración subscrito en setembro de 2001 polo presidente da Xunta e o entón ministro de Agricultura, onde se preveron 8.500 hectáreas, cun investimento aproximado de 53,5 millóns de euros. O anterior conselleiro queixouse de que o Goberno central pospuxera calquera compromiso con A Limia a unha futura reordenación do Plan Nacional de Regadíos a realizar no 2008.

Goberno central e Xunta de Galicia aportan 13 millóns de euros para as obras do Plan de Regadío da Limia Sandiás foi o lugar de encontro da ministra de Agricultura, Elena Espinosa, e do conselleiro de Política Agroalimentaria da Xunta, José Antonio Santiso, para explica-lo proceso que seguen as obras do Plan de Regadío de A Limia, que financian ambas Administracións públicas con 13 millóns de euros. O proxecto de modernización do regadío tradicional da Lagoa de Antela, que afecta a 609 hectáreas das zonas agrícolas de Xinzo e Sandiás, ten un orzamento de 3,8 millóns de euros, dos que a Xunta aporta o 22 por cento. Esta actuación únese á programación realizada para a creación de regadíos nesta comarca “no que se delimitaron catro zonas de actuación en orde á demanda rexistrada, cunha superficie de 5.286 hectáreas. Actualmente están en execución as obras correspondentes á zona de secano da Lagoa de Antela, sobre unha superficie de 2.087 hectáreas e cunha inversión total próxima aos 13 millóns de euros, dos que a Xunta aporta máis de 8 millóns e o Ministerio de Agricultura, os 4,5 millóns restantes”, expricou Santiso Miramontes.

BENEFICIO PARA 320 AGRICULTORES Estas actuacións benefician a 320 agricultores e supón unha importante revalorización das terras, un aumento da superficie de cultivo superior ás 1.000 hectáreas, a mellora da calidade e da producción en máis dun 30%, así como a implantación de empresas agrícolas e a introducción de novos cultivos.

Obxectivo primordial do Plan de Regadío é a transformación de 3.200 hectáreas correspondentes á zona de Entrerríos (1.217 Has.), á zona da parte baixa do río Limia na marxe sur (1.089 Has.) e á zona da parte alta, que ocupa unhas 902 hectáreas. O conselleiro reclamou do Goberno central unha maior implicación neste proxecto.

Durante a visita ás obras do regadío da Lagoa de Antela, Elena Espinosa prometeu a realización dos compromisos do Plan Nacional de Regadíos como un dos obxectivos prioritarios da política agraria.

Expricou que o seu departamento apoia as obras de consolidación e mellora de regadios e a obtención de condicións favorables para os regantes na concesión de préstamos para a mellora das parcelas. (Na imaxe superior, parte dos agricultores que asistiron ó acto. Abaixo, Elena Espinosa, prantando unha árbore na zona da Lagoa en Sandiás.

Páxina 6

Técnicos da Xunta de Galicia presentaron o proxecto do Parque Agrario no colexio público de Sandiás.

O anterior conselleiro de Política Agroalimentaria, José Antonio Santiso Miramontes, presentou no colexio público de Sandiás o proxecto para un Polígono Agrario en A Limia, unha "iniciativa pioneira en Galicia, que forma parte das medidas contempladas no Plan de Desenvolvemento Rural A Galicia do 2020".

O novo Polígono Agrario, que se establecerá nunha finca de 8,5 hectáreas sobre as que se urbanizarán parcelas, viais e aparcamentos, "trata de darlle resposta as necesidades do puxante sector primario da comarca, que require terreo para establecer almacéns, pequenas industrias transformadoras, de distribución ou de servizos a este sector punteiro, no que se integran 1.300 agricultores e gandeiros que cultivan arredor de 30.000 hectáreas pertencentes a doce concellos da nosa comarca.

Ocupará 8,5 hectáreas en Sandiás

A anterior Xunta anunciou o investimento de 600.000 euros no Polígono Agrario de A Limia

"Con esta actuación propoñémonos potenciar unha das maiores producións agrarias de Galicia que ten na pataca, no cereal e nos cultivos forraxeiros o seu maior potencial; e que conta con 350 explotacións de bovino, 319 de ovinocaprino, 91 de aves, 71 de porcino e 9 de coellos. Esta capacidade produtiva dá lugar a un sector de transformación e comercialización agrogandeira que xera máis de 150 empregos directos.

