udal aldizkaria
Skate park bat egiteko parte-hartze prozesua martxan jarriko du Udalak datorren astean Hiru saiotan, nolako skate parka egingo den eta gunearen dinamizazioa zehaztuko dira Herrian skate park bat egiteko, hiru saio izango dituen parte-hartze prozesua abian jarriko da datorren asteartean (hilaren 10ean). Gaztetxoek egindako eskaera batetik abiatu da Udala skate parkaren inguruko lanketa egiteko. Gaztetxoekin beraiekin gauzatuko du parte-hartze prozesua, baina interesa duen edozein herritarrek ere partu hartu dezake. Saioen dinamizatzailea Igor Eskudero izango da, bmx-kirolaria eta skatearen mundua ongi ezagutzen duena. Saioetan, Gazteria eta Kiroleko teknikariak eta zinegotziak eta, udal arkitektoak ere parte hartuko dute. 60.000 €ko inbertsioa aurten Saioak gaztetxoentzako dinamikoak izateko moduan planteatu ditu Udalak. Hiru asteartetan izango dira, 18:30ean, Elorsoro kiroldegiko bilera gelan.
EGUTEGIA eta SAIOEN EGITURAKETA: Martxoak 10, asteartea: Udalak egitasmoa eta helburuak aurkeztuko ditu. Kokaguneaz hitz egingo da. Skate park moten gaineko lanketa egingo da: “nolako skate parka nahi dugu Oiartzunen?” galdera erantzuteko. Martxoak 17, asteartea: Skate park mota aukeratuko da. Skate parkaren diseinu proposamenak egingo dira. Martxoak 24, asteartea: Proposatutako diseinuen kostua dirutan kontabilizatua eramango dute Udal teknikariek. Horren arabera, gauzatu daitekeena erabakiko da. Skate parkaren dinamizaziorako proposamanek jasoko dira. Skate parkaren erabilera neurtzeko indizeak markatuko dira. Dinamizazioak eta markatutako indizeek funtzionatzen badute, Oiartzungo Udalak datozen urteetan skate park eremua handitzen eta hobetzen jarraitzeko prestutasuna du.
2015eko MARTXOA • 117. ZENBAKIA
Beloaga balorean jartzeko, hitzarmena
Udalak (Aiora Perez de San Romanek ordezkatua), Beloaga Bizirik Elkarteak (Joxe Etxezurietak ordezkatua) eta Aranzadi Zientzia Elkarteak (Juantxo Agirrek ordezkatua) Beloagako gaztelua balorean jartzeko eta biziberritzeko hitzarmena sinatu dute.
Aholku Kontseiluari, esker onez
Hirigintzako Aholku Kontseiluak Hirigintzako Plan Orokorraren gaiaren inguruan azkeneko batzarra egin berri du. Udalak azken bi legegintzaldietan kontseilu honetan borondatez parte hartu duten herritarrei egindako lanagatik eskerrak eman zizkien. Luntx ttiki batekin bukatu zen saio berezi hori.
Skate parka bera egitea (Gazteria eta Kirola sailak 60.000 € bideratuko ditu aurten azpiegitura honetara) bezain garrantzitsua da Udalarentzako gazteen parte-hartzea sustatzea eta herrriko gazteak kultura honetan trebatzea.
Izokinak agertu dira Altzibarren, Oiartzun ibaian Azken urteetan erreken biziberritzean egindako lanen emaitza da Gipuzkoako Foru Aldundiak Oiartzun ibaian egindako azken laginketan, Altzibar auzoan, bost arrain-espezie identifikatu dituzte, tartean gure ibaietatik erabat desagertua zegoen izokin basatiaren zenbait ale.
Oiartzunen, ibaiko uraren kalitatea hobetzeko egin diren saneamendu lanak oso garrantzitsuak izan dira. Ia ibai guztiko saneamendu lanak bukatuta daude; Lintzirin arroko gune batzuk baino ez dira falta.
Torri Gukin, erretiratuekin batera
Torri Gukin, erretiratuentzako aisialdi programa martxan hasi da Arraguan, bederatzi parte-hartzailarekin: museoetara bisitak, mahai-jolasak, kantu saioak... egin dituzte dagoeneko. Aldeguna Elkartean biltzen dira astean behin.
Azken urteetan ibaien berreskurapenean eman diren urratsak (presak kentzea, uraren kalitatea hobetzeko saneamendu proiektuak...) positiboak izan direla baieztatzen du ekosistemaren aldetik erabat garrantzitsua den albiste honek. Izan ere, arrain-espezie hauek gure ibaietatik desagertu baziren, gizakiok gure eguneroko jardunarekin (etxekoa zein industriala) eragin ditugun aldaketa eta kalteengatik izan da.
Erraldoiak dantzarazten ikasteko tailerra, bihar
Eskalada Eskola martxan 17 ikaslerekin
Ibilgailuen tasa ordaintzeko epea irekita
KZgunea irekita dago berriz Madalensoron
Herriko lau erraldoiak xanistebanetan eta auzoetako festetan dantzarazteko taldea osatu dute herritar batzuek, borondatez. Hauek, zein gaian interesa duen beste edozein, erraldoien munduan trebatzeko ikastaroa izango da bihar (hilak 7) 11:00etan, Doneztebe plazan (eguraldi txarra eginez gero, Haurtzaro Ikastolako pilotalekuan izango da ikastaroa). Donostiako Irrintzi konpartsako kideak izango dira oinarrizko ikastaroa emango dutenak. Honez gain, Udalaren lau erraldoiak zaharberritu dira.
17 ikaslerekin jarri da martxan Eskalada Eskola. Martxel Bereau eskalatzaile eta gorputz hezkuntzako irakaslearen gidaritzapean hasi dira eskaladan trebatzen gaztetxo hauek, bi taldetan banatuta. Astean bi egunetan elkartzen dira 10 eta 16 urte arteko haur eta gaztetxoak, eskaladako oinarrizko kontzeptuak ezagutzeko eta barneratzeko. Eskalada Eskola martxan jartzeaz gain, Elorsoro kiroldegiko rokodromoaren mantenu lanak eta hobekuntzak ere egitea aurreikusten da, Bereau bera arduradun dela.
Ibilgailuen (autoak eta motorrak) tasa ordaintzeko epea irekita dago. Ia bi hilabeteko denbora tartea izango dute herritarrek udalarekiko betebehar ekonomiko hau betetzeko: datorren apirilaren 30a arte, hain zuzen ere. Udaletxeko kontu-hartzailetzak jakinarazi duenez, ordainketak helbideratuak dituzten herritarrei apirilaren 1ean kobratuko zaie dagokien kopurua horretarako erraztu duten kontu korrontetik. Urtean behin ordaintzen den zerga da ibilgailuengatik jabeek Udalari ordaintzen den hau.
KZgunearen Madalensoroko egoitza berriz irekita dago, azken hilabeteetan berrikuntza eta segurtasuna hobetzeko lanengatik itxita egon ondoren. Eusko Jaurlaritzak kudeatzen duen zerbitzuak ordenagailuak, Interneterako sarbidea eta teknologi berrietan formazioa eskaintzen ditu; denak, dohainik. Honez gain, bilera gela bat ere badute herriko elkarteentzako erabilgarri, formakuntza saioak edota bilerak egiteko. Informazio gehiago lortzeko Madalensorora jo edo 943 02 36 70 telefonora deitu daiteke.