PM#0382659799
Soldiers train in northeastern Ontario PAGE 23 Vol. 40 No. 10
NAN rejects police funding agreement PAGE 7
Hockey tournaments kick off in Sioux Lookout, Dryden PAGE 20 9,300 copies distributed $1.50
March 14, 2013 Northern Ontario’s First Nation Voice since 1974
www.wawataynews.ca
Is ice road trucking a thing of the past? As winters get warmer and communities struggle to bring in supplies on winter roads, other options such as solar power air blimps are in the works Submitted photo by Solar Ship
The winter road season keeps getting shorter. This year, as a number of leaders point out, many communities are still waiting on the first truckloads of supplies (see story, page 12-13). Many point the blame at climate change causing warmer winters and unpredictable snowfalls. Others, including Wasaya, are starting to prepare for the days when ice road trucking is no longer an option. One solution may be hybrid airships for moving people and goods between the north and south (see story, page 14).
ᐱᐳᓂᒥᑲᓇᐣ ᐊᓂᐃᐡᑾ ᐊᐸᒋᒋᑲᑌᐗᐣ ᐅᓴᒼ ᐁᓂᑭᔡᔭᐠ ᕒᐃᐠ ᑫᕒᐃᐠ ᐗᐗᑌ ᑎᐸᒋᒧᐎᐣ ᑲᓂᐊᔭᒋᑭᔑᑲᐠ ᒥᓯᐌ ᓂᔑᓇᐯ ᐊᐢᑭ ᐊᓂᐅᐣᒋ ᓇᑲᑕᐌᑕᑯᐣ ᑲᔭᐸᒋᒋᑲᑌᐠ ᐱᐳᓂᒥᑲᓇᐣ ᑲᐅᒋᐱᒥᐎᒋᑲᑌᑭᐣ ᐗᓯᑲᓂᐱᒥᑌ, ᐗᑲᐦᐃᑲᐣ ᐊᐸᒋᒋᑲᓇᐣ ᒥᓇ ᑯᑕᑭᔭᐣ ᐊᐸᒋᒋᑲᓇᐣ᙮ “ᐱᐳᓂᒥᑲᓇᐣ ᐊᓂ ᐅᐣᒋᐊᐣᒋᓭ ᒋᐊᐸᒋᒋᑲᑌᑭᐣ ᐅᓴᒼ ᐁᓂᑭᔡᔭᐠ ᒥᓇ ᑲᔭᓂ ᐃᔑᑭᔑᑲᐠ,” ᐃᑭᑐ ᑭᒋᓇᒣᑯᓯᑊ ᐃᓂᓂᐗᐠ ᐅᑭᒪᑲᐣ ᑖᓂ ᒧᕒᐃᐢ᙮ “ᐊᓂᐅᐣᒋ ᓴᓇᑭᓭ ᐁᑕᓱᐊᐦᑭᐗᐠ ᒋᑭᐱᒥᑕᐱᔭᐠ ᑲᑯᓯᑯᑭᐣ ᐅᑕᐸᓇᐠ, ᐗᑲᐦᐃᑫᐎᐣ, ᐱᒥᑌ, ᐗᓯᑲᓂᐱᒥᑌ᙮ ᐅᐅᐌ ᓄᑯᒼ ᑲᑭᔑᑲᐠ (ᒪᕒᐨ 8), ᑲᒪᔑ ᑫᑯᐣ ᑭᐱᒥᑕᐱᓯᒥᐣ ᐁᑲ ᐁᑭᑫᑕᒪᐠ ᒥᑲᓇ ᒋᑭᒥᓈᔑᐠ ᒥᓇ ᐁᑲ ᐁᑭᐊᑕᐌᔭᐠ ᑫᑯᓇᐣ ᑫᐊᐸᒋᑐᔭᐠ ᑎᓄᑲᐣ ᐗᑲᐦᐃᑲᐣ ᐊᐸᒋᒋᑲᓇᐣ, ᐊᑐᐱᐎᓇᐣ, ᐱᒥᑌ, ᐗᓯᑲᓂᐱᒥᑌ ᒥᓇ ᐁᑲ ᒋᑭᑕᑯᐎᒋᑲᑌᑭᐣ᙮ ᐁᓂ ᐃᐡᑾᑭᔑᑲᐠ, ᐊᓂ ᐃᓯᓭ, ᒋᒣᑎᓂᑲᓂᐗᐠ ᒋᐱᒥᐎᑌᑭᐣ ᐱᒥᓭᐎᓂᐠᒥᓇ ᐊᔕ ᐁᑭ ᐃᐡᑾᑎᐸᐦᐃᑲᑌᑭᐣ ᐊᐸᒋᒋᑲᓇᐣ᙮” ᒫᕒᐃᐢ ᐃᑭᑐ ᐊᓂᔑᓂᓂᐗᐠ ᐊᔕ ᐁᑭᒪᒋᐊᐸᒋᑐᐗᐨ ᐁᒪᒋᐱᓱᐗᐨ ᐅᑐᑕᐸᓂᐗ ᒣᑾᐨ ᒪᕒᐨ 7᙮ “ᒥᐱᑯ ᐁᑕ ᑫᑭᑐᑕᒪᐠ ᒋᐸᑭᑎᓇᔭᐠ ᐊᓂᔑᓂᓂᐗᐠ, ᐃᐡᑯᓂᑲᓂᐠ ᑲᑲᐯᔑᓇᓂᐗᐠ, ᒋᑭᒪᒋᐱᓱᐗᐨ,” ᒫᕒᐃᐢ ᐃᑭᑐ᙮
