Sandiás (Nº 17)

S

w w w. s a n d i a s . e s

SANDIÁS Número 17

Boletín de información municipal

Inverno 2007/08

correo electrónico: concello.sandias@eidolocal.es

Obradoiro de Emprego “O Castro” Unha oportunidade laboral e un esforzo para recupera-lo noso patrimonio Centro Social, unha realidade

Nova Corporación

Tradicións vivas

O Centro Social xa é unha realidade. Concello e Xunta colaboraron na rehabilitación deste edificio, destinado a dinamiza-la vida social, cultural e lúdica do noso municipio. A carón continúan as obras da futura Casa da Cultura.

Concepción Méndez Gándara foi reelexida alcaldesa por oitava vez consecutiva, trala constitución da nova Corporación Municipal. O Partido Popular renovou a maioría absoluta, con 5 concelleiros, por 3 do PSdeG-PSOE e 1 do BNG.

Os veciños e veciñas de Sandiás, e o propio Concello, contribúen a manter vivas as tradicións dos nosos devanceiros. Os magostos, nos diferentes pobos, foi un exemplo máis dese espírito que aniña na nosa xente.

Páxina 2 Editorial

A nova Corporación ten que asumir os retos aínda pendentes A victoria nas urnas, o pasado 27 de maio, representou para o Partido Popular a quinta oportunidade consecutiva, desde 1991, de gobernar con maioría absoluta o Concello de Sandiás. Os votos dos nosos veciños e veciñas refrendaron o programa electoral e as propostas do equipo encabezado por Concepción Méndez Gándara.

Xa en clave política, e unha vez analizados os resultados electorais, as tres forzas con representación na Corporación Municipal fan valoracións positivas e acordes coas expectativas que tiñan establecidas de antemán. Para o Partido Popular era prioritario conservar a maioría absoluta.

Acadouno de xeito sobrado, co 53,5% dos votos emitidos.

O PSdeG-PSOE manténse como segunda forza máis votada, ampliando a tres os seus representantes na Corporación local. O BNG, que recibíu o apoio do 11% do votantes, conserva un único concelleiro.

Pero, a pesar deste grao de satisfacción compartida, como non podía ser menos, o Goberno municipal mantense, invariablemente, en mans do Partido Popular. Pero sería bo, e non faría máis que confirma-las intencións xa expresadas pola alcaldesa, que a política municipal reflec-

tise o conxunto de aspiracións e inquedanzas manifestadas polos cidadáns de Sandiás a través dos seus representantes. Fai falla diálogo, sentido común e unha vocación clara de servizo para solucionar as deficiencias que poidan xurdir e crear novas expectativas para mellora-la calidade de vida da nosa xente. Ábrese, pois un novo período de catro anos, para continuar avanzando na modernización do noso municipio. É necesario mellora-las infraestruturas viarias, garantir unha boa subministración de auga nos pobos, mellorar os sistemas de depuración de residuais, establecer novos programas de axuda ós nosos maiores, indagar na busca de perspectivas de emprego na nosa zona, etc. Para elo, como xa temos comentado en outras ocasións, faise necesaria a colaboración de todos, Goberno e oposición, pero tamén dos propios veciños á hora de artellar un bo Concello do século XXI, coas súas propostas e xustas reivindicacións. Está agora tamén nas nosas mans a busca dun mellor benestar para que todos poidamos sentirnos plenamente a gusto na nosa terra e disfrutar dun concello que sexa un pouco mellor cada día.

O Concello dispuxo dun orzamento de 751 mil euros Como en anos anteriores, os capítulos de gastos máis importantes do Concello de Sandiás foron os referidos ós investimentos reais (17,66%), bens correntes e servizos (30,75%) e persoal (36,71%).

Entre os tres supoñen máis do 85 por cento do total consignado para o ano 2007, que foi de 751.201 euros. O orzamento de gastos completouse con partidas menores e que serviron para afronta-las transferencias correntes (70.920€), as transferencias de capital

Orzamento

751.201,34 euros

*En porcentaxe. Datos de 2007.

