Goi-tentsioko linea elektrikoei buruzko erregelamendua
Goi-tentsioko elektrikoen 5
15/11/11 17:31:37
Liburu hau Hezkuntza, Unibertsitate eta Ikerketa Sailaren laguntzaz argitaratu da.
HEZKUNTZA, UNIBERTSITATE ETA IKERKETA SAILA DEPARTAMENTO DE EDUCACIÓN, UNIVERSIDADES E INVESTIGACIÓN
UPV/EHUko Euskara Zerbitzuak koordinatutako itzulpena Itzultzaileak: Elhuyar Fundazioa. Estibalitz Aizpuru. Sagrario Barandiaran Hizkuntza-begiralea: Genaro Gómez Begirale teknikoa: Zaloa Aginako
5269. Real Decreto 223/2008, de 15 de febrero, por el que se aprueban el Reglamento sobre condiciones técnicas y garantía de seguridad en líneas eléctricas de alta tensión y sus instrucciones técnicas complementarias ITC-LAT 01 a 09. Ministerio de Industria, Turismo y Comercio (BOE nº 68, págs. 16436 a 16554). 5269. 223/2008 Errege Dekretua, 2008ko otsailaren 15ekoa, Goi-tentsioko linea elektrikoen baldintza teknikoei eta segurtasun-bermeei buruzko erregelamendua eta haren jarraibide tekniko osagarriak (JTO-GTL 01etik 09ra) onartzen dituena. Industria, Turismo eta Merkataritza Ministerioa (gaztelaniaz: BOE, 68. zk., 16436-16554 or.) Agencia Estatal del Boletín Oficial del Estado Avda. de Manoteras, 54 28050 Madrid www.boe.es Goi-tentsioko linea elektrikoei buruzko erregelamendua 2011, Euskal Herriko Unibertsitateko Argitalpen Zerbitzua www.argitalpenak.ehu.es – editorial@ehu.es I.S.B.N.: 978-84-9860-563-1 Lege Gordailua: BI-2796-2011 Fotokonposizioa: Ipar, S. Coop. Zurbaran, 2-4, 48007 Bilbao Inprimatzea: Itxaropena, S.A. Araba kalea 45, 20800 Zarautz (Gipuzkoa)
Goi-tentsioko elektrikoen 6
15/11/11 17:31:37
Aurkibidea
2008ko otsailaren 15eko 223/2008 ERREGE DEKRETUA, Goi-tentsioko linea elektrikoen baldintza teknikoei eta segurtasun-bermeei buruzko erregelamendua eta haren jarraibide tekniko osagarriak (JTO-GTL 1etik 9ra) onartzen dituena . . . . . . . . . . . . . . . . . . . . . . . . . . . . . . . . . . . . . . . . . . . . . .
9
Goi-tentsioko linea elektrikoen baldintza teknikoei eta segurtasun-bermeei buruzko erregelamendua . . . . . . . . . . . . . . . . . . . . . . . . . . . . . . . . . . . . . . . .
17
I. kapitulua. Xedapen orokorrak . . . . . . . . . . . . . . . . . . . . . . . . . . . . . . . .
19
II. kapitulua. Energia elektrikoa garraiatzeko eta banatzeko enpresen jabetzako lineei aplikatu beharreko berariazko xedapenak . . . . . . .
25
III. kapitulua. Energia elektrikoa garraiatzeko eta banatzeko enpresen jabetzakoak ez diren lineei aplikatu beharreko berariazko xedapenak . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
27
JTO-GTL 01 jarraibide tekniko osagarria. Terminologia . . . . . . . . . . . . . . . . .
31
JTO-GTL 02 jarraibide tekniko osagarria. Nahitaez bete beharreko arauak eta zehaztapen teknikoak . . . . . . . . . . . . . . . . . . . . . . . . . . . . . . . . . . . . . .
51
JTO-GTL 03 jarraibide tekniko osagarria. Goi-tentsioko lineen instalatzaile baimenduak eta enpresa instalatzaile baimenduak . . . . . . . . . . . . . . . . .
61
JTO-GTL 04 jarraibide tekniko osagarria. Goi-tentsioko lineak dokumentatzea eta martxan jartzea . . . . . . . . . . . . . . . . . . . . . . . . . . . . . . . . . . . . .
73
JTO-GTL 05 jarraibide tekniko osagarria. Egiaztapenak eta ikuskapenak . .
