June 6, 2013 Volume 40 Number 22

Page 1

PM#0382659799

Treaty discussion examines role of women PAGE 11

Kasabonika still reeling from suicide PAGE 3

Vol. 40 No. 22

NAN creating trades school in Thunder Bay PAGE 9 9,300 copies distributed $1.50

June 6, 2013 Northern Ontario’s First Nation Voice since 1974

www.wawataynews.ca

Recalling the past One of the last people to move out of Quetico Park reflects on childhood in the park

Seventy-seven years ago, Wilda Walmark of Lac La Croix First Nation moved with her family out of Quetico Provincial Park, leaving one of the last inhabited cabins in the park (left). Now, as her son reconnects with Lac La Croix, Walmark reflects on a childhood spent in one of Ontario’s most beautiful parks. Above, Wilda Walmark in a Thunder Bay restaurant (photo by Rick Garrick/Wawatay News). Left, Esther Powell’s log home on Saganagons Lake/ Art Madsen Collection (Photo courtesy of the John B. Ridley Research Library, Quetico Provincial Park.)

ᐊᐧᔕᐦᐅᐠ ᐅᑭᐅᓇᑐᓇᐊᐧ ᒋᑎᐱᓇᒪᑫᐊᐧᐨ ᐊᓇᐱ ᑫᐱᓇᓇᑕᐁᐧᐣᒋᑲᓂᐊᐧᓂᐠ ᐅᑕᑭᒥᐊᐧᐠ ᓫᐁᓂ ᑲᕑᐱᐣᑐᕑ ᐊᐧᐊᐧᑌ ᐊᒋᒧᐃᐧᓇᐣ

ᐅᑕᓇᐠ ᐅᐁᐧ ᑲᑭ ᓯᑲᐧᓂ ᓇᓇᑕᐁᐧᐣᒋᑲᓂᐊᐧᐠ, ᐊᐧᔕᐦᐅ ᑕᔑᑫᐃᐧᓂᐠ ᑭᐅᓇᑕᒪᑫᐊᐧᐠ ᐊᓇᐱ ᑫᐃᔕᐊᐧᐨ ᐅᓇᓇᑕᐁᐧᐣᒋᑫᐠ ᐸᐸᑲᐣ ᑕᔑᑫᐃᐧᓇᐣ ᑲᐱᐅᐣᑐᓭᐊᐧᐨ ᑲᐃᐧᑕᔑ ᓇᓇᑕᐁᐧᐣᒋᑫᐊᐧᐨ ᐊᐧᔕᐦᐅᐠ ᐊᐱ ᐃᒪ ᑕᔑᑫᐃᐧᓂᐠ ᑲᐅᒋᑎᐯᐣᑕᑯᓯᐊᐧᐨ ᐁᑭᑎᐸᒋᒧᐊᐧᐨ ᐁᑲ ᑲᐃᔑᓇᐦᐊᐸᐣᑕᒧᐊᐧᐨ ᐸᑲᐣ ᐊᐃᐧᔭᐠ ᑲᐸᐱᔕᓂᐨ ᑐᑲᐣ ᐁᐧᓴ ᐁᒥᔑᓄᐊᐧᐨ ᑲᑕᔑᐊᔕᐧᐦᐃᑫᐊᐧᐨ ᒥᓇ ᐁᑲ ᐁᑭᒋᓀᐣᑕᒧᐊᐧᐨ ᐊᐦᑭᓂ ᒥᓇ ᐁᑲ ᐁᑎᐸᐸᒪᐊᐧᐨ ᑯᑕᑭᔭᐣ ᑲᐱᓇᓇᑕᐁᐧᐣᒋᑫᐊᐧᐨ. ᐊᐣᑭᐢ ᒪᔪᐢ, ᐊᐧᔕᐦᐅ ᐅᓇᔓᐁᐧᐃᐧᓂᓂ, ᑭᐃᑭᑐ ᒣᑲᐧᐨ ᑲᑭᒪᒪᐃᐧ ᒪᐊᐧᒋᐦᐃᑐᐊᐧᐸᐣ ᐅᑕᔑᑫᐃᐧᓂᐠ ᓄᑯᒥᑫ ᑲᔭᐊᓂᐱᐳᓂᐠ, ᐊᑎᐟ ᐃᒪ ᑲᑭᐱᔕᐊᐧᐸᐣ ᒪᐊᐧᒋᐦᐃᑐᐃᐧᓂᐠ ᐅᑭᑲᓄᑕᓇᐊᐧ ᑫᑯᓇᐣ ᐁᑲ ᑲᐃᔑᓇᐦᐁᐣᑕᒥᐦᐃᑯᐊᐧᐨ ᐸᐸᑲᐣ ᑲᐱᐅᐣᑐᓭᐊᐧᐨ ᑲᐱᓇᓇᑕᐁᐧᒋᑫᐊᐧᐨ ᐅᑕᑭᒥᐊᐧᐠ. “ᐁᐡᑲᑦ ᑭᐱᐃᓯᓭ ᐁᑭᑭᐡᐳᓀᐱᐊᐧᐨ ᑭᐡᐱᐣ ᐁᑲ ᑲᐃᐧᒋᐃᐧᑯᐊᐧᐨ ᐅᑭᑭᓄᐦᐃᑫᐣ, ᐁᑲᐧ ᒥᓇ ᐃᓇᒋᒧᓇᓂᐊᐧᐣ ᐁᐅᔕᐦᐃᑫᐊᐧᐨ ᐃᒪ (ᐊᐧᔕᐦᐅᐃᐧᓂᓂᐊᐧᐠ ᑲᑕᔑᐊᔕᐦᐃᑫᓂᐨ),” ᒪᔪᐢ ᐃᑭᑐ, ᐁᑲᐧ ᒥᓇ ᑭᐃᑭᑐ ᐸᑲᐣ ᑲᐱᐅᐣᑐᓭᐊᐧᐨ ᐅᓇᓇᑕᐁᐧᐣᒋᑫᐠ