“ᒥᐌ ᐁᔑᐸᑯᓭᑕᒪᐣ ᒋᒥᓈᔑᐠ ᒥᑲᓇ ᑲᓇᑫ ᓂᔓ ᐱᒥᑯᓇᑲ ᒋᒥᓉᑕᒧᐗᐨ ᐊᓂᔑᓂᓂᐗᐠ ᑭᒋᒥᑲᓇᓂ᙮ ᔕᑯᐨ ᒥᓇ, ᑲᐎᐣ ᑭᑫᑕᓯᒥᐣ --ᑕᐅᒋᑭᑾᔭ ᒋᐃᓯᓭᐠ ᒥᓇ ᒋᒐᑭᐊᐣᑯᓱᐨ ᐊᐊᐌ ᑯᐣ᙮” ᒫᕒᐃᐢ ᐃᑭᑐ ᐅᓴᒼ ᐎᐸᐨ ᑲᑭᓱᑭᐳᐠ ᑭᐸᐯᒋᓭ ᒋᐊᑯᑎᑭᐣ ᑫᑭᐃᓯᓭᑭᐸᐣ ᑫᐱᑕᑎᐠ ᓴᑲᐦᐃᑲᓇᐣ, ᓯᐱᐣ ᒥᓇ ᓯᐱᓴᐣ᙮ “ᐅᓴᒼ ᐎᐸᐨ ᑭᓱᑭᐳᐣ ᒥᑕᐦᐃ ᑯᐣ ᐁᑭᐸᑭᔑᐠ ᒥᑕᐡ ᑲᑭᐃᓯᓭᐠ ᐅᓴᒼ ᐁᑭᑭᔡᔭᐠ ᐊᓇᒥᐠ ᑯᓂᑲᐣᐠ,” ᒫᕒᐃᐢ ᐃᑭᑐ᙮ “ᓇᑕᐌᑕᑯᐣ ᓂᐱ ᒋᐊᑯᑎᐠ ᐱᓇᒪ ᐁᑲᒪᔑ ᑲᓱᑭᐳᐠ, ᑲᐎᐣᑕᐡ ᐃᐃᐌ ᒋᐅᒋ ᐃᓯᓭᐠ᙮ ᑭᑭᒋᓱᑭᐳᐣ ᓂᑕᒼ ᒥᓇ ᑭᐊᓂᐊᑯᑎᐣ ᐃᐃᐌ ᑲᔖᑲᓂᐱᔭᐠ ᒥᑕᐡ ᐁᔑᓇᑯᓯᐨ ᒥᑯᒼ ᐁᒧᒋᐗᐱᓯᐨ, ᑲᐎᐣ ᑕᐡ ᑌᐺ ᒋᒪᐡᑲᐎᓯᑾᐠ ᒋᑭᐅᑭᑕᐱᐗᐨ ᑲᒥᑲᓇᑫᐗᐨ ᐅᑕᐸᓇᐠ᙮” ᒫᕒᐃᐢ ᑭᐃᑭᑐ ᓂᔑᐣ ᐊᓄᑭᓇᑲᓇᐠ ᑲᐅᔑᑐᐗᐨ ᒥᑲᓇᓂ ᑭᐅᒋ ᐃᐡᑾᐱᒪᑎᓯᐗᐠ ᐁᑭᑕᐗᔑᓄᐗᐨ ᒥᑯᒥᑲᐣᐠ ᒣᑾᐨ ᐅᐅᐌ ᑲᐱᐳᐠ᙮ “ᒥᐌ ᐁᓯᓭᐠ ᐁᔑᑎᐸᐦᐃᑫᔭᐠ ᐁᔑᓇᑯᐠ ᐅᐅᐌ ᐅᓴᒼ ᑲᓂᑭᔡᔭᐠ ᒥᓯᑌᑲᒥᐠ᙮” ᒫᕒᐃᐢ ᐃᑭᑐ᙮ ᐊᑎᑯᓴᑲᐦᐃᑲᓂᐠ ᐅᓇᔓᐌᐎᓂᓂ ᒑᓂ ᒥᑭᐢ ᐃᑭᑐ ᐅᐅᐌ ᑲᔭᓂᔑᑭᔑᑲᐠ ᑭᑫᑕᒥᐣ ᑫᓂᓇᐎᐟ ᐱᐳᓂᒥᑲᓇᒥᓇᐣ ᐅᐅᐌ ᑲᔭᐦᑭᐗᐠ, ᐁᐎᑕᐠ ᐅᑎᐡᑯᓂᑲᐣ ᐁᑲᒪᔑ ᐁᑌᐱᓇᒧᐗᐨ ᐅᑕᐸᒋᒋᑲᓂᐗ ᐃᐃᐌ ᒣᑾᐨ ᒪᕒᐨ 8᙮ “ᐯᔑᐠ ᓴᑲᐦᐃᑲᐣ ᑲᐎᐣ ᑌᐱ ᐊᐱᑕᑎᓯᓄᐣ,”