79
JTO-GTL 06 jarraibide tekniko osagarria. Kable isolatuak dituzten lurpeko lineak . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
87 7
Goi-tentsioko elektrikoen 7
4/10/11 10:54:12
JTO-GTL 07 jarraibide tekniko osagarria. Eroale biluziak dituzten aireko lineak . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
131
JTO-GTL 08 jarraibide tekniko osagarria. Sortan txirikordatutako kable polobakar isolatuak edo eroale estaliak dituzten aireko lineak . . . . . . .
219
JTO-GTL 09 jarraibide tekniko osagarria. Aurreproiektuak eta proiektuak.
257
Hiztegia . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
263
Euskara-Gaztelania . . . . . . . . . . . . . . . . . . . . . . . . . . . . . . . . . . . . . . . . . . . . Gaztelania-Euskara . . . . . . . . . . . . . . . . . . . . . . . . . . . . . . . . . . . . . . . . . . . .
263 269
8
Goi-tentsioko elektrikoen 8
3/10/11 12:40:03
2008ko otsailaren 15eko 223/2008 ERREGE DEKRETUA, Goi-tentsioko linea elektrikoen baldintza teknikoei eta segurtasun-bermeei buruzko erregelamendua eta haren jarraibide tekniko osagarriak (JTO-GTL 01etik 09ra) onartzen dituena
Indarrean dagoen Goi-tentsioko aireko linea elektrikoei buruzko erregelamendua azaroaren 28ko 3151/1968 Dekretu bidez onartu zen. Erregelamendu hark agindu teknikoak bakarrik jasotzen zituen. Linea horiek egin aurreko administrazio-baimena 1966ko urriaren 20ko 2617/1966 Dekretu bidez arautzen zen; nahitaezko desjabetzea 1966ko martxoaren 18ko 10/1966 Legearen eta haren erregelamenduaren bidez —1966ko urriaren 20ko 2619/1966 Dekretuaren bidez onartua— egiten zen (orobat, zehapenahalmena arautzen zuten arau haiek); eta, azkenik, mantentze-lanen eta aldizkako ikuskapenen baldintzak zehazteko, 1954ko martxoaren 12ko dekretu bidez onartutako Egiaztapen elektrikoei eta energia-horniketaren erregulartasunari buruzko erregelamenduaren 92. artikulura jotzen zen (1979ko otsailaren 2ko 724/1979 Errege Dekretuaren idazketa). Erregelamendu hura atera zen garaiko esparru teknikoa asko aldatu da; beste material, teknika eta prozedura batzuk erabiltzen dira gaur egun, eta gizartearen beharrak ere desberdinak dira. Are aldaketa handiagoa izan du ordenamendu juridikoak, besteak beste, Espainiako Konstituzioa aldarrikatu zenetik eta Espainia Europako Batasuneko kide egin zenetik. Aldaketa horien karietara, administrazio-tratamenduari dagokionez, adibidez, Estatuko Administrazio Orokorreko funtzioak autonomia-erkidegoetara pasatu dira, haien lurraldeetan bakarrik dauden instalazioen kasuan, eta, gainerako kasuetan, koordinazio-beharrak sortu dira. 9
Goi-tentsioko elektrikoen 9
3/10/11 12:40:03
Horrez gain, beste esparru batzuetan gertatu den bezala, liberalizazio ekonomikoa energia-sektore guztian zabaldu da, oro har, eta sektore elektrikoan, bereziki, eta horrek prozedurak eta parte hartzen duten eragileak egokitu beharra ekarri du. Bi oinarrizko lege aplikatzen zaizkie orain onartutako erregelamenduan araututako instalazioei: sektoreari dagokionez, Sektore Elektrikoari buruzko 1997ko azaroaren 27ko 54/1997 Legea eta, maila horizontalean —baina, bereziki, segurtasunaren arloan—, Industriari buruzko 1992ko uztailaren 16ko 21/1992 Legea. Adibidez, 1997ko azaroaren 27ko 54/1997 Legearen 3. artikuluak Estatuko Administrazio Orokorrari ematen dio eskumena energia elektrikoaren horniketak bete behar dituen gutxieneko kalitate- eta segurtasun-baldintzak ezartzeko, eta, orobat, instalazio elektrikoak baimentzeko eskumena ematen dio, haien ustiapena autonomia-erkidego bati baino gehiagori dagokionean edo garraioa edo banaketa horietako baten lurralde-esparrutik