ᐁᑭᐸᐱᐊᐧᐨ ᑯᑕᑭᔭᐣ ᐅᑕᔕᐧᐦᐃᑲᓂᐠ. ᒪᐊᐧᐨ ᒥᓇ ᑭᓂᐱ ᑕᒋᐡᑯᑕᑎᓇᓂᐊᐧᐣ ᐯᔓᐨ ᓇᓀᐤ ᐦᐊᐟᓴᐣ ᐯ, ᒣᑲᐧᐨ ᐅᑎ ᒪᐊᐧᐨ ᐊᐱ ᐃᒪ ᐊᐧᔕᐦᐅ ᓯᐱᐠ ᑲᐊᓂᐸᑲᐧᐦᐊᐠ ᐅᓇᓇᑕᐁᐧᐣᒋᑫᐠ ᑲᐊᒋᔑᓄᐊᐧᐨ ᒋᑭᐊᔓᐡᑲᐊᐧᐨ. ᒥᑕᐡ ᐅᐁᐧ ᑲᑭ ᑭᒋᐊᓂᒧᒋᑲᑌᐠ ᑲᑭᒪᐊᐧᒋᐦᐃᑐᐊᐧᐸᐣ ᐃᑭᐁᐧᓂᐊᐧᐠ ᐊᑲᐧᒋᐠ ᑲᐱᐅᐣᑐᓭᐊᐧᐨ ᐅᓇᓇᑕᐁᐧᒋᑫᐠ ᐁᐊᐧᓂᐡᑫᐧᐱᑐᐊᐧᐨ ᐊᐧᔕᐦᐅᐃᐧ ᐱᑲᐧᑕᑭᓂ. “ᐃᐁᐧᓂ ᐯᔑᐠ ᑫᑯᓂ ᑲᑭ ᑭᒋᐊᓂᒧᑕᒧᐊᐧᐨ, ᒣᑲᐧᐨ ᐊᐱ ᑫᑲᐟ ᑲᐊᓂᐳᓇᑭᓱᐨ ᒪᑯᐱᓯᑦ (ᐅᑕᓇᐠ ᒥᓄᑲᒥᐠ), ᐃᑭᐁᐧᓂᐊᐧᐠ ᐊᑲᐧᒋᐠ ᑲᑭᐱᐅᐣᑐᓭᐊᐧᐨ ᐅᓇᓇᑕᐁᐧᐣᒋᑫᐠ ᐁᑭᐸᐸᐢᑭᓴᐧᐊᐧᐨ ᓂᐦᑲᐣ ᐊᔕ ᑲᑭᐊᓂᐅᐊᐧᐃᐧᓂᐨ,” ᐃᑭᑐ ᒪᔪᐢ. ᐁᑲᐧ ᒥᓇ ᑭᐃᓇᒋᒪᑲᓄᐊᐧᐠ ᑲᑭᐱᓇᓇᑕᐁᐧᐣᒋᑫᐊᐧᐨ ᐁᑭᐊᐧᓂᐡᑫᐧᐱᑐᐊᐨ ᓂᐦᑲᐠ ᑲᑭᐃᔑ ᐊᐧᓯᓱᓂᑫᐊᐧᐨ ᒥᓇ ᐊᐧᐊᐧᐣ ᑲᐃᔑᐊᑌᑭᐣ, ᐊᓇᐃᐧᐣ ᒪᔪᐢ ᑭᐃᑭᑐ ᐁᑲ ᐃᐧᑲ ᐁᑭᐅᐣᒋᐊᐧᐸᒪᐨ ᐊᐃᐧᔭᐣ ᐅᐁᐧ ᒋᑐᑕᒥᓂᐨ. ᐊᐧᔕᐦᐅᐠ ᑲᐅᐣᒋᐊᐧᐨ ᑲᓇᓇᑕᐁᐧᐣᒋᑫᐊᐧᐨ ᐅᐱᒥᓂᔕᐦᐊᓇᐊᐧ ᐁᐅᐣᒋ ᐊᔭᐧᑲᒥᓇᒧᐊᐧᐨ ᐁᑲ ᒋᒐᑭᐦᐊᐊᐧᐨ ᓂᐦᑲᐠ ᑫᒋᓇᐨ ᒥᓇᐊᐧ ᒋᐱᑭᐁᐧ ᑕᑕᑯᓭᐊᐧᐨ ᒥᓇ ᐃᒪ ᒋᐱᑕᔑ ᑭᐁᐧ ᓂᑕᐃᐧᑭᐦᐃᑎᐊᐧᐨ ᑕᓱᔭᑭ. “ᐊᑎᑲ ᐅᒪ ᑲᐱᑕᔐᐊᐧᐨ ᒥᓇᐊᐧ ᐱᑭᐁᐧᐡᑲᐊᐧᐠ,” ᐃᑭᑐ ᒪᔪᐢ. “ᓄᑯᑦ ᐅᐁᐧ ᑲᑭᓯᑲᐧᐠ ᐣᑭᓂᓴᐠ ᓂᐦᑲᐠ ᐱᐊᐧᐱᑯᓂ