O proxecto inclúe o movemento de terras, a dotación de firmes e pavimentos, redes hidráulicas, subministro de enerxía eléctrica, iluminación pública e rede de telecomunicacións. O orzamento estimado para esta actuación é de 600.000 euros, que permitirá dispoñer de 22 parcelas organizadas a ambos lados dun vial que irá desde o entronque coa N- 525 ata unha glorieta para facilitar a circulación.

O encontro reuníu a responsables políticos e numerosos veciños e agricultores de Sandiás e de A Limia.

Páxina 7

O Plan Labora posibilitou a contratación de cinco persoas O Concello de Sandiás segue apostando polas políticas de fomento do emprego para fixar poboación e abrir novas expectativas laborais a moitos veciños.

Este foi o obxectivo do Obradoiro de Emprego que se desenvolveu no 2003, e volve a ser coas contratacións realizadas ó abeiro do Plan Labora, promovido pola anterior Consellería de Asuntos Sociais, Emprego e Relacións Laborais.

Nos últimos meses integráronse no organigrama laboral do Concello cinco persoas menores de 29 anos que cumpren cos requisitos establecidos no regulamento do Plan Labora: unha para atende-la dispensación da cita previa no Centro de Saúde; unha para atende-la oficina da Vía Nova; outra para os programas de Internet e a Biblioteca; e dúas para apoio informático e tarefas administrativas na propia Casa do Concello.

Máis de 8 mil persoas, na primeira tempada do hipódromo As catro xornadas de carreiras celebradas na tempada inaugural do Centro Ecuestre da Deputación en Sandiás reuniron a máis de 8.000 espectadores, superando as previsións máis optimistas. Polo hipódromo pasaron uns 40 cabalos, procedentes de Euskadi, Cantabria e Madrid, entre outros lugares. O organismo provincial destaca como “altamente satisfactoria” a valoración dos profesionais que pasaron polo centro para competir ou visita-las instalacións. Ademais das carreiras de velocidade, o Centro Ecuestre organizou diferentes actividades, tentando atraer ó gran público para que se coñecese o traballo realizado en Sandiás e incorporar novos afeccioados ó mundo do cabalo. Entre a programación complementaria do hipódromo, cabe salienta-las terapias que se impartiron para disminuídos psíquicos, xa que diferentes especialistas avalían como moi positiva a relación que estas persoas establecen cos cabalos, axudándolles na súa aprendizaxe posterior.

O Instituto Ourensán de Desenvolvemento Económico (INORDE) participou, en colaboración cos concellos da Limia, na instalación dos indicadores da ruta turística da Vía Nova. Sandiás, cos miliarios en mellor estado de toda a comarca, é un dos municipios máis importantes deste roteiro histórico.

O noso municipio vaise converter aínda máis nun dos referentes turísticos da Vía Nova no traxecto da comarca da Limia. O edificio multiusos (antigo edificio da Cruz Vermella) convertíuse nun importante centro de información documental, tanto nos aspectos turísticos e históricos para promociona-la antiga calzada romana entre Braga e Astorga, e que agora tentan pór en valor as distintas Administracións públidas, e de xeito destacado, o propio Concello de Sandiás. Este Centro de Interpretación da Vía Nova ofrece ós visitantes todo tipo de folletos informativos sobre a vía romana e a Baixa Limia, con referencias ó turismo rural, gastronomía, monumentos, etc.

k

Páxina 8

Sandiás participa no consorcio do parque de bombeiros

Os axentes disporán de material para socorrer ós accidentados.

A Xunta de Galicia aprobou a participación no consorcio contraincendios que rexerá o parque de bombeiros da comarca de A Limia, e no que tamén se integrou o Concello de Sandiás. Con esta autorización dáse paso á constitución do novo consorcio que rexerá o funcionamento do parque comarcal, previsto no Plan Galego que desenvolve a Consellería de Xustiza.

O Parque de Bombeiros da nosa comarca, actualmente en fase de construcción en Xinzo, será semellante ó de Verín, inaugurado a finais de 2004, que dispón de 16 bombeiros e cinco vehículos motobomba, ademáis de moderno material de excarceración para intervir en accidentes de tráfico.

O parque contra incendios contará con modernos vehículos.