Cargo Services
ᒥᑭᐢ ᐃᑭᑐ᙮ “ᑫᒋᐣ ᐊᐱᑕ ᑲᔭᐱᑕᐦᐅᑕᓱᐨ ᐅᑕᐸᐣ ᑕᑭᐱᒥᐎᑌᐗᐣ, ᑭᔑᐎᑕᒪᑯ, ᐅᐅᐌᑎ ᐅᑕᓇᐠ ᐯᔑᑯᐱᒥᑯᓇᑲ ᐊᐱᑕ ᐅᑕᓇᐠ᙮ ᑕᒪᒋᐱᒥᑕᐱᐗᐠ ᐅᐅᐌ ᐊᓂᐅᐡᑭᑭᔑᑲᐠ (ᒪᕒᐨ 11) ᐱᒥᑌᓂ, ᑲᐎᐣ ᔕᑯᐨ ᑭᑫᑕᓯᐣ ᒥᓂᑯᐠ ᑫᑭᑌᐱᓇᒪᐠ᙮” ᒥᑭᐢ ᐃᑭᑐ ᐅᐅᐌ ᑲᐱᐳᓂᒥᑲᓇᑫᓇᓂᐗᐠ ᑲᐊᐦᑭᐗᐠ ᐊᓂᒐᑾ ᐊᐱᐨ ᐅᐅᐌᑎ ᐅᑕᓇᐠ ᑲᑭᐱᐃᓯᓭᐠ ᐊᐦᑭᐎᓇᐣ᙮ “ᐅᑕᓇᐠ ᑲᑭᐊᐦᑭᐗᐠ ᑭᐃᓯᓭᒥᐣ ᐁᑲ
ᒋᑕᑯᑕᐱᓇᓂᐗᐠ ᐱᒥᑕᐱᐎᓇᐣ,” ᒥᑭᐢ ᐃᑭᑐ᙮ ᒥᑭᐢ ᐃᑭᑐ ᑲᐃᓇᑭᑌᑭᐣ ᑫᑯᓇᐣ ᐃᐃᒪ ᐃᐡᑯᓂᑲᓂᐠ ᐊᓂ ᐃᐡᐸᑭᑌᐗᐣ ᑭᐡᐱᐣ ᐊᐸᒋᒋᑲᓇᐣ ᐁᑲ ᐱᒥᑕᐸᑌᑭᐣ ᐱᐳᓂᒥᑲᓇᐠ᙮ “ᐃᐃᐌ ᐅᓴᒼ ᑲᓂᐡᐸᑭᑌᐠ ᐗᓯᑲᓂᐱᒥᑌ,” ᒥᑭᐢ ᐃᑭᑐ᙮ “ᑭᐡᐱᐣ (ᒪᒪᐎᒋᑫ) ᐊᐸᒋᑐᐨ ᒋᐱᒥᓴᐦᐅᑐᐨ, (ᒥᒋᒼ) ᑕᐅᒋ ᐃᐡᐸᑭᑌᐗᐣ᙮” ᑭᐌᐎᐣ ᑲᐅᑭᒪᑲᓂᐗᑭᓱᐨ ᐁᑎ ᒥᑭᐢ ᑭᐃᑭᑐ ᐅᐅᐌ ᑲᓂᑭᔡᔭᐠ ᑲᐃᓯᓭᐠ “ᒪᐗᐨ ᐁᒪᒋᓭᐦᐃᐌᒪᑲᐠ” ᐃᐃᐌ ᐅᑎᐡᑯᓂᑲᐣ
ᐱᐳᓂᒥᑲᓇ, ᐁᐃᑭᑐᐨ ᐅᑎᐡᑯᓂᑲᐣ ᐁᑭᑌᐱᓇᒧᐗᒋᐣ ᓂᔑᐣ ᐱᒪᐦᐅᑕᓱᐎᓇᐣ ᐱᒥᑌᓂ ᐃᐃᐌ ᑲᐃᓯᓭᐠ ᒪᕒᐨ 8᙮ “ᐅᑕᓇᐠ ᑲᑭᐱᐃᓯᓭᐠ ᑭᐱᒪᐦᐅᑕᓱᓇᓂᐗᐣ ᐁᐱᒥᑕᐱᓇᓂᐗᐠ ᐱᓂᐡ ᑲᓂ ᐃᐡᑾ ᐊᑭᓱᐨ ᒪᕒᐨ,” ᐁᑎ ᒥᑭᐢ ᐃᑭᑐ᙮ “ᓄᑯᒼ ᐃᑕᐡ ᐃᓯᓭ ᑲᓂᒪᑕᑭᓱᐨ ᒪᕒᐨ ᐁᑭᐱᒋᓭᐠ ᐱᒥᑕᐱᐎᓇᐣ᙮ ᑲᑭᓇ ᔭᐎᔭ ᐸᐸᔑᓇᑐᒋᑫ ᐅᐱᒥᑌᒥᐗ ᒋᑭᑕᑯᐎᒋᑲᑌᓂᐠ᙮” ᐁᑎ ᒥᑭᐢ ᑭᐃᑭᑐ ᐁᑭᐸᑫᐱᓱᐨ ᐅᑕᐸᓇᐠ ᒣᑾᐨ ᑲᑎᐱᑲᐠ ᒪᕒᐨ 7 ᓂᔓᑭᔑᐠ ᑭᑭᐸᐦᐃᑲᑌ ᐱᐳᓂᒥᑲᓇ᙮ “ᐅᐅᐌ ᑲᑭᑎᐱᑲᐠ ᐯᔑᐠ ᑲᐱᒋᑕᐱᐨ ᐗᑲᐦᐃᑲᓂᓂ ᑭᐸᑫᐦᐁ, ᐃᐃᐌ ᑕᐡ ᒥᑲᓇ ᑭᑭᐸᐦᐃᑲᑌ,” ᐁᑎ ᒥᑭᐢ ᐃᑭᑐ᙮ “ᑕᑭᐱᒋᓭ ᑲᑭᓇ ᑫᑯᐣ ᒋᐱᒥᑕᐱᓇᓂᐗᐠ ᒥᓇ ᐁᐃᓯᓭᐠ ᑲᐃᔑᑭᔑᑲᐠ ᐁᑲ ᒋᐱᒋᑫᐨ ᓂᔓᑭᔑᐠ ᒋᐊᓂᑭᔡᔭᓭᐠ᙮” ᐊᓴᑎᔭᑎᐠ ᐱᑯᑎᓇ ᑲᔭᓂᑯᐡᑲᐠ ᐅᑭᒪᑲᓇᐣ ᒉᑲᑊ ᐢᑐᕒᐊᐣᐠ ᑭᐃᑭᑐ ᐊᐊᐌ ᒥᑯᒼ ᐁᑲ ᐁᑌᐱ ᐊᐱᑕᑎᐠ ᐃᐃᒪ ᑫᐎᓇᐗ ᐅᐱᐳᓂᒥᑲᓇᐗ ᐅᐅᐌ ᒥᓂᑯᐠ ᓂᔓᔭᐦᑭ᙮ “(ᔕᑯᐨ) ᑭᑕᑯᑕᐱᒥᐣ ᑲᑭᓇ ᑫᑯᐣ ᑲᓇᑕᐌᑕᒪᐠ,” ᐢᑐᕒᐊᐣᐠ ᐃᑭᑐ᙮ “ᐅᐅᐌ ᐅᑕᓇᐠ ᓂᔓᔭᐦᑭ ᐃᔑᓇᑯᐣ ᐁᑕᑲᔭᐠ ᐯᔑᑯᐱᒥᑯᓇᑲ ᒥᓇ ᐁᑭᔡᔭᐠ ᐯᔑᑯᐱᒥᑯᓇᑲ ᒥᓇ ᐁᒣᒣᐡᑯᒋᑕᑲᔭᐠ᙮ ᒥᐌ ᐁᔑᐗᐸᑕᒪ ᐁᔑᒪᒣᑭᓯᓭᐠ᙮” ᑭᒋᓇᒣᑯᓯᑊ ᐃᓂᓂᐗᐠ ᒥᓇ ᑭᐌᐎᐣ ᐅᑭᔭᔭᓇᐗ -2 ᐁᐱᒋᑕᑲᔭᐠ ᒣᑾᐨ ᒪᕒᐨ 8᙮
With over 15 years experience, Wasaya Airways is equipped to transport numerous goods such as food, lumber, gas & diesel fuel, boats, motors, snowmachines, medical and ofÀce supplies. 1.807.928.2244 Pickle Lake | 1.807.662.1119 Red Lake
Call us for all your transportation needs.
Connecting Communities • 1.877.492.7292 • www.wasaya.com