Studiestart ved Det juridiske fakultet 2015 by Universitetet i Bergen

STUDIESTART

DET JURIDISKE FAKULTET UNIVERSITETET I BERGEN

HAUSTEN

2015

Alt du treng å vite som ny student finn du på

uib.no/nystudent

Velkomen Velkomen til Universitetet i Bergen. Vi er glade for at du har valt å studere hos oss! Dette informasjonsheftet fortel deg om ein del av dei praktiske gjeremåla du må gjennom den første tida som student. Vi håpar vi kan gi deg ein god start på studia ved UiB på ein praktisk, sosial og fagleg måte. Lykke til!

INNHALD 1. Dette bør du gjere før studiestart

8. Faglitteratur

2. Dette må du gjere ved studiestart

3. Program for studiestartveka

Universitetsbiblioteket ��24 Fagbokhandel ��24

Orienteringsdag måndag 10. august ��8 Studiestartveka ��8 Om studiet ��12

4. Ditt første semester

Førstesemesterstudiet ��13 Informasjon om fag og emne ��15 Oversikt over emne ��16

5. Informasjons- og rettleiingstenester

Informasjonssenteret ved Det juridiske fakultet �� 18 Mi side ��18 Studentsider ��18 Uib.no ��18 Student-e-post ��19 Har du behov for tilrettelegging? ��19

6. IKT-tenester

Lagringsområde �� 20 Trådlaust Internett �� 20 Utskrift, kopiering og skanning �� 20 Læringsstøtte �� 22 Pc-stover �� 22 Få hjelp �� 22

7. Campus

9. Studentvelferd

24 26

Studentsamskipnaden i Bergen ��26 Studentprestane ��27 Utdanning i Bergen ��27 Studentparlamentet ��27

10. Fadderordninga

1. DETTE BØR DU GJERE FØR STUDIESTART Før du begynner å studere hos oss er det ein del gjeremål du må gjennom. Her finn du ei liste med dei viktigaste. 1

Alle som skal studere ved UiB må betale semesteravgift til Studentsamskipnaden i Bergen (SiB).

Takk ja til studieplassen

Betalingsinformasjonen finn du på Studentweb. Vel ’Betaling’ for å få fram nødvendig betalingsinformasjon som KID, kontonummer og beløp, og betal avgifta.

Hugs å svare Samordna opptak på tilbodet om studieplass. Frist: 26. juli 2

Søk om bustad SiB har over 4000 hybeleiningar med ulike fasilitetar. Dei har ein bustad for deg enten du ønsker å bu aleine, dele kjøkken, dele bad, bu med eller utan barn eller bu i kollektiv. Søk om bustad via sib.no/bolig.

Logg deg på Studentweb Gå til studentweb.uib.no. Her loggar du deg på med fødselsnummer og pin-koden som du fekk i brevet saman med denne brosjyra. Om du ikkje har dette brevet, kan du legge inn fødselsnummeret ditt i Studentweb og be om å få tilsendt koden på e-post. Hent ut studentnummeret ditt frå Studentweb og noter deg den tilsende pin-koden. Hugs pin-koden din!

Betal semesteravgifta

Vi rår deg til å betale så tidleg som mogleg, og helst før studiestart for å unngå forseinking. Avgifta skal vere betalt innan 1. september. 5

Søk om lån og stipend Dersom du ønsker studiestøtte, må du søke om dette. Du må ha betalt semesteravgifta og stadfesta utdanningsplanen for å få utbetalt støtta, men det kan likevel vere lurt å søke i god tid. Du finn meir informasjon på lanekassen.no

2. DETTE MÅ DU GJERE VED STUDIESTART Når du kjem til oss i veke 33, må du òg gjennom ein del gjeremål. Desse får du hjelp til å gjennomføre av faddergruppa di eller tilsette ved UiB. 1

Brukarkontoen gir deg • tilgang til studentportalen Mi side • eiga e-postadresse • tilgang til pc-stover • utskrift, skanning og kopiering • tilgang til UiB sitt nett frå eiga datamaskin, smarttelefon o.l. • personleg lagringsområde på nett, med tryggleikskopiering

Stadfest utdanningsplanen din Logg inn på studentweb.uib.no. Her skal du • melde deg til undervisning og vurdering (eksamen) • stadfeste at utdanningsplanen din er riktig for dette semesteret • registrere adressa di • velje kva semesterkvittering du ønsker (sjå punkt 4) Frist: 1. september 2015.