ᑲᑭᑭᐣᑕᑯᑲᑌᐱᓱᐊᐧᐨ ᐅᒪ ᑌᑎᐸᐦᐃ ᑲᑭᐅᐣᒋᐦᐊᑲᐧ.” ᑭᐅᑲᐧᐱᐦᐃᑎᐊᐧᐠ ᑕᐡ ᐁᑭᐅᓀᐣᑕᒧᐊᐧᐨ ᐊᓂᐣ ᑫᑭᑐᑕᒧᐊᐧᐸᐣ ᒪᐡᑯᐨ ᐁᑲ ᒋᑭᐸᑭᑎᓂᑕᐧᐸᐣ ᒋᐱᔕᐊᐧᐨ ᐸᐸᑲᐣ ᑲᐱᐅᐣᑐᓭᐊᐧᐨ ᐅᓇᓇᑕᐁᐧᐣᒋᑫᐠ ᒋᐱᓄᒋ ᓂᐦᑫᐊᐧᐨ ᐃᒪ ᐅᑕᑭᒥᐊᐧᐠ. ᐊᐱ ᑕᐡ ᑲᑭᐃᐡᑲᐧ ᐊᓂᒧᑕᒪᑐᐊᐧᐨ, ᐊᒥ ᑲᑭᐃᔑ ᒪᒪᐃᐧ ᐅᓀᐣᑕᒧᐊᐧᐨ ᒥᐁᑕ ᐸᓂᒪ ᑭᐸᑭᑎᓂᑕᐧ ᐅᓇᓇᑕᐁᐧᐣᒋᑫᐠ ᒋᐃᔕᐊᐧᐨ ᒪᑯᐱᓯᑦ ᐃᐡᑲᐧ 3 ᐃᓇᑭᓱᓂᐨ. ᒪᔪᐢ ᑭᐃᑭᑐ ᐅᐁᐧᓂ ᑲᑭᐃᓇᒋᑫᐊᐧᐨ ᐃᒪ ᑕᔑᑫᐃᐧᓂᐠ ᑲᑲᐯᔑᐊᐧᐨ ᐱᓇᒪ ᐃᐧᓇᐊᐧ ᓂᐢᑕᑦ ᒋᔭᓂ ᓇᓂᓴᐊᐧᐨ ᑲᐱᑕᑕᑯᓭᐊᐧᐨ

