Tschill - Kei Zit fer Poesie by UPside / CH.H.GRAFIK

Kei Zit fer Poesie

Tschill — Kei Zit fer Poesie Will Jungo — Texte, Gesang, Bass, Arrangement, Aufnahmen & Mix Daniel Blatter — Texte, Gesang, Gitarre, Arrangement Ephraim Salzmann — Schlagzeug, Perkussion, Hackbrett 1 Liebi 2 Ich müess nit 3 Läbenswärt 4 Veto 5 Fäderliecht (Jonas Ruppen, Piano) 6 Wätterprognose 7 Heile mit Eile 8 In seiner Begleitung 9 Ehrlich 10 Hotel Nela 11 Kei Wärt 12 Szena 13 Seelekönig 14 Embrüf

Liebi (Will Jungo)

Mach mr Liebi, gib mr Fiir, ziint mi a ich bi z‘Papier Häni nur Glüet, kii eppis dri und wärm di fescht an mier Säg mr Liebi, wa fiersch mi hi? Ich vertraue Dier und mich Dier a Zäme siwer, zäme gäwer und was briersch blibt nit stah Liebi blibt, wenn alles geit, schi schlaft nie, nie ellei und wenn tröimtsch mit Dier Liebi isch, en Essänz, bisch verlore findetsch dich - sicherlich Liebi Liebi, dü bisch frii, dü machsch öi weh üs Ehrlichkeit Doch dü wirsch mi, sicher treschte, entfachisch z‘Fiir und tausch üf Liebi blibt, wenn alles geit, schi schlaft nie, nie ellei und wenn tröimtsch mit Dier Liebi isch, en Essänz, bisch verlore findetsch dich, sicherlich Liebi läbt, wenn alles stirbt, schi wiicht nie, nie fa dier Liebi isch, en Essänz, bisch verlore findetsch dich, sicherlich

Ich müess nit! (Will Jungo)

Ich müess nit das sii was dü willt, wenn mier nit drum isch, isch mier das glich Öi wenni ime schlächte Liecht stah, strahl ich doch no eppis üs Ich weiss nit was das sell dasme immer z‘fride und glücklich sell sii Will wenn mier nit derna isch, geit mier das alls am Arsch verbi Ich müess nit - Ich müess nit Ich müess nit immer rächt ha und öi nahrächne müess ich nit Öi wenns nit immer üfgeit, isch da doch en Gwinn wa blibt Ich weiss nit was ich alls no sellti lehre, wenni läär bi stahni wider üf Will ich gstahmers öi mal i, äs isch okay öi mal verlore z‘sii Ich müess nit - Ich müess nit Ich schla öi nit üs, will d‘Aggressione wärdent de öi no bliibe Rächne eifach fescht dermit das ich nit fer ewig in dem Züestand verwiile Schusch riisse mi los und deiche nix meh Ich müess nit - Ich müess nit - Ich müess nit Ich la mich nit la unnerdrücke, öi wenn dr Druck mi z‘Bode ringt Ich mag nit zu dene keehre, wa fam Läbe gibrochni sinnt Ich müess nit dr Schönscht und dr Hellscht si, mier längt biz Sunna ufem Gsicht Wenns de öi mal so soll sii, gani mit mier sälber hert ins Gricht Ich müess nit - Ich müess nit Ich will nit läbe im more und was passiert eifach verpasse Wenn ich das mal an mier würd gseh, miesst mi sälber sicher hasse Ich müess nit immer dr Erscht sii, öi en Troschtpriis macht mr freid Ich will Friheit fa Emotione und nit s Härz voll Glichgültigkeit Ich will nit - und ich müess nit Ich schla öi nit üs, will d‘Aggressione wärdent de öi no bliibe Rächne eifach fescht dermit das ich nit fer ewig in dem Züestand verwiile Schusch riisse mi los und deiche nix meh Ich müess nit

Läbenswärt (Daniel Blatter)