Opprett brukarkonto Når du har stadfesta utdanningsplanen din på Studentweb må du opprette ein brukarkonto som gir tilgang til UiB sine IT-tenester. Det gjer du ved å gå inn på sebra.uib.no og følge instruksjonane der. For å opprette brukarkonto treng du • fødselsnummer • studentnummer (frå Studentweb) • pin-koden (frå Studentweb)

Merk deg at det kan ta inntil éin time frå du har stadfesta utdanningsplanen din til du kan opprette brukarkonto. 3

Skaff deg studentkort Alle studentar må ha eit studentkort. Studentkortet fungerer som • identitetskort • nøkkelkort • lånekort ved Universitetsbiblioteket • inngangskort til SiB sine treningssenter (mot avgift) • betalingskort ved utskrift og kopiering Du må ha stadfesta utdanningsplanen og oppretta brukarkonto seinast dagen før du kan hente kortet. Du kan ta bilde og hente kortet på Kortsenteret på Studentsenteret. Merk at du må vise gyldig legitimasjon ved fotografering. Kortsenteret har utvida opningstider i veke 33–35, frå kl. 09.00–15.00.

Gjer studentkortet gyldig

Meld deg på ex.fac. og ex.phil-grupper

Har du tidlegare utdanning?

For at studentkortet ditt skal være gyldig, må du kunne bevise at du har betalt semesteravgifta for inneverande semester. Eg har smarttelefon Last ned applikasjonen ’Studentbevis’ frå Google play eller App store. Du må ha fullført semesterregistreringa på Studentweb og ha betalt semesteravgifta for det inneverande semesteret for å kunne ta appen i bruk. Merk at det kan ta tre til fem dagar frå du har betalt semesteravgifta, til det blir registrert på Studentweb. I applikasjonen finn du studentnummeret ditt som du vil få bruk for i mange samanhengar. Eg har ikkje smarttelefon Hvis du ikkje har ein Android- eller iOS-telefon, kan du få tilsendt ei semesterkvittering i posten. Dette vel du når du stadfester utdanningsplanen i Studentweb (sjå punkt 1). Det er viktig at du registrerer adressa di i Studentweb og sørger for at du har namn på postkassa di. Med denne kvitteringa følger ein oblat som du kan lime på studentkortet. På studentsidene (uib.no/student) finn du informasjon om kva du skal gjere om du ikkje har fått semesterkvitteringa innan ti dagar etter at du har betalt semesteravgifta og stadfesta utdanningsplanen.

Studentweb er open for søknad om plass på seminargruppe frå 10. august til 12. august. Du får meir informasjon om dette på orienteringsdagen 10. august. Dersom du ønsker å søke godskriving av juridiske emne du har bestått frå før, bør du søke fakultetet om innpass så snart du har takka ja til studieplass. Studentar med ein bachelorgrad i juss/rettsvitskap vil få eit tilpassa opplegg på orienteringsdagen 10. august. Sjå meir informasjon på uib.no/jur. Informasjon om korleis du søker om godskriving finn du på fakultetet sine nettsider. Ved semesterstart må du snarast ta med deg original karakterutskrift for registrering på fakultetet sitt informasjonssenter. Alternativt kan fakultetet hente inn karakterutskrifta di elektronisk dersom du samtykker til dette i Studentweb. Har du tatt ex.phil. ved Universitetet i Bergen, får du automatisk fritak. Du legg sjølv til din beståtte ex.phil. i utdanningsplanen din på Studentweb ved semesterstart. Sjå meir informasjon på uib.no/jur. Fakultetet har ikkje noko alternativt fagtilbod til deg som allereie har teke ex.fac./ex.phil., men du kan få høve til å ta enkeltemne ved dei andre fakulteta mens du ventar på at kurset i Forvaltingsrett I skal starte.

3. PROGRAM FOR STUDIESTARTVEKA Orienteringsdag måndag 10. august

Studiestartveka

Det juridiske fakultetet ønsker alle nye studentar velkomne måndag 10. august.

09.30–10.00 Registrering av alle nye studentar Stad: Jusbygget, Audun Hugleikssons hall

Stad: Det juridiske fakultetet, Jusbygget, Dragefjellet, Magnus Lagabøtes plass 1. Registrering av nye studentar skjer mellom kl. 09.30 og 10.00. Det er viktig at du møter opp i dette tidsrommet. Vidare tek velkomstprogrammet til kl. 10.15 i Auditorium 1. Der får du informasjon om studiet, studieordninga og om praktiske tilhøve. Det blir òg inndeling i fadder grupper. Du møter fadrane dine og får informasjon om fadderopplegget for heile semesterstartveka. NB! Det er obligatorisk oppmøte på orienteringsdagen. Dersom du absolutt ikkje har høve til å komme, må du gi skriftleg melding på førehand, elles kan du miste studieplassen.