ᒣᑲᐧᐨ ᐊᐱ ᓂᐦᑭᐱᓯᑦ 20 ᑲᐃᓇᑭᓱᓂᐨ. ᐁᑲᐧ ᐃᐧᐣ ᐃᑭᐁᐧᓂᐊᐧᐠ ᓂᐦᑫᓴᐠ ᒥᓇ ᐁᐧᐦᐁᐧᐠ ᐸᓂᒪ ᑲᐊᓂᐳᓇᑭᓱᓂᐨ ᓂᐦᑭᐱᓯᒧᐣ ᓇᐣᑕ ᑲᔭᓂᐅᐡᑲᑭᓱᓂᐨ ᒪᑯᐱᓯᒧᐣ ᐊᓂᔑᑕᑕᑯᓭᐊᐧᐠ. ᐁᑲᐧ ᒥᓇ ᑕᓇᑕᐁᐧᐣᑕᑯᓯᐊᐧᐠ ᐊᑲᐧᒋᐠ ᑲᐱᐅᐣᑐᓭᐊᐧᐨ ᐅᓇᓇᑕᐁᐧᐣᒋᑫᐠ ᒋᐃᐧᒋᐃᐧᑯᐊᐧᐨ ᐅᑭᑭᓄᐦᐃᑫᐣ, ᑭᐃᑭᑐ ᒪᔪᐢ ᒋᐅᒋ ᑲᓇᐁᐧᐣᒋᑫᐨ ᐁᑲ ᒥᓇᐊᐧ ᐊᐊᐧᔑᒣ ᐅᓄᐁᐧᓂᐊᐧᐣ ᑫᑯᓇᐣ ᒋᐃᓯᓭᑭᐣ ᐁᑲᐧ ᒥᓇ ᐁᑲ ᓇᐣᑕ ᒋᐃᔑᒪᒋᓭᐊᐧᐨ. ᐅᑭᐅᔑᑐᓇᐊᐧ ᑕᐡ ᐅᒪᓯᓇᐦᐃᑲᓂᐊᐧ ᐊᓇᐱ ᐃᐁᐧ ᑫᐃᔑᐸᑭᑎᓂᑲᑌᐠ ᓇᓇᑕᐁᐧᐣᒋᑫᐃᐧᐣ ᐁᑲᐧ ᐅᑭᐃᔑᓂᔕᐦᐊᓇᐊᐧ