Äs wird immer liechter - niechtern z‘sii Äs wird immer liechter - Liecht z‘sii Äs wird immer schwärer - schwär z‘sii Äs wird immer eifacher - eifach z‘sii Minus mal Minus git Plus Eis und Eis git Drii Wenn in 200 Jahr d‘Mänschheit nit in Fride läbt, isch dits Läbe nix wärt und ich tüe mi nu hitte wäg Äs wird immer schwiriger - schwirig z‘sii Äs wird immer miesamer - miesam z‘tüe Äs geit immer besser - güet z‘sii Äsch mer immer meh gliich - gliich z‘sii Minus mal Minus git Plus Eis und Eis git Drii Wenn in 200 Jahr d‘Mänschheit nit in Fride läbt, isch dits Läbe nix wärt und ich tüe mi nu hitte wäg Minus mal Minus git Plus Eis und Eis git Drii Wenn in 200 Jahr d‘Mänschheit nit in Fride läbt, isch dits Läbe nix wärt und ich tüe mi nu hitte wäg

Veto (Will Jungo)

Veto! Veto! Veto! Veto! Ich ha es Veto igleit, ha zwar nit genau gwisst wieso Ha gideicht das wär mal neetig, wägs dr Demokratie sowieso Me het schich gwundert und üfgregt und me isch lüüter worde De hami gfrägt wieso eim das Freid macht, weme fr Unrüe chad sorge Veto! Veto! Veto! Veto! Ich ha dr Reto drigleit, ha zwar öi nit gwisst wieso Är isch doch immer so nätt gsi, villicht z‘nätt, wer weiss das scho Är isch entüscht gsi fa der Aktion und het mr d‘Fröindschaft grat gikündet Jetzt bini halt zum Troscht mit vierhundert Facebook Fröinda befröindet Veto! Veto! Veto! Veto! Ich ha es Veto igleit, gägs d‘Unnerdrückig fa de Arme oder de Riiche Derbi hani ganz vergässe, das ich mich ane Arme tüe beriichre De bini froh gsi das öi ich, kei Wunder cha vollbringe und als güeti Tat hani entschlosse das ich dene Arme en Suppa bringe Veto! Veto! Veto! Veto! Ich ha dr Reto wider gitroffe, Jahri sind vergange Är meint ich sii labil und fa chranke Visione befange Das är mich so betrachte mächi einem nit gat freid und als Zeiche fam Protescht hani s Veto igleit Veto - Reto!

Fäderliecht (Will Jungo)

Ich lose dini Müüsig und tanze derzüe, tanze derzüe mitra innere Rüe - äs geit ganz güet Brüche kei Sinn, la mi sinnlos la triibe im sinnlose Spiil und das macht Sinn will ich spiles - ohni Gwinn Will nume tanze, mich bewege, am liebschte gar nimme druber rede Will eifach sii was i bi , was i bi - äbe sii Brüche kei Sunna und kei Räge, öi nit druber rede fa wäge Z‘vill het nisch in d‘Irri gfiert drum mächwers Fäderliecht Ich tanze mit Dier will mit dier tanzi nie, dü bisch mr so fremd so fremd wie no nie Ladsch mi i mit dier fremd z‘Sii? Jetzt dräie wr nisch im Chreis bis ich wirkli nimme weiss was ich gwisst hä und sellti wisse - drüf gschisse Will nume tanze, mich bewege, am liebschte gar nimme druber rede Will eifach sii was i bi , was i bi - äbe sii Brüche kei Sunna und kei Räge, öi nit druber rede fa wäge Z‘vill het nisch in d‘Irri gfiert drum mächwers Fäderliecht Chas fasch nit glöibe di Freid in dene Öige, dr Glöibe inne Öige und no mänge glöibt ses immer no nit Gschpirre dr Puls fa dr Zit, pulsierendi Liit äs geit no wiit und de no wiiter En wiite Wäg fr wiiter zcho Will nume tanze, mich bewege, am liebschte gar nimme druber rede Will eifach sii was i bi , was i bi - äbe sii Brüche kei Sunna und kei Räge, öi nit druber rede fa wäge Zvill het nisch in d‘Irri gfiert drum mächwers Fäderliecht