ateratzen denean. Gainerakoan, 1997ko azaroaren 27ko 54/1997 Legearen 51.1 artikuluak lehen aipatutako 1992ko uztailaren 16ko 21/1992 Legeak dioena berresten du, zehazki honako hauek bete behar dituzten industria-segurtasun eta -kalitateko arau teknikoei dagokienez: energia elektrikoa sortu, garraiatu eta banatzeko instalazioek; erabiltzaileek jasotzen dituzten instalazioek; kontsumo-ekipoek; eta, orobat, instalazio elektrikoetarako elementu tekniko eta materialek. Bestalde, 51. artikulu horretako 3. atalaren arabera, legeak araututako bestelako baimenak alde batera utzi gabe, eta artikulu horretan adierazitako ondorioetarako, administrazio-baimena behar da instalazio elektrikoak eraiki, handitu edo aldatzeko, kasu bakoitzari dagokion araudiaren arabera. Orobat, azpimarratzekoa da, Sektore Elektrikoari buruzko Legearen IX. tituluan, desjabetzea eta zortasunak arautzen direla, eta, azkenik, orain onartuko den erregelamenduaren esparruan egindako arau-hausteak ere zigortzeko araubidea ezartzen duela. 1992ko uztailaren 16ko 21/1992 Legeak, berriz, industria-segurtasun eta -kalitatea arautzen ditu III. tituluan; zehazki, titulu horretako I. kapituluan, industria-segurtasuna definitzen da, eta haren helburuak zehazten dira. Industriari buruzko 1992ko uztailaren 16ko 21/1992 Legearen 12. artikulua segurtasun-erregelamenduei dagokie, bereziki. Hala, erregelamendu horien bidez zehaztu behar dira instalazioen segurtasun-baldintzak, horien adostasun-prozedurak, titularren erantzukizunak, fase bakoitzean parte hartzen duten eragileek instalazioei dagokienez izan beharreko ekipamenduak, bitartekoak eta gaitasun teknikoa, baita aldizkako ikuskapenen bidez kontrolatzeko aukera ere. Aipatutako 12. artikulu horretako 5. atalaren arabera, nazio-gobernuak onartu behar ditu estatu mailako segurtasun-erregelamenduak, hargatik eragotzi gabe autonomia-erkidegoek, beren lurraldean dauden instalazioei dagokienez, gai horiei buruz gaineratu ditzaketen betekizunak. 10
Goi-tentsioko elektrikoen 10
7/9/11 12:20:27
Industriari buruzko 1992ko uztailaren 16ko 21/1992 Legearen 15. artikuluan, berriz, kontrol-organismoek, hau da, arauzko ikuskapenak egin behar dituzten erakundeek, bete beharreko ezaugarriak eta betekizunak adierazten dira. Orobat, legearen V. tituluan, industriaren eta, bereziki, instalazioetako segurtasunaren arloko arau-hauste eta zehapenen araubidea jasotzen da. Lege-esparru horren barruan, eta industria-segurtasunaren arloan indarrean dauden beste arau batzuen ildo berean, errege-dekretu honen bidez onartutako arau-multzoak erregelamendu-forma du. Hala, xedapen tekniko eta administratibo orokorrak ditu, batetik, eta horiek gai jakin bakoitzerako garatzen eta zehazten dituzten jarraibide tekniko osagarriak, bestetik (JTO-GTL deitzen direnak). Erregelamenduaren arabera, jasotako aginduak eta jarraibide tekniko osagarriak gutxienekotzat hartu behar dira, teknikaren garapen-egoera kontuan izanda. Hala eta guztiz ere, aurreikusitakoez bestelako ebazpideak ere onartzen dira, baldin eta gutxienez baliokidetzat har daitekeen segurtasun-mailakoak badira. Arau batzuk —bereziki, material eta ekipoen diseinuari buruzkoak— nahitaez bete beharrekoak dira. Arau horietako gehienak Europako EN arauetatik eta nazioarteko IEC arauetatik datozenez, oso erraza da herrialde aurreratuenetan aplikatutakoarekin bat datozen eta sektorearekin adostasun handia adierazten duten irtenbide teknikoak izatea. Arauak errazago eguneratzeko, erreferentzia-zenbakiarekin bakarrik adierazten dira testuan, argitalpen-urtea aipatu gabe. Jarraibidetako batean, arauen zerrenda osoa