Måndag 10. august

10.15 Velkomst og orientering frå fakultetet Stad: Auditorium 1 13.15 Hjelp med stadfesting av utdanningsplanen Stad: pc-stover på fakultetet 14.00 Fadderveka startar Stad: Auditorium 1

Tysdag 11. august 09.00–13.30 Studenttorg i Studentsenteret Her kan du møte rundt 100 studentorganisasjonar – alt frå politiske og idealistiske organisasjonar til kor, idrettslag og studentmedia. Du har ein eineståande sjanse til å finne ut kva du vil drive med på fritida. Ikkje nøl med å ta kontakt!

14.00–15.00 Velkomstseremoni i Nygårdsparken Velkommen til Universitetet i Bergen si offisielle opning! Saman med alle dei andre nye studentane kan du møte rektor Dag Rune Olsen og leiaren av Studentparlamentet, i tillegg til mange andre inviterte gjestar.

Det blir tale ved statsminster Erna Solberg og konsert med stjerneskuddet AURORA. For meir informasjon og oppdaterte detaljar, sjå uib.no/utdanning når det nærmar seg. 15.00 Fadderprogram

Onsdag 12. august 10.15–12.00 Forelesing Stad: Auditorium 1 14.00 Fadderprogram

Torsdag 13. august 10.15–12.00 Forelesing Stad: Auditorium 1

14.00 Fadderprogram Fredag 14. august 12.15–14.00 Forelesing Stad: Auditorium 1 14.00 Fadderprogram

Det juridiske fakultet ventar at du • er budd på eit krevjande studium med betydelege innslag av obligatoriske element • les all tilsend informasjon til nye studentar og held deg oppdatert gjennom uib.no/utdanning, Mi Side og e-postkontoen din • gjer deg kjend med og følger dei reglane som gjeld for studiet ditt, i første rekke «Studieplan for integrert masterprogram i rettsvitskap ved Universitetet i Bergen» og «Utfyllende regler for studier ved Det juridiske fakultet, Universitetet i Bergen» • gjer deg kjend med og rettar deg etter dei fristane som gjeld forhold knytte til studiet ditt • gjer deg kjend med og rettar deg etter dei reglane som gjeld for fusk, plagiat og uærlegdom, og har respekt for andre sin produksjon

4. DITT FØRSTE SEMESTER Om studiet Masterstudiet i rettsvitskap er delt inn i kurs fordelte på dei ulike studieåra slik oversikta på side 16 viser. Alle kursa blir avslutta med ein eigen eksamen. Dei tre første studieåra følger alle studentane det same studieopplegget og tek kursa i den rekkefølga oversikta viser, med mindre ein har fått godkjend ein avvikande utdanningsplan. Du kan legge opp utdanningsplanen din litt friare for det fjerde og femte studieåret, avhengig av kva for spesialemne du vel og kvar du eventuelt vil legge inn eit studieopphald i utlandet. Mot slutten av studiet skriv du ei masteroppgåve. Dette er ei sjølvstendig, skriftleg utgreiing over ei utvald juridisk problemstilling. Å skrive masteroppgåve tek eitt eller to semester.

Problembasert læring Masterstudiet i Bergen nyttar problembasert læring. I denne samanhengen er arbeidsgruppa svært viktig for læringa di. I dei to første studieåra er studentane delte inn i arbeidsgrupper på om lag ti studentar. Du kjem til å vere i den same arbeidsgruppa

gjennom heile studieåret og på alle kursa (med unntak av ex.phil./ex.fac.). Dei to første åra har arbeidsgruppene vidarekomne studentar som gruppeleiarar. I det tredje studieåret blir studentane delt inn i virtuelle arbeidsgrupper som dei styrer sjølve. Jus er ein argumenterande vitskap, og bruken av språket for å formulere juridisk forståing og juridiske standpunkt hos studentane er svært viktig. Evna til å argumentere og til å ta sjølvstendige standpunkt blir utvikla i dialog med medstudentar, gruppeleiarar og vitskapleg tilsette. Kvart kurs har mellom tre og ni arbeidsgruppesamlingar, avhengig av lengda på kurset. Gruppa er samla i to timar kvar gong, og skal då løyse ei gitt oppgåve for deretter å skrive eit oppgåvesvar. Dei fleste oppgåvesvara skal skrivast individuelt, og det er ein frist for å legge inn svaret i det virtuelle grupperommet. Deretter skal medstudentar i gruppa komme med kommentarar, før gruppeleiaren legg inn sine kommentarar. I det tredje studieåret er det ein vitskapleg tilsett som gir kommentarane. Nokre gonger skal resultatet av det individuelle arbeidet framførast