O noso lixo vaise depositar na planta da Mancomunidade A nova planta de transferencia de lixo de A Limia, ubicada no parque empresarial de Xinzo, comezará a funcionar nas próximas semanas. Este servizo evitará que os camións da recollida teñan que transporta-lo lixo ata a planta de San Cibrao das Viñas, onde, posteriormente, se reenvía para o seu tratamento ata o complexo que ten a empresa pública SOGAMA na localidade coruñesa de Cerceda.

Mentres, o acodo entre o sindicato CIG e a Mancomunidade de A Limia puxo fin á folga da recollida de lixo que provocou non poucas molestias en tódolos pobos da comarca. O motivo da protesta foi a reclamación por parte dos traballadores de diversas melloras sociais e salariais. A postura dos concellos foi rexeitar estas demandas para evitar a suba dos impostos ós contribuintes.

Bens correntes, servicios e investimentos representan máis do 61 por cento do total de gastos

O Concello dispuxo este ano dun orzamento de 790 mil euros ■ O noso Concello dispuxo durante o exercicio económico de 2005 dun orzamento de 790 mil euros. Como en anos anteriores son significativos nos capítulos de gastos os bens correntes e servicios, persoal, investimentos reais e transferencias correntes, e nunha porcentaxe moito menor, os gastos mailos pasivos financeiros.

Nos capítulos de ingresos, volven primar sobre os demais os das

transferencias correntes e de capital, que proceden das aportacións do Estado e da Comunidade Autónoma de Galicia (supoñen o 76,7 % do total), os impostos directos e indirectos, as taxas mailos ingresos patrimoniais. Así, un ano máis, o Concello de Sandiás mantén, a pesar da limitación dos recursos económicos, un nivel de investimento semellante ó de anos precedentes, fuxindo do endebedamento municipal.

❂

G A S T O S

I N G R E S O S

Gastos de persoal Gastos en bens correntes e servicios Gastos financeiros Transferencias correntes Investimentos reais Transferencias de capital Pasivos financeiros Total gastos: Impostos directos Impostos indirectos Taxas e outros ingresos Transferencias correntes Ingresos patrimoniais Alleamento de investimentos reais Transferencias de capital Pasivos financeiros

226.417,07 228.889,87 3.422,28 68.959,05 246.868,12 --15.443,61 790.000,00 106.619,85 12.000,00 63.862,08 309.356,32 1.374,71 ----296.787,04 -----

Total ingresos:

790.000,00

Páxina 9

O programa Internet na Biblioteca facilita a conexión gratuita á Rede vía satélite Na Biblioteca municipal, na planta baixa da Casa do Concelo, hai operativos varios ordenadores. Estes aparellos informáticos, que están a disposición de tódolos veciños e veciñas, forman parte do programa “Internet na Biblioteca”, auspiciados polo Goberno central maila Xunta de Galicia.

Os programas “Internet rural” e “Internet na Biblioteca” dispoñen de accesos á rede vía satélite (máis rápido que coa liña ADSL), impresora, escáner e webcam.

Calquera veciño e veciña de Sandiás pode acceder a Internet a través dos ordenadores instalados na Biblioteca Municipal da Casa do Concello. Trátase dun servizo gratuito de conexión á rede que permite acceder a Internet a través dun avanzado sistema de transmisión/recepción vía satélite, moito máis efectivo e rápido que a liña ADSL. A conexión realízase en tempo real, co que aforra moito tempo na consulta e acceso ás páxinas web. Os usuarios dispoñen tamén de impresora, escáner e webcam.

M

oitas persoas visitaron xa dende a súa posta en funcionamento, no pasado ano, a páxina web non oficial do concello de Sandiás, na dirección www.concellodesandias.com.

Este novo servicio ofrece, con documentación, textos e fotografías de Xavier Feijóo Méndez, un achegamento á realidade do noso municipio a través das novas tecnoloxías da comunicación.

Nesta páxina pódese acceder, en idioma galego (tamén hai un sumario en inglés), á información sobre a situación xeográfica, a historia, o patrimonio (monumentos e arquitectura civil e relixiosa), a actividade económica, o turismo e o tempo libre, as festas e unha galería de fotografías sobre os encantos naturais e monumentais emblemáticos do noso municipio.

A web de Sandiás ten completas e interesantes referencias á Lagoa de Antela, e recolle diferentes artigos sobre A Limia, asinados por

En Internet:

www.concellodesandias.com

8 ...para coñecer mellor a nosa terra

escritores senlleiros da nosa literatura, como Vicente Risco, Ramón Otero Pedrayo e Álvaro Cunqueiro.