(7.322€), os pasivos financeiros (25.184 €) e os gastos financeiros (8.312 €).

Os principais ingresos nas arcas municipais do Concello proceden das transferencias correntes e de capital (aportacións das outras Administracións públicas), e dos impostos directos e indirectos, das taxas municipais e dos ingresos patrimoniais. Sandiás manténse nuns niveis de endebedamento semellantes á media dos concellos galegos.

Páxina 3

obradoiro DE emprego

“O Castro” Os 30 alumnos/as prepáranse en cantería, albanelería e xardinería

Formación laboral e restauración do noso patrimonio

O Concello de Sandiás puxo en marcha, en colaboración coa Consellería de Traballo da Xunta de Galicia, o Obradoiro de Emprego “O Castro”. Será o encargado de ofrecer formación profesional durante un ano, ata decembro de 2008, a 30 alumnos e alumnas, maiores de 25 anos e inscritos nas oficinas do INEM. Os participantes están distribuídos en tres módulos formativos: 10 en albanelería, 10 en cantería e outros 10 en xardinería. Conta, asemade, cun director, tres monitores, un administrativo, e un profesor/a de Educación Compensatoria (eiquí os alumnos interesados poden obter o Graduado en ESO).

O orzamento total, no que se contemplan os gastos derivados dos salarios dos alumnos e o custe da maquinaria e do material das obras ascende a 588.535 euros, aportados pola Consellería de Traballo e o propio Concello de Sandiás.

Na memoria presentada

diante da Consellería de Traballo figuran as actuacións contempladas neste proxecto formativo do Obradoiro de Emprego “O Castro”: ■ Recuperación do lavadoiro municipal e do lavadoiro Mamuela en Couso.

■ Rehabilitación da escola de Couso, para centro social e veciñal.

■ Pavimentación do Camiño de Santiago en Sandiás.

■ Costrucción de beirarrúas e do camiño en torno a Santo Estevo de Sandiás.

■ Acondicionamento dos accesos á Torre do Castro.

■ Intervención da Capela de Santa Mariña.

■ Acondicionamento do antigo lavadoiro de Piñeira.

■ Acondicionamento doutro lavadoiro, da ponte e do contorno do río en Piñeira.

■ Rehabilitación da escola de Piñeira.

Cantería

Albanelería Xardinería

Páxina 4

chegan a

máis xente

Os servizos municipais

Deputación Provincial de Ourense e Xunta de Galicia colaboraron na execución de importantes iniciativas destinadas a mellorar infraestructuras e servizos O Centro Social xa é realidade. Nas últi-

mas semanas remataron os traballos de construcción do Centro Social de Sandiás, nunha zona dotacional que se complementa coa Casa da Lagoa e a futura Casa da Cultura, actualmente en execución. Fíxose con diferentes aportacións da anterior Xunta de Galicia e o propio Concello, cun investimento global que supera os 90.000 euros (incluída unha achega complementaria para o equipamento).

A Casa da Lagoa v zona, vencellada ó e a interpretación d

Aprobado o Plan Xeral de Ordenación Municipal Coa publicación no Boletín Oficial da Provincia, o día 20 de agosto, completáronse os trámites para a aprobación do Plano Xeral de Ordenación Municipal de Sandiás. O noso foi o primeiro dos catro PXOM aprobados este ano en Ourense por parte da Consellería de Política Territorial, Obras Públicas e Transportes da Xunta de Galicia.

Despois do primeiro documento elaborado por un equipo multidisciplinar (enxeñeiros, arquitectos, arqueólogos,...), procedeuse á aprobación inicial e á exposición ó público. Neste periodo presentáronse máis de cen alegacións, case todas referidas á delimitación do solo urbano e rústico. Unha por unha, resolvéronse tódalas alegacións dos veciños, tendo en conta a actual Lei do Solo de Galicia, que é o documento que regula tódolos planes urbanísticos.

Un dos aspectos principais do PXOM de Sandiás é que contempla dous parques empresariais, nas proximidades dos enlaces da Autovía A-52.

