14 april 2015 , pag. 26
ACHTERGROND 150 PSAALMS VRIJ Marten van Dijken, aanpeerdjeder bie Liudgerstichten, het hom noa vertoalen van Biebel en Kienderbiebel der tou zet ‘150 psalmen vrij’ van Huub Oosterhuis om te toalen.
Marten van Dijken.
FOTO DUNCAN WIJTING
Dij schrouw schrou rakt joe FRÉ SCHREIBER
I
en 1962 begunde priester-dichter Huub Oosterhuis mit t vertoalen van psaalms. Nait ien t Grunnegers vanzulf, aal kwammen zien veurollen oet Oethoezen en studaaierde Oosterhuis van 1958 tot 1961 aan Rieksuniversiteit ien Stad. Hai het wel ais zegd dat dij drij joar ien Grunnen, gelukkigste joaren van zien leven wazzen. Sikkom elkenain kent wel n laid van Huub Oosterhuis, oet t Nije Laidbouk of aans woaraangens van. Ien 1962 begunde hai mit t vertoalen van psaalms oet Biebel. t Duurde sikkom 50 joar eer e ale 150 psaalms kloar haar en hai nuimde dij bundel: 150 psalmen vrij. Dus nait letterliek vertoald mor aal ien gaist van oldtestementiese praalmist ien toal en beelden van distied. Op dizze menaaier zet Oosterhuis onhaail, maddeln, verinnewaaiern ien t heden. Marten van Dijken, aanpeerdjeder bie Liudgerstichten, dij heur dounde holdt mit kristelke zoaken ien t Grunnegers, zo as vertoalen van Biebel, psaalms en gezangen, Grunne-
Dat bedenk je nait onder thee mit aal dij stoere beelden en woorden
ger dainsten en zuks meer, het hom noa vertoalen van Biebel en Kienderbiebel der tou zet ook dij psaalms vrij van Huub Oosterhuis om te toalen. Dat bedenk je nait onder thee mit aal dij stoere beelden en woorden. As je der ien t Nederlands aal stief bie noadenken mouten, mout je t din ien t Grunnegers zo smui moaken dat je t lopiesweg tou joe nemen kinnen? En din komt psaalm 116 vrij: Heur mien ziel ien vlammen, dij joe vlukt en vleemt, dovekwarrelgod, aalmachtege doofekkel, luster ie? Wat heur ie? Dij schrouw rakt joe, dwaars deur
ales hin. Dat willen wie ja wel oetbèlken as wie soavends t journaal zain. Bie n aantal psaalms ien dizze bundel staait tekst van Grunneger Biebel as spaigelbeeld der tegenover. Dizze psaalms bie psaalms binnen n krachtbron veur kerkgangers en nait kerkgangers. Wat opvaalt is, dat Oosterhuis je bruukt en van Dijken ie. Zien verkloaren: ,,Ien t Grunnens zeg wie nait zo gaauw ‘doe’ tegen ain dij boven ons staait of older is, den zeg we veul laiver ‘ie’.’’ Op zotterdagmirreg 25 pril komt Huub Oosterhuis noar Stad om t eerste eksemploar van ‘150 Psaalms vrij’ ien ontvangst te nemen. Dat is ien Lutherze Kerk ien Stad en t begunt om 15.30 uur. Rust vienden, n keers aansteken, tou joezulf kommen en din op oam psaalm 116 vrij lezen dij òflopt mit: Ik heb joe laif, dij mie tougenegen is, wil nooit meer ainzoam wezen, aan t leste tou. Der stoan nog 149 van dij jewailtjes meer ien. t Bouk is op aigenste 25 pril te koop veur 24,95 euro en noatied bie boukwinkel Riemer ien Stad.