Wätterprognose (Will Jungo)

Dine Tanz, Dine Schritt, Dine Flug durch dischi Ziit Bisch dr Mänsch wases prägt, vorzugswiis hinnerfrägt Dini Winsch, Dini Freid, Dini Trüür uber d‘Vergänglichkeit Sie bisch dü der wa geit, sie dr Mänsch wa z‘Leid ertreit Gniess dr Tag, Nutz dr Tag Gniess dr Tag, Nutz dr Tag, Carpe Diem Dini Wält, Dini Reis, Dine Summer brennend heiss Bisch in dr Schlöifa dri, d‘Wiederholig zieht üs und i Dini Sucht, Dini Seel, Dini Flucht üs Rüüm und Zit Schinnbar schinnts, hell und klar, Tiefgang ische dine Radar Schusch rede wr halt wider mal ubers Wätter Das schinnt nu sinnvoll und real Velli schinnt more wieder d‘Sunna Oder äs rägnet oder schniit halt wider mal Sprich di üs, riis di los, mach di chlei und wieder gross Bisch am sii, sii was isch, isches güet oder nit Dine Rüüm, Diis Schiff, Dini Süech nach dinem Schliff Sie‘s en Angscht, sie‘s en Freid, wa dich durchs Läbe treit Gniess dr Tag, Nutz dr Tag, Gniess dr Tag, Nutz dr Tag, Carpe Diem Diis Glick, Diis Los, Diis Wohl in Dinem Chaos Bisch de da oder nit, dr Finger zeigt uf andri Lit Dini Gschicht, Dini Hommage, Dini Spur want hinderlasch Bisch dr Mänsch wa versteit, oder vergeisch im eigne Leid Schusch rede wr halt wider mal ubers Wätter Das schinnt nu sinnvoll und real Velli schinnt more wieder d‘Sunna Oder äs rägnet oder schniit halt wider mal

Heile mit Eile (Daniel Blatter)

Was brüchsch meh, als en Gitarr, es Blatt und en Schtift, brüchsch Zit, Sozialkompetänz und en schüelischi Bildig, en Chrankekass, en Wohnig und en eigeni Meinig und en Schpraach wa schich apasst - schüsch bisch eleinig Wenni gli gad hie bi - gibi Liebi Wenn in mier Rüe isch - wirsch dü riewig Wenn ich mier Mie gib - heilend d‘Narbe Wenn ich üsaschtrahle - de malend Farbe Uf der Tag warti nu, zwar wird mer vam Warte abgrate Aber setz mal um, was Buddha seit, wenn‘d allne willt gfalle – und ne en Gfalle willt mache Wenn nit na dr Wüet di Lääri wäri und mini Fantasii wie imne Märli wäri, wäris wirklich bitter fer mich und ich singti öi nit dits fer dich Wenni gli gad hie bi - gibi Liebi Wenn in mier Rüe isch - wirsch dü riewig Wenn ich mier Mie gib - heilend d‘Narbe Wenn ich üsaschtrahle - de malend Farbe de fählts an nix - will de Liebi isch de fählts an nix - will de Liebi isch Wenni gli gad hie bi - gibi Liebi Wenn in mier Rüe isch - wirsch dü riewig Wenn ich mier Mie gib - heilend d‘Narbe Wenn ich üsaschtrahle - de malend Farbe de fählts an nix - will de Liebi isch de fählts an nix - will de Liebi isch de fählts an nix - will de Liebi wirkt