jasotzen da, bakoitzaren argitalpen-urtearekin batera; hartara, bertsio berriak agertzen direnean, nahikoa izango da zerrenda horretan aldaketak egitea testua automatikoki eguneratua geratzeko, bestelako aldaketak egin beharrik gabe. Bertsioen arteko trantsizioa egiteko epeak ere ezar daitezke une horretan, halako moldez, non material elektrikoaren fabrikatzaile eta banatzaileek bertsio baliogabetuari jarraiki fabrikatutako produktuak merkaturatu ahal izango baitituzte, arrazoizko denbora-tarte batean. Hala eta guztiz ere, beste behin ere, erregelamendua malgua da betekizunetan, eta baimendu egiten du arau horiek betetzen ez dituzten baina segurtasun baliokidea ematen duten material eta ekipoak erabiltzea. Erregelamenduak berariaz aitortzen ditu Europako Esparru Ekonomikoko estatuetan eta berariazko hitzarmena egindako beste edozein estatutan legez merkaturatzen diren material eta ekipoak. Ulertuko da ekipoak eta materialak bat datozela aplikatu beharreko arau eta espezifikazio teknikoekin, hartarako ziurtatutako organismo kualifikatu eta independente batek emandako marka edo ziurtagiriak dituztenean, Industria Kalitate eta Segurtasunerako Azpiegiturari buruzko Erregelamendua onartzen duen 1995eko abenduaren 28ko 2200/1995 Errege Dekretuan ezarritako prozeduren arabera. 11
Goi-tentsioko elektrikoen 11
5/9/11 13:26:42
Energia elektrikoa garraiatu eta banatzen duten enpresak arduratuko dira beren jabetzako lineak eraikitzeaz, mantentzeaz eta egiaztatzeaz. Energia elektrikoaren garraio- eta banaketa-enpresen jabetzakoak ez diren goi-tentsioko linea elektrikoak eraikitzeko, instalatzailearen eta enpresa instalatzaile baimenduaren figurak gaineratzen ditu erregelamenduak. Oraindik arautu gabe zeuden figura horiek, eta bi kategoria bereizten ditu orain: 30 kV arteko tentsio izendatua duten aireko nahiz lurpeko lineak, eta 30 kV-etik gorakoak. Linearen kontserbazio- eta funtzionamendu-egoera ona izan dadin, nahitaezkoa da linearen titularrak linearen mantentze-lanak kontratatzea. Horrez gainera, aurreikusten da kontrolorganismoek instalazioak aldizka ikuskatzeko beharra (gutxienez, hiru urtean behin). Nolanahi ere, aurretiko proiektua egin behar da, eta eskumena duen tituludun batek zuzendu behar ditu eraikuntza-lanak. Bukatzeko, Industria, Turismo eta Merkataritza Ministerioko industriasegurtasunaren arloko zuzendaritzak gida bat egin dezan eskatzen du erregelamenduak, prozesuan parte hartzen duten eragileei laguntzeko eta arauzko aginduak hobeto ulertzeko. Araubide honek oinarrizko araudi izaera du, eta izaera esklusiboko eta nabarmenki teknikoak diren aurreikuspenak jasotzen ditu. Hori dela eta, legea ez da tresna egokia arau horiek indarrean jartzeko, eta horregatik onartu da errege-dekretu bidez. Errege Dekretu hau energia-instalazioetako industria-segurtasunari buruzko arau bat da, Industriari buruzko 1992ko uztailaren 16ko 21/1992 Legean eta Sektore Elektrikoari buruzko 1997ko azaroaren 27ko 54/1997 Legean ezarritakoarekin bat datorrena, eta Espainiako Konstituzioaren 149.1 artikuluko 13. eta 25. arauetan xedaturikoaren babesean emandakoa. Arau horiek estatuari ematen diote eskumen esklusiboa jarduera ekonomikoaren plangintza orokorraren oinarriak eta koordinazioa ezartzeko eta meatze- eta energia-araubidearen oinarriak jartzeko, hurrenez hurren. Proiektu-fasean, Errege Dekretu honen entzute-izapidea egin da, 1997ko azaroaren 27ko 50/1997 Gobernu Legeak ezarritakoaren arabera, eta, orobat, informazio-gizarteari buruzko arau eta araudi teknikoen eta erregelamenduen informazio-prozedura bete da —1999ko uztailaren 31ko 1337/1999 Errege Dekretuak arautzen du—; hartara, Europako Parlamentuaren eta Kontseiluaren ekainaren 22ko 98/34/EE Direktiban —Europako Parlamentuaren eta Kontseiluaren uztailaren 20ko 98/48/EE Direktibaren bidez aldatua— ezarritakoa beteko da. Horiek horrela, Industria, Turismo eta Merkataritza Ministroak proposaturik, Estatu Kontseiluarekin ados, eta aurrez 2008ko otsailaren 15eko bileran Ministro Kontseiluak azterturik,