Pero tamén tenta fortalecer e diversificar a estrutura territorial dos núcleos de poboación, mellora-los servizos públicos, as infraestruturas, as dotacións, os equipamentos e a urbanización, establecendo as zonas de protección, recuperación e valorización dos recursos medioambientais.

A alcaldesa, Concepción Méndez, califica este PXOM como “clave para o futuro de Sandiás”, e considera que as zonas industriais teñen gran futuro: “hai moito interese por parte de varios empresarios por instalarse eiquí, e xa se informaron no Concello pola situación do Plan de Urbanismo. Agora estamos cos trámites para delimita-los terreos nos que se van asenta-los dous polígonos industriais”.

Pensa que é o mellor PXOM que se podía facer, tendo en conta as limitacións que introduce a Lei do Solo de Galicia.

Non está de acordo Juan Manuel Quintas, o voceiro socialista: “Na nosa opinión, o PXOM impide e limita o futuro de tódolos veciños de Sandiás, porque toda a actividade vai estar suxeita a este Plan. Non foi consensuado con tódolos sectores implicados e pensamos que fallou a información, e que os dous polígonos industriais non van beneficiar a Sandiás”.

Para Xavier Fernández, que non estaba na Corporación cando se tramitou o PXOM, “o que hai que facer agora é legaliza-las areeiras”, e que xa “non hai excusas de que non temos Plan para retrasar proxectos de creación de vivenda pública, porque estamos nunha ubicación privilexiada”.

Recuperación d

As airas foron luga nais para os traba vos, sobre todo da malla, durante o ve ducción da maqu novos usos na reco cereais e do traba levou a estes espaz vencia laboral ó es Agora, o Concello m llería de Vivenda t súa recuperación, c de interese etnográ

Páxina 5

RECUPERACIÓN DAS AIRAS DE SANDIÁS, VILARIÑO E COUSO Concello e Consellería de Vivenda e Solo estableceron un convenio para investir 25.900 euros no acondicionamento das airas de Sandiás, Couso e Vilariño. Este proxecto definíuse durante a visita que realizou a Sandiás o delegado da Consellería de Vivenda e Solo en Ourense, Antucho Espinosa. Asemade, concretouse que os traballos se centrasen no respeto da tipoloxía tradicional deste tipo de espazos comunitarios, recuperando a pedra do chan e eliminando as superficies de cemento.

APERTURA DA CASA DA LAGOA

vaise converter nun lugar de referencia da riqueza medioambiental desta ecosistema en torno ás areeiras. Tamén servirá para a promoción turística dos espazos naturais de Sandiás e da comarca de A Limia.

das airas

ares tradicioallos colectia sega e da erán. A introinaria e os olección dos allo da terra zos de convisquecemento. maila Consetraballan na como lugares fico.

Continúan a bo ritmo os traballos para remata-la futura Casa da Cultura.

Estáse a facer con diferentes aportacións da Deputación Provincial e do propio Concello, a través dos Planos Provinciais, cunha achega conxunta que superou os 130.000 euros.

A dotación de paneis, mobiliario e material audiovisual permitíu completa-lo proxecto da Casa da Lagoa. Agárdase a próxima apertura deste espazo que serve como centro de interpretación da Rede Natural, do ecosistema das areeiras e da riqueza medioambiental de Sandiás e da comarca de A Limia. Será un lugar de visita obrigada para as persoas concienciadas co medio natural e para moitos escolares que se achegan ó noso municipio.

MELLORA DE PISTAS AGRÍCOLAS A Deputación Provincial de Ourense maila Consellería de Medio Rural atenderon a solicitude do Concello de Sandiás para realizar obras de acondiconamento e mellora das pistas agrícolas da concentración parcelaria. Medio Rural acometeu traballos tanto de asfaltado como de mellora de pistas de terra, e a limpeza das bocas nos cruces das canles. Agora, a Deputación está pendente da autorización da Confederación Hidrográfica para a limpeza de beiravías e canles.

REFORMA DO CAMIÑO ENTRE CERREDELO E SAN BIEITO A Deputación volveu colaborar co Concello de Sandiás na reforma da pista que comunica o núcleo de Cerredelo con San Bieito da Uceira.