In seiner Begleitung (Daniel Blatter)

der Tag erwacht Sunneschtrahl alls isch da het Chraft und Farb Chromschtahl glänzt en hochi Frequänz en schwäri Tiefi es Härz voll Liebi en Mänsch wa nit da isch aber sicher widr zrugg chunnt Hie machsch - das wa dier passt äs isch immer Schmärz und Freid derbii schi wärdend dini ständige Begleiter sii jedes Ding geit da was keert immerhin häni da drüs glehrt dass i cha vertrüwe dass alles immer güet chunnt Hie machsch - das wa dier passt äs isch immer Schmärz und Freid derbii schi wärdend dini ständige Begleiter sii Hie machsch - das wa dier passt äs isch immer Schmärz und Freid derbii schi wärdend dini ständige Begleiter sii

Äs isch ehrlich (Will Jungo)

Hellseherischi Fähigkeite hälfent nit emal dm Hellschte Und äs schinnt nit alls, öi wenns nach poliertem schmeckt Iner Nasa gorre, bringt ses öi nit, öi wenn‘s dr stiiche tüet Am beschte isch, me deicht an das, an das was wirkli güet isch Äs isch ehrlich gmeint, wenn dr säge, ha di gäre Äs isch ehrlich gmeint, dü tüesch mi beriichre Am schönschte isch, di Zit mit dier - egal wa das isch Äs isch ehrlich gmeint - Wort brüchts darfer nit Weme Schmärze het, de tient di blockiere Und das mag me nit, das tüet weh, wie falschi Teen ufra Flöta D‘Läbensmelodie schlicht schich durch - Moll und Dur Am schönschte teensch in Harmonie mit dier im Duett Äs isch ehrlich gmeint, wenn dr säge, ha di gäre Äs isch ehrlich gmeint, dü tüesch mi beriichre Am schönschte isch, di Zit mit dier - egal wa das isch Äs isch ehrlich gmeint, Wort brüchts darfer nit Äs isch ehrlich gmeint wenn dr säge - ha di gäre Äs isch ehrlich gmeint, dü tüesch mi beriichre Am schönschte isch, di Zit mit dier - egal wa das isch Äs isch ehrlich gmeint, Wort brüchts darfer nit Nei - Wort brüchts darfer nit Nei - Wort brüchts darfer

Hotel Nela (Daniel Blatter)

Dü bisch ds Wellness Hotel in miner Wohnig Dü bisch d‘Erholig, d‘Widerholig uf dem Hip Hop Beat Dü bisch ds Wellness Hotel in miner Wohnig Dü bisch d‘Erholig, d‘Widerholig uf dem Hip Hop Beat dini Bettwäsch schmeckt nach Dier wenn ich bi Dier logier ich vermisse Dich so sie so sehr ich mich bemieh wenn‘di gseh wärd ich zum Tier dass ich fer nix garantier das chasch der sicher deiche wa bisch de wenn‘di am meischte brüche mich tücht de - hie fählt eswas fühle mi - wie fähl am Platz wähl di Taschte mäld di mal you can‘t touch this - wellti mal mal widr, mal widr, mal widr mit dier leinig sii da siwer, da siwer, da siwer nisch doch einig gsii Dü bisch ds Wellness Hotel in miner Wohnig Dü bisch d‘Erholig, d‘Widerholig uf dem Hip Hop Beat Dü bisch ds Wellness Hotel in miner Wohnig Dü bisch d‘Erholig, d‘Widerholig, d‘Widerholig Dü bisch ds Wellness Hotel in miner Wohnig Dü bisch d‘Erholig, d‘Widerholig uf dem Hip Hop Beat Dü bisch ds Wellness Hotel in miner Wohnig Dü bisch d‘Erholig, d‘Widerholig, d‘Widerholig, d‘Widerholig Dü bringsch d Rüeh - Dü berüehigsch mich Dü bringsch d Rüeh - Dü berüehigsch mich

Kei Wärt (Daniel Blatter)

