Ipurangi mo te Kainga
Kua auroa ake ngā hononga ipurangi ki te 30 Pipiri 2023.
He koanga ngākau te whakamōhio atu ki a koe kua auroa tō hononga ipurangi KOREUTU ki te 30 Pipiri 2023. Heoi anō tāu, he whakamahi tonu hei taonga akoako.
Ki te hiahia whakamahi tonu koe i tēnei hononga, tēnā, whakamōhio mai mā te pātuhi i te YES ki 8950, mā te karapa rānei i te waehere QR me te tāuru mai i ō taipitopito.
Kia kaha te whakamahi i tō hononga
Ko tō mātou hiahia kia whiwhi koutou ko tō whānau i ngā hua katoa mai i tō hononga nā te pūtea a Te Tāhuhu. Ki te hiahia āwhina koe, tēnā, whakapā mai ki te Whānau Tech Helpline i 0800 441 844.
Mehemea he pouwhanga tāu mai i Te Tāhuhu, ā, kāore anō hoki koe kia honoa mai, ehara i te mea he tōmuri rawa kia hono mai ki te ipurangi.
Whakaū i ō taipitopito whakapā
Kia mātua whakarite he tika ō kōrero, ka whakapā atu te Tīma Digital Equity o Te Tāhuhu hei te tau e tū mai nei ki te whakaū i ō taipitopito. Mehemea kua rerekē ō taipitopito, tēnā whakamōhio mai mā te tuku īmēra ki support@edos.kiwi, mā te waea mai rānei ki 0800 441 844 me te whakamōhio mai ki tō mātou tīma.
Kua honoa kē? Kāore i te hiahiatia?
Mehemea kāore koe i te whakamahi i tō pouwhanga, tēnā, whakahokia mai mā te waea mai ki 0800 441 844, mā te pātuhi mai rānei i te NO ki 8950.
Mehemea kua oti kē i a koe te whakahoki mai i te pouwhanga, hei aha tēnei reta.
Hei te pikinga ake o te tau e tū mai nei tuku pānui atu anō ai mātou mō ngā kōwhiringa e pā ana ki te hononga tonutanga mai hei muri i te mutunga o te ratonga ā te 30 Pipiri 2023.
Ngā manaakitanga. Te Tāhuhu o Te Mātauranga me Edos