1 minute read
Twee mans op Wolseley
Vermoor
WOLSELEY SAPD ondersoek twee moordsake nadat twee onbekende mans op die dorp vermoor is.
Advertisement
Die eerste moord is Sondag 26 Februarie omstreeks 09:00 aangemeld nadat ‘n bakkie ‘n onbekende man wat verskeie kere in sy maag en rug gesteek is, by die polisiestasie afgelaai het. ‘n Ambulans is ontbied wat die erg beseerde man na Ceres hospitaal geneem het.
Die man het later aan sy beserings beswyk.
Skaars ‘n uur en ‘n half later is die tweede moord in Pine Valley woonbuurt aangemeld.
Omstreeks 10:45 het die polisie ‘n oproep ontvang waar ‘n man erg aangerand is tydens ‘n boendoehof-voorval.
Met die polisie se aankoms op die toneel het hulle ‘n onbekende man aangetref wat erg oor die kop geslaan is met verskeie oop wonde. ‘n Ambulans is ontbied wat die beseerde man na Ceres hospitaal geneem het.
Hy het ook later aan sy beserings beswyk.
Ondersoek
Wolseley SAPD ondersoek beide moorde en indien daar iemand is met meer inligting oor enigeen van die twee voorvalle, kan hulle vir kapt. Faroa skakel by (023) 2318000
Statistieke
Die derde kwartaal se misdaadstatistieke is op 17 Februarie bekend gemaak.
Tussen 1 Oktober en 31 Desember 2022 is daar 1198 moorde in die Wes-Kaap gepleeg.
Dit is 13.4% meer as die ooreenstemmende periode in 2021. WesKaap het 8 polisiestasies (moorde aangemeld) in die top 30. Geen plaasmoorde is in die Wes-Kaap aangemeld nie.
CERES FRUIT GROWERS (EDMS) BPK.
OPWINDENDE LOOPBAANGELEENTHEID CERES, WES-KAAP
Ceres Fruit Growers (Edms) Bpk, een van die leidinggewende vrugte-, verpakking- en bemarkingsmaatskappye in SA, benodig ‘n energieke en professionele persoon in die volgende betrekking by sy Ceres aanleg. Kandidate wie voldoen aan die onderstaande minimum vereistes word uitgenooi om aansoek te doen vir die onderstaande vakature:
ONTVANGSKLERK: SEKURITEIT
Kwalifikasies: • Minimum Graad 12
Vaardighede: • Doeltreffende kommunikasievaardighede in Afrikaans en Engels
• Akkuraatheid / “Attention to detail”
• Goeie mensevaardighede organiseringsvermoë • Self-gedissiplineerd • Professionele voorkoms.