12
Goi-tentsioko elektrikoen 12
5/9/11 13:26:42
XEDATZEN DUT: Artikulu bakarra. Erregelamendua eta haren jarraibide tekniko osagarriak onartzea Goi-tentsioko linea elektrikoen baldintza teknikoei eta segurtasunbermeei buruzko erregelamendua onartzen da, bai eta ondoren jasotzen diren jarraibide tekniko osagarriak ere (JTO-GTL 01etik 09ra). XEDAPEN IRAGANKORRAK Lehenengo xedapen iragankorra. Erregelamenduan eta haren jarraibide tekniko osagarrietan xedaturikoaren galdagarritasuna 1. Goi-tentsioko linea elektrikoen baldintza teknikoei eta segurtasunbermeei buruzko erregelamenduan eta haren JTO-GTL 01etik 09rako jarraibide tekniko osagarrietan ezarritakoa nahitaez bete behar dute erregelamenduaren aplikazio-esparruan dauden instalazio guztiek, erregelamendua Estatuko Aldizkari Ofizialean argitaratu eta bi urte igarotzen direnetik aurrera. Bien bitartean, 1968ko azaroaren 28ko 3151/1968 Dekretuaren bidez onartutako Goi-tentsioko aireko linea elektrikoei buruzko erregelamendua aplikatuko da. 2. Hala eta guztiz ere, goi-tentsioko linea elektrikoen baldintza teknikoei eta segurtasun-bermeei buruzko erregelamendua eta haren JTO-GTL 01etik 09rako jarraibide tekniko osagarriak borondatez aplikatu ahal izango dira Errege Dekretu hau indarrean sartzen denetik aurrera, baldin eta prozedurak betetzeko beharrezkoak diren administrazio-bitartekoak badaude. Bigarren xedapen iragankorra. Erregelamendua nahitaez betetzeko epean izapide-fasean dauden instalazioak 1968ko azaroaren 28ko 3151/1968 Dekretuaren bidez onartutako Goitentsioko aireko linea elektrikoei buruzko erregelamenduaren eta hura garatzen duten xedapenen arabera aurreproiektua egina duten instalazioek, baldin eta aurreproiektua lehenengo xedapen iragankorrean adierazitako data baino lehen aurkeztu bazaio administrazioari, bi urteko epea izango dute —data horretatik hasita— martxan jartzeko akta lortzeko. Hirugarren xedapen iragankorra. Enpresa instalatzaile baimenduaren ziurtagiria lortzea Errege Dekretu hau argitaratzen den egunean goi-tentsioko linea elektrikoen instalazioak egiten ari diren instalazio- eta mantentze-enpresek bi urteko epea izango dute, lehenengo xedapen iragankorrean adierazitako datatik aurrera, JTO-GTL 03an (Goi-tentsioko lineen instalatzaile baimen13
Goi-tentsioko elektrikoen 13
3/10/11 12:40:03
duak eta enpresa instalatzaile baimenduak) jasotako enpresa instalatzaile baimenduaren ziurtagiriak lortzeko. Laugarren xedapen iragankorra. Instalatzaileen eta enpresa instalatzaileen baimenak, Zentral elektriko, azpiestazio eta transformazio-zentroen baldintza tekniko eta segurtasun-bermeei buruzko erregelamenduaren esparruan Goi-tentsioko linea elektrikoen baldintza teknikoei eta segurtasun-bermeei buruzko erregelamenduaren eta haren jarraibide tekniko osagarrien arabera baimentzen diren instalatzaile eta enpresa instalatzaileek baimena izango dute, orobat, muntatze-, konponketa-, mantentze-, berrikuspen- eta desmuntatze-lanetarako, aurrez eskaera egin ondoren, eta 1982ko azaroaren 12ko 3275/1982 Dekretu bidez onartutako Zentral elektriko, azpiestazio eta transformazio-zentroen baldintza tekniko eta segurtasun-bermeei buruzko erregelamenduaren esparruan, harik