ATLETI ŻGĦAŻAGĦ IPPREMJATI mill-Għaqda Ġurnalisti Sport u Atlas Insurance

ŻEWĠ GĦAWDXIN jirrapreżentaw lil Malta fil-Polonja

minn Lorraine Cunningham

F’Jannar li għadda l-Għaqda Ġurnalisti Sport b’kollaborazzjoni ma’ Atlas Insurance nedew l-unur tal-Atlas Żagħżugħ/a tax-Xahar blintenzjoni li kull xahar jiġi ppremjat żagħżugħ jew żagħżugħa taħt il-21 sena li jkun iddistingwa ruħu kemm b’riżultati kif ukoll b’egħmil sportiv jew aġir altruwistiku.

Għal dan il-għan twaqqaf bord ta’ selezzjoni sabiex kull xahar jevalwa dak li jkun seħħ fil-qasam sportiv u jiġi magħżul żagħżugħ jew żagħżugħa biex jingħata t-trofew li Atlas Insurance ikkummisjunaw għal ta’ l-apposta. Dan il-bord huwa kompost minn tliet individwi li permezz tal-programmi televiżivi tagħhom isegwu mill-qrib l-isportivi lokali – Joanna Camilleri, Mario Bonnici u Charles Camenzuli.

Ta’ kull xahar apparti t-trofew, iż-żgħażagħ rebbieħa ta’ dan l-unur irċevew voucher li jissarraf b’abbiljament sportiv mill-ħanut ta’ l-għażla tagħhom. Għalkemm kienet sena diffiċli għall-isport minħabba l-pandemija tal-Covid 19 u kien hemm xi xhur fejn ma kienet qed issir l-ebda kompetizzjoni, pero’ l-amministraturi ta’ Atlas Insurance sostnew li l-unur għandu jingħata kull xahar u intgħażlu żagħżagħ li matul din is-sitwazzjoni diffiċli kienu ta’ ispirazzjoni għal sħabhom u minkejja kollox iddiversifikaw l-attivita’ sportiva tagħhom.

Bi pjaċir ukoll ninnutaw li r-rebbieħa kienu ġejjin minn oqsma u dixxiplini sportivi differenti.daw