munnleg. Tre og tre arbeidsgrupper går saman i ei storgruppe tre til fire gonger i løpet av kvart kurs. Storgruppesamlingane blir leidde av ein vitskapleg tilsett. I tillegg til arbeidsgruppe- og storgruppesamlingane kjem forelesingane. Talet på forelesingar i kvart enkelt kurs er avhengig av omfanget til kurset (talet på studiepoeng).

Obligatorisk deltaking Læringsprosessen din blir synleg for medstudentane dine når du deltek i arbeids- og storgruppesamlingane med aktiv innsats og med skriftlege og munnlege presentasjonar. Det er obligatorisk å delta i samlingane, skrive oppgåvesvar, kommentere medstudentar sine oppgåvesvar og halde munnleg framføring. Dei studentane som ikkje oppfyller desse obligatoriske krava i eit kurs, får ikkje gå opp til avsluttande eksamen i det aktuelle kurset. Fleire kurs har ein obligatorisk prøve midtvegs i kurset der ein får nokre dagar til disposisjon for å skrive svar på ei gitt oppgåve. Dette svaret må vere godkjent, og du må oppfylle dei andre obligatoriske krava for å få gå opp til avsluttande eksamen i kurset. Ei nærare skildring av studieplanen finn du på uib.no/utdanning.

Førstesemesterstudiet Studiet startar med ex.fac./ex.phil. før Forvaltingsrett I. Dersom du allereie har teke ex.fac./ex.phil., kan du få fritak frå desse faga (meir informasjon finn du på s. 7).

Examen facultatum (ex.fac.)/ Juridisk forprøve Ex.fac./Juridisk forprøve er eit introduksjonsemne til jusstudiet. Sjølv om du allereie har teke ein annan ex.fac.variant, vil vi rå deg til å følge vårt ex.fac.kurs. Kurset er tett knytt opp mot det vidare studiet og er ei nyttig innføring i rettsbruk og rettsvitskap. Kurset er ein del av førstesemesterstudiet i juss saman med ex.phil. og Forvaltingsrett I. Faget gir ei innføring i kva rettsspørsmål er og korleis juristar handsamar slike spørsmål. Kurset skal gi kunnskap og forståing for: • kva ein rettsregel er og korleis slike reglar blir til og blir endra • dei samfunnsmessige funksjonane til rettsreglane • dei sentrale institusjonane i det norske rettssystemet og samanhengane mellom nasjonal og internasjonal rett • krava som blir stilte til ein rettsstat • oppgåvene og ansvaret til rettsbrukaren i rettsstaten • korleis retten oppnår legitimitet i samfunnet 13

Undervisning i seminargrupper er obligatorisk og det er krav om aktiv innsats i gruppa. Prøvinga skjer som ei samla vurdering av obligatoriske aktivitetar i seminargruppa og ein avsluttande kunnskapstest (mappeevaluering). Undervegs i semesteret blir informasjon gitt på seminaret og på Mi Side. NB! Hugs at du sjølv må melde deg på ex.fac.-grupper. Det gjer du på Studentweb f.o.m. 10. august t.o.m. 12. august. Kode: EXFAC / Juridisk forprøve Du vil få meir informasjon om påmelding på orienteringsdagen 10. august. Det er obligatorisk frammøte på første seminar på ex.fac. tysdag 18. august.

Examen philosophicum (ex.phil.) Ex.phil. skal gi deg ei innføring i universitetet sine tenke-, arbeids- og skrivemåtar. Du blir innvigd i akademisk kultur og danning generelt, og får filosofiske perspektiv på sentrale spørsmål i jussen. Emnet gir ei innføring i rettsfilosofi og andre filosofiske tema med særleg relevans for rettsvitskapen, og dessutan i språk- og argumentasjonsteori, med sikte på å fremme akademiske ideal om presisjon og stringens.