Outros apartados lévannos a coñece-la cronoloxía do Concello, algunhas lendas, o Entroido de Sandiás e unha galería de imaxes dos pobos do noso municipio e dalgunhas das actividades que eiquí se desenvolven. Contén unha axenda cos teléfonos de interese, lugares nos que comer ou pernoctar e un relatorio de tódalas empresas asentadas no concello, coas direccións postais e electrónicas.

A xeito de promoción turística, hai un enlace “Qué visitar”, onde atopamos referencias e fotografías do noso patrimonio monumental e arquitectónico, coas igrexas de Santo Estevo de Sandiás, San Xoán de Piñeira e Santa María de Couso, a Torre do Castro, a ermida de San Bieito da Uceira, os pazos do Penedo, do Espido e do Telleiro, a Casa do Fidalgo e a Casona de Santa Ana, entre outros.

Páxina 10

Servizos Sociais: sempre solidarios No último ano atendéronse nas dependencias municipais a máis de 500 usuarios/as O departamento de Servizos Sociais de Atención Primaria do Concello de Sandiás, coordinado a través da Mancomunidade, abríu durante o último ano algo máis de 300 expedentes para solicitudes de axudas, subvencións, pensións, SEMPRE Ó TEU CARÓN

AS 24 HORAS DO DÍA

A teleasistencia, de moita utilidade para as persoas que viven soas Este servizo social, subvencionado pola Deputación, Xunta e Ministerio de Traballo, permite ás persoas que viven soas activar un dispositivo de emerxencia que levan en forma de pulseira para avisar de calquera problema ou incidencia que lles poida xurdir. Está especialmente indicado para persoas maiores, que padecen algunha enfermidade ou minusvalía.

O sistema conecta ó usuario do servizo coa Central de Atención permanente as 24 horas do día, durante todo o ano (festivos incluídos). Nesta Central dispoñen dunha ficha completa con datos do usuario e información dos recursos necesarios para ofrece-la axuda máis convinte en cada caso. Pode solicitarse ou recabar máis información nos Servizos Sociais de Sandiás: Casa do Concello (tfno. 988 465 001).

etc. Os recursos aplicados corresponden, na maior parte, a cuestións referidas á Seguridade Social, vivenda, prestacións de servizos sociais. Os sectores de poboación de maior incidencia son os da terceira idade, muller e xuventude.

Antonia García Graña, graduada social:

“Axudamos ós nosos veciños a resolver problemas e a tramitar axudas e subvencións” Servizos Sociais de Atención Primaria de Sandiás Horario de atención da graduada social: mércores cada 15 días, de 9:00 a 14:30 Pregunta: ¿Que son os Servizos Sociais de Atención Primaria?

Antonia: Dun xeito resumido, son aqueles que realizan unha acción social globalizadora e polivalente, dirixidos ó conxunto da poboación do noso ámbito xeográfico, e que teñen por obxectivo promover e posibilitar o desenvolvemento do benestar social de tódolos cidadáns do concello de Sandiás.

P: ¿Que tipo de información e tramitacións realiza vostede?

Antonia: Os programas de maior incidencia, é dicir, os que teñen maior demanda, son os das pensións da Seguridade Social, tanto de España como do extranxeiro. Hai que ter en conta que no concello de Sandiás hai unha porcentaxe importante de veciños e veciñas que traballaron fora e que veñen eiquí a resolver problemas e aspectos legais das súas pensións de xubilación. Outros programas que teñen unha alta incidencia son tamén os das pensións de invalidez, cartillas sanitarias, altas e baixas da Agraria, de autónomos, incapacidades temporais, axudas para vivendas...

P: ¿Quen pode optar a estas axudas para a rehabilitación de vivendas?

Antonia: Calquera veciño ou veciña que leve máis de cinco anos censado no concello, aínda que resida fora da Comunidade Autónoma. É para reformas, tanto interiores como exteriores, de vivendas con máis de 15 anos de antigüidade. O prazo remata o día 31 de decembro.

P: ¿Pensa que se están aproveitando ben estas subvencións?

Antonia: En xeral, sí. A xente está ben informada, e case sempre se conceden.

Para as persoas que desexan mellora-las condicións da súa vivenda, é unha axuda importante. Desde o Concello tentamos axiliza-los trámites e darlles tódalas facilidades posibles.

