PRESTASÃW DE KÕT

Prestasãw de kõt piitã pẽrja na kãdidat mẽ piitã mã na nẽ mããnẽn hkwỳjê mã haxwỳj nẽ õ partidos mã nẽ koja kormã mõr õ mõr kêt tã. Nẽ tãm kot ja ho mẽmoj pumuj pê ho amnhĩmtàr nẽ hkôt kot amnhĩ jarẽnh mex kaxyw.

Ja na kãdidat mẽ piitã mã na koja te kêp kãdidat hã kôt amnhĩ pumunh mex pyràk o amnhĩ pumu kamã kê õ kãpãnhja hapêx. Nẽ koja kãdidat jajê piitã kot mẽ marĩ amnhĩm õ kõtadô hõ xãm kê tãm mẽ kãm mẽ õ kãpãnh hkôt mẽ hã kagà nhĩpêx mã nẽ kaxyw mẽ àpênh piitã hã kagà pẽr xàta mããnẽn.

Nẽ koja kãdidat piitã amnhĩm mẽ àpênh mex xwỳnh õ xãm õ kõtadô ãm ra nẽ tãnh mẽ õ kãmpãnh krax kãm kê tãm ri mẽ kãm mẽ o kagà punujjê ho mex nẽ mẽ kãm mẽ õ kõt ã prestasãw hã mẽ hkrã kaxpar kaxyw.

Nẽ koja kãdidat jajê piitã amnhĩ kaxyw õ adiwogat kê tanhmã mẽ õ kagá hõ omnũj japêr nhũm ra tokyx mẽ kãm hã ujarẽnh mex kaxyj.

Nẽ koja rĩ mẽ õ kõt ã prestasãwja koja mẽ haturxàm kumẽ hãmri nẽ hpãj Justiça Eleitoral wỳr kumẽ tanhmã amnhĩto hã anhĩgro hkwỳm pumaj koja ja anẽ hãmri nhũm mẽ kot amnhĩto eleito wxỳnhjê õ diprõm jamỳnh kêt nẽ.