Este tramo, dun quilómetro de lonxitude, foi, posteriormente, completado pola Consellería de Medio Rural.

As brigadas da Deputación tamén visitaron Sandiás para realizar traballos de bacheo de estradas e camiños en todo o municipio.

XOGOS PARA OS MÁIS NOVOS A Vicepresidencia da Xunta colaborou co Concello para instalar varias zonas de xogos infantís en Sandiás, Couso, Vilariño,... Trátase de zonas delimitadas, co chan de area e aparellos adaptados ós rapaces, que cumpren estrictas medidas de seguridade.

Páxina 6

O PP acadou 5 concelleiros, por 3 do PSdeG-PSOE e 1 do BNG

Concepción Méndez volve presidi-lo Goberno municipal Nova maioría A candidatura do Partido Popular, encabezada por María Concepción Méndez Gándara, renovou a maioría absoluta na Corporación Municipal de Sandiás nos últimos comicios municipais, celebrados o 27 de maio de 2007. Os “populares” acadaron 5 dos 9 concelleiros electos; tres foron para o PSdeG-PSOE, e 1 para o Bloque Nacionalista Galego. Porcentualmente, o Partido Popular obtivo o respaldo do 53,46% dos votantes, a certa distancia das outras dúas forzas políticas que concorreron ós comicios no noso municipio: a candidatura dos socialistas recibíu o 33,98%, e a dos nacionalistas, o 11%. Esta foi a oitava convocatoria desde a instauración das Corporacións democráticas no Estado español. ■

Eleccións municipais Forza política

DE

P G-PSOE

Votos 2007

Concelleiros

656

5

417

3

135

1

Número de votantes: 1.227 (censo: 1.505) Participación: 80,93% (abstención: 19,07%) Votos nulos ou en branco: 19.

O índice de participación en Sandiás resultou moi superior á media rexistrada na provincia de Ourense, que foi do 63,04%.

Oitavo mandato Por oitava vez consecutiva (dende as eleccións municipais do ano 1979), María Concepción Méndez convertíuse en alcaldesa e gobernará o noso Concello outros catro anos, ata o 2011, con maioría absoluta. A súa candidatura recibíu o voto de 54 de cada 100 veciños/as que acudiron ás urnas.

Deste xeito, a rexedora municipal de Sandiás é unha das que acumula máis experiencia neste cargo en toda a provincia de Ourense. No ano 2004, Concepción Méndez Gándara recibíu en Santiago e Ourense a homenaxe do Parlamento Galego e da Deputación, respectivamente, como alcaldesa desde o comezo das Corporacións democráticas en Galicia. Neste intre, só quedan en Ourense outros 6 alcaldes na mesma situación. ■

Nova Corporación municipal

O PP gañou con clara diferencia

Cinco concelleiros novos

O Partido Popular foi a forza máis votada nas dúas mesas electorais instaladas na Casa do Concello de Sandiás. Por un día, as dependencias administrativas da Consistorial deixaron paso á consulta na que o pobo fixo escoitar a súa voz, de xeito sosegado e sen nengún tipo de estridencia. Foi a culminación dunha campaña electoral que tamén transcorreu polos mesmos derroteiros. Os candidatos das tres forzas políticas en liza percorreron durante a campaña electoral tódolos pobos do municipio, visitando porta a porta ós nosos veciños, expricándolles o seu programa e facilitándolle-las papeletas das votacións. ■

Da anterior Corporación municipal de Sandiás, continúan nos seus cargos Mª Concepción Méndez Gándara e María del Carmen Feijóo Seguín, do Partido Popular, e Juan Manuel Quintas Lorenzo e Javier Fernández Gómez, do PSdeG-PSOE. Acceden por vez primeira á Consistorial, María Jesús Teijeiro Morán, José Francisco Santana Doval e María Luisa González Teixeira, polo PP; José Manuel Cid Menor, polo PSdeG-PSOE; e Xosé Xavier Fernández Lamas, polo BNG. Deixaron os seus cargos: Javier Cabrera Gómez, Manuel Vázquez Santana, José Teijeiro Fernández, Serafín Quintas González e Alberto Manso Manso.