Seminarmodellen På seminarmodellen får du tett oppfølging gjennom heile semesteret, og opplegget er skreddarsydd for ferske studentar. Du melder deg på ei gruppe som du følger heile semesteret. Kvar gruppe har sin eigen seminarleiar med ansvar for undervisning og rettleiing. Det er obligatorisk oppmøte i seminargruppene, og det er krav om aktiv innsats gjennom heile semesteret. Du skriv ei semesteroppgåve og ei mindre oppgåve i løpet av kurset, og desse oppgåvene blir til slutt vurderte som eksamensarbeidet ditt. Undervegs i semesteret blir informasjon gitt på seminaret og på Mi Side. NB: Det er obligatorisk oppmøte på det første seminaret! Dersom du ikkje møter opp, risikerer du å miste plassen din på seminarmodellen. Undervisninga startar: tysdag 18. august, sjå timeplan på uib.no/emne/EXPHIL-JUSEM Første seminar: onsdag 19. august, (NB: obligatorisk oppmøte!) Kode: EXPHIL-JUSEM Studentweb er open for søknad om plass på seminargruppe frå 10. august til 12. august.

Skoleeksamen Dersom du vel skoleeksamen i ex.phil. følger du berre forelesingane, som er dei same som på seminarmodellen. Det vert ikkje ført oppmøte og heller ikkje gitt ekstraundervisning i form av kollokviegrupper eller rettleiing. Denne modellen vert avslutta med ein fire timars skoleeksamen mot slutten av semesteret. For å gå opp til avsluttande eksamen må du først skrive ei obligatorisk øvingsoppgåve som dekker ulike delar av pensum. Du vil få ei skriftleg tilbakemelding med kommentarar på oppgåva. Undervisninga startar: tysdag 18. august, sjå timeplan på uib.no/emne/EXPHIL-JUSEM. Kode: EXPHIL-JUEKS

Informasjon om fag og emne Det er viktig at du bruker Mi side for å få den informasjonen du treng (du får tilgang når du har oppretta brukarkonto). Mi side viser emneskildringar, pensumlister, aktuelle meldingar frå lærarar og studierettleiarar, din eigen timeplan veke for veke, oversikt over dei andre studentane på emnet og annan informasjon som du treng. Når vi sender ut viktig e-post, blir denne send til den e-postadressa du får frå UiB. Du må sjekke Mi side og e-posten din dagleg!

Ex.phil. (10 sp)

JUS124 Tingsrett (13 sp)

JUS121 Norske og JUS123 Forvaltingsrett II internasjonale rettslege (17 sp) institusjonar (17 sp)

2. STUDIEÅR

JUS122 Erstatningsrett (13 sp)

3. STUDIEÅR

JUS131 Kontraktsrett JUS132 Pengekravsrett II (15 sp) (10 sp)

4. STUDIEÅR

JUS241 Strafferett (20 sp)

JUS399 Masteroppgåve (30 sp) eller JUS250-397 Spesialemne (30 sp) eller JUS398 Masteroppgåve (60 sp) eller utvekslingsopphald i utlandet

JUS112 Arve- og familierett (12 sp)

JUS114 Juridisk metode (8 sp)

Ex.fac. (10 sp)

sp = studiepoeng

JUS113 Kontraktsrett I (10 sp)

JUS111 Forvaltingsrett I (10 sp)

5. STUDIEÅR

1. STUDIEÅR

Oversikt over emne

JUS135 Rettsstat og menneskerettar (15 sp)

JUS242 Rettargang (20 sp)

JUS133 Rettskjeldeog metodelære (10 sp)

JUS134 Rettshistorie og komparativ rett (10 sp)

JUS243 Alminneleg formuerett (20 sp)

JUS399 Masteroppgåve (30 sp) eller JUS250-397 Spesialemne (30 sp) eller JUS398 Masteroppgåve (60 sp) eller utvekslingsopphald i utlandet

5. INFORMASJONS- OG RETTLEIINGSTENESTER Informasjonssenteret ved Det juridiske fakultet I informasjonssenteret møter du våre hyggelege og dyktige studentmedarbeidarar. Dei hjelper deg med informasjon og rettleiing i samband med studia dine. Adresse: Jusbygget, Dragefjellet, Magnus Lagabøtes plass 1, 6. etasje Opningstider: 09.00–14.00 E-post: studierettleiar@jurfa.uib.no Telefon: 55 58 95 00 (09.00–14.00) Informasjonssenteret hjelper blant anna med: • generell informasjon om studiet • Studentweb og Mi side • attestering av kopiar og mottak av skjema • å bestille time hos studierettleiar Hos rettleiaren får du informasjon om: • studietilbodet ved fakultetet • studium i utlandet • studieteknikk • gjeldande regelverk • endring av utdanningsplan • fritak

Mi side Miside.uib.no er ei personleg nettside med samla tilgang til kalender med timeplaninformasjon, pensum, emneinformasjon, meldingsteneste, personleg fillager og diskusjonsgrupper. Mykje av den faglege og administrative informasjonen blir formidla via Mi Side, og UiB forventar at du tek denne tenesta i bruk.

