Denove EKRA en Razgrad

Rigardu, same estos kun vi, timigis ilin Pinglino. – Hieraŭ enlitigis vi mian fileton malsatan, tial li sonĝis diversajn manĝajn elpensaĵojn. Glano silentis kaj mordis siajn lipojn. Timiĝinta pro tia vidaĵo, Akvokreso sidiĝis ĉe la tablo kaj konsentis manĝi unu kuketon. La familio solene tagmanĝis, kaj Glano restis katenigita, observata de la gardistoj, povante atingi neniun el la fontoj aŭ fontanoj. Dum la tuta tagmanĝo neniu ĵetis al li eĉ plej malgrandan panereton. Nedezirante rigardi al la manĝantoj, li turnis sin al la muro kaj forte kunpremis siajn pugnojn. Rigardu, karulino, kiel nia Akvokreseto manĝas, eĉ liaj oreloj balancadas. Verŝajne, antaŭ ĉiu

ĝojis Strobilo. Nepre, alparolis al li Pinglino, kontraŭe nia

fileto povas reperdi apetiton. Pro tiuj vortoj la tuta korpo de Glano malglatiĝis kiel viransera haŭto.

(daŭrigota)

"La aventuroj de Glano en la Lando de Malvirtoj” estas libro de litova verkisto Vytautas Petkeviĉius (1930 –2008). Li estas sufiĉe konata kaj precipe fama pro siaj porinfanaj kreaĵoj.

Denove EKRA en Razgrad humuraĵo de Laimundas Abromas el Litovio

La 18an – 19an de junio la Esperantista Domo pri kulturo en Razgrad okazigis por 32a fojo sian tradician feston EKRA – Esperantistan Krean Renkontiĝon “Abritus” en la Regiona biblioteko “Prof. Bojan Penev” . Bedaŭrinde, pro la epidemio ni ne havis kiel tradicie multajn gastojn. Gastis nur Pavlin Boevski el Trojan –reprezentanto de la Centra estraro. Komence la lernantino en 5a klaso Marija Stefanova deklamis la faman verson de Zamenhof “Ho’mia kor’” , poste la juna kantisto Tekin Zekiriev, lernanto en 7a klaso, salutis la ĉeestantojn per belaj kantoj. Per kelkaj salutvortoj D. Kateva, prezidanto de la Esperantista Domo inaŭguris la feston kaj tralegis kelkajn salutmesaĝojn de amikoj – esperantistoj: Hasan Jakub, Radi Radev kaj Kanjo Kanev el Galabovo, Margarita Savova el Ruse. Pavlin Boevski salutis la partoprenantojn je la nomo de la Estraro. Sino Maĝarova – la prezidanto de la ĵurio ( membroj: Josip Pleadin fama esperantisto kaj eldonisto el Kroatio kaj Vasil Kadifeli – turka esperantisto, redaktoro kaj eldonisto de la bonega esperanta revuo “Turka Stelo”) anoncis la rezultojn de la Internacia komkurso pri originala esperanta poezio kaj humuro. Partoprenis 13 geesperantistoj el 10 landoj kaj 3 kontinentoj. Honoran premion ricevis Elena Popova el Dobriĉ, Bulgario pro sia multfoja, diversĝenra kaj altnivela partopreno en EKRA kaj okaze de ŝia 85ajariĝo. Specialan premion ricevis Evgenij Georgiev el Kazahio. Ĝoigis nin la unua partopreno de Leonid Turkadze el Usono, al kiu estis aljuĝita la Unua premio. D. Kateva –ano de la ĵurio de la konkurso pri traduko el bulgara (prezidanto Georgi Mihalkov –elstara bulgara esperantisto kaj verkisto ) anoncis la rezultojn:

Unuan premion ricevis Evgenij Georgiev el Kazahio. La ĵurio aljuĝis du Duajn premiojn: al Georgi Mihjlov el Sofio kaj Hasan Jakub el Omurtag. La dua parto de la solenaĵo estis dediĉita al la verkaro de Elena Popova. Iv. Maĝarova prezentis ŝian vivon, hajkopoezion, versojn por infanoj, poeziajn rakontojn. Marija Stefanova kaj Bianka Todorovalernantinoj en 5a klaso legis bulgarlingve kaj esperante elektitajn de ili versojn. Dimitrinka Mihajlova kaj Keranka Toteva legis hajkopoezion. Cvetanka Marinova tralegis “Rakonton de unu fonto” . Kateva voĉlegis esperante fragmenton el plej nova libro de E. Popova “Leteroj el Kosmo” “Konversacion kun la Luno

Fine la ĉeestantoj ĝuis la plenumadon de la vokala grupo “Sopiro” . La 19an de junio kadre de EKRA antaŭtagmeze okazis solenaĵo, dediĉita al la 85a jariĝo de elstara