Concepción Méndez, alcaldesa

▲

Páxina 7

“Os nosos veciños souberon valorar ben o que levamos traballado e por eso confían en nós” P.- Vostede ven de asumir o seu oitavo mandato consecutivo como alcaldesa de Sandiás. ¿Como valora os resultados das eleccións municipais?

C. Méndez.- Tíñamos esperanza en acadar unha nova maioría absoluta, e así foi.

Para o Partido Popular é unha satisfacción comprobar que o noso pobo soubo valorar o esforzo que fixo o Goberno municipal nestes últimos anos.

P.- ¿Síntese, polo tanto, co respaldo suficiente para afrontar os proxectos que presentou no programa electoral?

C. Méndez.- En efecto, porque xa saben os nosos veciños o que se leva feito por tódolos pobos de Sandiás, pero somos conscientes de que hai novas necesidades, relacionadas co futuro do noso agro, o emprego, a zona industrial, a atención ós nosos maiores, etc. Por iso debemos seguir traballando nas iniciativas que xa están en marcha e noutras que serán realidade en pouco tempo.

P.- ¿Cal é a situación de Sandiás a

nivel de servizos e infraestructuras.

C. Méndez.- Ninguén pode negar que nos últimos anos fixéronse obras moi importantes e que axudaron a que os nosos veciños vivan cada vez mellor. Tamén traballamos para solucionarlles os pequenos problemas que poidan xurdir no día a día e para que a Administración municipal sexa máis próxima, en tódolos sentidos.

P.- ...e cales son as prioridades para estes catro anos?

C. Méndez.- Imos centrarnos nos programas sociais, co centro social e máis sevizos para os nosos maiores, no apoio ós agricultores, na dotación de novos espacios de convivencia, como a Casa da Cultura, na promoción do emprego, etc. E pretendemos establecer novas liñas de dinamización económica, facilitando a implantación das zonas industrias, e turísticas, preservando a nosa riqueza medioambiental e promocionando a Casa da Lagoa. Estou convencida de que, entre todos, ímolo conseguir. ■

“Hai que ir pouco a pouco establecendo as prioridades e dando resposta ás demandas dos veciños. Eles deberán definir tamén as prioridades á hora de actuar por parte do Concello”.

“Os programas sociais tamén será clave nestes próximos anos. A nosa poboación necesita unha atención específica e preferente”.

Juan Manuel Quintas (PSdeG-PSOE): “Non se ven dinámicas que fagan pensar nun maior progreso para o noso concello”

Xosé Xavier Fernández (BNG): “Hai que incidir máis en políticas de vivenda e de emprego a partir das zonas industriais”

P.- ¿Cal é a situación do municipio, na súa opinión?

P.- ¿Como valora os resultados electorais?

Juan.- Levo xa seis anos no Concello, e non percibo avances. Sandiás ten unha ubicación privilexiada, pola súa situación, e non se está aproveitando.

A nivel industrial a cousa está mal e tamén hai un problema de excesiva burocracia no Concello, que dificulta un simple trámite como é a licencia dun tractor. Hai que entrar noutra dinámica e cambiar todo isto.

P.- ¿Cales son as súas propostas?

Juan.- Levamos 32 ideas no programa electoral, algunhas para favorecer a agricultura, apostando pola formación e o asesoramento desde o Concello, para coñecer como se canalizan as subvencións. E, outras, para mellorar infraestruturas e os servizos básicos nos pobos.

P.- ¿Agardaba o resultado electoral?

Juan.- Confíabamos nunha suba importante. Se fosen as eleccións dous días despois, penso que igual gañábamos.

Faltounos pouco. Penso que as cartas están bocan arriba e por eso imos seguir traballando para axudar a que se resolvan os moitos problemas que teñen aínda os veciños.

Xavier.- Perdemos votos, pero os resultados foron os agardados. A partir de agora, o noso traballo encamíñase a medrar con vistas ás próximas eleccións locais.