Studentsider På studentsidene (uib.no/student) finn du informasjon og skjema som du har bruk for som student. Har du for eksempel spørsmål om betaling av semesteravgift, semesterkort, studentkort, karakterutskrift eller tilrettelegging til eksamen, så er studentsidene ein lur stad å leite.

Uib.no På nettsida uib.no/utdanning finn du blant anna oversikt over fagtilbod, studieplanar, delstudium i utlandet og rettleiings- og velferdstenester. Fakulteta har òg eigne nettsider med informasjon.

Student-e-post Når du har oppretta ein brukarkonto, får du automatisk e-postadresse, vanlegvis namn. etternamn@student.uib.no. Det er denne e-postadressa UiB bruker for å sende ut e-post til deg personleg. På webmail (webmail.uib.no) kan du lese og sende e-post. Webmail har god lagringskapasitet i tillegg til spam- og viruskontroll. Ein del av e-posten du får frå UiB, inneheld store vedlegg med forelesingsnotat, tekstar og artiklar osv. Hugs å lese e-posten din dagleg!

Har du behov for tilrettelegging? Vi legg studia til rette for deg med nedsatt funksjonsevne og tilbyr • rådgiving og behovsutgreiing • tilrettelegging av eksamen og i studiesituasjonen • informasjon og rettleiing om andre aktuelle tenester (hjelpemiddel, bustad osv.) Det er du som veit best kva slags tilrettelegging du har behov for. Ta difor kontakt med oss så tidleg som råd i semesteret, slik at vi har størst sjanse til å finne gode løysingar saman med deg. Sjå uib.no/utdanning for meir informasjon.

6. IKT-TENESTER Når du har oppretta brukarkonto, får du tilgang til tenester som ditt eige lagringsområde, trådlaust Internett og utskrift.

Lagringsområde Frå UiB sine pc-ar har du automatisk tilgang til lagringsområdet ditt. Du bør bruke dette området til å lagre dokument og filer. Du kan òg bruke dette området frå din eigen pc. Korleis du gjer dette, finn du på studentsidene (uib.no/student).

Trådlaust Internett På universitetet har vi eit trådlaust nettverk kalla Eduroam. Eduroam finn du i alle studentareal ved UiB, ved andre lærestader i inn- og utland, og på norske flyplassar. Bruk UiB-kontoen din til å logge på Eduroam. Les meir på studentsidene. Om du bur i ein av studentbustadene til Studentsamskipnaden i Bergen, har du gratis oppkopling til Internett. Sjå sib.no/no/ bolig/beboer/internet for meir informasjon.

Utskrift, kopiering og skanning Over heile campus er det utplassert skrivarar du som student kan bruke. Pullprint er ei betalingsbasert teneste der du betaler for kvar kopi eller utskrift. Det er gratis å skanne sider og få dei sende som ei fil til student-e-postadressa di. For å få tilgang til Pullprint må du ha gyldig studentkort. For å skrive ut eller kopiere må du først fylle pengar på utskriftskontoen via ei webteneste (payprint.uib.no) der du kan betale med kredittkort (Visa/Mastercard). Du kan òg skrive ut frå eiga datamaskin. Ver merksam på at det kan ta opptil ei veke før du kan ta tenesta i bruk, avhengig av kor raskt du klarer å opprette brukarkonto og skaffe deg studentkort. Les meir på studentsidene.

Læringsstøtte

Få hjelp

Dersom du bruker UiB-maskiner, eller koplar deg opp mot UiB med di eiga maskin, så får du tilgang til mange tenester som berre er tilgjengelege for deg som UiB-student.

På studentsidene (uib.no/student) finn du oversikt over pc-stover, brukarrettleiing for oppkopling av eigen pc, oversikt over anbefalt utstyr og annan nyttig brukarinformasjon.

Eit døme er retriever.no der ein kan søke i artiklar i norske aviser eller digitale bibliotek. Sjå uib.no/ub for meir informasjon.