Páxina 11

Eleccións autonómicas 2005 O Partido Popular, por diante de PSOE e BNG O Partido Popularf foi o claro gañador en Sandiás das eleccións autonómicas, celebradas o pasado 19 de xuño.

Nesta importante cita electoral superou o 57% dos votos emitidos polos nosos veciños/as.

O PSdeG-PSOE foi a segunda forza política máis votada (27,4%), por diante do BNG, que acadou o 13,7%.

Socialistas e nacionalistas pactaron un Goberno de coalición na Xunta de Galicia.

Os veciños e veciñas de Sandiás decantáronse de xeito maioritario a prol do Partido Popular nas eleccións autonómicas do pasado 19 de xuño.

Esta formación política gañou en tódalas convocatorias electorais celebradas no noso concello nos últimos 15 anos. Nesta ocasión acadou 675 votos (57,7%), mentres que o PSdeG-PSOE foi a segunda forza política, con 320 votos (27,4%) e o BNG, a terceira, con 44 votos (13,7%). Respecto ós comicios autonómicos de 2001, producíuse un apreciable incremento da participación, que pasou do 76,3%, nas anteriores eleccións, ó 82,1% do 19 de xuño do presente ano, a pesares da reducción do censo electoral. Os cidadáns do concello de Sandiás tamén superaron a media de participación a nivel da provincia de Ourense, que foi do 71,98%.

Outro dos aspectos máis salientables desta xornada electoral, que transcorreu con total normalidade no noso municipio, é que o 99,5 por cento dos votos válidos repartíronse entre as tres forzas políticas maioritarias no ámbito autonómico (PP, PSdeG-PSOE e BNG), quedando como meramente testemuñais os resultados das outras formacións que concorreron a estes comicios: tres votos foron para Esquerda Unida-Izquierda Unida; ún para o Partido Humanista, e outro para a Falanxe Española de las JONS.

Resultado das Eleccións Autonómicas en Sandiás P G-PSOE

675

320

OUTROS

NULOS/EN BRANCO

2

15

esquerda unida izquierda unida

DE

160

3

Censo

1.431

Participación %

82,1

Votantes

1.175

Abstención %

17,9

A mesa electoral de Sandiás estivo instalada na Casa do Concello (arriba), mentres que os votantes da zona de Piñeira de Arcos tiveron que desprazarse ata o local da antiga escola unitaria do pobo (foto inferior).

Páxina 12

O Outono volveu coa maxia dos magostos.

E Sandiás, terra de tradicións centenarias, celebra como poucos concellos esta singular herdanza dos nosos devanceiros. Foi a nivel familiar e veciñal, nos diferentes pobos, pero tamén de xeito máis popular, o día 6 de novembro, no Magosto organizado polo Concello nas instalacións do colexio público.

Unhas 200 persoas xuntáronse para disfrutar dunha xornada apacible, de reencontro cos veciños, familiares e amigos, xentes de tódalas idades que acudiron, un ano máis, á invitación do Concello de Sandiás.

Os traballadores municipais, membros da Corporación e varios veciños encargáronse dos preparativos e da organización do magosto, coidando de que todos saisen satisfeitos desta xuntanza que se renova tódo-

Reciclar

é tarefa de

todos

Tempo de magostos

& O Concello reuníu ós veciños na festa do outono por excelencia

&

k

F Colabora co teu concello na recollida selectiva de lixo

No vo

los anos cunha excusa gastronómica do outono. Houbo empanada, bica, chourizos, viño, licores e, para remata-la festa, castañas asadas, como non podía ser doutro xeito.

Tempo tivemos tamén para o baile, ó ritmo dunha charanga que animou o ambiente, aínda máis do que o fixeran con anterioridade as viandas preparadas para a ocasión.

Novos e maiores, veciños e veciñas de tódalos pobos, unidos e reunidos para celebra-lo magosto e “facer patria”, aínda que nesta ocasión sería “facer concello”. E, para rematar, unha opinión unánime de tódolos participantes: esta festa debe continuar, xa que é un motivo ben axeitado para manter unha cordial relación entre toda a xente de Sandiás.

Centro de Información ó Agro Galego 902 112 000 A resposta tela na túa man Horario:

Xunta de Galicia

8 a 22 horas (lúns a venres).

9 a 14 (sábados, domingos e festivos).

Edita: Concello de Sandiás - Imprime: RODI Artes Gráficas S.L. - Dep. Legal: OU-227/97