P.- ¿Como ve Sandiás na actualidade?

Xavier.- Estamos preocupados pola perda e o avellentamento da poboación.

Hai que garantir máis servizos desde o Concello para que veña xente. Hai que propiciar políticas de vivenda e de emprego, agora que xa están contemplados os dous polígonos no Plan Xeral. E habería que buscar que as aereeiras creasen máis postos de traballo con novas industrias de transformación.

P.- ¿Que propostas presentou nestes primeiros meses da nova Corporación municipal?

Xavier.- Xestionamos a reforma do coro da igrexa de Sandiás con Cultura, e das airas, con Vivenda e Solo. Asemade, o programa de investimentos da Xunta na zona de A Limia contempla unha parte importante para actuacións en Sandiás, a través da Consellería de Medio Rural.

Páxina 8

Corporación municipal de Sandiás (2007-2011)

Mª Concepción Méndez Gándara

María Jesús Teijeiro Morán

DE

José Francisco Santana Doval

DE

P G-PSOE

P G-PSOE

Juan Manuel Quintas Lorenzo

Javier Fernández Gómez

María del Carmen Feijóo Seguín

María Luisa González Teixeira

DE

P G-PSOE

José Manuel Cid Menor

Xosé Xavier Fernández Lamas

Órganos de goberno e representación: Xunta Local de Goberno: María Concepción Méndez Gándara, José Francisco Santana Doval, María Jesús Teijeiro Morán e María Luisa González Teixeira.

Tenentes de Alcalde: José Francisco Santana Doval (1º), María Jesús Teijeiro Morán (2ª) e María Luisa González Teixeira (3ª).

Comisión Especial de Contas: María Concepción Méndez Gándara (presidenta), María Jesús Teijeiro Morán, José Francisco Santana Doval, María del Carmen Feijóo Seguín, María Luisa González Teixeira, Juan Manuel Quintas Lorenzo, Javier Fernández Gómez e Xosé Xavier Fernández Lamas.

Representantes do Concello de Sandiás nos órganos colexiados:.

Consorcio contra Incendios e Salvamento da Limia: Mª Concecpión Méndez Gándara, como titular, e José Francisco Santana Doval, como suplente.

Consello Escolar do CEIP de Sandiás: María Concepción Méndez Gándara.

Consorcio Galego de Servizos de Igualdade e Benestar: Mª Concepción Méndez Gándara.

Fondo Galego de Cooperación e Solidariedade: Mª Carmen Feijóo Seguín (titular) e Mª Concepción Méndez Gándara (suplente).

Páxina 9

A ZEPA provocou as protestas de sindicatos, agricultores e organizacións políticas de A Limia

Representantes da Corporación municipal de Sandiás e numerosos veciños participaron nas mobilizacións en contra do proxecto da crear na Limia unha Zona de Especial Protección de Aves (ZEPA), promovida pola Consellería de Medio Ambiente e Desenvolvemento Sostible da Xunta de Galicia. Esto afectaría a unhas 10.000 hectáreas da comarca e á práctica totalidade do territorio de Sandiás.

Aínda que este departamento asegura que se trata dunha imposición da Unión Europea, que xa se ten aplicado en varias zonas de Galicia, por parte de varias organizacións políticas (Partido Popular, BNG e Terra Galega), sindicais e colectivos de agricultores e gandeiros xa expresaron dende o primeiro momento serias discrepancias con este proxecto, xa que consideran que vai limitar o uso da terra de cultivo e o emprego de produtos

Sandiás estivo representada nas distintas movilizacións que se organizaron en Xinzo, Ourense e Santiago para protestar polo proxecto de reserva para aves. Á esquerda, o conselleiro de Medio Ambiente con representantes sindicais e de agricultores. fitosanitarios, que poden ser perxudiciais para as aves protexidas. O seu principal argumento é que unha medida deste tipo pode danar gravamente a economía da comarca, baseada, sobre todo, na agricultura, e que as outras 14 ZEPAS de Galicia están en zonas despoboadas e sen aproveitamento agropecuario. A reacción foi organizar manifestacións e concentracións pacíficas en Xinzo de Limia, Ourense e Santiago de Compostela, diante do Parlamento autonómico.

