MATRIKULAZIO KANPAINAKO SPOTAREN EGILEAK Aurtengo
matrikulazio
kanpainarako
Andra Mari, I単igo Aritza eta Txioka ikastolek elkarrekin spot bat osatu dugu. Eskualdeko herri guztiek hartu dute parte proiektu hau osatzeko garaian ikasle eta ikasle ohi, guraso eta guraso ohi, ikastolako fundatzaileak eta hainbat herrietako eragile, talde eta pertsona ezberdinek lagundu dute. Ez da lehendabiziko aldia ikastolarentzako horrelako lan bat egiten duzuela, lehendik ikastolako matrikulazio kanpainarako DVDa, euskararen eguneko lipdub-a, karrakako grabazioak, etab.etan parte hartu duzue. Zer sentitzen du ikastolako guraso batek berak apartatutako lanak fruitu oparoak ematen dituela ikusten duenean?
Amaia: poztasuna. Ikastolak aurrera egin dezan nahi badugu ikastola osatzen dugun pertsona guztiok lagundu beharko dugu, bakoitzak ahal duen moduan. Nik beste gauza askotan ezin dut aportazio handiegirik egin, bideoak grabatzen lagundu ahal badut ba hori egingo dut. Oscar: satisfazioa sentitzen da, ilusioarekin eta gogoekin egindako lana ongi ateratzeak satisfazio handia sentiarazten du.
Spot hau sortzeko bidean, Andra Mari, I単igo Aritza eta Txiokako irakasleekin batera egin duzue lan. Nola baloratzen duzue elkarlan hau?
Amaia: aberasgarria, beti ere jende ezberdina batzean ideia gehiago sortzen dira eta ideia horiek aurrera eramateko laguntza gehiago dago. Oscar: nik balorazio oso positiboa egingo nuke ere eta elkarlanean proiektu gehiago gauzatu beharko genituzkeela uste dut. Pertsonalki oso esperientzia aberasgarria izan da. Duela 3 urte gure proiektua ezagutarazteko komunikazio plan mankomuna sortu genuen Sakanako 3 ikastolen artean. Azken lan hau komunikazio plan horren barruan kontenplaturiko ekintza bat zen, nola ikusten duzue komunikazio plan hau? Eta 3 ikastolen arteko elkarlana?
Amaia: Batzutan ikastolako gurasoak ere ikastolaren hezkuntza proiektua osorik ezagutzen ez dugula iruditzen zait. Oraindik ikastolara gerturatu ez diren gurasoek seguraski gutxiago ezagutuko dute; beraz; bai, ezinbesteko iruditzen zait komunikazio kanpainak egitea jendea proiektuaren onuraz jabetu dadin. Hiru ikastolak batera egitearena logikoa eta praktikoa da. Proiektu berdinaren parte gara, proiektu berdina ezagutarazi behar dugu, bakoitza bere aldetik beharrean, hobe denok batera. Oscar: elkarlana oso aberasgarria dela uste dut eta bide horretatik Sakanako ikastola guztiak elkarlanean jarraitu beharko genukeela ere.
Proiektu honen ideia partehartzaileei azaltzerakoan, nolakoa izan da parte hartzaileen harrera?
Amaia: orokorrean jendeak oso ondo hartzen ditu honelako saltsetan sartzeko eskaera egiten zaigunean. Jendea kolaboratzeko gogoarekin ikusi dut, nahiz eta batzutan harritu egiten ziren 7 edo 8 segundoko plano batentzat ordu-erdi bateko grabazioa egin behar zela jakitean. Spotean herri bakoitzeko irudian esaldi edo hitz esanguratsu bat agertzen zen ikastolok propio ditugun ezaugarriak nabarmentzeko (euskara, eleanitztasuna, elkarlana, gestio autonomoa, berritzailea‌) Zuk zein ezaugarri nabarmenduko zenituzke?
Amaia: parte-hartzailea eta auzolana. Oscar: nik ere auzolana nabarmenduko nuke, hauxe baita ikastolen ezaugarri esanguratsuenetako
bat,
gurasoak,
irakasleak
etab.
elkarlanean
aritzea
euskararen alde eta gure hezkuntza proiektu propioaren aldeko apustua eginez. Goian aipatu bezala, bideo hau sortzerako orduan guraso, ikasle ohi, irakasle, fundatzaile eta beste eragile batzuekin egin duzue lan. Erraza al da horrenbeste jenderekin lan egin eta dena koordinatzea?
Amaia: Egia esan niri ez zait tokatu koordinazio lana egitea. Beste batzuk prestatu dituzte jendearekin noiz eta nola gelditu; normalean niri eguna, ordua eta lekua esaten zidaten; ni joan eta grabazioa egin besterik ez nuen egiteke. Koordinazio lan hori komunikazio taldeko kideek egin dute gehienbat; lan isilagoa behar bada baina berebiziko garrantzia duena.
Bideoaren gidoia prestatu, jendearekin hitz egin eta koordinatu, grabazioak egin, bideoa editatu‌. Zenbat denbora eraman dizue lan honek?
Amaia: grabazio lanetan bakarrik 15 ordu inguru izango ziren‌ Oscar: 3 hilabete inguru iraun du lan honek, planifikazioa osatzeko bilerak egiten hasi ginenetik spotaren edizioko azken ukitutxoa bukatu arte 3 hilabete pasatu dira. Nire kasuan, edizioak 20 ordu inguruko lana suposatu dit. Eta bukatzeko zer nolako iritziak jaso duzu jendearen aldetik, bideoa gustukoa izan du jendeak?
Amaia: niri inguratu zaidan jendea lanagatik zoriontzeko izan da, denei gustatu zaiela dirudi, edo gustatu ez zaienek ez dute bere iritzia eman‌ Dena den, lan txukuna gelditu dela iruditzen zait niri ere. Oscar: nik entzun ditudan iritziak onak eta positiboak izan dira, jendeari bai gustatu zaiola. Uste dut egindako lanaz harro egoteko moduan gaudela.