KAMÃ HARẼ NẼ OMU

Ỳ koja mẽ democracia jarẽ nhũm mẽ pu ãm ra xy hã mẽ ohtô hã mẽ hkrãmtĩ hkôt ra hamaxpẽr kurê kumrẽx. Hãmri nhũm mẽ grêêre xwỳnhjê xy hã ra mẽ ohtôjê kutã hkêt. Nẽ mẽ grêêre xwỳnhjê na htem amnàr týx kêt o pa.

No ãm democracia na kêp mẽmoj xohtô hã kukamã harẽnh xà hã rax na. No ãm mẽ hamaxpẽrja na kêp mẽ piitã axpẽn tã pijaàm xà hã na nẽ mããnẽn axpẽn kwỳjê grêêre pumunh xà hã na. No ja kamã na mẽ ohtô xà hã na htem arĩ kãm mẽmoj prãm xà hkôt amnhĩxpêx o pa nẽ. No ãm te anhỹr tã amnhĩ kôt mẽ grêêre xwỳnhjê mẽ hã pijaàm kãm mẽ omunh mex o pa.

Jakamã kagà nhĩpêxja na kot ja kôt ir nẽ harênh xà hã Justiça Eleitoral ja hã kot amnhĩ nhôr xwỳnh xà hã ja ho amnhĩrĩt o mõr mẽ kot ho wota xà hã ho amnhĩm tàr nẽ mẽ kãm ja ho amnhĩrĩt nhũm mẽ kot tãm kôt amnhĩxpêx kaxyw. No na ra amnhĩ kôt ja nhĩpêx o mõ tãm kot hkôt tokãxînẽs jagjênh nẽ tãm mẽ ahkre mex kaxyw.

Jakamã kagà nhĩpêxja kamã na panhĩjê kapẽr kêp kwat nẽ hã hipêx (Karaja nẽ Xerẽn nẽ Apinaje nẽ Kraô) ja ho panhĩjê pê eleitor xwỳnhjê mã hkôt mẽ ujarẽnh mex kwỳ nhõr nhũm mẽ kot hprĩ hã mẽ kot ho wota xà ja mar nẽ hkôt omunh mex kaxyw kê mẽ rĩ amnĩ pumunh xà hkôt hamaxpẽr mex xà hkôt ja mã amnhĩjagjê.

Kê mẽ rĩ tãtãm mẽ àpênh ja kôt pa mẽ hamã pyka pê Tokãxĩs kamã panhĩjê pê eleitores xwỳnhjê amnhĩx hamakêt kati kamã mẽ kaêx ã ja mã amnhĩ jagjê nẽ ri amnhĩm mẽ kapi nẽ amnhĩ kaxyw mẽ unhwỳ.

Tã ãm ja pix kêr ka mẽ kamã harẽnh mex nẽ!

Ixpê ja hã mẽ krãhtũm EURÍPEDES LAMOUNIER prejident