Medio Ambiente, que conta co apoio do PSdeG-PSOE, Unións Agrarias e algunhas organizacións ecoloxistas, comezou unha xeira de reunións con sectores implicados para buscarlle unha solución ó conflicto.

Valoración dos grupos políticos municipais...

José Francisco Santana Doval, tenente de alcalde:

Juan Manuel Quintas Lorenzo, voceiro do PSOE:

Xosé Xavier Fernández Lamas, voceiro do BNG:

“As cousas fixéronse mal desde o principio, xa que deberían consultar a tódolos sectores implicados antes de implantar unha medida tan problemática como é a ZEPA. Desde o Concello defendemos ante todo a economía e os postos de traballo dos nosos agricultores, xa que todos se van a ver afectados dalgunha maneira por esta zona de protección de aves. Creemos que a Xunta de Galicia ten que recapacitar e buscar unha solución dialogada con tódolos sectores implicados, pero, sobre todo, coa xente que traballa e vive da terra”.

“É un problema do PSOE, herdado do anterior goberno do PP, que se convertíu en arma política de desgaste contra os socialistas. A realidade é que se basearon nunhas alegacións de sindicatos e agricultores e, a partir de ahí, convertíronnas en armas arroxadizas contra a Consellería de Medio Ambiente e o Goberno da Xunta. Sustentáronse no que o PP fixo nas outras 14 Zepas de Galicia e limitáronse a asustar ós agricultores, con tal de amarrar votos futuros. Penso que falla información e por iso imos celebrar axiña reunións sectoriais cos afectados”.

“Tal e como está plantexada a ZEPA, dende o BNG consideramos que non é axeitada. Entendemos que hai que facela por imperativo legal, pero doutro modo, implicando ós agricultores, gandeiros, cazadores, etc. Fai falla un debate a maior escala, a nivel de toda a comarca. Cando se votou a moción do PP, instando á Xunta a que reconsiderase a súa posición, nós votamos a favor, xa que esta proposta vai na liña que tamén defende o Sindicato Labrego Galego. Nun concello agrario temos que defender ós agricultores”.

Páxina 10

Rematada a ampliación e reforma da Casa do Concello Unha achega da anterior Consellería de Xustiza da Xunta de Galicia permitíu ampliar e realizar unha completa remodelación interior das dependencias municipais. O edificio ampliouse pola parte traseira, renovouse o tellado e se redistribuiron os espazos interiores, adaptándoo para melloralo traballo dos funcionarios municipais e a atención ós veciños e visitantes. Tamén se dotaron novas depependencias para o arquivo, biblioteca, etc, e se instalou unha rampa para facilitar o acceso de minusválidos.

Ademais da renovación do tellado e da ampliación da Casa do Concello, o proxecto financiado pola anterior Consellería de Xustiza permitíu unha racionalización do espazo interior para facilitar o traballo dos funcionarios e unha mellor atención ós veciños e veciñas.

Inauguración do novo Plan de Regadío da Limia

O Plan de Regadío de A Limia, que beneficia en Sandiás a unhas 200 hectáreas de terras de cultivo, xa está plenamente operativo. A ministra de Agricultura, Elena Espinosa, o conselleiro de Medio Rural, Alfredo Suárez Canal, maila alcaldesa de Sandiás, Concepción Méndez Gándara, asistiron á posta en marcha deste novo servizo, calificado como “vital para o futuro da comarca” por tódolos sectores afectados. En total, investíronse 13 millóns de euros, cos que se construiron dúas balsas de auga e máis de 76 quilómetros de tuberías para levar o preciado líquido ás parcelas duns 700 regantes de Xinzo, Sarreaus, Xunqueira de Ambía e Sandiás.