Pc-stover Pc-stover er arbeidsplassar for studentar. Her finn du maskiner drifta av UiB. Ved pålogging med brukarkonto får du tilgang til ditt eige lagringsområde. For å komme inn på pc-stover og lesesalar med pc-ar må du bruke studentkortet og pin-koden din. Alle fakulteta har eigne pc-stover og plassar for oppkopling av eigen pc. I tillegg kan du nytte tenestene ved læringssentera til Universitetsbiblioteket. Det juridiske fakultetet har 9 rom med pc-ar for studentar.

IT-avdelinga er òg på Facebook. Her kan du få driftsmeldingar og annan informasjon (facebook.com/itavduib). Dessutan har vi IT-assistentar som kan hjelpe deg med å kople til trådlaust nett, skrivar og andre tenester frå UiB, rettleie ved installasjon av virusvern o.l. IT-assistentane gir ikkje generell brukarstøtte på private maskiner. Du finn IT-assistentane i fakultetet sitt informasjonssenter.

7. CAMPUS Det juridiske fakultet ligg på Dragefjellet, lengst nord på Sydneshaugen i Bergen sentrum. Besøksadressa er Magnus Lagabøtes plass 1. Her er studentar og tilsette samla under eitt tak; det same er undervisningsrom, lesesalar,

pc-rom, kantine, informasjonssenter, kontor for faglege og administrativt tilsette, bibliotek og studentorganisasjonar. Meir informasjon om kor dei ulike romma ligg på jussbygget, finn du på uib.no/jur/lokale

8. FAGLITTERATUR Universitetsbiblioteket Universitetsbiblioteket (UB) er eit moderne læringssenter og ein del av det faglege og pedagogiske tilbodet ved UiB. UB har bibliotekavdelingar ved alle fakulteta. Biblioteket tilbyr • arbeidsplassar med Internett • tilgang til store boksamlingar • tilgang til elektroniske tidsskrift, oppslagsverk og annan faglitteratur på nettet • kurs og rettleiing i informasjonssøking og støtte til oppgåveskriving • Chat med en bibliotekar på uib.no/ub. Chatten er open frå kl. 10.00– 15.00 måndag til fredag i semestera. Du kan søke fram det meste av både trykt og elektronisk materiale ved biblioteket, via UB sin elektroniske katalog. Studentkortet ditt fungerer òg som lånekort ved UB. Bruk det aktivt! Du er velkomen som brukar ved biblioteket. Du finn meir informasjon på nettsida våre, uib.no/ub.

Bibliotek for juridiske fag Adresse: Magnus Lagabøtes plass 1 Opningstid i semesteret: Måndag–onsdag + fredag: 08.30–19.00 Torsdag: 09.00–19.00 ubbjur@ub.uib.no, 55 58 95 95

Fagbokhandel Akademika er ein fagbokhandel der du finn pensumbøker og alt du treng til studia. Akademika sitt hovudutsal er på Studentsenteret.

9. STUDENTVELFERD Studentsamskipnaden i Bergen Studentlivet er meir enn studia, difor finst Studentsamskipnaden. Når du har betalt semesteravgifta til SiB, kan du nytte alle SiB sine tilbod. SiB vil at du skal ha det godt som student i Bergen! På Studentsenteret har vi samla dei fleste av SiB sine tilbod under eitt tak:

SiB Rådgiving Her får du individuelle råd og rettleiingstimar, og tilbod om ei rekkje spennande og nyttige kurs i blant anna eksamensmeistring, å ta ordet eller stressmeistring, heilt gratis. Ta kontakt på radgivning@sib.no.

SiB Psykiske Helseteneste (SPH) Gratis psykologtilbod til studentar. Kort ventetid. Besøk oss på Studentsenteret, eller bestill time på telefon 55 54 51 45.

Refusjon av legeutgifter SiB refunderer helseutgiftene dine når dei overstig 550 kr i løpet av eit år. Dersom du har utgifter til lege, fysioterapeut, transport eller tannskadar, kan du gå til sib.no/helse der du finn søknadsskjema og informasjon om kvar du får pengane tilbake.

Legene på Høyden og 7 Fjell Legesenter Studentane i Bergen har to eigne legetilbod. Tenestene er fastlegetilbod, men tilbyr også akuttimar for studentar som ikkje har fastlegen sin i Bergen. Sjå sib.no/no/helse/ lege for meir informasjon.