eta, erregelamendu horretan, bakoitzari dagokion instalatzaile baimenduaren figura espresuki arautzen ez den bitartean. Administrazioko organo eskudunak emango du instalatzaile-baimena zentral elektriko, azpiestazio eta transformazio-zentro, Goi-tentsioko linea elektrikoen baldintza tekniko eta segurtasun-bermeei buruzko erregelamenduan instalatzaile edo enpresa bakoitzari dagokion kategoriarako definitutako tentsio-mailaren arabera. Instalatzaile edo enpresa horiek JTO-GTL 03an adierazitako bitarteko teknikoak izan beharko dituzte, aireko edo lurpeko kategorietarako beharrezkoak diren ekipo osagarriak izan ezik. XEDAPEN INDARGABETZAILEA Xedapen indargabetzaile bakarra. Arauak derogatzea 1. Derogaturik gertatzen da, lehenengo xedapen iragankorrean adierazitako epean, Goi-tentsioko aireko linea elektrikoei buruzko erregelamendua onartzen duen 1968ko azaroaren 28ko 3151/1968 Dekretua. 2. Orobat, derogaturik geratzen dira errege-dekretu honetan xedaturikoaren aurka dauden maila bereko edo txikiagoko xedapenak. AZKEN XEDAPENAK Lehenengo azken xedapena. Eskumenak Errege-dekretu hau Konstituzioaren 149.1.13 eta 25. artikuluen babesean eman da, zeinen arabera Estatuak baitu eskumen esklusiboa jarduera ekonomikoaren plangintza orokorraren oinarriak eta koordinazioa zehazteko eta energia-araubidearen oinarriak zehazteko, hurrenez hurren. 14
Goi-tentsioko elektrikoen 14
3/10/11 12:40:04
Bigarren azken xedapena. Arauak emateko ahalmena Industria, Turismo eta Merkataritza ministroari baimena ematen zaio errege-dekretu honetako eranskinak aldatzeko, teknikaren aurrerabidera delaeta Europako edo nazioarteko organismoek emandako arauetara egokitu ahal izateko. Hirugarren azken xedapena. Indarrean sartzea Errege-dekretu hau indarrean sartuko da Estatuko Aldizkari Ofizialean argitaratu eta handik sei hilabetera. Madrilen, 2008ko otsailaren 15ean. JOAN KARLOS E. Industria, Turismo eta Merkataritza Ministroa JOAN CLOS I MATHEU
15
Goi-tentsioko elektrikoen 15
5/9/11 13:26:43
Goi-tentsioko elektrikoen 16
5/9/11 13:26:43
Goi-tentsioko linea elektrikoen baldintza teknikoei eta segurtasun-bermeei buruzko erregelamendua
Goi-tentsioko elektrikoen 17
3/10/11 12:40:04
Goi-tentsioko elektrikoen 18
5/9/11 13:26:43
I. KAPITULUA Xedapen orokorrak 1. artikulua. Xedea Erregelamendu honen xedea da goi-tentsioko linea elektrikoek bete beharreko baldintza teknikoak eta segurtasun-bermeak ezartzea, helburu hauek lortzeko: a) Goi-tentsioko linea elektrikoen eraginpean egon daitezkeen pertsonak eta ondasunen osotasuna eta funtzionalitatea babestea. b) Energia elektrikoaren hornidurak behar duen erregulartasuna lortzea. c) Material elektrikoaren fabrikazioan dagoen tipifikazio zabala murrizteko behar diren arauak ezartzea. d) Lineen proiektu-fasetik hasita, zentzuz aurreikus daitezkeen etorkizuneko karga-handitzeetara egokitzeko aukera erraztea. 2. artikulua. Aplikazio-eremua 1. Erregelamendu honetako xedapenak goi-tentsioko linea elektrikoei aplikatzen zaizkie, eta goi-tentsioko linea elektrikotzat hartzen dira 50 Hz-eko maiztasuneko korronte alterno trifasikokoak, faseen artean kilovolt batetik gorako tentsio izendatu efikaza dutenak. Energia garraiatzeko edo banatzeko beste sistema batzuk —korronte zuzena, korronte alterno monofasikoa edo polifasikoa, eta abar— erabiltzea aurreikusten den lineetan, proiektugileak berariazko justifikazioa egin beharko du, eta proposatutako sistemaren berezitasunetara egokitu beharko ditu erregelamendu honetako oinarrizko printzipioak eta aginduak. 2. Erregelamendua honako hauei aplikatuko zaie: 19
Goi-tentsioko elektrikoen 19
5/9/11 13:26:43