A alcaldesa de Sandiás, que apoiou o proxecto dende o primeiro momento, congratulouse por “unha obra que contribuirá ó mellor aproveitamento da nosa terra”. ■

REFORMAS NO PUNTO DE

AMPLÍAXE A REDE DE

PANEIS DE SINALIZACIÓN

ATENCIÓN Á INFANCIA

ABASTECEMENTO

DA CASA DA LAGOA

O Concello de Sandiás acometeu varias obras de adaptación do Punto de Atención á Infancia ás esixencias da Vicepresidencia da Igualdade. Consistiron na instalación de duchas, dun sanitario móbil no salón e da calefacción independente do colexio. Agora, o PAI está atendido por dúas profesionais en atencións ós cativos.

Outro proxecto importante do Concello de Sandiás é o da mellora da rede de abastecemento na zona do Novaíño. Eiquí ampliouse o ramal dende o depósito xeral ata as vivendas que quedaron pendentes en proxectos anteriores. A pesar da seca estival, non houbo problemas na subministración de auga.

O Concello acomete o proxecto de sinalización dos lugares de interese do noso municipio. Nesta liña enmáncanse os paneis da Casa da Lagoa, facilitando información sobre este centro e para concertar as visitas. Tamén se dotará de novas sinais a zona medioambientaldas areeiras e o hipódromo de Antela.

Tempo de magostos...

Coa chegada do outono, e, sobre todo, do San Martiño, recupéranse as tradicións dos magostos.

Máis de 200 persoas reuníronse na carpa instalada polo Concello no patio do colexio para degustar un menú típico desta época, regado con refrescos e o

Charla sobre o Banco de Terras

mellor viño da nosa terra. O Goberno municipal aboga por conservar e mellorar cada ano este tipo de actos, que axudan a estreita-la amizade e a cohexión social entre tódolos veciños, e lembrar de paso ós nosos devanceiros.

Un ano máis, o Concello,en colaboración coa Vicepresidencia maila Asociación de Mulleres Rurais, organizou durante o mes de decembro un curso de adornos de Nadal. Durante o ano tamén se realizaron outros de costura e pintura en tela como actividades de formación ocupacional.

Técnicos de Medio Rural expricáronlles ós veciños de Sandiás, no local social do Concello, o proxecto do Banco de Terras. Moitos agricultores amosáronse interesados na cesión e no aluguer de terreos de cultivo. Sobre as condicións e os requisitos legais versou esta charla.

Curso de adornos de Nadal

Charla sobre reciclaxe e uso da auga

O Concello organiza actividades de sensibilización medioambiental. Unha delas foi unha charla sobre a recollida selectiva de lixo, e a repercusión que ten sobre a natureza do noso entorno. Tamén se abordou a necesidade dunha maior conciencia no uso da auga, un ben cada vez máis escaso.

As tradicións continúan

As dúas romerías de San Bieito da Uceira e a da Virxe de Sandiás son citas obrigadas coa tradición relixiosa no noso municipio. Como cada ano, os nosos veciños e veciñas renovan unha devoción que se perde no tempo, que nos legaron os

devanceiros e que segue atraendo a moitos visitantes de toda a comarca de A Limia e doutras zonas da nosa provincia. Tradicións que perviven e que acentúan a identidade do noso pobo, amante como poucos de mantelas sempre vivas.

Páxina 11

Un día no hipódromo ...de Antela, en Sandiás O Hipódromo de Antela, en Sandiás, é o “santuario” das carreiras de cabalos en Galicia. Estas instalacións, xestionadas pola Deputación Provincial de Ourense, acolleron durante a pasada tempada emocionantes probas, con algúns dos mellores cabalos e xinetes do Estado español. O Concello patrocinou un trofeo que leva o nome de Sandiás.

San Bieito de abril

O interese polas carreiras de cabalos no Hipódromo de Antela medra de ano en ano. Numerosos afeccioados de toda Galicia acudiron a presencia-las probas, atraídos polas excelentes instalacións e polo alto nivel de dos cabalos e

xinetes participantes. Outro atractivo son as apostas, habituais neste tipo de competicións, a posibilidade de ver de cerca cabalos de “pura sangue”, e disfrutar dun ambiente distendido e moi agradable.

Edita: Concello de Sandiás - Imprime: RODI Artes Gráficas S.L. - Dep. Legal: OU-227/97