Was wenn‘s Wärta git und schi niemert läbt Was wenn d‘Ärda bäbt und ses niemert bemerkt Was wenn d‘Schwärchraft schich üfleest und schi alli nu am Alte feschthaltend Was wenn wier hie nix töige aber glii an epis Greessers glöibe Joloduli jo duli joloduli jo lo Joloduli jo duli joloduli jo lo Was wenn alles verbunne isch und ses niemert gschpirrt Was wenn dü mich dra hinnresch mich mit allem z‘verbinne Was wenn alles fliesst und schich ins Unermässlicha üsdehnt Was wenn wier nisch nix truuwe aber trotzdem Friiheit welle Was wenn‘s Wärta git

Szena (Will Jungo)

Immer wenn‘s nit geit Immer wenn‘s nit geit Ich ha gat z‘tüe ich bi beschäftigt, ich bi völlig ubernächtigt Stiire dm Burnout züe, gschpirre scho en gwissi Lethargie Stiire miis Schiff als wärs di Titanik, graate scho bim gringschte Alass in Panik Ässe nix was gsund isch und scho gar nit ame tisch Ich brüche Schlaf und zwar nit zwenig, brüche Wohlstand und dene fr ewig Brüche zellbars und kei Strichresultat 24 Stunde längent nit fr vorwärts z‘mache, fr alls z‘erschaffe fr no meh z‘laffe fr emal öi z‘lache - Liebi z‘mache Immer wenn‘s nit geit, deichsch velli gat zwit Drähsch di nur im Chreis, stillstah chasch gar nit Was blibt das blibt dr, und was geit vergeit Immer hie oder da, bis dr Chreislöif zämebricht Ich ha keit Zit ich müess pressiere, ich müess miis Smartphone hypnotisiere Ich fiere kei Hängert me will das fiert meischtens niena hii Verzelle Gschichte wa nit stimment, höiptsach dasch mi witer bringent Ich nimme mier alli Friheite und sperr mich sälber i Ohni Tablette chani nimme schlafe, ohni Coci nimme Gas gä Ich bi dr König want müesch gseh ha, dr Arsch fam Dienscht inner Szena Schöpfe Wasser üssem Jungbrunne, ha miis Älter sälbscht erfunne Nur üs tierliebi stiir ich dr Jaguar nit ine Böim drii Immer wenn‘s nit geit, deichsch velli gat zwit Drähsch di nur im Chreis, stillstah chasch gar nit Was blibt das blibt dr, und was geit vergeit Immer hie oder da, bis dr Chreislöif zämebricht

Seelekönig (Will Jungo)

Ich bi dr König fa miner Seel Bi der Meischter fa minem Schicksal Ich bin en Reisende, d‘Reis geit wit Gottlos im Rüüsch durch Rüüm und Zit Niemert weiss was me isch, äs isch gschribe in keinem Büech Machsch was chasch, chasches güet, steit dr güet, Applaus fer dich Alli sind glich, gliicher wan ich, chas verstah, und glich speziell Niemert steerts, jedem keerts, äs isch halt da, da zum nä Ich bi dr König fa miner Seel Bi dr Meischter fa minem Schicksal Ich bin en Reisende, d‘Reis geit wit Gottlos im Rüüsch durch Rüüm und Zit Jemand seit um was hie geit, schribs doch üf, oder läs ses na Tüesch was müesch, isch scho güet, isch diis Rächt, isch diini Gschicht Drähsch di Gschicht, cheer schi um, drumherum, isch doch egal Jemand steerts was dü üsläbsch, schiiss doch druf, ich halte fescht Ich bi dr König fa miner Seel Bi dr Meischter fa minem Schicksal Ich bin en Reisende, d‘Reis geit wit Gottlos im Rüüsch durch Rüüm und Zit

14 ich ga in das alles hie ich bi nimme oder umso meh hie ich ga in das alles hie ich bi nimme oder umso meh hie

Embrüf (Daniel Blatter) schwäbe häbe ab embrüf in di lääri ine rüüm tschüss Schatz schwäbe häbe ab embrüf in di lääri ine rüüm tschüss Schatz ich bi nimme oder umso meh hie

Download Code rechts für einmaligen Song-Download auf www.igroove.ch/album/34660/kei-zit-fer-poesie-tschill.html eingeben.