ᐯᔓᐨ ᑕᔑᑫᐃᐧᓇᐣ ᑲᐊᔭᑭᐣ. ᒪᔪᐢ ᑭᐃᑭᑐ ᐅᑯᐁᐧᓂᐊᐧᐠ ᐅᓇᓇᑕᐁᐧᐣᒋᑫᐠ ᑲᑭᐱᓂᑕ ᐅᑐᓭᐊᐧᐨ ᐃᐡᑯᓂᑲᓇᐣ ᑲᓴᐸᓇᑲᐠ, ᑭᒋᓇᒣᑯᓯᑊ ᐃᓂᓂᐊᐧᐠ, ᐊᐧᐃᐧᔦᑲᒪᐠ, ᐊᒋᑯᓴᑲᐃᑲᓂᐠ ᐁᑲᐧ ᒥᓇ ᐊᐧᓇᒪᐣᓴᑲᐃᑲᓂᐠ. ᐁᑲᐧ ᒥᓇ ᐁᑲ ᒋᐅᒋ ᒥᑯᐡᑲᒋᒋᑲᑌᑭᐣ ᑲᐃᔑᐊᐧᓂᓱᓂᑫᐊᐧᐨ ᒥᓇ ᐊᐧᐊᐧᐣ, ᒪᔪᐢ ᑭᐃᑭᑐ ᐅᑭᐅᓇᑐᓇᐊᐧ ᑫᐱᒥᓂᔕᐦᐃᑲᑌᓂᐠ ᐁᑲ ᒋᐸᐸᐢᑭᓴᐧᐊᐧᐠ ᓂᐦᑲᐠ ᑲᓇᓂᔓᓭᐊᐧᐨ ᒋᐅᒋ ᒪᓇᒋᐦᐃᐣᑕᐧ ᒋᐊᓂ ᐊᐧᓯᓱᓂᑫᐊᐧᐨ ᒥᓇ ᒋᐊᓂᐊᔭᐊᐧᐨ ᐅᓂᐦᑫᓯᒥᐊᐧ. “ᐁᑯᑲᓄᑫᔭᐣ, ᒥᐦᐅᐁᐧ ᓂᐣ ᑲᐱᔑᑭᑭᓄᐦᐊᒪᑯᔭᐣ ᒋᑐᑕᒪᐣ, ᒥᑕᐡ ᐃᑯ ᐁᓀᐣᑕᒪᐣ ᑫᐃᐧᓇᐊᐧ ᑲᑭᓇ ᐊᐃᐧᔭᐠ ᐯᔑᑲᐧᐣ ᐁᑐᑕᒧᐊᐧᑫᐧᐣ,” ᐃᑭᑐ ᒪᔪᐢ. ᒣᑲᐧᐨ ᑲᐊᓂᓯᑲᐧᓂᐠ ᑲᓄᒋᐦᐊᐊᐧᐨ ᓂᐦᑲᐣ ᒪᐊᐧᐨ ᐅᑭᒋᓀᐣᑕᓇᐊᐧ ᐃᒪ ᐊᐧᔕᐦᐅᐠ ᑲᑲᐯᔑᐊᐧᐨ. ᒥᐦᐃᒪ ᑲᔦ ᐁᐅᐣᒋ ᐃᐧᒋᐦᐃᑎᓱᐊᐧᐨ ᑲᒪᐊᐧᒋᐦᐊᐊᐧᐨ ᓂᐦᑲᐣ ᐁᐧᓴ ᑲᐃᐡᐸᑭᐣᑌᐠ ᒥᒋᑦ ᐅᑕᑕᐁᐧᐃᐧᑲᒥᑯᐊᐧ. ᒥᐱᑯ ᐅᐁᐧ ᑲᔭᐡ ᑲᑭᐱ ᐅᐣᒋᐊᓂᑫᑐᑕᒧᐊᐧᐨ ᑭᔭᐱᐨ ᑲᐱᒥᓂᔕᐦᐊᒧᐊᐧᐨ ᐅᒪᐡᑭᑯᐠ ᑲᑲᐯᔑᐊᐧᐨ ᐊᐧᔕᐦᐅᐠ. “ᑲᐱᐅᐱᑭᔭᐣ, ᒥᐁᑕ ᐅᐁᐧ ᐁᑲᓄᑫᔭᐣ ᐁᐃᓇᐣᒋᑫᔭᐣ - ᑫᑯᓇᐣ ᑲᑭᐅᐣᑎᓇᒪᐠ ᐱᑲᐧᑕᑲᒥᑲᐠ,” ᐃᑭᑐ ᒪᔪᐢ. “ᒥᐦᐅᐁᐧ ᓂᓇᐃᐧᐟ ᐁᔑᓇᑲᐧᐠ ᓂᐱᒪᑎᓯᐃᐧᓂᓇᐣ ᑲᐱᒥᓂᔕᐦᐊᒪᐠ.”


Turn static files into dynamic content formats.

Create a flipbook
Issuu converts static files into: digital portfolios, online yearbooks, online catalogs, digital photo albums and more. Sign up and create your flipbook.