26
Il-Ħadd 28 ta’ Frar, 2016
internazzjonali Servizz tal-Aid to the Church in Need (Malta) – info@acnmalta.org
Is-Sirja
Bumbardamenti kontinwi L-Isqof Georges Abou Khazen, il-Vigarju Appostoliku ta’ Aleppo, qal lill-Fondazzjoni Aid to the Church in Need (ACN) li l-parti l-kbira tal-belt – li għaddejja minn bumbardament kontinwu – ilha nieqsa mill-provvista tal-elettriku għal ħames xhur u, bħalissa, lanqas għandhom ilma. Hu qal li “għall-aħħar għoxrin ġurnata ninsabu bbumbardjati kważi kuljum, qed jitkissru ħafna djar, ħafna appartamenti u qed jikkawżaw ħafna mwiet. Kuljum qed jinqatlu erbgħa jew ħamsa minn nies. Kultant jinqatlu għaxra minn nies”, sostna l-Vigarju Appostoliku ta’ Aleppo. “Il-knejjes tagħna kważi kollha ġarrbu ħsarat u wħud minnhom sfaw kompletament imkissra”, issokta. Hu qal li “ftit ġranet ilu l-Knisja Protestanta Arjana ġarrbet ħsara kbira u ħamest ijiem ilu l-Knisja Kattolika tagħna ġarrbet ukoll ħsara flimkien maċċentru pastorali”. L-Isqof Khazen iddeskriva kemm dawn il-bumbardamenti qed jaffettwaw lil dawk li għadhom qed jgħixu fil-belt
t’Aleppo. Hu qal: “in-nies verament imbeżżgħa. Huma qed jittamaw li dawn jieqfu”. Hu żied li student, tfajjel żagħżugħ ta’ xi 13-il sena, “staqsieni ‘għalfejn għandi nistudja? Jien se mmut’, biex tifhmu l-iskala terribbli li ninsabu fiha”. Hu tenna li “kuljum in-nies qed jitilqu mill-belt. Mindu beda l-kunflitt diġá telqu 70 fil-mija tan-nies tal-belt”. L-Isqof Khazen jittama li l-ġlied jieqaf imma hemm ħafna u ħafna gruppi affiljati ma’ Al Quaidi u l-ISIS li jaħsbuha xort’oħra. “Ir-Russja u oħrajn qed jinnegozjaw u ħafna Sirjani jixtiequ li dawn in-negozjati jirnexxu b’suċċess. Imma, kif tafu, għandna eluf ta’ ġellieda barranin f’pajjiżna”. Il-Komunitajiet Kristjani f’Aleppo għadhom bit-tama. “Għandna t-tama – ittama għalina hi bħall-fidi u l-karità – ma nistgħux ngħixu mingħajr tama. Alla hu omnipotenti, Alla hu missierna u ftakru kif Alla salva l-poplu fit-Testment il-Qadim. Dan hu dak li aħna qed nittamaw ukoll. Itolbu, itolbu għalina”, temm il-Vigarju Appostoliku ta’ Aleppo.
21 martri maqtula mill-ISIS
Kristjani madwar id-dinja jfakkru dan l-anniversarju Ħafna Kristjani minn madwar id-dinja l-ġimgħa li għaddiet fakkru l-għoxrin Kristjan Kopt Eġizzjan u lil Jemaal Rahman, Musulman li tgħammed u sar Kristjan fil-ħabs daqskemm impressjonatu l-Fidi ta’ sħabu. Dawn inqatlu minn militanti tal-Istat Islamiku sena ilu. Il-Kopti nħatfu f’inċidenti separati fil-Libja matul Diċembru 2014 u Jannar 2015. Id-dinja kollha kienet ixxukkjata meta rat il-video imxandar mill-ISIS fi Frar 2015 intitolat “Messaġġ iffirmat bid-demm għannazzjon tas-Salib”. Dan il-video juri lill-Kristjani għarkupptejhom imlibbsin jumpsuits oranġjo qabel l-eżekuzzjoni, hekk kif ilĠiħadisti bdew jippreparaw biex jaqtgħulhom rashom. F’servizz ta’ kommemorazzjoni fil-Palazz ta’ Westminster, Londra, l-Isqof Anba Angaelos, l-Isqof Ġenerali tal-Knisja Ortodossa Kopta, qal: “riżultat wieħed u rigal ta’
Mural li juri l-21 marti Kristjan maqtula mill-ISIS
dan l-att orribbli hu li jressaq lill-poplu flimkien”. Hu żied: “Dawn l-irġiel ħallsu l-ogħla prezz iżda tawna kawża u raġuni biex naqbżu għal dawk kollha ppersegwitati. Huma wkoll urewna li kien hemm livell ta’ ħażen li aħna kollha rridu nqumu b’solidarjetà kontrieh u livell ta’ kuraġġ u tjubija li aħna kollha għandna naspiraw lejh”. Bosta Isqfijiet u saċerdoti tal-Knisja Ortodossa Kopta kkommemoraw fil-liturġija l-imwiet tal-irġiel li jissejħu l-“Martri tal-Libja” għax
kienu maqtula speċifikament għall-fidi Kristjana tagħhom. Il-Patrijarka Kopt Ortodoss, Tawadros II, irreġistra uffiċjalment lil dawn il-21 raġel fisSynaxarium, il-ktieb talmartri tal-Knisja Kopta, u ddikjara li l-martirju tagħhom minn issa ’l quddiem jiġi ċċelebrat fil-15 ta’ Frar. L-Aid to the Church in Need (ACN) qed tgħin lill-familji ta’ dawn l-irġiel martri billi tħallas għalledukazzjoni tat-tfal tagħhom biex ikollhom futur dinjituż.
Is-Sudan
Arrestati żewġ pastors Kristjani oħra Rev. Telahoon (Telai) Rata u Rev. Hassan Abduraheem Kodi Taour ġew arrestati u qed jinżammu kontra r-rieda tagħhom f’post mhux magħruf minn aġenti tanNational Intelligence and Security Service (NISS) fisSudan. Billi l-ebda wieħed ma kien kapaċi jikkomunika mal-ħbieb tagħhom mindu ġew arrestati, hemm tħassib serju dwar il-kundizzjoni fiżika tagħhom u l-istatus legali. Għalkemm għaddew 45 jum (il-limitu t’arrest skont il-liġi tas-Sudan), l-ebda akkużi għadhom ma tressqu kontra l-irġiel iżda t-tnejn għadhom miżmuma. Sors lokali qal li Rev. Rata kien inizjalment meħud f’kustodja dwar “akkużi reliġjużi” iżda jaħsbu li hu issa se jkun akkużat bi spjunaġġ.
Is-Sudan għandu storja ta’ arresti ta’ Kristjani fuq akkużi fittizji. L-istess metodu ntuża sena ilu, fil-bidu tal-2015 millawtoritajiet Sudaniżi, meta arrestaw żewġ pastors Kristjani oħra, Rev. Yat Mikiel u Rev. Peter Yein Reith fuq akkużi fittizji ta’ spjunaġġ. Iż-żewġ pastors kienu eventwalment meħlusa wara tmien xhur fil-ħabs minħabba kampanja internazzjonali. Fl-2014, kien hemm każ terribbli ieħor, dak ta’ Meriam Ibrahim, Kristjana Sudaniża, li kienet ikkundannata għallmewt fuq allegazzjoni ta’ apostasija meta żżewġet Kristjan. Meriam kellha twelled fil-ħabs imma eventwalment inħelset wara kampanja internazzjonali biex isalvawha.