SiB Tannlege Studentane har ei eiga tannhelseteneste på Årstad og på Danmarks plass. Her får du tannundersøkingar og tannbehandling til rimelege prisar. Telefon: 55 20 64 58/59.

Helsestasjon SiB og Engen Helsestasjon samarbeider om å gi eit gratis helsetilbod med fokus på studentar si seksuelle helse. På Engen Helsestasjon får du gratis reseptar og kondom, test av kjønnssjukdomar og råd om sex og samliv. Ope måndag, tysdag og onsdag 15.30–18.00. Inga timebestilling, trekk kølapp når du kjem.

Karrieresenteret Lurer du på kva du skal bruke utdanninga di til? Kom gjerne på Karrieresenteret tidleg i studia, og drøft det med ein karriererettleiar. Senteret hjelper deg òg med CV, jobbsøknader, intervjutrening og tips om arbeidsmarknaden. Karrieresenteret driv traineeprogrammet Trainee vest, som kvar vår lyser ut traineestillingar.

SiB Trening SiB driv seks flotte treningssenter rundt om på campus. To av dei ligg i Bergen sentrum, og det største er på Studentsenteret. Hos SiB Trening kan du trene alt frå aerobic, pilates, vekttrening, symjing, klatring og squash med meir til ein rimeleg pris.

SiB Bustad SiB har over 4000 hybeleiningar med ulike fasilitetar. Vi har ein bustad for deg anten du ønsker å bu aleine, dele kjøkken, dele bad, bu med eller utan barn eller bu i kollektiv. Søk om bustad hos oss via sib.no/bolig. Les meir om tilboda på sib.no.

Studentprestane Treng du ein å dele tankane dine med, har studentprestane tid. Du bestemmer kva vi skal snakke om. Vårt tilbod er for alle studentar uavhengig av livssyn. Studentprestane er tilsette av Den norske kyrkja. Adresse: Studentsenteret, Parkveien 1 Kontakt: Kan treffast etter avtale Telefon: 55 58 47 14, Inge Høyland og 55 58 94 45, Marie Grindheim E-post: inge.hoyland@prest.uib.no og marie. grindheim@prest.uib.no Nettside: studentprest.no

Utdanning i Bergen Utdanning i Bergen arrangerer spennande turar som skitur, båttur, fjelltur og mange andre aktivitetar. Alle turane er subsidierte for studentar ved UiB. Sjekk ut utdanningibergen.no for meir informasjon om dette. Utdanning i Bergen driftar også studentbergen.no. På desse sidene får du den mest komplette oversikta over studentorganisasjonane og studentaktivitetane i Bergen.

Studentparlamentet Studentparlamentet (SP) er det øvste studentpolitiske organet ved UiB. SP består av 25 valgte studentar som arbeidar for å framme UiB-studentane sine interessar. SP er studentane si viktigste stemme opp mot universitetsleiinga, kommunen, staten og andre aktuelle aktørar.

10. FADDERORDNINGA Sjølv om fadderveka ikkje tek til før i august, har ei stor gruppe studentar brukt heile våren på å planlegge eit program spekka med arrangement og opplevingar som skal gi deg ein introduksjon til det å vere student i Bergen. Målet med fadderveka er at du skal bli kjend med dine nye medstudentar, Bergen som studieby, universitetet og alt det

spennande du kan engasjere deg i på fritida. Fadderveka er lagd opp slik at ho skal gi deg ein smakebit på det store spekteret av tilbod som finst for studentar. Fadderprogramma for dei ulike fakulteta finn du på nettsidene våre, uib.no/nystudent. Vi ønsker deg ein god start på studietida!

Notatar

UTGJEVAR: Studieadministrativ avdeling, Universitetet i Bergen GRAFISK DESIGN: Kommunikasjonsavdelingen, Universitetet i Bergen FOTO: Eivind Senneset (forside, s. 9, 11, 21, 28) • Emil Breistein (s. 17) • iStockphoto (s. 5, 25) • Paul S. Amundsen (s. 23, 25) • Sandra Ječmenica: (s. 25) • Thor Brødreskift (s. 25) • Paul-Erik Rosenbaum (s. 25) • Endre Hilleren (s. 25) • Marius E. Hauge (s. 25) • colourbox.no (s. 25) • iStockphoto (s. 25) TRYKK: Bodoni AS, Bergen OPPLAG: 650 PAPIR: G-Print (115 g/250 g)

uib.no

Følg oss på Facebook og Instagram og sjå korleis vi har det på Universitetet i Bergen